Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

សាខាកក្រកខេត្តមណ្ឌលគិរីសួរសុខទុក្ខ ប្រជាជនរងរបួសធ្ងន់ដោយសារការកែឆ្នៃរំសេវ សម្រាប់បោកត្រី

សាខាកក្រកខេត្ត​មណ្ឌលគិរី ៖ នៅរសៀល​ថ្ងៃទី ២៣ ខែកុម្ភៈ ឆ្នាំ២០១៨ សាខាកាកបាទ​ក្រហមកម្ពុជា ខេត្តមណ្ឌលគិរី ដឹកនាំ​ដោយលោក អាន សុឃីម នាយករង​សាខា និងសហការី បានអញ្ជើញចុះសួរសុខទុក្ខ និងនាំយកអំណោយ​មនុស្សធម៌របស់​កាកបាទក្រហមកម្ពុជា ទៅផ្តល់ជូន​ប្អូនប្រុសឈ្មោះ ខាត់ ណា អាយុ ២៤ឆ្នាំ ដែលបានរងរបួស​ធ្ងន់ដោយសារ​ការកែឆ្នៃរំសេវ​បម្លែងទៅជាគ្រាប់​សម្រាប់បោកត្រី ស្ថិតនៅភូមិ អូន្ត្រេះ ឃុំអរបួនលើ ស្រុកកោះញែក ខេត្តមណ្ឌលគិរី។

នាឱកាសនោះ លោកនាយករង បានពាំនាំមក​នូវប្រសាសន៍ផ្តាំផ្ញើសួរសុខទុក្ខ​ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្តេចតែងតែគិតគូរពីសុខទុក្ខរបស់បងប្អូនប្រជាពលរដ្ឋ​ជួបការលំបាក ទីទ័លក្រ ជនងាយរង​គ្រោះ និងរងគ្រោះដោយសារគ្រោះមហន្តរាយផ្សេងៗ ដោយមិនប្រកាន់​រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ និងថែរក្សារសុខភាព​ឲ្យបានល្អ ស្ដាប់ការណែនាំ​របស់គ្រូពេទ្យ ឆាប់ជាសះស្បើយឡើងវិញ។

អំណោយដែលបាន​ផ្តល់ជូនរួមមាន ៖ ទឹកស៊ីអ៊ីវ ១យួរ មី ១កេស ត្រីខ ១យួរ ប្រេងឆា ១លីត្រ ទឹកបរិសុទ្ធ ១កេស មុង១ ភួយ១ សារុង១ ក្រមា១ និងថវិកាចំនួន ១០០,០០០រៀល៕

សាខាកក្រកខេត្តសៀមរាបសួរសុខទុក្ខស្រ្តីទើបសម្រាលកូននៅតាមមណ្ឌលសុខភាព

សាខាកក្រកខេត្តសៀមរាប៖ នៅព្រឹក ថ្ងៃទី ២២ ខែកុម្ភៈ ឆ្នាំ២០១៨ លោកជំទាវ ​គួយ ណាលីន ឃឹមប៊ុនសុង អនុប្រធាន​គណៈកម្មាធិការ​សាខា​កាកបាទក្រហម​កម្ពុជា​ ខេត្តសៀមរាប និងសហការី​បានអញ្ជើញ​ចុះជួប​សំណេះសំណាល​សួរសុខទុក្ខ ​និងនាំយកអំណោយ​មនុស្សធម៌​ផ្ដល់ជូន មាតា ទារក ដែលទើបនឹង​សម្រាល​បុត្ររួច ចំនួន៥០នាក់នៅ​ស្រុកក្រឡាញ់ គឺនៅមណ្ឌលសុខភាព​ សែនសុខ ចំនួន៣០នាក់ និងនៅមណ្ឌល​សុខភាព ក្រូចគោ ចំនួន២០នាក់។

 

មានប្រសាសន៍​នាឱកាសនោះ លោកជំទាវ​អនុប្រធានគណៈកម្មាធិការ​សាខា បានលើក​ឡើងថា ក្នុងគោលបំណង​លើកកម្ពស់​ការយកចិត្តទុកដាក់​ចំពោះសុខភាព​មាតា ទារក និងកុមារ និងដើម្បីអបអរសាទរទិវាជាតិ​សុខភាពមាតា ទារក និងកុមារ ពិសេស​ដើម្បីរួមចំណែក​គាំទ្រ “ឥស្សរជន​ឆ្នើមថ្នាក់ជាតិ នៃផែនការសកម្មភាព​រួមអគ្គលេខាធិការ​អង្គការ​សហប្រជាជាតិ ដើម្បី​សុខភាពស្ត្រី និងកុមារ” កាកបាទក្រហមកម្ពុជាដែល​មានសម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន តែងតែ​គិតគូរ​ខ្ពស់ចំពោះសុខភាពបងប្អូន​ជាស្ដ្រី និងកុមារ។ លោកជំទាវក៏​បានពាំនាំនូវ​សារសុខភាពរបស់​សម្ដេចកិត្តិព្រឹទ្ធបណ្ឌិតប្រធានជូនដល់​មាតាៗរួមមាន៖


១- សូមឱ្យស្ត្រីមាន​គភ៌ទាំអស់ អញ្ជើញ​ទៅពិនិត្យសុខភាព ពិគ្រោះយោបល់​ជាមួយគ្រូពេទ្យ ឬឆ្មបជំនាញនៅ​មណ្ឌលសុខភាព ឬមន្ទីរពេទ្យដែល​នៅជិតផ្ទះតាម​កាលកំណត់ និងទទួល​យកសេវាបង្ការ ព្យាបាល ថែទាំទាំងអស់ឱ្យបានទៀងទាត់។ 
២- សូមទៅសម្រាល​កូននៅមណ្ឌល​សុខភាព ឬមន្ទីរពេទ្យ ដែលមាន​គ្រូពេទ្យ ឬឆ្មបជំនាញបានទទួលការបណ្ដុះបណ្ដាលត្រឹមត្រូវ។ 
៣- សូមអញ្ជើញទៅ​ពិនិត្យសុខភាព​ក្រោយពេល​សម្រាលទាំង​មាតា ទាំងទារក និងទទួលថ្នាំ​បង្ការជំងឺ១១មុខ តាមការ​ណែនាំ និងតាមកាល​កំណត់របស់គ្រូពេទ្យ។
៤- សូមបំបៅទារកដោយ​ទឹកដោះម្ដាយតែមួយ​មុខគត់ ចាប់ពីពេល​ទារកប្រសូតភ្លាមរហូតដល់ទារកមានអាយុ៦ខែ
៥- សូមប្រញាប់យក​ទារកទៅមន្ទីរពេទ្យ​ភា្លម នៅពេលឃើញ​សញ្ញាគ្រោះថ្នាក់ណា​មួយនៃជំងឺរលាកផ្លូវដង្ហើម ជំងឺរាក ឬជំងឺឆ្លងដទៃទៀត។

សាខាកក្រកខេត្តព្រះសីហនុចូលរួមអបអរសាទរទិវាជាតិសុខភាពមាតា ទារក និងកុមារ

សាខាកក្រកខេត្តព្រះសីហនុ ៖ ដើម្បី​អបអរសាទរ​ទិវាជាតិសុខភាព​មាតា ទារក និង​កុមារ ក្នុងនាម     សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ប្រធានកាកបាទក្រហម​កម្ពុជា និងជា​ឥស្សរជនឆ្នើមថ្នាក់ជាតិ នៃផែនការសកម្មភាពរួម​អគ្គលេខាធិការ​អង្គការសហប្រជាជាតិ​ដើម្បីសុខភាព​ស្រ្តី និងកុមារ នៅព្រឹកថ្ងៃទី ២១ ខែ កុម្ភៈ ឆ្នាំ ២០១៨ សាខាកាកបាទក្រហម​កម្ពុជា ខេត្តព្រះសីហនុ ដឹកនាំដោយ​ឯកឧត្តម លូ គីមឈន់ ប្រធាន​គណៈកម្មាធិការសាខា សមាជិក​គណៈកម្មាធិការ​សាខា មន្រ្តីសាខា អនុសាខា បានអញ្ជើញចុះសួរសុខទុក្ខ និងនាំយក​អំណោយមនុស្សធម៌​របស់កាកបាទក្រហមកម្ពុជា ជូនដល់ស្រ្តីសម្រាលកូន​ទីទ័លក្រ ចំនួន ២៩គ្រួសារ និងអ្នកជំងឺទីទ័លក្រ ៣៣គ្រួសារ ស្ថិតនៅមន្ទីរពេទ្យបង្អែកខេត្តព្រះសីហនុ។

 

ក្នុងឱកាសនោះដែរ ឯកឧត្តម​ប្រធាន បានពាំនាំនូវ​ប្រសាសន៍ផ្តាំផ្ញើសួរសុខទុក្ខ​និងក្តីនឹករលឹក​ពីសំណាក់ឯកឧត្តមប្រធាន​កិត្តិយសសាខា ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេចតែតែង​គិតគូរពីសុខទុក្ខ​របស់បងប្អូន​ប្រជាពលរដ្ឋ​ងាយរងគ្រោះ និងរងគ្រោះដោយសារ​គ្រោះមហន្តរាយផ្សេងៗ ពិសេសស្រ្តី និងកុមារ ដោយមិនប្រកាន់​រើសអើងវណ្ណៈ ពូជសាសន៍ ព័រណ៍សម្បុរ​ឬនិន្នាការ​នយោបាយអ្វីឡើយ។ ឯកឧត្តមប្រធាន ក៌បានពាំនាំ​នូវអនុសាសន៌សម្តេចប្រធានជូនដល់បងប្អូនទាំអស់ 


១.សូមឲ្យស្ត្រីមានគភ៌​ទៅពិនិត្យសុខភាព​នៅមន្ទីរពេទ្យ ឲ្យបានទៀងទាត់
២.សូមឲ្យស្រ្តីទាំអស់ទៅ​សំរាល​នៅមន្ទីរពេទ្យ ជាមួយគ្រូពេទ្យជំនាញ
៣.ត្រូវពិនិត្យសុខភាពក្រោយ​សំរាលទាំងមាតា និងទារក និងទទួលថ្នាំបង្ការដល់ទារក
៤.ត្រូវតែបំបៅទឹក​ដោះម្តាយតែ​មួយមុខ រហូតដល់រយះពេល ៦ខែ
៥.សូមយកទារកទៅមន្ទីរពេទ្យ​ជាបន្ទាន់ នៅពេលមាន​សញ្ញាណគ្រោះថ្នាក់អ្វីមួយកើតឡើង។

អំណោយមនុស្សធម៌​ដែលបានផ្តល់ជូន​ដល់ស្រ្តីសំរាលកូ​នក្នុងមួយគ្រួសារមាន ៖ ឃីតសំរាប់ម្តាយ១ (ភួយ១ សារុង១ ក្រមា១ មុង១) ឃីតសំរាប់ទារក១ (ខោទឹកនោម ១ដុំ សាប៊ូ ១ដប ម្សៅ ១ដប កន្សែងពោះគោ១ អាវទារក២ ស្រោមដៃ ២គូ ស្រោមជើង ២គូរ) និងថវិកាចំនួន ៥០,០០០រៀល។
រីឯអ្នកជំងឺក្រីក្រចំនួន​ ៣៣គ្រួសារ ទទួលបាន​ថវិកាក្នុងមួយគ្រួសារៗចំនួន ២០,០០០រៀល៕

ពិធីប្រកាសលទ្ធផលឆ្នោតវត្ថុលើកទី១៤របស់សាខាកាកបាទក្រហកម្ពុជាខេត្តបាត់ដំបង

សាខាកក្រកខេត្តបាត់ដំបង,នៅព្រឹថ្ងៃទី២១ខែកុម្ភៈ ឆ្នាំ២០១៨ សាខាកាកបាទក្រហកម្ពុជា​ខេត្តបាត់ដំបង​បានរៀបចំ​ពិធីប្រកាស​លទ្ធផលចេញឆ្នោត​វត្ថុអនុស្សាវរីយ៍​លើកទី១៤ឆ្នាំ២០១៨ ដោយមានវត្តមានលោក កាក់ សិលាសមាជិកគណៈកម្មាធិការសាខា​កាកបាទក្រហមកម្ពុជាខេត្ត​តំណាងឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខា​ និងមាន​ការអញ្ជើញចូលរួម​ពីលោកលោក​ស្រីមន្រ្តីរាជការ តំណាង​មន្ទីរស្ថាប័នជុំវិញខេត្ត​តំណាង​អនុសាខាស្រុក​/ក្រុង​លោកគ្រូអ្នកគ្រូ​ទីប្រឹក្សា យុវជន និងសិស្សានុសិស្សសរុប១៥០នាក់ ។​ ការចេញឆ្នោតវត្ថុ​អនុស្សាវរីយលើកទី១៤ឆ្នាំ២០១៨នេះ គឺធ្វើឡើងដើម្បីស្វែងរក​ចំណូលបន្ថែម​ដែលបានមកការ​ចលនាសប្បុរសជន​តាមរយៈការលក់​សន្លឹកឆ្នោត​វត្ថុក្រៅពីចំណូល​ផ្សេងៗទៀត ចំពោះរង្វាន់​ឆ្នោតវត្ថុឆ្នាំ២០១៨នេះមានចំនួន ១០មុខ​ក្នុងនោះមានរង្វាន់ធំ​ម៉ូតូ Honda Wave ចំនួន ២រង្វាន់ ទូរសព្ទដៃ Samsung S8​ចំនួន៤រង្វាន់​,ទូរទស្សន៍​Pro Theatre ៤៣អ៉ីង​៤រង្វាន់​ព្រមទាំងរង្វាន់ជាច្រើនទៀតសរុប ១២៨០រង្វាន់​។​

 

ថ្លែងក្នុងឱកាសនោះ​លោក កាក់សិលា ​បានបញ្ជាក់ថា៖ជារៀងរាល់ឆ្នាំ សាខា​កាកបាទក្រហមកម្ពុជា ខេត្ដបាត់ដំបង តែងតែរៀបចំ​សកម្មភាពស្វែង​រកមូលនិធិ​គ្រប់សកម្មភាព​តាមរយៈ ,ទិវាពិភពលោកកាកបាទក្រហម-អឌ្ឍចន្ទ ក្រហម៨ឧសភា ប្រចាំឆ្នាំ ,ការដាក់ហិបវិភាគទានតាមវត្តអារាម ,​រមណីយដ្ឋាន ,សណ្ឋារគារ​ផ្សេង ,ការជួលសាល​រៀបអាពាហ៍ពិពាហ៍,របាំងត្រុដិ​ជូនពរ ជាពិសេស​ការចេញឆ្នោតវត្ថុប្រចាំឆ្នាំ​នាពេលនេះជាដើម ទាំងនេះគឺជា ការរីកចម្រើន​នូវការ​ផ្កួចផ្ដើមគំនិត​ស្វែងរកមូលនិធិរបស់សាខាក្នុងសកម្មភាព​ដើម្បីពង្រឹងផ្នែកធនធានមនុស្ស ការលើកទឹកចិត្ដដល់មន្ដ្រី បុគ្គលិកដែលមានស្នាដៃ និងធ្វើការ​អភិវឌ្ឍន៍ ស្ថាប័នតាម​ផែនការយុទ្ធសាស្ដ្រ​យូរអង្វែងរបស់​សាខាខេត្ត។

 

សាខាកក្រកខេត្តព្រៃវែងបានអញ្ជើញប្រគល់ផ្ទះជូនដល់គ្រួសារក្រីក្រគ្មានទីពឹង ចំនួន ២គ្រួសារ នៅស្រុកពាមជរ

សាខាកក្រកខេត្តព្រៃវែង៖ នៅព្រឹក​ថ្ងៃអង្គារ ០៦កើត ខែផល្គុន ឆ្នាំរកា ព.ស ២៥៦១ ត្រូវនឹង​ថ្ងៃទី ២០ ខែកុម្ភៈ ឆ្នាំ ២០១៨ សាខាកាកបាទ​ក្រហមកម្ពុជា ខេត្តព្រៃវែង ដឹកនាំ​ដោយ ឯកឧត្តម ជា សុមេធី ប្រធាន​គណៈកម្មាធិការសាខា​ និងសហការី បានអញ្ជើញចុះ​សំណេះ​សំណាល សួរសុខទុក្ខ និងប្រគល់ផ្ទះ ចំនួន ២ខ្នង ទំហំ ៤មx៦ម ធ្វើអំពី​ឈើ ជញ្ជាំងនិងដំបូលប្រក់​សង្កសី និងបង្គន់អនាម័យ ចំនួន ២បង្គន់ ជាអំណោយ​របស់​សាខាខេត្ត ជូនដល់​គ្រួសារក្រីក្រគ្មាន​ទីពឹង ចំនួន ២គ្រួសារ នៅស្រុកពាមជរ ៖


១- ឈ្មោះ អៀម ផេន ភេទប្រុស អាយុ ៦១ឆ្នាំ រស់នៅ​ភូមិស្វាយចេក ​ឃុំឬស្សីស្រុក ស្រុកពាមជរ ខេត្តព្រៃវែង ទទួលបានផ្ទះ ១ខ្នង មានលេខកូដ ៥៨ និងបង្គន់ ​មានលេខកូដ ៥១។


២- ឈ្មោះ អ៊ឹម ឡេង ភេទស្រី អាយុ ៧៤ឆ្នាំ រស់នៅ​ភូមិព្រែកត្រែង ​ឃុំអង្គរអង្គ ស្រុកពាមជរ​ ខេត្តព្រៃវែង ទទួលបានផ្ទះ ១ខ្នង មាន​លេខកូដ ៥៩ និងបង្គន់ មានលេខកូដ ៥២។

 

ក្រៅពីការផ្តល់ផ្ទះ និងបង្គន់​អនាម័យ សាខាបានផ្តល់ជូននូវ​អំណោយ​​បន្ថែមទៀត​ដោយក្នុង ១គ្រួសារទទួលបាន​​ អង្ករ ២៥គក កន្ទេល ០១ ឃីត ០១កញ្ចប់ មី ០១កេស ត្រីខ ១០កំប៉ុង និងថវិកា ចំនួន ២០០,០០០រៀល (ថវិកាសាខា ១០០,០០០រៀល និងថវិកា ឯកឧត្តម ជា សុមេធី ១០០,០០០រៀល)។

 

Fist Prev 2 3 4 5 6 Next Last