Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

សាខាកាកបាទក្រហមកម្ពុជា ខេត្តព្រះវិហារ ចុះពិនិត្យការសាងសង់អណ្តូងទឹកស្អាតនៅ ស្រុកឆែប

សាខាកក្រកខេត្តព្រះវិហារ៖ នៅថ្ងៃទី ១៧ ខែ កុម្ភ: ឆ្នាំ ២០១៨ ឯកឧត្តម យុង គឹមហ៊ាន នាយក​សាខាកាកបាទក្រហម​កម្ពុជា ខេត្តព្រះវិហារ និងអនុសាខា​ស្រុកឆែប បានចុះពិនិត្យ​ការសាងសង់​អណ្តូងទឹកស្អាត​ចំនួន ១២ អណ្តូង នៅឃុំឆែប១​ ​ឃុំសង្កែ១​ និងឃុំសង្កែ២​ នៃស្រុកឆែប​ ខេត្តព្រះវិហារ។

សូមបញ្ជាក់ថា អណ្តូងទាំង​ ១២​ នេះ ត្រូវបាន សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា សម្រេចផ្តល់​កាលពីថ្ងៃទី ៥ ខែ កុម្ភៈ ឆ្នាំ ២០១៨ សម្រាប់ផ្តល់​ជូនប្រជាពលរដ្ឋ​ខ្វះខាតទឹក​ប្រើប្រាស់​ចំនួន ១៣៨ គ្រួសារ ស្មើមនុស្ស​ ៥៣៩ នាក់។

ក្រុមហ៊ុនបាន​ធ្វើការសាងស​ង់ចាប់ពីថ្ងៃទី ១៧ ខែ កុម្ភៈ ឆ្នាំ ២០១៨ ហើយការ​ សាងសង់​នេះនិងបញ្ចប់ ១០០% នៅដើម ខែ មីនា ឆ្នាំ ២០១៨៕

 

ពិធីបំពាក់កន្សែងយុវជនកាកបាទក្រហមកម្ពុជានៅខេត្តកណ្តាល

សាខា កក្រក ខេត្តកណ្តាល ៖ព្រឹកថ្ងៃ​ អាទិត្យ ទី ១១ ខែ កុម្ភៈ ឆ្នាំ ២០១៨ សាខា​កាកបាទក្រហមកម្ពុជាខេត្តកណ្តាល បានរៀបចំ​ពិធីបំពាក់កន្សែង​យុវជន​កាកបាទក្រហម​កម្ពុជា ចំនួន ៥០០ នាក់ ស្រី ២៧០ នាក់ មកពី​វិទ្យាល័យ ១០ ក្នុងស្រុក-ក្រុង ៥ និងយុវជន​ក្រុមភ្លេង​ព្យុះហ​យាត្រា ក្នុងខេត្តកណ្តាល នៅទីស្នាក់ការ​សាខាកាកបាទ​ក្រហមកម្ពុជា​ខេត្ត ។ ពិធីនេះប្រព្រឹត្ត​ទៅក្រោមអធិបតីភាព​ឯកឧត្តមបណ្ឌិត ម៉ៅ ភិរុណ ប្រធានកិត្តិយស​សាខា ព្រមទាំងមាន​ការអញ្ជើញ​ចូលរួម​ជាកិត្តិយស​ពីសំណាក់ឯកឧត្តម លោកជំទាវ លោក​ឧកញ៉ា លោក លោកស្រី​គណៈកិត្តិយសសាខា គណៈកម្មាធិការ​សាខា អនុសាខាគ្រប់​ស្រុក-ក្រុង មន្ទីរអង្គភាពជំុវិញខេត្ត លោកនាយកសាលា លោកគ្រូ អ្នកគ្រូ កាយឫទ្ធិ សហភាពសហព័ន្ធ​យុវជន អ្នកស្ម័គ្រចិត្ត​កាកបាទក្រហម​ សិស្សានុសិស្ស និងក្មួយៗយុវជន​កាកបាទក្រហម សរុបចំនួន ៩៤១ នាក់ ។


ឯកឧត្តម មានប្រសាសន៍ថា កាកបាទក្រហមកម្ពុជា ក្រោមការដឹកនាំ​ដ៏ត្រឹមត្រូវប្រកប​ដោយគតិបណ្ឌិតរបស់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានផ្តោតការយកចិត្ត​ទុកដាក់ខិតខំ​ប្រឹងប្រែងយ៉ាងខ្លាំង ដើម្បីធ្វើការ​អភិវឌ្ឍយុវជន​កាកបាទក្រហម ឲ្យក្លាយ​ជាធនធានមនុស្ស​ដ៏មានសមត្ថភាព ​មានបទពិសោធន៍​គ្រប់គ្រាន់ និងទឹកចិត្ត​មនុស្សធម៌ សំដៅចូលរួម​ចំណែកអភិវឌ្ឍ​ប្រទេសជាតិ ៕

អនុសាខាកាកបាទក្រហមកម្ពុជា ខណ្ឌមានជ័យចុះសួរសុខទុក្ខ កម្មករ កម្មការិនីរោងចក្រ នៅ សង្កាត់ស្ទឹងមានជ័យទី២ ។

សាខាកក្រករាជធានីភ្នំពេញ៖​ នាថ្ងៃអាទិត្យ ១១រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ១១ ខែ កុម្ភៈ ឆ្នាំ ២០១៨នេះ ក្រុមការងារ​អនុសាខា​កាកបាទក្រហម​កម្ពុជា ខណ្ឌមានជ័យ ដឹកនាំដោយ លោក ឌី រ័ត្នខេមារុណ​ ប្រធានគណៈកម្មាធិការ​អនុសាខា បានចុះសំណេះសំណាល​សាកសួរសុខទុក្ខ និងចែក​អំណោយ​មនុស្សធម៌​របស់កាកបាទក្រហម​កម្ពុជា ដែលមាន​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់បងប្អូន​កម្មករ កម្មការិនី​រោងចក្រចំនួន៣០គ្រួសារ រស់នៅភូមិ​ឬស្សី សង្កាត់ស្ទឹង​មានជ័យទី២ ។

 

មានប្រសាសន៍នា​ឱកាសនោះ លោកប្រធាន​គណៈកម្មាធិការអនុសាខា បានពាំនាំនូវបណ្តាំផ្ញើសាកសួរសុខទុក្ខពីសំណាក់​សម្តេចកិត្តិព្រឹទ្ធបណ្ឌិតប្រធាន ប៊ុន រ៉ានី ហ៊ុន សែន ជូនដល់បងប្អូនកម្មករ កម្មការិនីទាំងអស់ប្រកបដោយ​សេចក្តីនឹករលឹក ព្រមទាំងសូមឲ្យបងប្អូនទាំងអស់ត្រូវយក​ចិត្តទុកដាក់គិតគូរពីសុខភាព បរិភោគចំណី​អាហារដែលមានជីវជាតិ និងសូមប្រុងប្រយត្ន័​បង្ការចំពោះគ្រោះអគ្គីភ័យ ព្រមទាំងបើកបរត្រូវគោរព​ច្បាប់ចរាចរណ៍​ ។

 

អំណោយមនុស្សធម៌ដែលបានចែកជូនក្នុង១គ្រួសារៗទទួលបាន៖ អង្ករ៣០គីឡូក្រាម មី១កេស ទឹកសុទ្ធ១យួរ ទឹកត្រី១យួរ ទឹកស៊ីអុីវ១យួរ ​ និងថវិកាចំនួន២ម៉ឺនរៀល ៕

 

សាខាកក្រកខេត្តកំពង់ស្ពឺ ចុះសួរសុខទុក្ខ ស្រ្តីសម្រាលកូន និងទីទ័លក្របំផុត នៅ ឃុំចំបក់

សាខាកក្រកខេត្តកំពង់ស្ពឺ ៖ កាលពីព្រឹក​ថ្ងៃទី ៨ ខែ កុម្ភៈ ឆ្នាំ ២០១៨ សាខា​កាកបាទក្រហមកម្ពុជា ខេត្តកំពង់ស្ពឺ ដឹកនាំដោយ​លោកស្រី អោម ចន្នា នាយិកាសាខានិង​សហការី បានអញ្ជើញ​ចុះសួរសុខទុក្ខ និងនាំយកអំណោយ​មនុស្សធម៌របស់​កាកបាទក្រហមកម្ពុជា ជូនដល់ស្រ្តី​សម្រាលកូន និង​ទីទ័លក្របំផុតចំនួន ២គ្រួសារ ស្ថិតនៅ​ភូមិចំនួន ២ ក្នុងឃុំចំបក់ ស្រុក​ភ្នំស្រួច ខេត្តកំពង់ស្ពឺ។

ក្នុងឱកាសនោះដែរ លោកស្រី​នាយិកា បានពាំនាំនូវ​ប្រសាសន៍ផ្តាំផ្ញើ​សួរសុខទុក្ខនិង​ក្តីនឹករលឹកពីសំណាក់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេចតែតែង​គិតគូរពីសុខទុក្ខ​របស់បងប្អូន​ប្រជាពលរដ្ឋ​ងាយរងគ្រោះ និងរងគ្រោះដោយសារ​គ្រោះមហន្តរាយផ្សេងៗ ដោយមិន​ប្រកាន់រើសអើងវណ្ណៈ ពូជសាសន៍ ព័រណ៍សម្បុរ ឬនិន្នាការនយោបាយអ្វីឡើយ។

អំណោយដែលបានផ្តល់ជូនរួមមាន ៖ អង្ករ ៣០គីឡូក្រាម ត្រីខ ១០កំប៉ុង ទឹកត្រីទឹកស៊ីអ៉ីវ ១យួរ ទឹកដោះគោ ១កំប៉ុង មី ១កេស ប្រេងឆា ១ដប នំធុង ១ធុង ឃីតកូនក្មេង ១កញ្ចប់ និងថវិកា៥០,០០០ផងដែរ៕

 

សាខាកក្រកខេត្តព្រះវិហារសួរសុខទុក្ខ កុមារី សៅ ស៊ីវ័ន រងគ្រោះដោយសារ រលាកភ្លើង

សាខាកក្រកខេត្តព្រះវិហារ៖នៅរសៀល​ថ្ងៃទី៧ ខែកុម្ភុៈ ឆ្នាំ២០១៨ នេះ លោកជំទាវ​ ចឹក ហេង ប្រធានគណៈកម្មាធិការ​សាខាកាកបាទ ក្រហមកម្ពុជា​ ខេត្តព្រះវិហារ និងមន្រ្តី​សាខា អនុសាខា បាននាំយកអំណោយ​មនុស្សធម៌ចុះសាកសួរ​សុខទុក្ខ និងផ្តល់ជូន​កុមារី សៅ ស៊ីវ័ន អាយុ ៦ ឆ្នាំ រងគ្រោះ​ដោយសាររលាកភ្លើង កាលពីព្រឹកថ្ងៃទី ៧ ខែ កុម្ភៈ ឆ្មាំ ២០១៨ នៅភូមិសន្លុងជ័យ ឃុំរក្សា ស្រុករវៀង ហើយកំពង់សម្រាក​ព្យាបាលនៅ​មណ្ឌលសុខភាពរវៀង ។

 

ក្នុងឱកាសនោះដែរ​លោកជំទាវ​ប្រធានគណៈកម្មាធិការ​សាខាបានចូលរួម​សោកស្តាយចំឧបទ្ទវហេតុដែលបានកើតឡើងចំពោះក្មួយស្រី នាពេលនេះ និងបានផ្តាំផ្ញើ​ឪពុកម្តាយរបស់ក្មួយ​អោយខិតខំថែទាំ និងមានការប្រុងប្រយ័ត្ន​ចំពោះក្មេងតូចៗ ខ្លាចមានគ្រោះថ្នាក់ជាយថាហេតុ។

 

សម្ភារផ្តល់ជូនរួមមាន៖ទឹកដោះ គោឆៅ ២ យួរ ស្ករស ១ គីឡូ មី ១ កេស ត្រីខ ១ យួរ សារុង១ ក្រម៉ា ១ ភួយ១ មុង១ និងថវិកាមួយ​ចំនួន និងមានការចូលថវិកាពីសប្បុរសជនរួមមានៈលោក ម៉ុម ចន្ទលី ៥០,០០០ រៀល មន្ត្រីអនុសាខា ៥០,០០០រៀល ឯកឧត្តម យុង គឹមហ៊ាន ២០ ដុល្លារ ។

 

Fist Prev 1 2 3 4 5 Next Last