Webmail
E-Learning
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា

ទីស្នាក់ការកណ្តាល

កាកបាទក្រហមកម្ពុជា ប្រគល់អណ្តូងទឹក ជូនប្រជាពលរដ្ឋ នៅស្រុកជាំក្សាន្ត

នៅព្រឹកថ្ងៃទី ០១ ខែកក្កដា ឆ្នាំ២០១៦ នេះ ក្រុមការងារ​ស្រះនិងទឹកស្អាត​កាកបាទក្រហមកម្ពុជា ​ដឹកនាំដោយ​ ឯកឧត្តមវេជ្ជ. អ៊ុយ សំអាត ​នាយកនាយកដ្ឋាន​គ្រប់គ្រងគ្រោះមហន្តរាយ​ រួមជាមួយ​សាខាកាកបាទក្រហមកម្ពុជា​ ខេត្តព្រះវិហារ​ បានអញ្ជើញ​ចុះប្រគល់អណ្តូងទឹក​ប្រភេទអាហ្រ្វីដេស​ចំនួន ១៤ ជំហានទី២ ឆ្នាំ២០១៦​ ដែលមានលេខរៀង​ពី ១៣-១១២ ដល់ ១៣ -១២៥ ជម្រៅជាមធ្យម ២៧ ម៉ែត្រ កំពស់ទឹកជាមធ្យម ៦ ម៉ែត្រ ធាទឹកជាមធ្យម ៥ ម៉ែត្រគីប ដែលជាអំណោយ​ដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ប្រធាន​កាកបាទក្រហមកម្ពុជា​ ជូនប្រជាពលរដ្ឋ ៣២៩គ្រួសារ ​ស្មើនឹងមនុស្ស ១,៣៧២នាក់ រស់នៅភូមិទាំង ៦ នៃឃុំមរកត ស្រុកជាំក្សាន្ត ខេត្តព្រះវិហារ។

នាឱកាស​អបអរសាទរពិធី​ សម្ពោធសមិទ្ធផលថ្មីនេះ​ ឯកឧត្តមវេជ្ជ. បានមានប្រសាសន៍​ផ្តាំផ្ញើសួរសុខទុក្ខ ​និងក្តីនឹករលឹក​ពី សម្តេចកិត្តិព្រឹទ្ធបណ្ឌិត​ប្រធានកាកបាទក្រហមកម្ពុជា ​ដែលបានចាត់ឱ្យ​ក្រុមការងារ​ចុះភ្លាមៗ ដើម្បីដោះស្រាយ និងឆ្លើយតបទៅនឹង​សំណូមពរ​របស់ប្រជាពលរដ្ឋ​ដោយមិនឱ្យពួកគាត់រង់​ចាំយូរឡើយ។

ជាមួយនឹង​សមិទ្ធផលនេះដែរ ឯកឧត្តម បានសំណូមពរ​ដល់ប្រជាពលរដ្ឋ សូមចូលរួម​ចំណែក​ទាំងអស់គ្នា ថែរក្សាអណ្តូងនេះ ឱ្យបានគង់វង្ស​យូរអង្វែង ដើម្បីទុក​ទទួលទានផង។ ជាមួយគ្នានោះ ​ប្រជាពលរដ្ឋ​ចំនួន ១១៣នាក់ ដែលអញ្ជើញ​ចូលរួមក្នុង​ពិធីនេះ ទទួលបានអំណោយ​ក្នុងម្នាក់ៗ៖ សារុង១ ក្រមា១ ។

នៅក្នុងពិធីសំណេះសំណាល​នោះបងប្អូនប្រជាពលរដ្ឋ​បានថ្លែងអំណរគុណ​ដល់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលបានជួយ​ផ្តល់អណ្តូងទឹក ដល់ពួកគាត់ ពួក​គាត់ឈប់ពិបាក​ទៅយកទឹក​នៅឆ្ងាយដូច​ពេលមុនទៀតហើយ។

ជាមួយគ្នា​នោះផងដែរ ក្រុមការងារ​បាននាំយក​ធុងចំរោះទឹកផ្តល់​ជូនម្ចាស់ផ្ទះ​ដែលបានផ្តល់​ទីតាំងដាក់អណ្តូង​ចំនួន ២ ផ្តល់ជូនប៉ុស្ត៍​សុខភាព ១ សាលារៀន ១ នៅភូមិតេជោមរកត់ និងនៅ​មណ្ឌលសុខភាព ១ នៅភូមិសែន​តេជៈ ឋិតក្នុងឃុំមរកត។

 

អ្នកជំងឺទូទៅ កំពុងសម្រាកព្យាបាលនៅមន្ទីរពេទ្យព្រះកុសុមៈទទួលអំណោយពីកាកបាទក្រហមកម្ពុជា

 នៅព្រឹកថ្ងៃទី ២២ ខែ មិថុនា ឆ្នាំ ២០១៦ នេះ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ប្រធាន​កាកបាទក្រហមកម្ពុជា​ បានចាត់ឱ្យ​ក្រុមការងារ​ដឹកនាំដោយ​ លោកជំទាវ ម៉ែន នារីសោភ័គ ​អគ្គលេខាធិការរងទី ១​ កាកបាទក្រហមកម្ពុជា ​ចុះសួរសុខទុក្ខ​ និង​នាំយកអំណោយ​មនុស្សធម៌​ផ្តល់ជូនអ្នកជំងឺក្រីក្រ​ ស្ត្រីទើបសម្រាលកូន​ អ្នកជំងឺទូទៅ ​សរុបចំនួន ២២០នាក់​ ដែលកំពុង​សម្រាក​ព្យាបាលនៅ​មន្ទីរពេទ្យ​ព្រះកុសុមៈ​ (មន្ទីរពេទ្យព្រះសង្ឃ) រាជធានីភ្នំពេញ។

 

នាឱកាសនោះ​ លោកជំទាវ​អគ្គលេខាធិការរងទី ១​ បានពាំនាំ​ប្រសាសន៍​សួរសុខទុក្ខ​ពីសំណាក់ ​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលជានិច្ចកាល​គិតគូរ​ពីសុខុមាលភាព​របស់ប្រជាពលរដ្ឋ​ ពិសេស​ អ្នកជំងឺដែល​ជួបការលំបាក ​ដោយមិនរើសអើង ​មិនប្រកាន់និន្នាការ​នយោបាយអ្វីឡើយ។ ​ជាមួយគ្នានោះ​ លោកជំទាវ ក៏បានថ្លែងអំណរគុណ​ដល់ក្រុមគ្រូពេទ្យ​ដែលតែងតែ​យកចិត្តទុកដាក់ព្យាបាល​អ្នកជំងឺ​ប្រកបដោយ​ក្រមសីលធម៌​ល្អ និងវិជ្ជាជីវៈត្រឹមត្រូវ ទោះបីជា​មានបញ្ហាប្រឈម​យ៉ាងណាក៏ដោយ។​

 

លោកនាយករង​មន្ទីរពេទ្យព្រះកុសុមៈ​ តំណាងឱ្យក្រុម​គ្រូពេទ្យ​ និងអ្នកជំងឺ បានថ្លែងនូវអំណរអរគុណ​យ៉ាងជ្រាលជ្រៅ​ចំពោះ​ សម្តេចកិត្តិព្រឹទ្ធបណ្ឌិត​ ប្រធានកាកបាទក្រហមកម្ពុជា​ ដែលតែងតែ​មានទឹកចិត្ត​មនុស្សធម៌​ ប្រកបដោយក្តីស្រឡាញ់​ អាណិតអាសូរ ​ជួយដល់​ប្រជាពលរដ្ឋ ​និងអ្នកជំងឺ​ដែលស្នាក់នៅ​មន្ទីរពេទ្យនេះ​ជារៀងរាល់ឆ្នាំ​ ដូចពាក្យថាៈ​ “កាកបាទក្រហមកម្ពុជាមានគ្រប់ទីកន្លែង ​សម្រាប់គ្រប់ៗគ្នា”។

 

អំណោយ​មនុស្សធម៌​ដែលបាន​ផ្តល់ជូន​អ្នកជំងឺ​ទាំង ២២០នាក់ ក្នុងម្នាក់ៗទទួល​បាន ៖ មី ត្រីខ ទឹកដោះគោខាប់​ ស្ករស មុង ភួយ សារុង ក្រមា និងថវិកា ១០ម៉ឺនរៀល៕

 

ពិធីបំពាក់កន្សែងដល់យុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

កាលពីថ្ងៃទី២១ ខែមិថុនា ឆ្នាំ២០១៦ ​ឯកឧត្តម ពិត ចំណាន ​សមាជិក​គណៈកម្មាធិការ​កណ្តាល ​និង​ជាអនុប្រធាន​អចិន្ត្រៃយ៍​ក្រុមការងារ​ទ្រទ្រង់​សកម្មភាព​យុវជន ​និងអ្នកស្ម័គ្រចិត្ត​កាកបាទក្រហមកម្ពុជា​ បានអញ្ជើញ​ជាអធិបតី​ក្នុងពិធីបិទ​វគ្គបណ្ដុះបណ្ដាល​ជាមូលដ្ឋាន​លើកទី៦​ និង​បំពាក់កន្សែង​ដល់យុវជន​កាកបាទក្រហមកម្ពុជា​ ដែល​ជ្រើសរើស​ថ្មីចំនួន ១០០នាក់​ ប្រចាំ​សាកលវិទ្យាល័យ​ភូមិន្ទ​នីតិសាស្ត្រ ​និងវិទ្យាសាស្ត្រ​សេដ្ឋកិច្ច​ ដែលទទួល​វគ្គបណ្តុះបណ្តាល​រយៈពេលពីរថ្ងៃ​ គឺថ្ងៃទី ២០-២១ ខែមិថុនា ​ឆ្នាំ២០១៦។

នាឱកាសនោះ ឯកឧត្តម ពិត ចំណាន ​បានផ្តល់​អនុសាសន៍​ណែនាំ​សំខាន់​ចំនួន ៦ គឺៈ


១/ សូមរក្សា​សាមគ្គីភាព​ឱ្យបានជិតស្និទ្ធ ​រវាងប្រធាន​កិត្តិយស​ក្លឹប ទីប្រឹក្សា យុវជន និង​ក្មួយៗ​យុវជន​កាកបាទក្រហមកម្ពុជា ​ទាំងអស់។
២/ បន្ដពង្រឹង និងពង្រីកកម្លាំង​យុវជនកាកបាទក្រហមកម្ពុជា​ ឱ្យទៅជា​បណ្ដាញដ៍រឹងមាំ​ និង​ជាកត្ដាចលករ ​នៃសេវាកម្ម​មនុស្សធម៌ ​មាននិរន្ដរ៍ភាព​ និងប្រកបដោយ​ប្រសិទ្ធភាព។
៣/ បន្ដពង្រឹង ពង្រីក​សមាជិក លើកកម្ពស់​ការកៀរគររក​មូលនិធិ ឱ្យមានការ​ចូលរួម​ដោយស្ម័គ្រចិត្ដ។
៤/ បន្ដយកចិត្តទុកដាក់​ចំពោះសិស្ស និស្សិត ​និងយុវជន​កាកបាទក្រហមកម្ពុជា ​ដែលកំពុងសិក្សា​នៅក្នុងគ្រឹះស្ថាន​ឧត្តមសិក្សា
៥/ បន្តផ្ដល់ឱកាស ​និងលើកទឹកចិត្ត​ដល់សមាជិក​យុវជនដែលសកម្ម​នឹងការងារ​ទៅតាមលទ្ធភាព ​ដើម្បីឱ្យពួកគេ​មានឆន្ទៈបន្ដ​សកម្មភាពមនុស្សធម៌​នានាឱ្យបានកាន់តែ​ច្រើនថែមទៀត។
៦/ បន្តពង្រឹង​កិត្តិនាម​របស់កាកបាទក្រហមកម្ពុជា ​ដោយ​បំពេញការងារ​ស្របតាម​គោលការណ៍គ្រឹះ​ទាំង ៧ និងបំពេញការងារ​ឲ្យមាន​តុល្យភាព​ជាជំនួយការ​ឲ្យអាជ្ញាធរ​សាធារណៈ​ ក្នុងវិស័យ​មនុស្សធម៌៕

សិក្ខាសាលាប្រចាំឆ្នាំស្តីពី ការកសាងផែនការ និងទិសដៅការងារឆ្នាំបន្ទាប់

សិក្ខាសាលាប្រចាំឆ្នាំ​ស្តីពី ​ការកសាង​ផែនការ​ និងទិសដៅ​ការងារ​ឆ្នាំបន្ទាប់ ​ត្រូវបាន​បើកដំណើរ​ការដោយមាន​ការចូលរួម​ពីសំណាក់​ ឯកឧត្តម យូ ឡាណា​ អគ្គលេខាធិការរងទី២ ​កាកបាទ​ក្រហម​កម្ពុជា​នាព្រឹកថ្ងៃទី ២០ ខែមិថុនា ឆ្នាំ២០១៦ ​នៅទីស្នាក់ការ​កណ្តាល​កាកបាទក្រហមកម្ពុជា​ និងមាន​ការចូលរួម​មន្ត្រីសាខា​កាកបាទក្រហមកម្ពុជា​ទាំង ២២ រាជធានី-ខេត្ត ព្រមទាំង ប្រតិភូ អាយ.ស៊ី.អរ.ស៊ី សរុបចំនួន ២៨នាក់។ គោលបំណង​របស់​សិក្ខាសាលានេះ គឺ

 

១- ស្វែងរក​ចំណុចខ្លាំង និងចំណុចខ្សោយ​ក្នុងការអនុវត្ត​សកម្មភាព​ការងារ​ស្តារទំនាក់ទំនង​គ្រួសារ

 

២-ពង្រីកសកម្មភាព​ការងារដល់អ្នកស្ម័គ្រចិត្ត​តាមរយៈការ​ចុះផ្សព្វផ្សាយ​នៅតាមសហគមន៍

 

៣-បង្កើនការងារ​ស្រាវជ្រាវ​រកគ្រួសារ និង​ការបាត់ខ្លួន​ដោយការ​ធ្វើ​ចំណាកស្រុក

កាកបាទក្រហមកម្ពុជាបើកកិច្ចប្រជុំសម្របសម្រួលជាមួយដៃគូ

នាព្រឹកថ្ងៃទី ២០ ខែមិថុនា ឆ្នាំ២០១៦ នៅទីស្នាក់ការ​កណ្តាល​កាកបាទក្រហមកម្ពុជា ​មាន​បើក​កិច្ចប្រជុំ​សម្រប​សម្រួល​ជាមួយ​ដៃគូ​របស់​ចលនា​ ដឹកនាំដោយ​ លោកជំទាវ ពុំ ចន្ទីនី​ អគ្គលេខាធិការ​ និងមាន​ការចូលរួម​ពី លោកជំទាវ អគ្គលេខាធិការរងទី១​ ឯកឧត្តម​អគ្គលេខាធិការរងទី២ ​នាយក នាយករង នាយិកា នាយិការង និង​មន្ត្រីនៃនាយកដ្ឋាន​ទាំង៥ ព្រមទាំង​កាកបាទក្រហម​ជាដៃគូ ក្នុងនោះមាន​ សហព័ន្ធអន្តរជាតិ អាយ.ស៊ី.អរ.ស៊ី​ កាកបាទក្រហម​អូស្ត្រាលី កាកបាទក្រហម​ហ្វាំងឡង់ កាកបាទក្រហម​ស្វីស សរុបចំនួន ២៤នាក់។

 

កិច្ចប្រជុំនេះ​មានគោលបំណងក្តាប់ របាយការណ៍​សកម្មភាព​របស់​កាកបាទក្រហមកម្ពុជា ២០១៦ ​និងផែនកា​រសម្រាប់​អនុវត្តបន្ត  និងរបាយការណ៍​សកម្មភាព​របស់ដៃគូ ២០១៦ និងផែនការ​សម្រាប់​អនុវត្ត​បន្ត និងការងារ​ផ្សេងៗមួយចំនួន។

Fist Prev 66 67 68 69 70 Next Last