Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

កិច្ចប្រជុំប៉ាន់ប្រមាណសមត្ថភាពសាខាកាកបាទក្រហមកម្ពុជា ខេត្តព្រះវិហារ

កិច្ចប្រជុំស្តីពី ការប៉ាន់ប្រមាណសមត្ថភាពសាខាកាកបាទក្រហមកម្ពុជាខេត្ត ព្រះវិហារ បានប្រព្រឹត្តទៅចំនួន ០២ថ្ងៃ (ពីថ្ងៃទី០២ ដល់ថ្ងៃទី០៣) ខែកញ្ញា ឆ្នាំ២០១៥ នៅស្នាក់ការសាខាកាកបាទក្រហមខេត្ត ដោយមានការចូលរួមពីសំណាក់ ឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា ។
 
មានមតិស្វាគមន៍ ក្នុងឱកាសបើកកិច្ចប្រជុំនាពេលនោះ លោក រ៉ាត់ សោភា ប្រធានស្តីទីគណះកម្មាធិការសាខាកាកបាទក្រហមកម្ពុជា ខេត្តព្រះវិហារ បានគូសបញ្ជាក់ថា កិច្ចប្រជុំដើម្បី ប៉ាន់ប្រមាណសមត្ថភាពសាខានៅពេលនេះ បានដំណើរការស្របពេលដែលសាខាកាកបាទក្រហមខេត្ត អនុសាខាស្រុក-ក្រុង អ្នកស្ម័គ្រចិត្ត និងយុវជនកាកាបាទក្រហមកម្ពុជា បាននិងកំពុងខិតខំបំពេញការងារមនុស្សធម៌នៅក្នុងខេត្ត ដើម្បីជួយដល់ជនរងគ្រោះ និងជនដែលងាយរងគ្រោះទទួលបានជោគជ័យ និងការទទួលខុសត្រូវខ្ពស់ ដោយ យើង បានដោះស្រាយទាន់ពេលវេលាជូនដល់បងប្អូនរងគ្រោះ និងងាយរងគ្រោះ ទាំងអស់នោះ។
 
លោក រ៉ាត់ សោភា បានបន្តទៀតថា ដើម្បីអោយដំណើរការនៃការងារ មនុស្សធម៌ក្នុងខេត្តអោយកាន់តែល្អប្រសើរថែមទៀតនោះ យើងទាំងអស់គ្នាជា ថ្នាក់ដឹកនាំគ្រប់លំដាប់ថ្នាក់ត្រូវធ្វើការប៉ាន់ប្រមាណសមត្ថភាពសាខា-អនុសាខាយើងថាតើ មកទល់បច្ចុប្បន្ននេះ យើងមានកំរិតសមត្ថភាពការងាត្រឹមណា? តើមានចំណុចខ្លាំង ចំណុចខ្សោយ និងបញ្ហាប្រឈមអ្វីខ្លះ? ដែលយើងចាំបាច់ត្រូវតែពិនិត្យពិចារណា អោយបានច្បាស់លាស់ ដើម្បីយកបញ្ហាទាំងអស់នេះដាក់ចេញជាសកម្មភាពប្រតិបត្តិ របស់យើងនាពេលខាងមុខអោយបានសមស្របតាមគោលដៅយុទ្ធសាស្ត្ររបស់កាកបាទក្រហមកម្ពុជាយើង និងដើម្បីកិច្ចការមនុស្សធម៌ក្នុងខេត្តយើងអោយកាន់តែមាន ប្រសិទ្ធភាពថែមទៀត ។
 
មានមតិបិទអង្គប្រជុំ នាឱកាសនេះ ឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា មានប្រសាសន៍ថា កិច្ចប្រជុំដើម្បីប៉ាន់ប្រមាណសមត្ថភាព សាខាខេត្តព្រះវិហាររបស់យើងនៅពេលនេះ ថ្វីត្បិតតែមានរយៈពេល ០២ថ្ងៃក៏ពិតមែន តែលទ្ធផលដែលយើងទទួលបានគឺធំធេងណាស់ អាស្រ័យដោយបងប្អូនជាសមាជិក សមាជិកាចូលរួមទាំងអស់បានបញ្ចេញមតិពិភាក្សាលើប្រធានបទយ៉ាងផុសផុល ហើយអ្វីដែលគួរអោយកត់សម្គាល់នោះគឺ អង្គប្រជុំទាំងមូលបានឯកភាពគ្នារកឃើញ ចំណុចខ្លាំង ចំណុខ្សោយ ដែលយើងបានអនុវត្តលើការងារមនុស្សធម៌កន្លងមក និងបានដាក់ចេញនូវចំណុចជាអាទិភាពសំខាន់ៗមួយចំនួនចូលក្នុងទិសដៅការងាររបស់យើង ដើម្បីយកទៅអនុវត្តនាពេលខាងមុខ។
 
ឯកឧត្តម បានបន្តទៀតថា កិច្ចប្រជុំ ស្តីពីការប៉ាន់ប្រមាណសមត្ថភាពស្ថាប័ន និងការរួមបញ្ជូលជាមួយនូវ លក្ខណៈវិនិច្ឆ័យ សាខាមានដំណើរការល្អនៅពេលនេះ គោលបំណងជាសំខាន់គឺ ដើម្បីស្វែងយល់ ស៊ីជម្រៅលើសមត្ថភាព និងរបៀបបំពេញការងាររបស់សាខាក្នុងស្ថានភាពបច្ចុប្បន្ន ដើម្បីយើងមាន មូលដ្ឋានក្នុងការកសាងផែនការសកម្មភាពនៅពេលខាងមុខ អោយ បានសមស្រប និងប្រកបដោយតម្លាភាពក្នុងកិច្ចការងារមនុស្សធម៌របស់យើង ។
 
ជាចុងក្រោយ ឯកឧត្តម ក៏បានសំណូមពរដល់កិច្ចប្រជុំទាំងមូល សូមមេត្តាខិតខំប្រឹងប្រែងអនុវត្តអោយបានល្អប្រសើនូវគោលការណ៍ជាអាទិភាពទាំងឡាយ ដែលអង្គប្រជុំក្នុងរយៈពេល ០២ថ្ងៃកន្លងមកនេះ បានសម្រេចដាក់ចេញដើម្បី ប្រែក្លាយសកម្មភាពការងារមនុស្សធម៌ក្នុងខេត្តព្រះវិហារ អោយកាន់តែសកម្ម កាន់តែ ច្រើនជាងមុន កាន់តែស៊ីជម្រៅជាងមុន និងអោយកាន់តែឆ្ងាយជាមុន ៕
 

ប្រជាពលរដ្ឋ១១៥គ្រួសារទទួលបានកូន ដូង ខ្នុរ ក្រូចឆ្មា ពីសាខាកាកបាទក្រហមខេត្តកំពង់ស្ពឺ

ថ្ងៃទី០១ ខែកញ្ញា ឆ្នាំ២០១៥ នៅសាលាបុណ្យភូមិចំបក់ក្អែរ ឃុំទឹកល្អក់ ស្រុកគងពិសី ខេត្តកំពង់ស្ពឺ ប្រជាពលរដ្ឋប្រមាណ ១១៥គ្រួសារ ក្នុងមួយគ្រួសារទទួលបានកូនឈើដាំហូបផ្លែចំនួន៣ដើម ៣ប្រភេទ ក្នុងនោះមាន៖ ពូជដូងក្រអូប ពូជខ្នុរណាំងការ៉ុត និងដើមក្រូចឆ្មា ជាអំណោយរបស់សាខាកាកបាទក្រហមកម្ពុជាខេត្តកំពង់ស្ពឺ ក្រោមអធិបតីភាព ឯកឧត្តម តុង សេង ប្រធានគណៈកម្មាធិការសាខា និងមានការចូលរួមពីលោក លោកស្រី សមាជិក សមាជិកា គណៈកម្មាធិការសាខា និងលោក លោកស្រី សមាជិក សមាជិកា អនុសាខាកាកបាទក្រហមស្រុកគងពិសី ជាច្រើនរូបទៀត។
 
ក្នុងពិធីចែកកូនឈើដាំហូបផ្លែនោះដែរ ឯកឧត្តម តុង សេង មានមតិសំណេះសំណាល សួរសុខទុក្ខ និងនាំនូវការសេចក្តីនឹករលឹក ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេច តែងតែឲ្យសាខា អនុសាខា ចុះសួរសុខទុក្ខប្រជាពលរដ្ឋជាប្រចាំ ទាំងសុខភាព ទាំងជីវភាពរស់នៅ របស់បងប្អូនប្រជាពលរដ្ឋគ្រប់ច្រកល្ហក មិនប្រកាន់និន្នាការនយោបាយអ្វីឡើយ។ ជាក់ស្តែងថ្ងៃនេះក្រៅពីចុះចែកអំណោយ ជាស្បៀង សំភារៈប្រើប្រាស់ និងថវិកា ដល់គ្រួសារទីទាល់ក្រ កុមារកំព្រា ជនឥតទីពឹង និងជនងាយគ្រោះ សម្តេច បានឲ្យមន្ត្រីសាខា អនុសាខា ចុះណែនាំប្រជាប្រពលរដ្ឋ ឲ្យចេះស្រលាញ់ធម្មជាតិ តាមរយៈការដាំកូនឈើ និងពិសេសដាំកូនឈើហូបផ្លែ គឺបានប្រយោជន៍ សម្រាប់ជាគម្របផែនដី កាត់បន្ថយកំដៅពីព្រះអាទិត្យ លើផែនដី ជួយទប់ស្កាត់ខ្យល់កន្ត្រាក់ ខ្យល់ព្យុះ និងអាចទាក់ទាញទឹកភ្លៀងផងដែរ។
 
ឯកឧត្តម បានបន្តថា៖ ពូជដូងក្រអូប ពូជខ្នុរណាំងការ៉ុន និងកូនដើមក្រូចឆ្មា វាផ្តល់អត្ថប្រយោជន៍ខ្លាំងណាស់សំរាប់បងប្អូនប្រជាពលរដ្ឋ ដែលខិតខំដាំដុះ គឺវាផ្តល់ ជម្រកសំរាប់មនុស្សសត្វ ផ្លែវាអាចយកទៅលក់តាមទីផ្សារដែលមានតំលៃខ្ពស់ ហើយក៏ដូចជា លើកកម្ពស់ជីវភាពរស់នៅរបស់បងប្អូនប្រជាពលរដ្ឋបានមួយកម្រិតទៀត៕

សាខាកាកបាទក្រហមកម្ពុជា ខេត្តឧត្តរមានជ័យ ចែកអំណោយមនុស្សធម៌ ដល់គ្រួសារដាច់ស្បៀង នៅស្រុកអន្លង់វែង

គ្រួសារទីទ័លក្រ មកពី៤ឃុំក្នុងស្រុកអន្លង់វែងខេត្តឧត្តរមានជ័យចំនួន១៥២គ្រួសារបានទទួល ជំនួយមនុស្សធម៌ពីកាកបាទក្រហមកម្ពុជាតាមរយៈសាខាកាកបាទក្រហមកម្ពុជាខេត្តឧត្តរមានជ័យ ក្នុងបរិវេណសាលាបឋមសិក្សាអន្លង់វែងនាព្រឹកថ្ងៃទី០២ខែកញ្ញាឆ្នាំ២០១។
 
មានប្រសាសន៍ក្នុងឱកាសនោះ ឯកឧត្តម អ៊ុយ សំអាត បានពាំនាំនូវការផ្តាំផ្ញើសួរសុខទុក្ខដ៏ខ្ពង់ខ្ពស់ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាដែលជានិច្ចជាកាលសម្តេច តែងតែយកចិត្តទុកដាក់គិតគូរដល់សុខទុក្ខរបស់ប្រជាពលរដ្ឋជានិច្ច។ ឆ្លៀតក្នុងឱកាសនោះដែរឯកឧត្តមបានសំណូមពរដល់បងប្អូនឲ្យខិតខំរក្សាសុខភាព ត្រូវខិតខំបន្តមុខរបរទទួលទាន និងត្រូវពង្រីកការដាំដុះឲ្យអស់លទ្ធភាព ត្រូវមានស្មារតីប្រុងប្រយ័ត្នខ្ពស់ ចំពោះគ្រោះធម្មជាតិផ្សេងៗដែលកើតឡើងក្នុងរដូវវស្សានេះ។
 
ឯកឧត្តម ក៏បានលើកឡើងផងដែរពីសកម្មភាពមនុស្សធម៌របស់កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិតប្រធាន ក្នុងការជួយដល់ប្រជាពលរដ្ឋរងគ្រោះដោយគ្រោះមហន្តរាយផ្សេងៗ ដោយឈេលើគោលការណ៌គ្រឹះ មិនប្រកាន់ពូជសាសន៍ ពណ៌សម្បុរ ប្ញ និន្នាការអ្វីឡើយ ពោលគឺទីណាមានការលំបាក ទីនោះមានវត្តមានកាកបាទក្រហមកម្ពុជាចុះជួយជានិច្ច។ 
 
អំណោយដែលទទួលបានក្នុងពេលនេះក្នុងមួយគ្រួសារៗទទួលបាន៖ អង្ករ៣០ គីឡូក្រាម មី០១កេស ត្រីខ ១០ កំប៉ុង មុង១ សារុង១ ភួយ១ ក្រមា១
 

សាខាកាកបាទក្រហមកម្ពុជា ខេត្តឧត្តរមានជ័យ ចែកអំណោយមនុស្សធម៌ ដល់គ្រួសារដាច់ស្បៀង នៅក្រុងសំរោង

ឯកឧត្តម អ៊ុយ សំអាត  នាយក  នាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជានិងសហការី នៅថ្ងៃទី  ០១  ខែកញ្ញា   ឆ្នាំ ២០១៥ បាននាំយកអំណោយមនុស្សធម៌របស់សាខាទៅចែកជូនប្រជាពលរដ្ឋដែលមានជីវភាពទីទ័លក្រចំនួន៣១៤  គ្រួសារ នៅនៅក្នុងបរិវេណសាលាក្រុងសំរោងខេត្តឧត្តរមានជ័យ។  
 
មានប្រសាសន៍សំណេះសំណាលក្នុងឱកាសនោះ  ឯកឧត្តម បានលើកឡើងពីសកម្មភាពមនុស្សធម៌របស់កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា ក្នុងការជួយដល់ប្រជាពលរដ្ឋ ទីទ័លក្រ ដោយឈេលើគោលការណ៌គ្រឹះ មិនប្រកាន់ពូជសាសន៍ ពណ៌សម្បុរ ប្ញ និន្នាការអ្វីឡើយ ពោលគឺទីណាមានការលំបាក ទីនោះមានវត្តមានកាកបាទក្រហមកម្ពុជាចុះជួយជានិច្ច មិនថាទីជិត ប្ញទីឆ្ងាយឡើយ។  ឯកឧត្តម បានបន្តទៀតថា សម្តេចតែងតែគិតគូរ និងយកចិត្តទុកដាក់ជាប្រចាំនូវសុខទុក្ខរបស់ប្រជាជនទីទ័លក្រ ចាស់ជរាគ្មានទីពឹង អ្នករស់នៅជាមួយមេរោគអេដស៍ ស្ត្រីមេម៉ាយទីទ័លក្រមានកូនច្រើនជាដើម។
 
ឯកឧត្តម បានផ្តាំផ្ញើដល់ប្រជាពលរដ្ឋរងគ្រោះទាំងអស់ ត្រូវខិតខំបន្តមុខរបរទទួលទាន និងត្រូវពង្រីកការដាំដុះឲ្យអស់លទ្ធភាព ត្រូវមានស្មារតីប្រុងប្រយ័ត្នខ្ពស់ ចំពោះគ្រោះធម្មជាតិផ្សេងៗដែលកើតឡើងក្នុងរដូវវស្សានេះ។  ឯកឧត្តមបានអំពាវនាវឲ្យ បងប្អូនទាំងអស់ត្រូវខិតខំថែរក្សាសុខភាពអនាម័យចៀសវាងជម្ងឺដងា្កត់ផ្សេងៗមកបៀតបៀន ។ 
 
អំណោយដែលយកមកចែកជូននាពេលនេះមាន ៖ អង្ករ ៣០ គីឡូក្រាម មី ១កេស   ត្រីខ១០ កំប៉ុង  មុង១ សារុង ១   ភូយ ១    ក្រមា១ ។ 

សាខាកាកបាទក្រហមកម្ពុជា ខេត្តឧត្តរមានជ័យ ចែកអំណោយមនុស្សធម៌ ដល់គ្រួសារដាច់ស្បៀង នៅស្រុកបន្ទាយអំពិល

ជំនួយមនុស្សធម៌ចំនួន៣២៥ឃីតត្រូវបានផ្តល់ជូនដល់គ្រួសារទីទ័លក្រដាច់ស្បៀងមកពី៤ឃុំក្នុងស្រុក បន្ទាយអំពិលខេត្តឧត្តរមានជ័យក្នុងបរិវេណវត្តគូ ឃុំគោកមនស្រុកបន្ទាយអំពិលនាព្រឹកថ្ងៃទី០១ខែកញ្ញាឆ្នាំ២០១៥ ដោយមានការចូលរួមពីសំណាក់ ឯកឧត្តម អ៊ុយ សំអាត នាយកនៃនាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា 
 
មានប្រសាសន៍ក្នុងឱកាសនោះ ឯកឧត្តម អ៊ុយ សំអាត បានពាំនាំនូវការផ្តាំផ្ញើសួរសុខទុក្ខដ៏ខ្ពង់ខ្ពស់ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាដែលជានិច្ចជាកាលសម្តេច តែងតែយកចិត្តទុកដាក់គិតគូរដល់សុខទុក្ខរបស់ប្រជាពលរដ្ឋជានិច្ច។ឆ្លៀតក្នុងឱកាសនោះដែរឯកឧត្តមបានលើកទឹកចិត្តដល់បងប្អូនឲ្យខិតខំរក្សាសុខភាព ត្រូវខិតខំបន្តមុខរបរទទួលទាន និងត្រូវពង្រីកការដាំដុះឲ្យអស់លទ្ធភាព ត្រូវមានស្មារតីប្រុងប្រយ័ត្នខ្ពស់ ចំពោះគ្រោះធម្មជាតិផ្សេងៗដែលកើតឡើងក្នុងរដូវវស្សានេះ។ 
 
ឯកឧត្តម ក៏បានលើកឡើងផងដែរពីសកម្មភាពមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ជាប្រធានកាកបាទក្រហមកម្ពុជា ក្នុងការជួយដល់ប្រជាពលរដ្ឋរងគ្រោះដោយគ្រោះមហន្តរាយផ្សេងៗ ដោយឈេលើគោលការណ៌គ្រឹះ មិនប្រកាន់ពូជសាសន៍ ពណ៌សម្បុរ ប្ញ និន្នាការអ្វីឡើយ ពោលគឺទីណាមានការលំបាក ទីនោះមានវត្តមានកាកបាទក្រហមកម្ពុជាចុះជួយជានិច្ច។  
 
អំណោយដែលទទួលបានក្នុងពេលនេះក្នុងមួយគ្រួសារៗទទួលបាន៖ អង្ករ៣០ គីឡូក្រាម មី០១កែស ត្រីខ ១០ កំប៉ុង មុង ១ សារុង ១ ភូយ០១ ក្រមា ១
 
Fist Prev 108 109 110 111 112 Next Last