Webmail
E-Learning
សាខាកាកបាទក្រហមកម្ពុជា

ពោធិ៍សាត់

យុទ្ធនាការផ្សព្វផ្សាយពីសុវត្ថិភាពចរាចរណ៌នៅខេត្តសៀមរាប

សៀមរាប៖ នៅព្រឹកថ្ងៃទី ១២ ​ខែមេសា​ ឆ្នាំ២០១៦ ​នេះ ​អ្នកស្ម័គ្រចិត្ត ​និងយុវជន​កាកបាទ​ក្រហម​កម្ពុជា​ នៃសាខា​កាកបាទ​ក្រហម​កម្ពុជា ​ខេត្ត​សៀមរាប​ ចំនួន ១២នាក់​ ចុះធ្វើ​យុទ្ធនាការ​អប់រំ​ផ្សព្វផ្សាយ​ពីផល​ប៉ះពាល់​នៃការបើកបរ​ក្រោម​ឥទ្ធិពល​នៃគ្រឿងស្រវឹង ​ដោយចែក​ខិត្តប័ណ្ណ ​និងស្ទីកឃ័រ​សារអប់រំ ​“បើពិសា​គ្រឿងស្រវឹង​ កុំបើកបរ​” នៅតាម​តំបន់​គោលដៅ​មួយចំនួន​ក្នុងក្រុង​សៀមរាប។


យុទ្ធនាការ​នេះ​ធ្វើឡើង​ក្នុង​គោលបំណង ​កាត់បន្ថយ​គ្រោះថ្នាក់​ចរាចរណ៍ ​ពិសេស ក្នុង​ឱកាស​ពិធីបុណ្យចូល​ឆ្នាំថ្មី​ប្រពៃណីជាតិ​ខាងមុខនេះ​ ដោយ ​ជួយក្រើន​រំលឹក​ដល់អ្នក​បើកបរ​ដែល​កំពុង ​ធ្វើចរាចរណ៍​នៅតាម​ដងផ្លូវ ​និងប្រជាពលរដ្ឋ​យើង​ទាំងអស់គ្នា​ ឱ្យគោរព​ច្បាប់​ចរាចរណ៍ ​ចេះយោគយល់​អធ្យាស្រ័យ​គ្នាទៅវិញ​ទៅមក កុំបើកបរ​ក្រោម​ឥទ្ធិពល​នៃ​គ្រឿងស្រវឹង​ កុំជែងគ្នា​ក្នុង​ស្ថានភាព​គ្រោះថ្នាក់ និង​កុំបើកបរលើស​ល្បឿន​កំណត់។

សាខា កាកបាទ ក្រហម កម្ពុជា ខេត្តព្រះវិហារ ចែក អំណោយដល់ជន រងគ្រោះដោយខ្យល់កន្រ្តាក់

ខេត្តព្រះវិហារ : នៅព្រឹកថ្ងៃទី​ខែ៤មេសា​ឆ្នាំ២០១៦នេះ​សាខា​កាកបាទ​ក្រហមកម្ពុជា​ខេត្តព្រះវិហារ​ដឹកនាំ​ដោយ​ឯកឧត្តម​យុងគឹមហ៊ាន  នាយកសាខា​បានចុះ​សួរសុខទុក្ខ ​និងនាំយក​អំណោយ​មនុស្សធម៌​ផ្ដល់ជូនប្រជាពលរដ្ឋរងគ្រោះ​ចំនួន១២ គ្រួសារ​ដែលបណ្តាល​ មកពីខ្យល់កន្រ្តា​ក់ កាលពីវេលា​ម៉ោង ៤:៤៥ នាទី ល្ងាចថ្ងៃទី៣ ខែមេសា នៅភូមិបង្គោល៨ ​ឃុំស្រអែម ស្រុកជាំក្សាន្ត ខេត្តព្រះវិហារ។

 

ក្នុងឱកាសនោះ​ ឯកឧត្តមនាយក​សាខា​ បានសម្តែង​ការសោកស្តាយ​ចំពោះ​គ្រោះធម្មជាតិ​ដែលកើតឡើង​ចំពោះបងប្អូន​ និងផ្តាំផ្ញើ​សូមបងប្អូន​ទាំងអស់​មានការប្រុងប្រយ័ត្ន​នៅពេល​មេឃភ្លៀង​ ត្រូវបិទទូរស័ព្ទ ​ការពារគ្រោះថ្នាក់​កើតឡើង​ជាយថាហេតុ។ ជាមួយ​គ្នានោះ​សាខាបាន​នាំយក​អំណោយ​រួមមាន៖ អង្ករ ២៥ គីឡូក្រាម មី ១កេស ត្រីខ ១យួរ ទឹកស៊ីអីុវ១យួរ ខោអាវ២កញ្ចប់ និងថវិកាមួយចំនួន។

អនុសាខាកាកបាទក្រហមកម្ពុជា ខណ្ឌសែនសុខសួរសុខទុក្ខ ស្ត្រីមានផ្ទៃពោះ និងស្ត្រីទើបសំរាលកូនរួច

រាជធានីភ្នំពេញ៖ នៅព្រឹកថ្ងៃទី ០៤ ខែមេសា ឆ្នាំ ២០១៦នេះ​ អនុ​សាខា​កាកបាទ​ក្រហម​កម្ពុជា ​ខណ្ឌសែនសុខ​ ដឹកនាំ​ដោយ​លោក ថេង សុថុល​ ប្រធាន​គណៈកម្មាធិការ​អនុសាខា​បានអញ្ជើញ​សំណេះ​សំណាល​សាកសួរ​សុខទុក្ខ​ជាមួយស្ត្រី​មានផ្ទៃពោះ​ចំនួន១៣នាក់ ​និងស្ត្រី​ទើបសំរាល​កូន​រួច​ចំនួន១នាក់ ​នៅមណ្ឌល​សុខភាព​ភ្នំពេញថ្មី​ដែលស្ថិត​នៅសង្កាត់​ភ្នំពេញថ្មី ​ខណ្ឌសែនសុខ​ រាជធានីភ្នំពេញ​។

 

ក្នុងឱកាស​សំណេះ​សំណាល​នោះលោកប្រធាន​អនុសាខា​បានពាំនាំ​ប្រសាសន៍​ផ្តាំ​ផ្ញើសួរ​សុខទុក្ខ​ពី​សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធាន​កាកបាទ​ក្រហម​កម្ពុជា​ដែលជា​និច្ចកាល​សម្តេច​តែងតែ​គិតគូរ​ពីសុខុមាលភាព​របស់​ប្រជាពលរដ្ឋ​ ពិសេស​ស្ត្រី​មាន​ផ្ទៃពោះ​ត្រូវចេះ​ថែរក្សា​សុខភាព​ ពិនិត្យ​ផ្ទៃពោះ​ឱ្យបាន​ទៀងទាត់​ និងណែនាំ​ស្ត្រី​ទាំងអស់​មកសម្រាល​កូននៅ​មណ្ឌលសុខភាព​ ឬមន្ទីរពេទ្យ​ដែលនៅ​ក្បែរផ្ទះ​ ជៀសវាង​ ការសម្រាល​តាមបែប​បុរាណ​។

ជាមួយគ្នានោះ​ អនុសាខា​ក៏បាននាំ​យកអំណោយ​មនុស្សធម៌​មកផ្ដល់​ជូនក្នុង​ម្នាក់ៗ​ទទួលបាន​ ៖ កន្សែង​ពោះគោ១ ថ្នាំដុសធ្មេញ១ ច្រាស​ដុសធ្មេញ១ ម្សៅកូន​ក្មេង១ កន្ទេល១ មុង១ ភួយ១ និងថវិកា​មួយចំនួន។

 

ប្រជាជនរងគ្រោះដោយខ្យល់កន្រ្តាក់ទទួលអំណោយពីសាខាកាកបាទក្រហមកម្ពុជា ខេត្តបាត់ដំបង

ខេត្តបាត់ដំបង៖ នៅថ្ងៃទី ២ ខែមេសា ឆ្នាំ២០១៦ សាខា​កាកបាទ​ក្រហម​កម្ពុជា​ ខេត្តបាត់ដំបង ​ដឹកនាំ​ដោយ​ឯកឧត្តម​ ប៊ុត គឹមស៊ាន ​ប្រធាន​គណៈកម្មាធិកា​សាខា​ និង​សហការី ​ព្រមជាមួយ​អនុសាខា ​បានចុះ​សួរ​សុខទុក្ខ ​និងចែកអំណោយ​មនុស្សធម៌​ជូនដល់​ប្រជាពលរដ្ឋ​រងគ្រោះ​ដោយ​ខ្យល់​កន្រ្តាក់​ចំនួន ​២៦គ្រួសារ រស់នៅ​ឃុំភ្នំសំពៅ ​និងឃុំឈើទាល​ ស្រុកបាណន់​ ខេត្តបាត់ដំបង ​កាលពី​ល្ងាច​ថ្ងៃទី០២ខែមេសា​ឆ្នាំ២០១៦។


ក្នុងឱកាសនោះ​ឯកឧត្តម ​មានប្រសាសន៍​ផ្តាំ​ផ្ញើជូន​ដល់បងប្អូន​ឲ្យប្រុង​ប្រយត្ន័ខ្ពស់​ចំពោះ​អាកាសធាតុ ​និង​មួយទៀត​គឺអគ្គិភ័យ​ ព្រោះនៅ​តែប៉ុន្មានថ្ងៃទៀត​ហ្នឹងដល់​រដូវបុណ្យចូលឆ្នាំ​ប្រពៃណីជាតិ​ ដែលបង​ប្អូន​សែនដូនតា​ ទៀន ធូប​ ក្រែង​មាន​ហានិភ័យ​កើតឡើង​ជាយថាហេតុ​។  អំណោយ​ដែលបាន​យកមក​ចែកជូន​បងប្អូន​ជនរងគ្រោះ​ គឺគ្រួសារនីមួយៗទទួលបាន៖ អង្ករ ៣០គីឡូក្រាម,មុង១ ,សារុង១ , ក្រមា១ , ភួយ១ និង ថវិកា ២ម៉ីនរៀល។

ប្រជាពលរដ្ឋមានជីវភាពខ្វះខាតទទួលអំណោយពីសាខាកាកបាទក្រហមកម្ពុជា ខេត្តស្វាយរៀង

ខេត្តស្វាយរៀង៖ នៅថ្ងៃទី ៣០ ខែមីនា ឆ្នាំ ២០១៦ សាខា​កាកបាទ​ក្រហម​កម្ពុជា​ ខេត្តស្វាយរៀង ​ដឹកនាំ​ដោយ​ លោក ពៅ សារ៉េន​ នាយករង​សាខា​ និងមន្ត្រី​អនុសាខា​ស្រុកស្វាយជ្រំ​បាន​ចុះសួរសុខទុក្ខ ​និង​ចែកអំណោយ​មនុស្សធម៌​ដល់​ប្រជាពលរដ្ឋ​មានជីវភាព​ខ្វះខាត​ និង​រងគ្រោះ​ដោយសារ​អគ្គិភ័យ ​សរុបចំនួន ៣គ្រួសារ។


- ឈ្មោះ ឃឹម សុខ អាយុ៥៥ ឆ្នាំ រងគ្រោះ​ដោយសារ​អគ្គិភ័យ​ រស់នៅ​ភូមិឃ្មត់ ឃុំស្វាយជ្រំ ​ស្រុកស្វាយជ្រំ​
- ឈ្មោះ វល្ល័ សុភក្រ័ អាយុ ៣០ឆ្នាំ មានជិវភាពខ្វះខាត នៅរស់ភូមិធំ ឃុំធ្លក ស្រុកស្វាយជ្រំ
- ឈ្មោះ ឈើង សុធី អាយុ ៦ឆ្នាំ ជាក្មេងកំព្រា រស់នៅភូមិ បឹងវែង ឃុំស្វាយជ្រំ ស្រុកស្វាយជ្រំ
គ្រួសារ​ដែលរងគ្រោះ​ដោយសារ​អគ្គីភ័យ​ទទួលបាន​៖ អង្ករ ៥០គីឡូក្រាម តង់១ កន្ទេល១ ធុងទឹកជ័រ១ មុង១ ភួយ១ ក្រមា១ សារុង១ ឆ្នាំងបាយសម្ល២ និងថវិកាមួយចំនួន។


ដោយឡែក​គ្រួសារ​ក្រីក្រ​និងកុមា​កំព្រា​ទទួល​បាន៖ អង្ករ ៣០គីឡូក្រាម កន្ទេល១ មុង១ ភួយ១ សារុង១ ក្រមា១ ភួយ១ ឆ្នាំងបាយសម្លរ ២ និងថវិកាមួយចំនួន។

Fist Prev 136 137 138 139 140 Next Last