Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

ប្រជាជនរងគ្រោះដោយអគ្គីភ័យទទួលអំណោយពីសាខាកាកបាទក្រហមកម្ពុជាខេត្តព្រះសីហនុ

ខេត្តព្រះសីហនុ ៖ នៅព្រឹកថ្ងៃទី ៦ ខែមករា ឆ្នាំ២០១៧ ឯកឧត្តម លូ គីមឈន់ ប្រធានគណះកម្មាធិការសាខា រួមដំណើរជាមួយក្រុមប្រតិបត្តសាខា អនុសាខា បានចុះសួរសុខទុក្ខ និងនាំអំណោយមនុស្សធម៌ជូនប្រជាជានរងគ្រោះដោយអគ្គីភ័យ ចំនួន ៥គ្រួសារ នៅអូរត្រេះថ្មី ភូមិ ៦ សង្កាត់លេខ ៤ ក្រុងព្រះសីហនុ ។

 

នាឱកាសនោះ ឯកឧត្តម បានមានប្រសាសន៍ផ្តាំផ្ញើសួរសុខទុក្ខ និងក្តីនឹករលឹកពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចកាលយកចិត្តទុកដាក់ និងផ្តល់ក្តីអាណិត ស្រឡាញ់ ចំពោះប្រជាពលរដ្ឋរងគ្រោះ និងងាយរងគ្រោះគ្រប់ប្រភេទ គ្រប់ពេលវេលា ទីកន្លែង គ្រប់ស្រទាប់វណ្ណៈ ដោយពុំមានប្រកាន់ពូជសាសន៍ ឬនិន្នាការនយោបាយអ្វីឡើយ។

 

អំណោយដែលបានផ្តល់ជូនក្នុងមួយគ្រួសាររួមមាន : អង្ករ ៥០ គីឡូក្រាម ឃីត ១ ( មុង ១ សារ៉ុង ១ ក្រមា ១ សារ៉ុង ១ សាប៊ូ ១កីឡូ ) តង់ ១ កន្ទេល ១ មី ១កេះ ទឹកស៊ីអ៊ីវ ៦ដប និងថវិកា ១០០.០០០ រៀល ។ SBR

 

ប្រជាជនមានជម្ងឺរំារ៉ៃ នៅភូមិត្របែក ទទួលអំណោយពី សាខាកាកបាទក្រហមកម្ពុជាខេត្តត្បូងឃ្មុំ

ខេត្តត្បូងឃ្មុំ ៖ ព្រឹកថ្ងៃទី ៥ ខែ មករា ឆ្នាំ ២០១៧ លោកហ៊ី សុវណ្ណ នាយក សាខាកាកបាទក្រហមកម្ពុជាខេត្តត្បូងឃ្មុំ និងក្រុមការងារ សាខា អនុសាខាស្រុកមេមត់ បានចុះទៅសួរសុខទុក្ខ និងនាំយកអំណោយមនុស្សធម៌ ចែកជូនជនរងគ្រោះ ២ គ្រួសារ ស្លាប់ដោយបំផ្ទុះគ្រាប់បែក និង ១ គ្រួសារក្រីក្រនិងមានជម្ងឺរំារ៉ៃ នៅភូមិត្របែក ឃុំមេមត់ ស្រុកមេមត់។

 

ក្នុងឱកាសនោះ លោកនាយកសាខា បានមានមតិសំណេះសំណាលទៅកាន់បងប្អូនដោយបានពាំនាំនូវការនឹករលឹកនិងការយកចិត្តទុកដាក់របស់ឯកឧត្តមប្រធានគណ:កម្មាធិការសាខានិងសំដែងនូវការសោកស្តាយចំពោះការគ្រោះថ្នាក់ដែលបានបណ្តាលឲ្យបាត់បង់ជីវិត ។

 

អំណោយដែលបានចែកជូនក្នុង១គ្រួសារៗរួមមាន : អង្ករ ២៥ គីឡូក្រាម ទឹកត្រី ០១ យួរ ទឹកស៊ីអ៊ីវ ០១ យួរ ត្រីខ ១០. កំប៉ុង មី ០១ កេះ ទឹកសុទ្ធ ០១ កេះ និងថវិកាមួយចំនួន។

 

សាខាកាកបាទក្រហមកម្ពុជាខេត្តកំពង់ឆ្នាំងចែកអំណោយជនងាយរងគ្រោះនៅស្រុកសាមគ្គីមានជ័យ

ខេត្តកំពង់ឆ្នាំង ៖ កាលពីថ្ងៃទី ៣ ខែ មករា ឆ្នាំ២០១៧ លោកជំទាវ កែវ ច័ន្ទមុនី អនុប្រធាន​កិត្តិយស​សាខាខេត្តកំពង់ឆ្នាំង និងឯកឧត្តម អ៊ុន សំអុល ប្រធានគណៈកម្មាធិការសាខា រួមដំណើរដោយ សមាជិក សមាជិការគណៈកម្មាធិការសាខា ប្រធានអនុសាខា ក្រុមប្រតិបត្តិសាខា បានអញ្ជើញចុះ​សួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្ដេច​កិត្តិព្រឹទ្ធ​បណ្ឌិតជាប្រធាន ជូនដល់ជនចាស់ជរាគ្មានទីពឹង ស្ត្រីម៉េមាយកូនច្រើនក្នុងបន្ទុក ជនពិការ អ្នកផ្ទុក​មេរោគអេដស៏ និងជំងឺអេដស៏សរុបចំនួន ១០៧គ្រួសារ ស្ថិតនៅ៩ឃុំ ស្រុកសាមគ្គីមានជ័យ ខេត្តកំពង់ឆ្នាំង។

ក្នុងឱកាសនោះដែរ លោកជំទាវ បានពាំនាំនូវប្រសាសន៍ផ្ដាំផ្ញើសាកសួរសុខទុក្ខនិងក្ដីនឹករលឹក​ពីសំណាក់​​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្ដេចតែងតែគិតគូរសុខទុក្ខប្រជាពលរដ្ឋក្រីក្រ ដែលមានទុក្ខលំបាក ជនចាស់ជរាគ្មានទីពឹង ស្ត្រីម៉េមាយ ជនពិការ អ្នកផ្ទុកមេរោគអេដស៏ និងជំងឺអេដស៏ ជនរងគ្រោះ និងជនងាយរងគ្រោះ គ្រប់ប្រភេទ ដោយមិនប្រកាន់រើសអើង វណ្ណៈ ជាតិសាសន៍ ពណ៍សម្បុរ ឬនិន្នាការនយោបាយអ្វីឡើយ ដូចទិសស្លោកមួយពោលថា ទីណាមានទុក្ខលំបាក ទីនោះមានកាកបាទក្រហមកម្ពុជា។

អំណោយដែលផ្ដល់ជូនក្នុង ១គ្រួសារៗទទួលបាន៖ អង្ករ ៣០គីឡូក្រាម ត្រីខ ១០កំប៉ុង មី ១កេស មុង១ ភួយ១ ក្រមារ១ សារុង១ និងថវិកាចំនួន ២០,០០០រៀល៕

 

ប្រជាពលរដ្ឋរស់នៅជាមួយមេរោគអេដស៍ទទួលអំណោយពីសាខាកាកបាទក្រហមកម្ពុជា ខេត្តកណ្តាល

ខេត្តកណ្តាល ៖ នារសៀលថ្ងៃ ០៣ ខែ មករា ឆ្នាំ ២០១៧ ឯកឧត្តមបណ្ឌិត ម៉ៅ ភិរុណ ប្រធានកិត្តិយស សាខាកាកបាទក្រហមកម្ពុជា ខេត្តកណ្តាល បានធ្វើពិធីសំណេះសំណាល និងចែកអំណោយដល់ ប្រជាពលរដ្ឋរស់នៅជាមួយមេរោគអេដស៍មកពីភូមិចំនួន ១៤ ក្នុងឃុំ ៧ ទូទាំងស្រុកលើកដែក សរុបចំនួន ១១៩ នាក់ ស្រី ៧០ នាក់ កុមារ ១៣ នាក់ នៅបរិវេណសាលាស្រុកលើកដែក ខេត្តកណ្តាល ។

នាឱកាសនោះ ឯកឧត្តមបណ្ឌិត ក៍បានមានប្រសាសន៍ផ្តាំផ្ញើសួរសុខទុក្ខ និងក្តីនឹករលឹកពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចកាលយកចិត្តទុកដាក់ និងផ្តល់ក្តីអាណិត ស្រឡាញ់ ចំពោះប្រជាពលរដ្ឋរងគ្រោះ និងងាយរងគ្រោះគ្រប់ប្រភេទ គ្រប់ពេលវេលា ទីកន្លែង គ្រប់ស្រទាប់វណ្ណៈ ដោយពុំមានប្រកាន់ពូជសាសន៍ ឬនិន្នាការនយោបាយអ្វីឡើយ។

អំណោយដែលបានចែក ជូនក្នុងម្នាក់ៗទទួលបានមាន អង្ករ ២៥ គីឡូក្រាម មី ១ កេស ត្រីខ ១ យួរ ទឹកសុទ្ធអង្គរពូរ៉ូ ១ កេស និងថវិកា ចំនួន ៦ ម៉ឺនរៀល ។

 

ចាស់ជរាពិការនិងប្រជាពលរដ្ឋក្រីក្រទទួលអំណោយពី សាខាកាកបាទក្រហមកម្ពុជា ខេត្តបាត់ដំបង

ខេត្តបាត់ដំបង៖ នារសៀលថ្ងៃទី​៤ខែ​ មករាឆ្នាំ ២០១៧ នេះ ឯកឧត្តមបណ្ឌិត ប៊ុត គឹមស៊ាន ប្រធាន​គណៈកម្មាធិការសាខាកាកបាទក្រហមកម្ពុជា ខេត្តបាត់ដំបង និងសហការី បានចុះ​សំណេះ​សំណាល​សាកសួរសុខទុក្ខ​ និងនាំយកអំណោយមនុស្សធម៌ទៅចែកជូនដល់ ជនចាស់ជរា ជនពិការ និងប្រជា​ពលរដ្ឋក្រីក្រចំនួន២២គ្រួសាររស់នៅភូមិនិគមក្នុងឃុំជ្រោយស្តៅ ស្រុកថ្មគោល ខេត្តបាត់ដំបង ។

ថ្លែងក្នុងឱកាសនោះ ឯកឧត្តមបណ្ឌិត បានលើកឡើងពីការយកចិត្តទុកដាក់គិតគូរខ្ពស់ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា​ ចំពោះសុខទុក្ខប្រជាពលរដ្ឋ យើងជាទូទៅ​ ជាពិសេសអ្នកដែលរងគ្រោះ​ និងងាយរងគ្រោះគ្រប់ប្រភេទ​ ដោយមិនប្រកាន់ពីនិន្នាការ នយោបាយ ជាតិសាសន៍​ សាសនា វណ្ណៈ​ ពណ៌សម្បុរអ្វីទាំងអស់​ ។ 


ឯកឧត្តមក៏សូមឲ្យបងប្អូនប្រជាពលរដ្ឋទាំងអស់យកចិត្តទុកដាក់ពីសុខភាពរក្សាឲ្យបាននូវអនាម័យទាំងការរស់នៅ​ និងការហូបចុក​ដើម្បី ចៀសវាង ពីជម្ងឺដង្កាត់ផ្សេងៗមកបៀតបៀន​ ព្រមទាំងសូម ឲ្យបងប្អូន ដែលរស់នៅមូលដ្ឋានជាមួយគ្នា​ ត្រូវមានការសាមគ្គីគ្នា​ ចេះជួយទុក្ខធុរៈគ្នាទៅវិញទៅមក និងចៀសវាង ឲ្យឆ្ងាយពីអំពើអសកម្មនានាដែលសង្គមជាតិស្អប់ខ្ពើម​ ដើម្បីឲ្យភូមិ-សង្កាត់យើងមានសុវត្ថិភាព​ និង រស់នៅ ប្រកបដោយភាពសុខដុមរមនា​ ។

អំណោយមនុស្សធម៌ដែលបានចែកជូនក្នុងមួយគ្រួសារៗទទួលបាន៖​ អង្ករ ២៥គីឡូក្រាម មុង១ ក្រមា១ មី ១០ កញ្ចប់ ត្រីខ ១០កំប៉ុង និងថវិកាចំនួន ១០,០០០រៀល ផងដែរ៕

Fist Prev 58 59 60 61 62 Next Last