Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

សាខាកក្រកខេត្តសៀមរាបប្រគល់ផ្ទះទី ៣៥ និង៣៦ដល់ប្រជាជនទីទ័លក្របំផុត

សាខាកក្រក​ខេត្តសៀមរាប៖ នៅព្រឹក​ថ្ងៃទី ២៥ ខែតុលា ឆ្នាំ២០១៧នេះ លោកជំទាវ​ គួយ ណាលីន ឃឹមប៊ុនសុង​ អនុប្រធានគណៈកម្មាធិការ​សាខា​កាកបាទក្រហម​កម្ពុជា​ ខេត្តសៀមរាប ​និងសហការី ​បានអញ្ជើញ​ចុះជួបសំណេះ​សំណាល និង​ប្រគល់ផ្ទះ​មនុស្សធម៌​ទី៣៥ និងទី៣៦ ដែលផ្ដួចផ្ដើម​ដោយឯកឧត្តម​បណ្ឌិត ឃឹម ប៊ុនសុង ប្រធាន​គណៈកម្មាធិការ​សាខា ផ្ទះទាំង២ខ្នង​នេះមាន​ទំហំ ៥ម៉ែត្រx៦ម៉ែត្រ ធ្វើពីឈើ ​ប្រក់ស័ង្កសី ​ដែលផ្ទះទី៣៥ ប្រគល់ជូន​គ្រួសារអ៊ំស្រី ​អោន រុន អាយុ៦០ឆ្នាំ ស្ត្រីមេម៉ាយ​ទីទ័លក្រ រស់នៅ​ជាមួយចៅស្រី​អាយុ១២ឆ្នាំ​ ហើយផ្ទះ​ទី៣៦ ប្រគល់ជូន​អ៊ំស្រី គ្រួច ហុន អាយុ៦៧ឆ្នាំ ជាស្ត្រី​មេម៉ាយទីទ័ល បច្ចុប្បន្ន​អ៊ំស្រីទាំង២នាក់ ក្រង​ស្បូវលក់​ដើម្បីទ្រទ្រង់​ជីវគ្រួសារ​ រស់នៅភូមិបាយ​ដុត ឃុំស្វាយស ស្រុកវ៉ារិន ខេត្តសៀមរាប។

 

មានប្រសាសន៍​ក្នុងឱកាសនោះ លោកជំទាវ​អនុប្រធាន​គណៈកម្មាធិការ​សាខា បានពាំនាំ​នូវការផ្ដាំ​ផ្ញើសួរសុខទុក្ខពី​សម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលតែង​តែយកចិត្តទុកដាក់​គិតគូរចំពោះ​សុខទុក្ខប្រជាពលរដ្ឋ​គ្រប់រូប មិន​ប្រកាន់វណ្ណៈ ពណ៌សម្បុរ ជំនឿ​សាសនា ឬនិន្នាការនយោបាយ​ណាមួយឡើយ។ លោកជំទាវ​ ក៏បានផ្តាំផ្ញើ​ដល់ សមាជិក​គ្រួសារ​ទាំងអស់ ត្រូវចេះ​សម្អាត ថែរក្សាផ្ទះថ្មីនេះ​ដើម្បី​បានជា​ជម្រកដ៏កក់ក្តៅ​តរៀងទៅ។

 

អំណោយ​មនុស្សធម៌​បន្ថែមរួមមាន ៖ -មុង១ -ភួយ១ -សារុង១ -ក្រមា១ -កន្ទេល១ -អង្ករ៥០គីឡូក្រាម -មី១កេស -ត្រីខ១យួរ ទឹកត្រី១យួរ ទឹកបរិសុទ្ធ៥យួរ សម្ភារៈផ្ទះបាយមួយចំនួន និងថវិកាមួយចំនួន។ សម្រាប់លោកតា លោកយាយ ដែលអញ្ជើញ​ចូលរួមម្នាក់ៗទទួលបាន​ថវិកាមួយចំនួនផងដែរ។

 

សាខាកក្រក រាជធានីភ្នំពេញទទួលទេយ្យទានព្រះចៅអធិការវត្តកំសាន្ត

សាខាកក្រករាជធានីភ្នំពេញ៖ នាល្ងាចថ្ងៃទី ២៥ ខែ តុលា​ ឆ្នាំ​ ២០១៧នេះ នៅ​វត្តកំសាន្ត​ ក្រុម​ការងារ​សាខា​កាកបាទក្រហម​កម្ពុជា​ រាជធានីភ្នំពេញ​ ដឹកនាំដោយ ​លោកជំទាវ ​អ៊ួន សុវណ្ណរិន្ទ​ ប៉ា​ សុជាតិវង្ស ​អនុប្រធាន​កិត្តិយសសាខា​ និងជាប្រធាន​ក្រុមការងា​រសាខា​ បានអញ្ជើញ​ទៅ ​សប្បុរសធម៌​ជាគ្រឿង​ឧបភោគ​បរិភោគ ​សម្ភារៈប្រើប្រាស់​ចំនួន១០មុខ​ និងថវិកា​ចំនួន៩.៨៥០.០០០រៀល ដែល​សរុបគិតជាទឹកប្រាក់​ទាំងអស់ស្មើ​នឹង២៧.៣៧០.០០០រៀល ពីវត្ត​ចំនួន២១ ក្នុងសាលា​អនុគណៈខណ្ឌច្បារអំពៅ​ ។

 

នាឱកាសនោះ ​ជំនួសមុខ​ឲ្យវត្តទាំងអស់​ ព្រះញាណវង្ស សៅ​រ៍​ មុនី​ ព្រះអនុ​គណៈ​ខណ្ឌច្បារអំពៅ​ និងជាព្រះចៅអធិការ​វត្តកំសាន្ត បានមាន​ព្រះថេរដីកា​គាំទ្រ និងមានទឹក​ព្រះទ័យ​រីករាយ ក្នុងការ​ចូលរួម​ចំណែកជាមួយ​សកម្មភាព​មនុស្សធម៌​របស់កាកបាទក្រហម​កម្ពុជា ។

 

ជាការឆ្លើយតប​ លោកជំទាវ​អនុប្រធានកិត្តិយសសាខា​ បានមានប្រសាសន៍​សូមថ្លែង​អំណរព្រះគុណ​ អំណរគុណចំពោះ​ព្រះចៅ​អធិការ​ ព្រះសង្ឃ​ គណៈកម្មការ​ អាចារ្យវត្តទាំង២១ ព្រមទាំងបានសន្យានឹងចាត់ចែងប្រើប្រាស់នូវ​ទេយ្យទាន​ទាំងនេះ​ជួយឲ្យដល់​ដៃជនរងគ្រោះ​គ្រប់ប្រភេទ ឲ្យស្រប​តាមគោលការណ៍គ្រឹះទាំង៧ប្រការរបស់​ចលនាកាកបាទក្រហម ៕

 

គ្រួសាររងគ្រោះដោយអគ្គីភ័យទទួលអំណោយពីអនុសាខាកក្រកស្រុកសង្គមថ្មី

សាខាកក្រក​ខេត្ត​ព្រះវិហារ៖នៅរសៀល​ថ្ងៃទី២៥ ខែ តុលា ឆ្នាំ ២០១៧ នេះ លោក រស់ ហេង​ ប្រធានកិត្តិយស​អនុសាខា​កាកបាទក្រហម​កម្ពុជា ស្រុក​សង្គមថ្មី ​បានចុះ​សួរសុខទុក្ខ​និងនាំយក​អំណោយ​មនុស្ស ធម៌ចំនួន​១គ្រួសារ​ផ្តល់ជូន លោក ថោ បុត្រ និងប្រពន្ធឈ្មោះហាង ឬទ្ធី ដែលរងគ្រោះដោយ សារ​ភ្លើងឆេះផ្ទះ កាលពីវេ​លាម៉ោង ២.៤៥ នាទី យប់ថ្ងៃទី ២៣ ខែ តុលា ឆ្នាំ ២០១៧ នៅភូមិ​ដា ឃុំ​ចំរើន ស្រុក​សង្គមថ្មី ខេត្ត​ព្រះវិហារ។

 

នាឱកាស​នោះដែរ លោក​ប្រធាន​កិត្តិយស អនុសាខា​កាកបាទក្រហម​កម្ពុជា ស្រុក​សង្គម​ថ្មី បាន​សម្តែង​នូវការសោកស្តាយ​ដល់គ្រួសារ​រង គ្រោះ ដែលបាន​ជួបគ្រោះ ថ្នាក់ ដែលមិន​នឹកស្មាន​ដល់​ធ្វើអោយ​ខូចខាត់ទ្រព្យ​សម្បត្តិ និងសម្ភារ​ប្រើប្រាស់​ផ្សេងៗ ហើយ​លោកក៏​បានផ្តាំ​ផ្ញើដល់​ប្រជាពលរដ្ឋ​ទាំងអស់ត្រូវប្រុងប្រយ័ត្ន​គ្រោះថ្នាក់ផ្សេងៗដែលកើត ឡើងជាយថាហេតុ ។

 

សម្ភារផ្តល់ជូន​រួមមាន ៖ អង្ករ ២០គីឡូ ត្រីខ ១០ កំប៉ុង មី ១កេស ទឹកស៊ីអីវ ១ យួរ សារុង១ មុង១ ភួយ១ ក្រមា ១ ទឹកបរិសុទ្ធ ១ កេស តង់១ និងថវិការបស់ឯកឧត្តម សួស យ៉ារ៉ា អ្នកតំណាងរាស្រ្តមណ្ឌលព្រះវិហារ ចំនួន ៥០០,០០០ រៀលគត់ផងដែរ។

 

សាខាកក្រកខេត្តព្រៃវែងទទួលទេយ្យទានពី ព្រះគ្រូ គង់នៅ ពុទ្ធសីមាវត្តឈូក

សាខាកក្រកខេត្តព្រៃវែង៖ នៅព្រឹកថ្ងៃទី ២៤ ខែតុលា ឆ្នាំ២០១៧ សាខាកាកបាទក្រហម​កម្ពុជា​ ខេត្តព្រៃវែង ដឹកនាំ​ដោយ លោក មុំ ច័ន្ទតារា លេខាធិការ​គណៈកម្មាធិការ​សាខា តំណាង ឯកឧត្តម ជា សុមេធី ប្រធាន​គណៈកម្មាធិការ​សាខា និងសហការី ​បានទទួល​ទេយ្យទាន​ ជាគ្រឿង​ឧបភោគ បរិភោគ ​និងសម្ភារៈប្រើប្រាស់​ពីព្រះសង្ឃ ដឹកនាំ​ដោយព្រះគ្រូ ព្រះចន្ទថេរ សេង ថន គង់នៅ ពុទ្ធសីមា​វត្តឈូក ស្ថិតនៅឃុំស៊ាងឃ្វាង ស្រុក​កញ្រ្ជៀច ខេត្តព្រៃវែង ជូនដល់​សាខាកាកបាទក្រហម​ខេត្ត ទុកសម្រាប់​បម្រើការងារ​ មនុស្សធម៌ រួមមាន៖ សម្ភារៈប្រើប្រាស់ផ្ទះបាយ សម្ភារៈដំណេក ទឹកត្រី ទឹកស៊ីអ៊ីវ ស្ករស និងសម្ភារៈផ្សេងៗ សរុបស្មើនឹងចំនួន ៨សម្រាប់។

 

ជំនួសមុខអោយ ឯកឧត្តម ជា សុមេធី ប្រធាន​គណៈកម្មាធិការ​សាខា សូមថ្លែង​នូវអំណរ​ព្រះគុណ ជូនចំពោះ​ព្រះតេជគុណ​គ្រប់អង្គ និងគណៈកម្មការ​អាចារ្យវត្ត​ចំពោះ​កាយវិការ​ ប្រកបដោយ​ទឹកចិត្ត​មនុស្សធម៌ ​នាពេលពេលនេះ។ សម្ភារៈដែលទទួលបាន សាខា នឹងរៀបចំទុកដាក់​អោយបាន​ត្រឹមត្រូវ សម្រាប់​បម្រើការងារ ​មនុស្សធម៌ ជួយ សង្រ្គោះដល់​ប្រជាពលរដ្ឋ​ក្រីក្រ​ជួបការ​លំបាក និងគ្រួសារ​រងគ្រោះ​ដោយគ្រោះមហន្តរាយ​នានា។

 

អ្នករស់នៅជាមួយមេរោគអេដស៍ចំនួន៥គ្រួសារទទួលអំណោយពីសាខាកក្រកខេត្តសៀមរាប

សាខាកក្រកខេត្តសៀមរាប៖ នៅព្រឹកថ្ងៃទី ២៤ ខែតុលា ឆ្នាំ២០១៧ លោកជំទាវ គួយ ណាលីន ឃឹមប៊ុនសុង​ អនុប្រធាន​គណៈកម្មាធិការ​សាខា​កាកបាទក្រហមកម្ពុជា ខេត្តសៀមរាប​ និងសហការី​ បានអញ្ជើញជួប​សំណេះសំណាល​សួរសុខទុក្ខ ​និងនាំយក​អំណោយ​មនុស្សធម៌​ជូនបងប្អូន​អ្នករស់​នៅជាមួយ​មេរោគអេដស៍​ចំនួន៥គ្រួសារ (នៅភូមិភ្លង់ និងភូមិលាងដៃ ឃុំលាងដៃ ស្រុកអង្គរធំ) ។

 

មានប្រសាសន៍នា​ឱកាសនោះ លោកជំទាវ​ក៏បានសម្តែង​នូវការអាណិត​ អាសូរ ចំពោះបងប្អូន​ទាំងអស់ ដោយបាន​បញ្ជាក់ថា នេះគឺជាបញ្ហា​មួយធ្វើឲ្យយើង​ទាំងអស់គ្នា រួមសហការ​គ្នាដោះស្រាយ ​ដើមី្បឈាន​ទៅគ្រប់គ្រង​ឲ្យបាន នូវការឆ្លង​រាលដាល​នៃជំងឺអេដស៍។ លោកជំទាវ​ក៏បានធ្វើការ​លើកទឹកចិត្ត​ដល់បងប្អូនទាំងអស់កុំឲ្យ​អស់ក្តីសង្ឃឹម ព្រោះជំងឺអេដស៍​នាពេលបច្ចុប្បន្ន យើងមាន​ថ្នាំប្រឆាំង ហើយតែ​បងប្អូន​គោរពឲ្យបានទៅ​តាមវេជ្ជបញ្ជា​របស់គ្រូពេទ្យ និងថែរក្សា​សុខភាពខ្លួន យើងនឹង​អាចរស់រាន​ដូចពលរដ្ឋទូទៅដែរ។

 

អំណោយ​មនុស្សធម៌​ដែលបានផ្ដល់ជូន៖
-គ្រួសារអ្នករស់​នៅជាមួយ​មេរោគអេដស៍ ១គ្រួសារទទួលបាន៖ - មុង១ - ភួយ១ - សារុង១ - ក្រមា១ - មី១កេស - ត្រីខ១យួរ -ទឹកត្រី១យួរ - ទឹកស៊ីអ៊ីវ១យួរ - ទឹកដោះគោខាប់២កំប៉ុង - ស្ករស១គីឡូក្រាម - អង្ករ៥០គីឡូក្រាម និងថវិកា ៤ម៉ឺនរៀល។
-គ្រួសារក្មេងកំព្រាទទួលបាន៖ - មុង១ - ភួយ១ - សារុង១ - ក្រមា១ - មី១កេស - ត្រីខ១យួរ -ទឹកត្រី១យួរ - អង្ករ៥០គីឡូក្រាម និងថវិកា ៥ម៉ឺនរៀល។

 

ក្រោយពីជួបសំណេះសំណាលសួរសុខទុក្ខរួចប្រតិភូ បានអញ្ជើញពិនិត្យការដ្ឋានសាងសង់អគារទីស្នាក់ការអនុសាខាកាកបាទក្រហមកម្ពុជា ស្រុកអង្គធំ ដែលមានទីតាំងនៅភូមិភ្លង់ ឃុំលាងដៃ ស្រុកអង្គរធំ។ អគារនេះត្រូវបាទសាងសង់តាំងពីថ្ងៃទី ១៨ ខែសីហា ឆ្នាំ២០១៧ ដែលសម្រេចបានប្រហែល ៧០%ហើយ។

 

Fist Prev 2 3 4 5 6 Next Last