Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

កិច្ចប្រជុំបូកសរុបការងារផលិតទឹកបរិសុទ្ធរបស់សាខាកាកបាទក្រហមកម្ពុជាខេត្តបាត់ដំបង

សាខាកក្រកខេត្តបាត់ដំបង៖ នៅសាលប្រជុំ​សហគ្រាស​ផលិតទឹកបរិសុទ្ធ​វីឃែរ​ នាព្រឹកថ្ងៃទី០៦ខែ​កុម្ភ ឆ្នាំ២០១៧នេះ​សាខាកាកបាទក្រហមកម្ពុជា​ខេត្តបាត់ដំបង​ បានរៀបចំពិធីបើកកិច្ចប្រជុំបូកសរុបលទ្ធផលការងារប្រចាំឆ្នាំ២០១៦ និងទិសដៅផែនការឆ្នាំ២០១៧​ក្រោមអធិបតីភាព​ ឯកឧត្តម​ចន្ទ័ សុផល​ប្រធានកិត្តិយសសាខា​និងឯកឧត្តមបណ្ឌិតប៊ុត គឹមស៊ាន ប្រធានគណៈកម្មាធិការសាខាកាកបាទក្រហមកម្ពុជាខេត្ត ។​ សមាសភាព​ចូលរួមក្នុង​កិច្ចប្រជុំ​ឱកាសនោះរួមមាន៖​ឯកឧត្តម​លោកជំទាវ​ លោក​ លោកស្រី ក្នុងជួរ​គណៈកិត្តិយស​ គណៈកម្មាធិការ មន្រ្តីប្រតិបត្តិសាខា​ អនុសាខា​ ប្រធាន​ក្រុមកាកបាទក្រហម​ឃុំសង្កាត់ លោកគ្រូ​ទីប្រឹក្សាយុវជនសរុប៣២រូប។

 

មានប្រសាសន៍បើកកិច្ចប្រជុំ​ ឯកឧត្តម​ប្រធានប្រធានកិត្តិយសសាខា​ បានលើកឡើងថា៖​ នេះជាឱកាសដ៏មានតម្លៃ​ និងជាវេទិកាដ៏គាប់ប្រសើរ​ ដើម្បីឲ្យសមាជិកសមាជិកានៃអង្គប្រជុំអាចធ្វើការបូកសរុបលទ្ធផល​ វាយតម្លៃ​ និងដកស្រង់បទពិសោធន៍ការងារ​ ដែលបានអនុវត្តក្នុងឆ្នាំកន្លងទៅ​ ហើយអាចឲ្យយើងត្រួតពិនិត្យឡើងវិញនូវវឌ្ឍនភាពការងារ​ និងបញ្ហាប្រឈមនានា​ ក្នុងការអនុវត្តយុទ្ធសាស្ត្រ២០១១-២០២០​ របស់កាកបាទក្រហមកម្ពុជា​ ដែលបានផ្តោតលើវិស័យស្នូលទាំង៤​ ក្នុងន័យបង្កើនប្រសិទ្ធភាព​ និងជំនឿទុកចិត្តពីសំណាក់ថ្នាក់ដឹកនាំ​ ជាពិសេស​ដើម្បី​ឈានទៅ​សម្រេចបាន​នូវសមិទ្ធផល​ថ្មីបន្ថែមទៀត​ក្នុងបណ្តាឆ្នាំខាងមុខ​ ។

 

តមកកិច្ចប្រជុំ​បានចាប់ដំណើរ​កម្មវិធីរបស់ខ្លួន​ជាបន្តបន្ទាប់​ តាមរបៀបវារៈ​ដែលបានគ្រោងទុក​ប្រកបដោយការ​យកចិត្តដាក់​ និងស្មារតីទទួលខុសត្រូវខ្ពស់ ៕

 

ប្រជាជនងាយរងគ្រោះនៅស្រុកឧត្តុងទទួលអំណោយពីសាខាកាកបាទក្រហមកម្ពុជាខេត្តកំពង់ស្ពឺ

សាខាកក្រកខេត្តកំពង់ស្ពឺ ៖ សាខា​កាកបាទក្រហមកម្ពុជា​ខេត្តកំពង់ស្ពឺ​កាលពីព្រឹកថ្ងៃទី៣​ខែកុម្ភះ​ឆ្នាំ២០១៧​ដឹកនាំដោយ​ឯកឧត្តម តុង សេង​ប្រធានគណៈកម្មាធិការ​សាខា​និងសហការី​បានចុះ​សួរសុខទុក្ខ​និងនាំយក​អំណោយមនុស្សធម៌​ដែលមាន​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ជាប្រធាន​ជូនដល់​ប្រជាពលរដ្ឋ​ទីទ័លក្រ​ជនពិការ​ចាស់ជរា​គ្មានទីពឹង​កុមារកំព្រារ​សរុបចំនួន១៩គ្រួសារស្ថិតនៅ៣ភូមិ ឃុំភ្នំតូច ស្រុកឧដុង្គ ខេត្តកំពង់ស្ពឺ។

 

ឆ្លៀត​ក្នុងឱកាសនោះ​ដែរ ឯកឧត្តមបានពាំនាំ​នូវប្រសាសន៍ផ្ដាំផ្ញើ​សួរសុខទុក្ខ​និងក្ដីនឹករលឹក​ពីសំណាក់​សម្ដេចកិត្តិព្រឹទ្ធបណ្ឌិតប្រធាន​ដែលជានិច្ចកាល​សម្ដេច​តែងតែ​គិតគូ​សុខទុក្ខ​ប្រជាពលរដ្ឋ​ក្រីក្រមានទុក្ខលំបាក​ជនងាយរងគ្រោះបំផុត​ដោយមិន​ប្រកាន់រើសអើង វណ្ណៈជាតិសាសន៍ ព័ណ៍សម្បុរ ឬនិន្នាការ​នយោបាយអ្វីឡើយ។

 

អំណោយ​ដែលបាន​ផ្ដល់ជូនក្នុង១គ្រួសារៗរួមមាន ៖ អង្ករ ២៥គីឡូក្រាម ទឹកត្រី ១យួរ ទឹកសុីអុីវ ១យួរ ត្រីខ ១០កំប៉ុង មី ១កេសទឹកដោះគោខាប់ ១កំប៉ុង ប្រេងឆា១ ដប នំប៊ីស្គី ១ធុង និងថវិកាចំនួន ២០,០០០ រៀល។

 

សូមបញ្ជាក់ថា៖ នៅថ្ងៃដដែលនេះ​ឯកឧត្តមប្រធាន​បានប្រគល់ផ្ទះ​ចំនួន ៣ខ្នង ជូនដល់គ្រួសារ​ទីទ័លក្រ​ពុំមានជម្រក​ស្នាក់នៅ​ចំនួន ៣គ្រួសារផងដែរ៕

 

គ្រួសាររងគ្រោះដោយអគ្គិភ័យទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តកោះកុង

សាខាកក្រកខេត្តកោះកុង​ ៖​កាលពីព្រឹកថ្ងៃទី០១ ខែកុម្ភៈ ឆ្នាំ២០១៧ នេះ​ឯកឧត្តម ប៊ុន លើត ប្រធាន​កិត្តិយសសាខាកាកបាទក្រហមកម្ពុជា​ខេត្តកោះកុង និងសហការីបានចុះសួរសុខទុក្ខ​ និងចែកអំណោយមនុស្សធម៌ដែលមានសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន ជូនគ្រួសារក្រីក្ររងគ្រោះដោយអគ្គីភ័យចំនួន០១ ខ្នងផ្ទះនៅភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង។

 

អំណោយដែលបានផ្តល់ជូនរួមមាន​ ៖​ អង្ករ៥០គក្រ  មី០២កេស​ ទឹកត្រី០៥លីត្រ ទឹកស៊ីអីវ ០១ យួរ ត្រីខ១០កំប៉ុង​ ប្រេងឆា០៥លីត្រ ទឹកសុទ្ធ០២កេស​ ធុងចម្រោះទឹក ០១​តង់ ០១ ចង្ក្រាន ០១ ឆ្នាំងដាំបាយ០១​ ឆ្នាំងសម្ល០១ ខ្ទះឆា ០១​ ចានបាយ១២​ ចានសម្ល​ ១២ ចានទឹកត្រី ១២​ វែកបាយ ៣​ វែកសម្ល​ ៣ វែកឆា ០៣ ស្លាបព្រាវែង ១០ ចានស្រាក់ ០១ ជ្រុញ ០១ កាធុនជ័រ ០២ ឃីត ០១ឈុត ( មុង​ ភួយ​ សារុង​ ក្រមា) និងថវិកា ១.៦៥០.០០០រៀល៕

 

សាខាកាកបាទក្រហមកម្ពុជាខេត្តកណ្តាលចូលរួមបុណ្យសពក្រុមគ្រួសារលិចទូកស្លាប់

សាខាកក្រក ខេត្តកណ្តាល ៖ នៅថ្ងៃទី០១ ខែកុម្ភៈ ឆ្នាំ២០១៧ នេះ​ក្រុមការងារ​កាកបាទក្រហម​កម្ពុជា​ដែលមាន​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​បានចូលរួមរំលែកទុក្ខយ៉ាងក្រៀមក្រំ​ជាមួយ​ក្រុមគ្រួសារសព ដែលបានរងគ្រោះដោយលិចទូកបណ្តាលឱ្យបាត់បង់ជីវិតចំនួន២នាក់ ឪពុក និង​កូនកាលពីសប្តាហ៍កន្លងទៅនៅភូមិកោះគ ឃុំរកាខ្ពស់ ស្រុកស្អាង​ ខេត្តកណ្តាល។

 

លោក ទៀង សុគន្ធ នាយកសាខាកាកបាទក្រហមកម្ពុជាខេត្តកណ្តាល និងក្រុមការងារក្នុងនាម​ឯកឧត្តម ជាវ តាយ ប្រធានគណៈកម្មាធិការសាខាបានសំដែងនូវការរំលែកទុក្ខយ៉ាងក្រៀមក្រំ​ និង​សោកស្តាយ​ពីសំណាក់​សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះ​ឧបទ្ទវហេតុ​ដែលបានកើតឡើងចំពោះគ្រួសាររងគ្រោះ​ ដែលបានបាត់បង់សាច់ញាតិ​ជាទី​ស្រឡាញ់​ និង​សូមបួងសួងដល់វិញ្ញាណក្ខន្ធសព​ បានទៅកាន់ទីសុគតិភពកុំបីឃ្លៀងឃ្លាតឡើយ។

 

ក្នុងសមានទុក្ខដ៏ក្រៀមក្រំនោះ​ សាខាកាកបាទក្រហមកម្ពុជា​ខេត្តកណ្តាល​បានចូលបុណ្យនូវគ្រឿង​ឧបភោគ-បរិភោគ​ និងបច្ច័យមួយចំនួនរួមមាន​ ៖ អង្ករ៥០គីឡូក្រាម មី១កេស ទឹកក្រូច២កេស ទឹកសុទ្ធ២កេស ត្រីខកំប៉ុង២យួរ ទឹកដោះគោ៥កំប៉ុង និងបច្ច័យ១,១០០.០០០ រៀល ។ ដោយឡែក​ អនុសាខាកាកបាទក្រហមកម្ពុជា​ ស្រុកស្អាង បានចូលបុណ្យចំនួន ២០០,០០០រៀល៕

ប្រជាជនរងគ្រោះដោយអគ្គិភ័យទទួលអំណោយសាខាកាកបាទក្រហមកម្ពុជាខេត្តកំពត

សាខាកក្រកខេត្តកំពត៖ កាលពីរសៀលថ្ងៃទី ៣១ខែមករាឆ្នាំ២០១៧ សាខាកាកបាទក្រហមកម្ពុជាខេត្តកំពតដឹកនាំដោយលោកជំទាវ អ៊ុន សុគន្ធា គណៈកិត្តិយសសាខាបានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជាដែលមានសម្ដេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់ប្រជាពលរដ្ឋរងគ្រោះដោយភ្លើងឆេះផ្ទះចំនួន៧គ្រួសារកាលពីថ្ងៃទី៣០ ខែមករា ឆ្នាំ ២០១៧ វេលាម៉ោង៧:៣០នាទីយប់ ស្ថិតនៅភូមិត្រពាំងរពៅ ឃុំព្រែកត្នោត ស្រុកទឹកឈូ ខេត្តកំពត។

 

នាឱកាសនោះដែរលោកជំទាវបានពាំនាំមកនូវប្រសាសន៍ផ្តាំផ្ញើសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលជានិច្ចកាលសម្ដេចតែងតែគិតគូដល់សុខទុក្ខប្រជាពលរដ្ឋ ក្រីក្រលំបាក ជនងាយរងគ្រោះបំផុត ជាពិសេសជនរងគ្រោះដោយសារភ្លើងឆេះផ្ទះ ដោយមិនប្រកាន់រើសអើង វណ្ណៈ ជាតិសាសន៍ ព័ណ៍សម្បុរ ឬនិន្នាការនយោបាយអ្វីឡើយ និងសូមឲ្យប្រជាពលរដ្ឋទាំងអស់មេត្តាប្រុងប្រយ័ត្នចំពោះភ្លើងចង្ក្រាន ភ្លើងទៀន ភ្លើងធូប ជៀសវាងគ្រោះអគ្គីភ័យផ្សេងៗកើតឡើងជាយថាហេតុ។

 

អំណោយដែលផ្តល់ជូនក្នុងមួយគ្រួសារៗរួមមាន ៖ អង្ករ៣០គីឡូក្រាម ត្រីខ១០កំប៉ុង ទឹកបរិសុទ្ធ២កេស មី១កេស ក្រមា១ សារុង១ មុង១ ភួយ១ កៅស៊ូតង់១ សម្ភារផ្ទះបាយ១កញ្ចប់ និងថវិកាចំនួន៣០,០០០រៀល។ ដោយឡែកសប្បុរសជនបានឧបត្ថម្ភជាទឹកបរិសុទ្ធ ១យួរ ខោអាវ ១កញ្ចប់ លោកមេឃុំព្រែកត្នោតឧបត្ថម្ភអង្ករ ១០០គីឡូក្រាម ថវិកាចំនួន ២៥០,០០០រៀល ឧកញ៉ាទ្រី ភាពឧបត្ថម្ភថវិកាចំនួន ៥០០ដុល្លារអាមេរិកផងដែរ៕

 

Fist Prev 106 107 108 109 110 Next Last