Webmail
E-Learning
សាខាកាកបាទក្រហមកម្ពុជា

ប៉ៃលិន

សាខាកាកបាទក្រហមកម្ពុជា ខេត្តមណ្ឌលគិរី ចុះសួរសុខទុក្ខ លោក ស៊ុន សុខលី ដែលមានជំងឺលើសឈាម និងមានជីវភាពខ្វះខាត

សាខាកក្រកខេត្តមណ្ឌលគិរី​ ៖​ នៅព្រឹកថ្ងៃច័ន្ច ១៣កើត ខែ អស្សុជ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី២២ខែ តុលា ឆ្នាំ២០១៨​ ក្រុមការងារ​សាខាកាកបាទក្រហម​កម្ពុជា ខេត្តមណ្ឌលគិរី ​ដឹកនាំដោយលោក អាន សុឃីម ​នាយកសាខា​ខេត្ត ជាមួយនឹង​សហការី ​បានចុះសួរសុខទុក្ខ​និងនាំយកឃីតមនុស្សធម៌​របស់កាកបាទក្រហមកម្ពុជា​ដែលមានសម្តេច​កិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ជា​ប្រធាន ផ្តល់ជូនអ្នកមីង ហីុម សារ៉ស អាយុ ៤៨ឆ្នាំ មានកូន៤នាក់ ស្រី២ និងប្រុស២នាក់​ ប្តីឈ្មោះ ស៊ុន សុខលី មុខរបរ សារពត៌មាន ​ភូមិត្រពាំងផ្អេរ ​ឃុំស្រែខ្ទុម ស្រុកកែវ​សីម៉ា ខេត្តមណ្ឌល​គិរី គាត់មិនអាច​ដើរបានដោយសារ​ជំងឺលើសឈាម ( ជំងឺស្លាប់មួយចំហៀងខ្លួន ) និងមានជីវភាព​ខ្វះខាត ។

នាឱកាសនោះដែរ​លោកនាយក​សាខាបានពាំនាំ​នូវប្រសាសន៍ផ្តាំផ្ញើរ​សាកសួរសុខទុក្ខ​ពីសំណាក់ឯកឧត្តម ស្វាយ សំអ៊ាង ប្រធានគណៈកម្មាធិការ​សាខាកាកបាទក្រហម​កម្ពុជា ខេត្តមណ្ឌលគិរី ដល់ អ្នកមីង ហ៊ីម សារ៉ស ដែលកើតជំងឺលើស​ឈាមបណ្តាល​អោយពិការជើងដើរពុំរួចនិងស្លាប់មួយចំហៀងខ្លួន ។ ពិសេសបណ្តាំសួរសុខទុក្ខពីសំណាក់ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចតែងតែ​យកចិត្តទុកដាក់គិត​គូរអំពីសុខទុក្ខបងប្អូន​ប្រជាពលរដ្ឋជួបការលំបាកជនពិការ ចាស់ជរា និងជនរង​គ្រោះមហន្តរាយផ្សេងៗ​នៅតាមសហគមន៍​ដោយមិនប្រកាន់​ពូជសាសន៍ និន្នាការ នយោបាយឡើយ ។

អំណោយ​ដែលបាន​ផ្តល់ជូនរួមមានៈ សម្ភាររទេះរុញ​ថ្មីមួយគ្រឿង អង្ករ២៥គីឡូក្រាម មី០១កេស ទឹកត្រី០៦ដប ទឹកសីុអីុវ០៦ដប មុង០១ ភួយ០១ ក្រមា០១ សារុង០១ និងថវិកា ១០០,០០០ រៀល (មួយរយពាន់រៀលគត់) ។

សាខាកាកបាទក្រហមកម្ពុជា ខេត្តកែប សួរសុខទុក្ខ ប្រជាពលរដ្ឋរងគ្រោះដោយសារខ្យល់ព្យុះ នៅឃុំពងទឹក ស្រុកដំណាក់ចង្អើរ ខេត្តកែប។

សាខាកក្រកខេត្តកែប ៖ នៅថ្ងៃសុក្រ ១០កើត ខែអស្សុជ ឆ្នាំច សំរិទ្ធស័ក ព.ស.២៥៦២ ត្រូវនឹងថ្ងៃទី ១៩ ខែតុលា ឆ្នាំ២០១៨ សាខា​កាកបាទក្រហមកម្ពុជា​ ខេត្តកែប ដឹកនាំ​ដោយឯកឧត្តម ​កែន សត្ថា ប្រធានគណ:កម្មាធិកា​សាខា និង​សហការី បានអញ្ជើញ​ចុះសួរសុខទុក្ខ និង​នាំយកអំណោយ​មនុស្សធម៌របស់កាកបាទ​ក្រហមកម្ពុជា​ ជូនដល់ប្រជាពលរដ្ឋ​រងគ្រោះដោយសារ​ខ្យល់ព្យុះ ចំនួន ១៨៦គ្រួសារ មកពី​៤ភូមិ ឃុំពងទឹក​ ស្រុកដំណាក់ចង្អើរ ខេត្តកែប។

ក្នុងឱកាសនោះដែរ ឯកឧត្តម​ប្រធាន បានពាំនាំ​មកនូវប្រសាសន៍​ផ្តាំផ្ញើសាកសួរ​សុខទុក្ខនិង​ក្ដីនឹករលឹកពីសំណាក់​សម្តេចកិត្តិ​ព្រឹទ្ធបណ្ឌិត ប៊ុន រ៉ានី ហ៊ុន ​សែន ប្រធាន​កាកបាទក្រហម​កម្ពុជា ដែលជា​និច្ចកាល សម្តេចតែងតែគិតគូរ​ជានិច្ចអំពី​សុខទុក្ខ ប្រជាពលរដ្ឋ​រងគ្រោះ និងងាយរងគ្រោះ​គ្រប់ប្រភេទ ព្រមទាំងបានចាត់តាំង​ក្រុមការងារ​ឲ្យចុះសួរសុខទុក្ខ ​ដល់ប្រជាពលរដ្ឋ​យើងជាប្រចាំ​ គឺមិនទុកឲ្យ​បងប្អូនណាម្នាក់ស្លាប់​ដោយគ្មាន​អាហារបរិភោគ​បានឡើយ។

អំណោយដែលបានផ្ដល់ជូនរួមមាន ៖ អង្ករ ២០គីឡូក្រាម មី ១កេស ត្រីខ ១០កំប៉ុង និងថវិកាមួយចំនួន៕

សាខាកាកបាទក្រហមកម្ពុជា រាជធានីភ្នំពេញ ទទួលទេយ្យទានពី ព្រះចៅអធិការវត្តវិមានតេជះ ហៅវត្តស្រះចក ។

សាខាកក្រករាជធានីភ្នំពេញ៖ នាព្រឹកថ្ងៃព្រហស្បតិ៍​ ៩កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ១៨​ ខែ តុលា ឆ្នាំ​ ២០១៨នេះ​ សាខាកាកបាទក្រហមកម្ពុជា រាជធានីភ្នំពេញ ដឹកនាំដោយ ឯកឧត្តម​ មាន​ ចាន់យ៉ាដា​ ប្រធានគណៈកម្មាធិការសាខា បានអញ្ជើញទៅទទួលទេយ្យទានសប្បុរសធម៌ពីសម្តេចព្រះឧត្តមចរិយា បណ្ឌិត ឈឹង ប៊ុនឈា សមាជិកថេរសភា ​នៃព្រះរាជាណាចក្រកម្ពុជា និងជាព្រះចៅអធិការវត្តវិមានតេជះ ហៅវត្តស្រះចក ។

ក្នុងឱកាសនោះ សម្តេចព្រះឧត្តម​ចរិយា បានមានព្រះថេរ​ដីកាគាំទ្រ និងមានទឹកព្រះទ័យរីករាយ ក្នុងការចូលរួមចំណែក​ជាមួយសកម្មភាព​មនុស្សធម៌របស់​កាកបាទក្រហមកម្ពុជា ។

ជាការឆ្លើយតប ឯកឧត្តម​ប្រធានគណៈកម្មាធិការសាខា​ បានមានប្រសាសន៍​សូមថ្លែងអំណរព្រះគុណចំពោះសម្តេចព្រះឧត្តមចរិយា ព្រមទាំងបាន​សន្យានឹងចាត់ចែង​ប្រើប្រាស់នូវទេយ្យទាន​ទាំងនេះជួយឲ្យដល់ដៃជនរងគ្រោះ​គ្រប់ប្រភេទ ឲ្យស្របតាម​គោលការណ៍គ្រឹះទាំង៧​ប្រការរបស់​ចលនាកាកបាទក្រហម ។

ទេយ្យទានដែលសាខាបានទទួលរួមមាន៖​ គ្រឿងឧបភោគបរិភោគ​ សម្ភារៈប្រើប្រាស់ចំនួន១១មុខ​ និងថវិកាចំនួន៤លានរៀល​ ដែលគិតសរុបជាទឹកប្រាក់​ទាំងអស់ស្មើនឹង២២លានរៀល ៕

 

សាខាកាកបាទក្រហមកម្ពុជា ខេត្តព្រះវិហារ ចុះសួរសុខទុក្ខ ប្រជាពលរដ្ឋងាយរងគ្រោះបំផុតចំនួន៨២ គ្រួសារ នៅឃុំស្តៅ ស្រុកសង្គមថ្មី

សាខាកក្រកខេត្តព្រះវិហារ៖នៅព្រឹកថ្ងៃទី ៥ ខែ តុលា ឆ្នាំ២០១៨ នេះលោកជំទាវ​ ចឹក ហេង​ ប្រធានគណៈកម្មាធិការ​សាខា​កាកបាទក្រហម​កម្ពុជា ​ខេត្តព្រះវិហារ និង​សហការីបាន​ចុះសួរសុខទុក្ខនិង​នាំយកបាន នាំយកមុង​សុវត្ថិភាព អាវ និងអំណោយ​មនុស្សធម៌​ទៅផ្តល់ជូន​ប្រជាពលរដ្ឋ​ងាយរងគ្រោះ​បំផុតចំនួន៨២ គ្រួសារ មកពី​ភូមិចំនួន៥ ក្នុងឃុំស្តៅ ស្រុកសង្គមថ្មី ខេត្តព្រះវិហារ ។

ក្នុងឱកាសនោះដែរលោក​ជំទាវប្រធាន​គណៈកម្មាធិការ​សាខា​ បានពាំនាំនូវ​ប្រសាសន៍សាកសួរ​ស្ខទុក្ខពីសម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ចំពោះលោក យាយ លោក តា បងប្អូន​ទាំងអស់​ដែលបាន​ចូលរួមក្នុង​ពិធីនេះ និងបានផ្តាំផ្ញើ​ធ្វើយ៉ាងណា​ត្រូវសម្រាក​ក្នុងមុងសុវត្ថិភាពជា និច្ច ជៀសវាង​កើតជំងឺ​គ្រុនចាញ់ គ្រុន ឈាម ព្រោះ​រដូវវស្សាសំបូរ​មូសដែក គោល និងមូសខ្លាច្រើនណាស់ និងបានផ្តាំ​ផ្ញើសូមអោយ​មានការប្រុង​ប្រយ័ត្នក្នុងធ្វើ ដំណើរ ត្រូវជៀស​អោយឆ្ងាយ​ពីគ្រឿងញៀន ការហូបចុក​ត្រូវមាន​អនាម័យ ទឹកត្រូវដាំ​អោយពុះមុនហូប ។

សម្ភារៈផ្តល់ជូន​រួមមាន៖មុងសុវត្ថិភាព​មួយ អាវ១ អង្ករ២៥ គីឡូ មី ១ កេស ត្រីខ ១ យួរ ទឹកស៊ីអីវ១ យួរ ឃីត១ អាហារ​បំប៉ន ១២ កញ្ចប់

 

សាខាកាកបាទក្រហមកម្ពុជា ខេត្តព្រះវិហារ ចុះសួរសុខទុក្ខ ប្រជាពលរដ្ឋងាយរងគ្រោះបំផុតចំនួន៨២ គ្រួសារ នៅឃុំស្តៅ ស្រុកសង្គមថ្មី

សាខាកក្រកខេត្តព្រះវិហារ៖នៅព្រឹកថ្ងៃទី ៥ ខែ តុលា ឆ្នាំ២០១៨ នេះលោកជំទាវ​ ចឹក ហេង​ ប្រធានគណៈកម្មាធិការ​សាខា​កាកបាទក្រហម​កម្ពុជា ​ខេត្តព្រះវិហារ និង​សហការីបាន​ចុះសួរសុខទុក្ខនិង​នាំយកបាន នាំយកមុង​សុវត្ថិភាព អាវ និងអំណោយ​មនុស្សធម៌​ទៅផ្តល់ជូន​ប្រជាពលរដ្ឋ​ងាយរងគ្រោះ​បំផុតចំនួន៨២ គ្រួសារ មកពី​ភូមិចំនួន៥ ក្នុងឃុំស្តៅ ស្រុកសង្គមថ្មី ខេត្តព្រះវិហារ ។

ក្នុងឱកាសនោះដែរលោក​ជំទាវប្រធាន​គណៈកម្មាធិការ​សាខា​ បានពាំនាំនូវ​ប្រសាសន៍សាកសួរ​ស្ខទុក្ខពីសម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ចំពោះលោក យាយ លោក តា បងប្អូន​ទាំងអស់​ដែលបាន​ចូលរួមក្នុង​ពិធីនេះ និងបានផ្តាំផ្ញើ​ធ្វើយ៉ាងណា​ត្រូវសម្រាក​ក្នុងមុងសុវត្ថិភាពជា និច្ច ជៀសវាង​កើតជំងឺ​គ្រុនចាញ់ គ្រុន ឈាម ព្រោះ​រដូវវស្សាសំបូរ​មូសដែក គោល និងមូសខ្លាច្រើនណាស់ និងបានផ្តាំ​ផ្ញើសូមអោយ​មានការប្រុង​ប្រយ័ត្នក្នុងធ្វើ ដំណើរ ត្រូវជៀស​អោយឆ្ងាយ​ពីគ្រឿងញៀន ការហូបចុក​ត្រូវមាន​អនាម័យ ទឹកត្រូវដាំ​អោយពុះមុនហូប ។

សម្ភារៈផ្តល់ជូន​រួមមាន៖មុងសុវត្ថិភាព​មួយ អាវ១ អង្ករ២៥ គីឡូ មី ១ កេស ត្រីខ ១ យួរ ទឹកស៊ីអីវ១ យួរ ឃីត១ អាហារ​បំប៉ន ១២ កញ្ចប់

 

Fist Prev 2 3 4 5 6 Next Last