Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

សាខាកាកបាទក្រហមកម្ពុជា ខេត្តព្រះសីហនុចុះសួរសុខទុក្ខកុមារា ញ៉ រត្ន័ រងគ្រោះដោយពស់ចឹកដៃ

សាខាកក្រក ខេត្តព្រះសីហនុ ៖ កាលពី​រសៀល​ថ្ងៃទី ០២ ខែ វិច្ឆិកា ឆ្នាំ២០១៧ លោក គាំ សុខុម​ នាយកសាខាកាកបាទក្រហម​កម្ពុជា ​ខេត្តព្រះសីហនុ​ រួម​ដំណើរដោយ​ មន្ត្រីសាខា ​បានអញ្ជើញ​ចុះសួរ​សុខទុក្ខ​ និងនាំយកអំណោយ​មនុស្សធម៌​របស់សាខា​ខេត្ត ជូនដល់កុមារា​ ញ៉ រត្ន័ អាយុ ៥ ឆ្នាំ រងគ្រោះ​ដោយពស់ចឹកដៃ មកពីភូមិពាំង ឃុំដង់ពែង ស្រុកស្រែ​អំបិល ខេត្តកោះកុង បច្ចុប្បន្នសំរាក​នៅមន្ទីរពេទ្យ​ចំការចេក ខេត្តព្រះសីហនុ ។

 

ក្នុងឱកាសនោះដែរ​លោក គាំ សុខុម បានពាំនាំនូវ​ប្រសាសន៍ផ្ដាំផ្ញើ​សួរសុខទុក្ខ​ ក្ដីនឹករលឹក និងការ​អាណិតអាសូរពី​សំណាក់ សម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ប្រធានកាកបាទក្រហម​កម្ពុជា ដែលជានិច្ចកាល សម្ដេច​តែងតែ​គិតគូសុខទុក្ខ​ប្រជាពលរដ្ឋ​ក្រីក្រមាន​ទុក្ខលំបាក ​ជនរងគ្រោះ ​ជនងាយ​រងគ្រោះ ដោយមិនប្រកាន់រើស​អើង វណ្ណៈ ជាតិសាសន៍ ពណ៍សម្បុរ ឬនិន្នាការ​នយោបាយអ្វីឡើយ ។

អំណោយ​ដែលផ្ដល់​ជូនរួមមាន៖ មី ១កេះ ត្រីខ ១០កំប៉ុង កន្ទេល ១ ឃីត ១(ក្រម៉ា១ សារ៉ុង១ មុង១ និងភួយ១) និងថវិកាមួយចំនួន ។

 

យុទ្ធនាការសុវត្ថិភាពចរាចរណ៍នៅខេត្តសៀមរាប

សាខាកក្រកខេត្តសៀមរាប៖ នៅព្រឹកថ្ងៃទី ០២ ខែវិច្ឆិកា ឆ្នាំ២០១៧នេះ សាខា​កាកបាទក្រហម​កម្ពុជា ខេត្តសៀមរាប សហការជាមួយ​ការរិយាល័យ​នគរបាលចរាចរណ៍​ផ្លូវគោក​នៃស្នងការដ្ឋាន​នបាលខេត្តសៀមរាប ដឹកនាំ​អ្នកស្ម័គ្រចិត្ត​ និងយុវជន​កាកបាទក្រហម​កម្ពុជា សរុបចំនួន ៣០នាក់ ធ្វើយុទ្ធនាការសុវត្ថិភាពចរាចរណ៍ នាឱកាសព្រះរាជពិធី​បុណ្យអុំទូក បណ្ដែតប្រទីប និងអកអំបុក សំពះព្រះខែ ​ដើម្បីរួម​ចំណែក​បង្កើនការ​យល់ដឹងពី​សុវត្ថិភាព​ចរាចរណ៍ និងកាត់បន្ថយ​អត្រាគ្រោះថ្នាក់​ ស្លាប់ របួស និងពិការដោយសារ​គ្រោះថ្នាក់​ចរារចរណ៍។ ដោយឱកាសនេះ​អ្នកស្ម័គ្រចិត្ត និងប្អូនៗយុវជន​កាកបាទក្រហម​កម្ពុជា បានសម្រួល​សុវត្ថិភាព​ចរាចរណ៍ នៅភ្លើង​សញ្ញាចរាចរណ៍​ក្នុងក្រុងសៀមរាប​ ដោយមានការ​ពន្យល់ និងចែកខិត្តប័ណ្ណ ​អប់រំពី​សុវត្ថិភាពចរណ៍ផង។

វគ្គបំប៉នស្ដីពី ការងារគ្រប់គ្រងយុវជនកាកបាទក្រហមកម្ពុជានៅរតនគីរី

សាខាកក្រកខេត្តរតនគិរី ៖ នៅព្រឹក​ថ្ងៃទី​៣០ ខែតុលា ឆ្នាំ២០១៧ ​នេះ សាខា​កាកបាទក្រហម​កម្ពុជា​ ខេត្តរតនគិរី ​បានរៀបចំ​ ​និងការកសាង​ផែនការ​សកម្មភាព​ ក្រោមអធិបតីភាព​ ឯកឧត្ដម សម កុសល នាយក នាយកដ្ឋាន​ធនធាន​មនុស្ស កាកបាទក្រហម​កម្ពុ​ជា និងឯកឧត្ដម គិត ទ្រី អនុប្រធាន​គណៈកម្មាធិការ​សាខា និងមាន​ការអញ្ជើញ​ចូលរួម​ពីសំណាក់ សមាជិក-សមាជិកា គណៈកម្មាធិការ​សាខា មន្ត្រីថ្នាក់​កណ្ដាល ក្រុមប្រតិបត្តិ​សាខា ទីប្រឹក្សា​យុវជន និងយុវជនកាកបាទ​ក្រហមកម្ពុជា សរុបចំនួន ៥០នាក់។

 

វគ្គបណ្ដុះបណ្ដាល​នេះមានរយ:ពេល ២ថ្ងៃ ចាប់ពីថ្ងៃទី៣០-៣១ ខែតុលា ឆ្នាំ២០១៧ ដែលប្រព្រឹត្ត​ទៅនៅសាលប្រជុំនៃ​សាលា​ខេត្តរតនគិរី នូវជំនាញ​ចំនួន ៤ រួមមាន៖ 


១- ការងារគ្រប់គ្រងបណ្ដាញយុវជន និងអ្នកស្ម័គ្រចិត្ត
២- ប្រវត្តិចលនា កាកបាទ​ក្រហម អឌ្ឍចន្ទក្រហម និងច្បាប់មនុស្សធម៌អន្តរជាតិ
៣- មូលដ្ឋាននៃការ​កសាងផែនការ​សកម្មភាពអប្បបរមា​សម្រាប់យុវជន​ និងអ្នកស្ម័គ្រចិត្ត
៤- មូលដ្ឋានគ្រឹះវិជ្ជាសង្គ្រោះបឋម។

 

គោលបំណងសំខាន់ៗ​នៃវគ្គបណ្ដុះ​បណ្ដាលគឺ៖ផ្ដល់ឱកាសឱ្យ​យុវជន និង​អ្នកស្ម័គ្រ​ចិត្តទទួល​បានចំណេះដឹង បទពិសោធន៍ ​កាន់តែទូលាយ​ក្នុងការងារ​គ្រប់គ្រង ​និងកសាង​ផែនការ​សកម្មភាព​សម្រាប់ក្លឹប ​និងសហគមន៍​របស់ខ្លួន​ស្របតាម​គោលការណ៍គ្រឹះ​ទាំង ៧ របស់ចលនា។

 

អនុសាខាកាកបាទក្រហមកម្ពុជា ស្រុកជាំក្សាន្តចូលរួមបុណ្យគ្រួសារមានជីវភាពខ្វះខាត

សាខាកក្រកខេត្តព្រះវិហារ៖នៅព្រឹកថ្ងៃទី ២៩ ខែ តុលា ឆ្នាំ ២០១៧ នេះលោក ជា សុផាវុធ្ធ ​មន្រ្តី​អនុសាខា​កាកបាទក្រហម​កម្ពុជា ស្រុកជាំក្សាន្ត​ បាននាំយក​អំណោយ​មនុស្សធម៌​ចូលរួម​រំលែកទុក្ខ​យ៉ាងក្រៀមក្រំ​ជាមួយគ្រួសារ​សពលោក រឹម ថុក ដែលទទួលមរណភាព​ដោយសារ​លើសឈាម​ ហើយគ្រួសារ​មានជីវភាពខ្វះខាត​ នៅភូមិសង្គមថ្មី ឃុំទឹកក្រហម ស្រុកជាំក្សាន្ត ខេត្តព្រះវិហារ ។

 

ក្នុងឱកាសនោះលោក ជា សុផាវុធ្ធ មន្រ្តី​អនុសាខា​កាកបាទក្រហម​កម្ពុជា ស្រុកជាំក្សាន្ត បាន​សំដែង​នូវការសោកស្តាយ​ចំពោះការបាត់បង់​សាច់ញាតិជាទី​ ស្រឡាញ់ របស់គ្រួសារ​សព និងសូមបួង​សួងដល់​វិញ្ញាណក្ខន្ធសពសូម​បានទៅ​កាន់សុគតិភព​កុំបីឃ្លៀង​ឃ្លាតឡើយ។

 

ជាមួយគ្នានោះ​អនុសាខាបាន​នាំយកសម្ភារ​ផ្តល់ជូនរួមមាន ៖ អង្ករ ២០ គីឡូ មី១កេស ត្រីខ១០កំប៉ុង ទឹកស៊ីអុីវ១ យួរ មុង១ សារុង ១ ភួយ១ ក្រមា១ និងមានការ​ឧបត្ថម្ភពី​សប្បុរសជន​នូវថវិកា​រួមមាន: ឯកឧត្តម សួស យ៉ារ៉ា អ្នក តំណាងរាស្រ្ត​មណ្ឌលព្រះវិហារ ថវិកា ៤០០,០០០ រៀល លោកជា គឹមសេង អភិបាលស្រុកជាំក្សាន្ត ១៥០,០០០ រៀលគត់ផងដែរ ។

 

បើកវគ្គបំប៉នវិជ្ជាសង្គ្រោះបឋមដល់មន្ត្រីការិយាល័យអប់រំនៅខេត្តកំពត

សាខាកក្រក​ខេត្តកំពត ៖ កាលពី​ថ្ងៃទី ២៦ ខែ តុលា​ ឆ្នាំ២០១៧ ​សាខា កាកបាទក្រហម​កម្ពុជា​ ខេត្តកំពត បានរៀបចំ​ពិធី​បើកវគ្គ​បំប៉នវិជ្ជាសង្គ្រោះ​បឋម​ដល់មន្ត្រី​ការិយាល័យ​អប់រំ និងនាយក​សាលា​បឋម​សិក្សា ដែលមាន​រយៈពេល​២ថ្ងៃ ចាប់ពី​ថ្ងៃទី​២៦ ដល់ថ្ងៃទី២៧ ខែតុលា ឆ្នាំ២០១៧ ដោយ​មានអញ្ជើញ​ចូលរួមពីក្រុម​ការងារវិជ្ជា​សង្គ្រោះបឋម​នៃសាខា​កាកបាទក្រហម​កម្ពុជា​ ខេត្តកំពត និងនាយក​សាលាបឋម​សិក្សាចំនួន ៣០នាក់ (ស្រី ៣នាក់) មកពីសាលា​គោលដៅ​ចំនួន២៧ ក្នុងស្រុកជុំគីរី​ ខេត្តកំពត។

 

វគ្គ​បណ្តុះបណ្តាល​នេះមាន​គោលបំណង ដើម្បី​ពង្រឹងសត្ថភាព​ដល់នាយក​សាលា និងផ្សព្វផ្សាយ​បន្តដល់​សាលារៀន ​និងសហគមន៍​រៀងៗខ្លួន​ផងដែរ៕

 

Fist Prev 1 2 3 4 5 Next Last