Webmail
E-Learning
សាខាកាកបាទក្រហមកម្ពុជា

ស្វាយរៀង

ពិធីបិទវគ្គបំប៉នស្ដីពីជំនាញអនាម័យទឹកស្អាតក្នុងគ្រាអាសន្នដល់អ្នកស្ម័គ្រចិត្ត នៅសាខាកាកបាទក្រហមកម្ពុជា ខេត្តព្រះវិហារ

សាខាកក្រក​ខេត្តព្រះវិហារ៖នៅរសៀលថ្ងៃទី២៧ ខែ កុម្ភៈ ឆ្នាំ ២០១៩ នៅសា​ខាកាកបាទក្រហមកម្ពុជា ខេត្តព្រះវិហារ​ បានរៀបចំពិធី​បិទវគ្គបំប៉ន​ស្ដីពីជំនាញ​អនាម័យទឹកស្អាត​ក្នុងគ្រាអាសន្ន​ដល់អ្នកស្ម័គ្រចិត្តកាកបាទក្រហម​កម្ពុជា ដោយមានការ​ចូលរួមពីសំណាក់ លោកជំទាវ ចឹក ហេង ប្រធាន​គណៈកម្មាធិការសាខាកាកបាទ ក្រហម​កម្ពុជា ខេត្តព្រះវិហារ។


សិក្ខាកាមដែលបាន​មកចូលរៀន​ក្នុងវគ្គបំប៉ន​នាថ្ងៃនេះ​មានមន្ដ្រីសាខា អនុសាខា ប្រធាន​ក្រុមអ្នកស្ម័គ្រចិត្តនិង​អ្នកស្ម័គ្រចិត្ត​កាកបាទក្រហម កម្ពុជា​មកពីសង្កាត់​ចំនួន២ គឺសង្កាត់​កំពង់ប្រណាក ​និងសង្កាត់ប៉ាលហាល ស្ថិតក្នុង​ក្រុងព្រះវិហារ សរុបមានចំនួន២៥នាក់ ស្រី ២០នាក់។ វគ្គ នេះមានរយៈពេល ៣ថ្ងៃ គឺចាប់ថ្ងៃទី២៥ ដល់​ថ្ងៃទី២៧ ខែកុម្ភៈ ឆ្នាំ២០១៩ ដែលទទួលបានការឧបត្ថម្ភដោយកាកបាទ ក្រហមជប៉ុន តាមរយៈសហព័ន្ធអន្ដរជាតិ​ កាកបាទក្រហម អឌ្ឍចន្ទក្រហម (IFRC/JRCS) ។

កញ្ញា វិន ឌី មន្ត្រីអនាម័យ​ទឹកស្អាតក្នុងគ្រោះ​អាសន្នតំណាង​អោយសហភាព​សហព័ន្ធអន្ដរជាតិកាកបាទក្រហម អឌ្ឍ ចន្ទក្រហមតំបន់អាស៊ីប៉ាស៊ីហ្វិច ប្រចាំការិយាល័យនាទីក្រុងកូឡាឡាំពួ ប្រទេស ម៉ាសលេស៊ី បានឱ្យដឹងថា ការបើកវគ្គបំប៉ននេះធ្វើឡើង គឺដើម្បីបំពេញ បន្ថែមនូវចំណេះដឹង ស្ដីពីជំនាញអនាម័យទឹកស្អាត ជូន​ដល់សិក្ខា កាម​ទាំងអស់ ដើម្បីយក​ចំណេះដឹង​ទាំងនេះ ទៅដោះ ស្រាយ និង​ជួយសង្គ្រោះដល់​ជនរងគ្រោះ។

មានប្រសាសន៍​បិទវគ្គនាឱកាសនោះ លោក ជំទាវ ចឹក ហេង ប្រធានគណៈកម្មាធិការសាខា បានថ្លែងអំណរគុណ​ដល់កញ្ញា វិន ឌី ព្រម ទាំងគ្រូឧទ្ទេសដែល​បានចំណាយពេល​វេលាដ៏មានតម្លៃ ដើម្បីមកបើកវគ្គ​នាពេលនេះ។ លោកជំទាវ ក៏បាន​ផ្ដាំផ្ញើដល់សិក្ខាកាម​ថាត្រូវយក ចំណេះទាំងនេះ ផ្សព្វផ្សាយដល់ប្រជាពលរដ្ឋ​នៅក្នុងសហគមន៍ និង​ត្រៀមជួយទៅ​ដល់ជនដែលងាយ​រងគ្រោះ នៅពេល​ដែលមានគ្រោះ មហន្តរាយកើតឡើង ។

 

សាខាកក្រក ខេត្តព្រៃវែង សួរសុខទុក្ខ និងនាំយកអំណោយមនុស្សធម៌ផ្តល់ជូនជនពិការ

សាខាកក្រក ​ខេត្តព្រៃវែង៖ នៅថ្ងៃអង្គារ​ ៧រោច ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹង ថ្ងៃទី២៦ ខែកុម្ភៈ ឆ្នាំ២០១៩ ឯកឧត្តម​ឧកញ៉ា សុខ ផេង អនុប្រធាន​អចិន្ត្រៃយ៍​សាខាខេត្ត តំណាង ឯកឧត្តម ជា សុមេធី ប្រធានគណៈកម្មាធិការ​សាខាខេត្ត បានចុះសួរ​សុខទុក្ខ និងនាំយក​អំណោយមនុស្សធម៌​ផ្តល់ជូន​ជនពិការចំនួន ៤នាក់៖ 
១. លោកតា ប៊ុន ហ៊ីន ភេទប្រុស អាយុ ៧២ឆ្នាំ រស់នៅភូមិដូង ឃុំជ្រៃ ស្រុកកំពង់ត្របែក ខេត្តព្រៃវែង។
២. លោក ភុន កិ ភេទប្រុស អាយុ ២៣ឆ្នាំ រស់នៅ​ភូមិព្រៃ​អាស្ទាំង ឃុំអង្គររាជ​ ស្រុកព្រះស្តេច ខេត្តព្រៃវែង។
៣. លោកយាយ ហ៊ន ណារិន ភេទស្រី អាយុ ៧២ឆ្នាំ រស់នៅភូមិ២ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។
៤. កញ្ញា យ៉ុន បាក់ ភេទស្រី អាយុ ២២ឆ្នាំ រស់នៅភូមិ២ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។

នាឱកាសនោះ ឯកឧត្តម​ឧកញ៉ា បានពាំនាំ​នូវប្រសាសន៍ផ្តាំ​ផ្ញើសាកសួរសុខទុក្ខ​ ពីសំណាក់ ឯកឧត្ត ជា សុមេធី ប្រធាន​គណៈកម្មាធិការ​សាខាខេត្ត។ បន្ថែមពីនេះ ឯកឧត្តម​ឧកញ៉ា បានណែនាំ​អោយខិតខំថែរក្សាសុខភាព​អោយបានល្អ ត្រូវមាន​សង្ឃឹមក្នុងជីវិត និងត្រូវមាន​អនាម័យល្អ​ក្នុងការហូប​ប្រចាំថ្ងៃ។

សម្ភារៈដែលបាន​ផ្តល់ជូនរួមមាន ៖ រទេះជនពិការ១ កន្ថោ ១ អង្ករ ២៥ គ.ក មី ១កេស ត្រី ខ ១យួរ ឃីត ១កញ្ចប់(មុង ភួយ ក្រមា សារ៉ុង) និងថវិកាចំនួន ១០០,០០០រៀល។

 

សាខាកាកបាទក្រហមកម្ពុជា ខេត្តសៀមរាប សួរសុខទុក្ខ ស្ត្រីមានកូនតូច និងស្ត្រីមានផ្ទៃពោះ នៅក្នុងពន្ធនាគារ

សាខាកក្រក​ខេត្តសៀមរាប៖ នៅរសៀល​ថ្ងៃអង្គារ ៧រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹង​ថ្ងៃទី ២៦ ខែកុម្ភៈ ឆ្នាំ២០១៩ ​លោកជំទាវ ទាង អេង ទៀសីហា ​អនុប្រធាន​គណៈកម្មាធិការ​សាខាកាកបាទក្រហម​កម្ពុជា ខេត្តសៀមរាប តំណាង​ឯកឧត្តម ទៀ សីហា ប្រធាន​គណៈកម្មាធិការសាខា​ និងសហការីបានអញ្ជើញ​ចុះជួបសំណេះសំណាល ​សួរសុខទុក្ខ និងនាំយកអំណោយ​មនុស្សធម៌​ផ្ដល់ជូន ជនត្រូវចោទ ជនជាប់ចោទ​ និងពិរុទ្ធជន ជាស្ត្រីមាន​កូនតូចតាម និងស្ត្រីមាន​ផ្ទៃពោះ ចំនួន១៥នាក់ នៅក្នុងពន្ធនាគារ​ខេត្តសៀមរាប។

មានប្រសាសន៍​នាឱកាសនោះ លោក​ជំទាវអនុប្រធាន​គណៈកម្មាធិការសា​ខា បានលើកឡើងថាប្អូនៗ ដែលជាជន​ត្រូវចោទ ជនជាប់ចោទ និងពិរុទ្ធជន ជាស្ត្រីមាន​កូនតូចតាម និងស្ត្រីមាន​ផ្ទៃ ដែលមានវត្តមាននា​ពេលនេះ សូមចេះថែរក្សា​សុខភាពខ្លួនឯង និងកូនតូចៗ ម្យ៉ាងវិញ​ទៀតត្រូវគោរព​ឱ្យបានខ្ជាប់ខ្ជួននូវ​បទបញ្ជា​ក្នុងពន្ធនាគារ និង​ការណែនាំរបស់​អ្នកគ្រប់គ្រង ដើម្បីប្រែក្លាយខ្លួន​ជាពលរដ្ឋល្អពេលត្រឡប់ទៅ​សហគមន៍វិញ។ ហើយក្នុងគោលបំណង​លើកកម្ពស់ការ​យកចិត្តទុកដាក់​ចំពោះសុខភាពមាតា ទារក និងកុមារ និង​ដើម្បីអបអរសាទរ​ទិវាជាតិសុខភាព​មាតា ទារក និងកុមារ ​ពិសេសដើម្បីរួមចំណែកគាំទ្រ “ឥស្សរជនឆ្នើម​ថ្នាក់ជាតិ នៃផែនការ​សកម្មភាពរួមអគ្គលេខាធិការ​អង្គការសហប្រជាជាតិ ដើម្បី​សុខភាពស្ត្រី និងកុមារ” កាកបាទក្រហម​កម្ពុជា​ដែលមាន​សម្ដេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ជាប្រធាន តែងតែ​គិតគូរខ្ពស់​ចំពោះ​សុខភាព​បងប្អូនជាស្ដ្រី និងកុមារ។ លោកជំទាវក៏បានពាំនាំនូវសារសុខភាពរបស់​សម្ដេចកិត្តិព្រឹទ្ធបណ្ឌិត​ប្រធានជូនដល់មាតាៗរួមមាន៖
១- សូមឱ្យស្ត្រីមានគភ៌ទាំអស់ អញ្ជើញ​ទៅពិនិត្យសុខភាព ពិគ្រោះយោបល់​ជាមួយគ្រូពេទ្យឆ្មបជំនាញនៅមណ្ឌលសុខភាព ឬមន្ទីរពេទ្យដែលនៅ​ជិតផ្ទះតាមកាលកំណត់ ទទួលយក​សេវាបង្ការ ព្យាបាល ថែទាំទាំងអស់ឱ្យបានទៀងទាត់​តាមការណែនាំ​របស់គ្រូពេទ្យជំនាញ និងស្ម័គ្រចិត្ត​ធ្វើតេស្ដឈាមដើម្បីពិនិត្យស្ថានភាព​មេរោគអេដស៍ និងមេរោគស្វាយ​ ដើម្បីលុបបំបាត់ ពិការភាព និងការចម្លងជំងឺទាំងពីរនេះពីម្ដាយទៅកូន ។ 
២- សូមទៅសម្រាលកូន​នៅមណ្ឌលសុខភាព ឬមន្ទីរពេទ្យ ដែលមានគ្រូពេទ្យ​ឆ្មបជំនាញ បានទទួលការបណ្ដុះបណ្ដាលត្រឹមត្រូវ។ 
៣- សូមអញ្ជើញទៅពិនិត្យសុខភាពក្រោយពេលសម្រាលទាំងមាតា និងទារក និងទទួលថ្នាំបង្ការជំងឺ១១មុខ កាលកំណត់របស់គ្រូពេទ្យ។
៤- សូមបំបៅទារកដោយទឹកដោះម្ដាយតែមួយមុខគត់ ចាប់ពីពេលទារកប្រសូតភ្លាមរហូតដល់ទារកមានអាយុ៦ខែ និងផ្ដល់អាហារបន្ថែមគ្រប់មុខ គ្រប់ជីវភាព (បបរខាប់គ្រប់គ្រឿង) រួមជាមួយការបន្តបំបៅម្ដាយរហូតដល់កុមារមានអាយុយ៉ាងតិច ២ឆ្នាំ។
៥- សូមប្រញាប់យកទារកទៅមន្ទីរពេទ្យភា្លម នៅពេលឃើញសញ្ញាគ្រោះថ្នាក់ណាមួយនៃជំងឺរលាកផ្លូវដង្ហើម ជំងឺរាក ឬជំងឺឆ្លងដទៃទៀត និងយកទារក ឬកុមារតូចដែលមានរាងកាយស្គម ឬមិនឡើងទម្ងន់សោះ ទៅពិគ្រោះយោបល់ និងទទួលការព្យាបាលនៅមន្ទីរពេទ្យ ។

អំណោយមនុស្សធម៌ដែលបានផ្ដល់ជូន ម្នាក់ៗទទួលបាន៖ មុង១ ភួយ១ សារុង១ ក្រមា១ ទឹកដោះគោ៣កំប៉ុង ស្ករស១គីឡូក្រាម ត្រីខ១យួរ មី១កេស សាប៊ូក្រអូប ២ដុំ សម្ភារទារក១កញ្ចប់ និងថវិកាចំនួន ៥ម៉ឺនរៀលផងដែរ។

 

សាខាកាកបាទក្រហមកម្ពុជាខេត្តព្រះសីហនុ សួរសុខទុក្ខ ស្រ្តីទើបសម្រាល នៅមណ្ឌលសុខភាព ស្រុកព្រៃនប់

សាខាកក្រកខេត្តព្រះសីហនុ ៖ កាលពីព្រឹក​ថ្ងៃចន្ទ ៦រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៥ ខែ កុម្ភៈ ឆ្នាំ ២០១៩ សាខា​កាកបាទក្រហមកម្ពុជា​ខេត្តព្រះសីហនុ ដឹកនាំ​ដោយលោក សែជូ ​សិទ្ធិជោតិ សមាជិក​គណៈកម្មាធិការ​សាខា និងសហការី បានចុះ​សួរសុខទុក្ខ និងនាំយកអំណោយ​មនុស្សធម៌​របស់កាកបាទក្រហម​កម្ពុជា ជូនដល់ស្រ្តី​ទើបសម្រាល​កូន ចំនួន ១៥នាក់ នៅតាមមណ្ឌល​សុខភាព ក្នុងស្រុកព្រៃនប់ ​ខេត្តព្រះសីហនុ។

ក្នុងឱកាសនោះដែរ ​លោកសែជូ សិទ្ធិជោតិ បានពាំនាំ​មកនូវប្រសាសន៍ផ្តាំផ្ញើ​សួរសុខទុក្ខ​និងអនុសាសន៍របស់​សម្តេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ជូនបងប្អូន​ប្រជាពលរដ្ឋទាំងអស់ ដែលមាន​ខ្លឹមសារដូចតទៅ៖ 
១.សូមឱ្យស្ត្រីមានគភ៌​ទាំងអស់ អញ្ជើញ​ទៅពិនិត្យសុខភាព ពិគ្រោះយោបល់​ជាមួយគ្រូពេទ្យឆ្មប​ជំនាញនៅមណ្ឌលសុខភាព​ ឬមន្ទីរពេទ្យដែល​នៅជិតផ្ទះតាមកាល​កំណត់ទទួលយក​សេវាបង្ការ ព្យាបាលទាំងអស់ឱ្យបានទៀងទាត់​តាមការណែនាំ​របស់គ្រូពេទ្យជំនាញ​ និងស្ម័គ្រចិត្តធ្វើតេស្តឈាម​ដើម្បីពិនិត្យស្ថានភាព​មេរោគអេដស៍ និងមេរោគស្វាយ​ ដើម្បីលុបបំបាត់​ពិការភាព និងការចម្លង​ជំងឺទាំងពីរនេះ​ពីម្តាយទៅកូន
២.សូមទៅសម្រាល​កូននៅមណ្ឌល​សុខភាព ឬមន្ទីរពេទ្យ ដែលមាន​គ្រូពេទ្យឆ្មប​ជំនាញទទួលបាន​ការបណ្តុះបណ្តាលត្រឹមត្រូវ
៣.សូមអញ្ជើញទៅពិនិត្យសុខភាព​ក្រោយពេល​សម្រាលទាំងមាតា​ និងទារក និងទទួលថ្នាំបង្ការជំងឺ១១មុខ តាមការកំណត់របស់គ្រូពេទ្យ
៤.សូមបំបៅទារកដោយ​ទឹកដោះម្តាយ​តែមួយមុខគត់ចាប់ពី​ពេលទារក​ប្រសូតភ្លាម​រហូតដល់ទារកមានអាយុ៦ខែ និងផ្តល់អាហារ​បន្ថែមគ្រប់មុខ គ្រប់ជីវជាតិ (បបរខាប់គ្រប់គ្រឿង) រួមជាមួយ​ការបន្តបំបៅទឹកដោះម្តាយរហូតដល់​កុមារមាន​អាយុយ៉ាងតិច២ឆ្នាំ
៥.សូមប្រញាប់​យកទារក​ទៅមន្ទីរពេទ្យភ្លាម​នៅពេលឃើញ​សញ្ញាគ្រោះថ្នាក់ណា​មួយនៃជំងឺរលាកផ្លូវដង្ហើម ជំងឺរាក ឬជំងឺឆ្លងដទៃទៀត និងយកទារក ឬកុមារតូចដែលមានរាងកាយស្គម ឬមិនឡើងទម្ងន់សោះ ទៅពិគ្រោះយោបល់ និងទទួលការព្យាបាលនៅមន្ទីរពេទ្យ។

អំណោយដែល​បានផ្តល់​ជូនរួមមាន ៖ មុង១ ភួយ១ ក្រមា១ សារុង១ ថវិកាមួយចំនួន។
សម្រាប់ទារកមាន​ដូចជា ខោទឹកនោម ១ប្រអប់ កន្សែងធំ១ សាប៊ូកូនក្មេង ១ដប ម្សៅកូនក្មេង ១ដប ខោអាវ ៤កំប្លេ ស្រោមដៃ ស្រោមជើង ៤កំប្លេ និងប្រេងកូឡា ១ដប៕

ទិវាជាតិសុខភាពមាតា ទារក និងកុមារនៅខេត្តបាត់ដំបង

សាខាកក្រកខេត្តបាត់ដំបង ៖ នៅរសៀលថ្ងៃ៣រោច​ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២២ ខែកុម្ភៈ ឆ្នាំ២០១៩ ក្រុមការងារសាខា​កាកបាទក្រហម​កម្ពុជាខេត្តបាត់ដំបង ដឹកនាំដោយ ឯកត្តមបណ្ឌិត ប៊ុត គឹមស៊ាន ប្រធានគណៈកម្មា​ធិការសាខា និងសហការី បានអញ្ចើញចុះសួរសុខទុក្ខ និងនាំយក អំណោយមនុស្សធម៌​របស់សាខាកាកបាទក្រហម​កម្ពុជា ខេត្តបាត់ដំបង ជូនដល់ស្រ្តីទើបសម្រាលកូន និងមានផ្ទៃពោះ ចំនួន ១០ គ្រួសារ ស្ថិតនៅក្តុលសង្កាត់ក្តុលដូនទាវ​ ក្រុងបាត់ដំបង ។ក្នុងគោលបំណង​លើកកម្ពស់សុខភាពមាតា ទារក និងកុមារ ដើម្បីឈាន​ទៅសម្រេចគោលដៅ​សកលថ្មី ដែលរាជរដ្ឋាភិបាល​កម្ពុជា បានប្តេជ្ញា​នឹងធ្វើឲ្យបានគឺ​គោលដៅប្រកប​ដោយចីរភាពឆ្នាំ២០៣០ ។ ក្នុងឱកាសអបអរសាទរទិវាជាតិសុខភាពមាតា ទារក និងកុមារ ថ្ងៃទី២១ ខែ កុម្ភៈ ឆ្នាំ ២០១៩ ក្នុងនាមសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួមអគ្គលេ​ខាធិការអង្គការ​សហប្រជាជាតិ​ដើម្បីសុខភាពស្រ្តី និងកុមារ។ថ្លែងក្នុងពេលនោះដែរ ឯកឧត្តមប្រធាន​ បាននាំមកនូវ​ប្រសាសន៍ផ្តាំផ្ញើ​សួរសុខទុក្ខ និងក្តីនឹករលឹកពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលជានិច្ចកាល​សម្តេចតែងតែគិតគូរពីសុខទុក្ខរបស់​បងប្អូនប្រជាពលរដ្ឋ​ងាយរងគ្រោះ និងរងគ្រោះ​ដោយសារគ្រោះមហន្តរាយផ្សេងៗ ពិសេសស្រ្តី និងកុមារ ដោយ​មិនប្រកាន់វណ្ណៈ ពូជសាសន៍ ពណ៌សម្បុរឬ​និន្នាការនយោបាយ​អ្វីឡើយជាពិសេសស្រ្តីមានផ្ទៃពោះ។ ក្នុងឱកាសនោះដែរ​ឯកឧត្តមប្រធាន បានពាំនាំ​នូវអនុសាសន៌សំខាន់ៗ របស់សម្តេចកិត្តិព្រឹទ្ធបណ្ឌិត​ប្រធានជូនដល់បងប្អូន​ទាំងអស់ក្នុងឱកាស​ទិវាជាតិសុខភាពមាតា ទារក និងកុមារ ដោយសូម​ឱ្យស្រ្តីមានផ្ទៃពោះ ទាំងអស់ ប្រតិបត្តិតាមដូចតទៅរួមមាន៖
១- សូមឱ្យស្រ្តីមានគភ៌ទាំងអស់ អញ្ជើញទៅពិនិត្យ​សុខភាព ពិគ្រោះយោបល់​ជាមួយគ្រូពេ ទ្យឆ្មប ជំនាញនៅមណ្ឌល សុខភាព ឬមន្ទីរពេទ្យ​ដែលនៅជិតផ្ទះ​តាមកាលកំណត់ទទួលយក សេវាបង្ការ ព្យាបាល​ទាំងអស់ឱ្យបានទៀងទាត់​តាមការណែនាំ​របស់គ្រូពេទ្យជំនាញ និងស្ម័គ្រចិត្តធ្វើតេស្តឈាមដើម្បីពិនិត្យស្ថានភាព​មេរោគអេដស៍ និងមេរោគស្វាយ ដើម្បីលុបបំបាត់ ពិការភាព និងការចម្លងជំងឺទាំងពីរនេះពីម្តាយទៅកូន។
២- សូមទៅសម្រាល​កូននៅ មណ្ឌលសុខភាព ឬមន្ទីរពេទ្យ​ដែលមាន​គ្រូពេទ្យ ឆ្មបជំនាញទទួល បានការ បណ្តុះបណ្តាលត្រឹមត្រូវ។
៣. សូមអញ្ជើញ​ទៅពិនិត្យសុខភាព​ក្រោយពេលសម្រាល​ទាំងមាតា និងទារក និងទទួលថ្នាំ​បង្ការជំងឺ១១មុខ តាមការកំណត់​របស់គ្រូពេទ្យ។
៤- សូមបំបៅទារកដោយ​ទឹកដោះម្តាយតែ​មួយមុខគត់ ចាប់ពីពេលទារក​ប្រសូតភ្លាម​រហូតដល់ទារកមានអាយុ ៦ខែ និងផ្តល់អាហារ​បន្ថែមគ្រប់មុខ គ្រប់ជីវជាតិ (បបរខាប់គ្រប់គ្រឿង) រួមជាមួយ ការបន្តបំបៅទឹកដោះម្តាយរហូតដល់កុមារ​មានអាយុយ៉ាងតិច ២ឆ្នាំ។

៥- សូមប្រញាប់​យកទារកទៅ​មន្ទីរពេទ្យភ្លាម នៅពេលឃើញ​សញ្ញាគ្រោះថ្នាក់​ណាមួយនៃជំងឺ រលាកផ្លូវដង្ហើម ជំងឺរាក ឬជំងឺឆ្លងដទៃទៀត និងយកទារក ឬកុមារតូច​ដែលមានរាងកាយ​ស្គម ឬមិនឡើងទម្ងន់សោះ ទៅពិគ្រោះយោបល់​ និងទទួល​ការព្យាបាល នៅមន្ទីរពេទ្យ។

អំណោយមនុស្សធម៌​ដែលបានផ្តល់ជូន​នាពេលនោះក្នុងម្នាក់ៗទទួលបាន ៖ មី ១កេស ទឹកបរិសុទ្ធវីឃែ ១យូ(៦ដប) ក្រមា១ សារុង១ អាវ១និងថវិកាមួយចំនួនផងដែរ ។

 

Fist Prev 3 4 5 6 7 Next Last