Webmail
E-Learning
សាខាកាកបាទក្រហមកម្ពុជា

ពោធិ៍សាត់

ពិធីបំពាក់កន្សែងជូនដល់យុវជនកាកបាទក្រហមកម្ពុជា

       យុវជន​កាកបាទ​ក្រហម​កម្ពុជា​ថ្មី​ ចំនួន​ ៥៦​រូប​ ស្រី​៤៥​រូប​​ មក​ពី​វិទ្យាល័យ​ក្រឡាញ់ ​និង​អនុ​វិទ្យាល័យ​ កំពង់​ថ្កូវ​ ត្រូវ​បាន​បំពាក់​ឯក​សណ្ឋាន​យុវជន​កាកបាទ​ក្រហម​កម្ពុជា​ ដោយ​មាន​ការ​ចូលរួម​ពី​សំណាក់​ ឯកឧត្តម​ គុជ លីណា អនុ​ប្រធាន​គណៈកម្មា​ធិការ​សា​ខា​ កាល​ពី​រសៀល​ថ្ងៃ​ទី​៣០​ ខែ​កុម្ភៈ​ ឆ្នាំ​២០១៦ ​នៅ​សាល​ប្រជុំ​វិទ្យាល័យ​ ក្រឡាញ់ ​ស្រុក​ក្រឡាញ់​​ ខេត្ត​សៀម​រាប។

        ក្នុង​ឱកាស​នោះ​ ឯកឧត្តម​ បានចាត់​ទុក​យុវជន​ជា​ទំពាំង​ស្នង​ឫស្សី ​ជា​អ្នក​បន្ត​វេនក្នុ​ងសកម្ម​ភាព​មនុស្ស​ធម៌​របស់​កាកបាទ​ក្រហម​កម្ពុជា​ និង​សំណូម​ពរ​ដល់​យុវជន​ទាំង​អស់​ ត្រូវ​គោរព​វិន័យ​សាលា ​ត្រូវ​ខិត​ខំ​រៀន​សូត្រ​ឱ្យ​បាន​ពូកែ និង​ធ្វើ​ជា​គំរូ​ក្នុង​ស្រទាប់​យុវវ័យ​ ត្រូវ​ជួយ​ផ្សព្វ​ផ្សាយ​ពី​សកម្មភាព​មនុស្ស​ធម៌ របស់​កាកបាទ​ក្រហម​កម្ពុជា ​ចូលរួម​ក្នុង​សកម្មភាព​នេះ ទាំង​នៅ​ក្នុង​សាលា​ និង​នៅ​ក្នុង​សហគមន៍ ​ហើយ​ត្រូវ​ចេះ​ជួយ​គ្នា​ទៅ​វិញ​ទៅ​មក ។​

        ជា​មួយ​គ្នា​នោះ​ដែរ​ឯកឧត្តម​ ក៏​បាន​នាំ​យក​នូវ​ថវិកា​ជា​អំណោយ​របស់​  ឯកឧត្តម​ឃឹម​ ប៊ុន​សុង​ ប្រធាន ​​  គណៈកម្មា​ធិការ​សាខា​កាកបាទ​ក្រហម​កម្ពុជា ​ខេត្ត​សៀមរាប​ និង​លោកជំទាវ​ ចែក​ជូន​ដល់​ក្មួយៗ​ទាំង​៥៦​នាក់ ​ម្នាក់ៗទទួល​បាន​ថវិកា ​១ម៉ឺន​រៀល​ផង​ដែរ៕

 

ការចុះប្រមូលទិន្នន័យស្តីពីបម្រែបម្រួលអាកាសធាតុនៅឃុំចុងកាល់ស្រុកចុងកាល់

ដោយ​មាន​កិច្ច​សហការ​ជាមួយ​មន្ទីរ​ធនធាន​ទឹក ​និង​ឧតុនិយម​ខេត្ត ​ចាប់​ពី​ថ្ងៃ​ទី ៣១ ​ខែ​មករា ​ឆ្នាំ២០១៦ ​ដល់​ថ្ងៃ​ទី​០១​ខែ​កុម្ភៈ​ ឆ្នាំ​២០១៦ ​លោក​សរ ​សៀង​ហៀង ​នាយក ​សាខា​កាកបាទ​ក្រហម​កម្ពុជា ​ខេត្តឧត្តរ​មាន​ជ័យ បាន​ដឹក​នាំ​អ្នកស្ម័គ្រ​ចិត្ត​កាកបាទ​ក្រហម​ចំនួន ​៣០​នាក់ ​ចុះ​ប្រមូល​ទិន្នន័យ​ពី​ប្រជាជន​ចំនួន ៤៥​គ្រួសារ​ស្ថិត​ក្នុង​ភូមិ ឆូក និង​ភូមិ​បន្ទាយ​ចាស់​ ក្នុង​ឃុំ ​ចុងកាល់ ​​ស្រុក​ចុងកាល់ ​ក្នុង​គោលបំណង ​ស្វែងយល់ ​ពី​ផល​ប៉ះពាល់​ដែល​បណ្តាល​មក​ពី​ការ​ប្រែប្រួល​អាកាសធាតុ ​និង​ការ​ទទួលផល​ពី​ប្រព័ន្ធ​ធារា​សាស្ត្រ ​សំដៅជួយ​រួម​ចំណែក​បង្កើន​ជីវភាព​របស់​ប្រជាជន​ឲ្យ​កាន់​តែ​ប្រសើរ​ឡើង។

គ្រួសាររងគ្រោះដែលធ្លាក់ចូលឡដុតធ្យួងទទួលអំណោយពី សាខាកាកបាទក្រហមកម្ពុជាខេត្ត

នៅ​ព្រឹក ​ថ្ងៃទី​០១.​ខែកុម្ភះ ​​ឆ្នាំ​២០១៦ ​វេលា​ម៉ោង ​៩: ០០​ព្រឹក ​​លោក ​សើ ​សាម៉េត ​ប្រធាន​គណៈកម្មាធិការ​អនុ​សាខា​កាកបាទក្រហមកម្ពុជា​ស្រុក​ រតនៈ​មណ្ឌល ​និងសហការី ​ជា​ច្រើន​រូប ​បាន​យក​ថវិកា​ចូល​បុណ្យ​សព ​ក្រុមគ្រួសារ​ប្រជា​ពលរដ្ឋ​ធ្លាក់​ចូល​ឡ​ដុត​ធ្យួង​បណ្តាល​អោយ​ស្លាប់​១​នាក់ ​​របួស​ធ្ងន់​២​នាក់ រស់​នៅ​ភូមិ​រស្មី​សង្ហា​ ឃុំ​រស្មី​សង្ហា ​​ស្រុក​រតនៈ​មណ្ឌល​​ ខេត្ត​បាត់ដំបង​​ សប្បុរជន​ចូល​រួម​តាម​រយៈ​អនុ​សាខា​ស្រុក​រួម​មាន​៖
ឯក​ឧត្តម​ ចន្ទ ​​សុផល ​​ប្រធាន​កិត្តិយស​​ សាខា​កាកបាទ​ក្រហម​កម្ពុជា​ខេត្ត ​​៥០០,០០០​​រៀល ​​សាខា​កាកបាទ​ក្រហម​កម្ពុជា​ខេត្ត​​ ១,០០០,០០០​រៀល,​​ អនុ​សាខា​​កាកបាទ​​ក្រហម​​ស្រុក​​ ២០០,០០០​រៀល ​ក្រុម​យុវជន​ស ស ស យ ​ស្រុក ​១៥០,០០០​រៀល​ ក្រុម​កាងារ​ ឃុំ​រស្មី​សង្ហារ ​​២០០,០០០​រៀល​​ លោក ​កាន ប៊ុនថុល ​សមាជិក​ ស ស យ ក ​ខេត្ត ៥០,០០០ រៀល សរុប​ថវិកា​ ២,១០០,០០០​រៀល ។

ប្រជាពលរដ្ឋរងគ្រោះដោយអគ្គីភ័យទទួលអំណោយពីសាខាកាកបាទក្រហមកម្ពុជា ខេត្តព្រះវិហារ

នៅ​ព្រឹក​ថ្ងៃ​ទី​៣១ ​ខែមករា​ ឆ្នាំ​២០១៦ ​លោក​ជំទាវ ​ចឹក ​ហេង ​ប្រធាន​គណៈកម្មា​ធិការ​សាខា ​កាកបាទ​ក្រហម​កម្ពុជា ​ខេត្ត​ព្រះ​វិហារ ​បាន​ចុះ​សួរ​សុខ-​ទុក្ខ ​និង​នាំ​យក​អំណោយ​មនុស្សធម៌ ​ជូន​ប្រជា​ពលរដ្ឋ​រងគ្រោះ ​ចំនួន​ ៣​ គ្រួសារ​ នៅ​ភូមិ​គូលែន​ត្បូង ឃុំ​គូលែន​ត្បូង ស្រុក​គូ​លែន​ ខេត្ត​ព្រះវិហារ ​ដែល​រង​គ្រោះ​ដោយសារ​ទូសេ​ខ្សែ​ភ្លើង​ដាច់​ធ្លាក់​ប៉ះ​ផ្ទះ​ប្រជា​ពលរដ្ឋ ​បណ្តាល​ឱ្យ​ឆេះ​អស់​ផ្ទះ​៣​ខ្នង ​កាល​យប់ ​ថ្ងៃ​ទី​៣០ ខែ មករា ​ឆ្នាំ​២០១៦​។ ​អំណោយ​របស់​សាខា​ដែល​បាន​ផ្តល់​ជូន ​ក្នុង​មួយ​គ្រួសារ​ៗ​ទទួល​បាន៖ អង្ករ​៥០ គីឡូ មី​១​កេស​​ ត្រី​១​យួរ​​ ទឹក​ស៊ី​អ៊ីវ​​ ១​យួរ​​ ឃីត​១​​ ភួយ​១ ​​កន្ទេល​១​​ ចាន៦​​ ចាន​សម្ល​៤​ ឆ្នាំង​ដាំ​បាយ ​១ ឆ្នាំង​​សម្ល​១ ​​វែក​បាយ​១ ​​វែក​សម្ល​១ ​វែក​ឆា​១ ​ចាន​ដែក​១​ស្លាប​ព្រា​៦ ​​ផ្តិល​ទឹក​១ ធុង​ដាក់​ទឹក​១ និង​ថវិកា ១,០០០,០០០ ​រៀល។ ក្នុង​ឱកាស​នោះ​ក៏​មាន​សម្ភារៈ​ និង​ថវិកា​របស់​ព្រះ​តេជ​គុណ ​​សៀន ​គុណ​លាប ​អនុ​ប្រធាន​កិត្តិយស​អនុ​សាខា​ស្រុក​គូ​លែន​​ រួម​មាន៖ ​មី​១​កេស ​​ត្រី​ខ​១​យួរ ​​ទឹក​ត្រី​១​យួរ ​​ទឹក ​សុទ្ធ​១​យួរ ​​ទឹក​ដោះ ​គោ​២កំប៉ុង និង១​កន្ទេល​១ ស្ករស​១គីឡូ ​ទឹក​ក្រូច ១​ដប ​ថវិកា ​១៤០,០០០​រៀល ​ផង​ដែរ។

ពិធីសម្ភោធទីស្នាក់ការអនុសាខាកាកបាទក្រហមកម្ពុជាស្រុកកោះកុង

ទី​ស្នាក់​ការ ​អនុ​សាខា​កាកបាទ​ក្រហម​កម្ពុជា ​ស្រុក​កោះកុង ​ត្រូវ​បាន​សម្ភោធ​ដាក់​អោយ​ប្រើ​ប្រាស់ ​នៅ​ព្រឹក​ថ្ងៃ​ទី​ ២៥ ខែ មករា ឆ្នាំ ២០១៦ ដែល​ជា​អំណោយ​របស់ ឯកឧត្តម ប៊ុន លើត ប្រធាន​កិត្តិ​យស​សាខា​កាកបាទ​ក្រហម​កម្ពុជា ​ខេត្ត​កោះកុង និង​លោក​ជំទាវ ចំណាយ​អស់​ថវិកា​សរុប ៣០,០០០ ដុល្លារ​មាន​ទំហំ (ទទឹង ៨,២០ ម៉ែត្រ X បណ្ដោយ ១២,២០ ម៉ែត្រ) ធ្វើ​អំពី​បេតុង ដំបូល​ដែក ប្រក​ក្បឿង​ក្បាច់ ក្រាល​ឥដ្ឋ​ការ៉ូ មាន ០៤ បន្ទប់ ។​ ក្នុង​ឱកាស សម្ពោធ​នោះ​ដែរ ឯក​ឧត្តម ក៏​បាន​ចូលរួម​ក្នុង​ពិធី​ប្រកាស​ទទួល​ស្គាល់​សមាសភាព​ប្រធាន​កិត្តិយស អនុ​ប្រធានកិត្តិយស សមាជិក​កិត្តិយស អនុ​សាខា​និង​ប្រធាន គណៈកម្មាធិការ អនុ​ប្រធាន​គណៈកម្មាធិការ សមាជិក សមាជិកាគណៈកម្មា​ធិការ អនុ​សាខា ស្រុក​កោះ​កុង ។​

ក្នង​ឱកាស​នោះ ឯកឧត្តម​បាន​លើក​ឡើង​ពី​ជោគជ័យ និងសមិទ្ធផល ដែល​អនុ​សាខា​ស្រុក​កោះកុង សម្រេចបាន គឺ​ឆ្លុះ​បញ្ចាំង​ឲ្យ​ឃើញ​ពី មាគ៌ា​ដឹកនាំ​ដ៏​ត្រឹមត្រូវ ក្រោម​ការ​ដឹកនាំ​របស់ សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទ​ក្រហម​កម្ពុជា និង​ភាពខ្លាំង​នៃ​យុទ្ធសាស្រ្ត របស់​កាកបាទ​ក្រហម​កម្ពុជា ឆ្នាំ ២០១១-២០២០ ដែល​មហា​សន្និបាត​អាណត្តិ​ទី​០៦ បាន​អនុម័ត​ឡើង ។ រួម​ជាមួយ​គ្នា​នេះ​ដែរ ឯក​ឧត្តម បាន​ប្រកាស គៀងគរ​ស្វែង​រកមូល​និធិ​ដល់​សប្បុរសជន ដើម្បី​តំកល់​ទុក​នៅ​សាខា ដោយ​បាន​ថវិកាសរុប ១,៦០៦ ដុល្លារ សម្រាប់អនុ​សាខា​ចាត់ចែង​ទៅតាម​លទ្ធភាព និង​បាន​ចូលរួម​ចែក​អំណោយ​មនុស្សធម៌​ជូន​ដល់​គ្រួសារ​ទីទ័ល​ក្រ​ចំនួន ១០ គ្រួសារ​បន្ថែម​ទៀត​ដែល អំណោយ​ក្នុង ០១​គ្រួសារៗ​ទទួល​បាន៖ អង្ករ ២២​គីឡូក្រាម, មី ០១កេស, ទឹកស៊ីអ៊ីវ ០១, ស្ករស ០១ គីឡូក្រាម នំ ០១ ថង់ធំ, និងភួយ ០១ ជា​អំណោយ​របស់​ឯកឧត្តម​ប្រធាន​កិត្តិយស​សាខា និង​លោកជំទាវ​ផ្ទាល់ ។

Fist Prev 135 136 137 138 139 Next Last