Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

ពិធី​ប្រកាស​ទទួលស្គាល់​ជា​ផ្លូវការ​សមាសភាព​គណៈកម្មាធិកា​រ អនុសាខា​កាកបាទក្រហមកម្ពុជា​ស្រុក និង ក្រុម​កាកបាទក្រហមកម្ពុជា​ឃុំ​ទាំង ៨ទូទាំង​ស្រុក​កៀនស្វាយ ខេត្តកណ្តាល

ពិធី​ប្រកាស​ទទួលស្គាល់​ជា​ផ្លូវការ សមាសភាព​គណៈកម្មាធិកា​រ​អនុសាខា​កាកបាទក្រហមកម្ពុជា​ស្រុក​កៀនស្វាយ និង ក្រុម​កាកបាទក្រហម​ឃុំ​ទាំង ៨ ទូទាំង​ស្រុក នា​ព្រឹក​ថ្ងៃទី ១៧ ខែ មីនា ឆ្នាំ ២០១៥ នៅ​សាលប្រជុំ​សាលាស្រុក​កៀនស្វាយ។ ពិធី​នេះ​ប្រព្រឹត្តទៅ​ក្រោម​អធិបតីភាព​ឯកឧត្តម ជាវ តា​យ អភិបាលរង​ខេត្ត និង​ជា​ប្រធាន​គណៈកម្មាធិការ​សាខា​កាកបាទក្រហមកម្ពុជា​ខេត្តកណ្តាល ។ អញ្ជើញ​ចូលរួម​ជា​កិត្តិយស សមាជិក សមាជិកា​គណៈកម្មាធិកា​រ​សាខា អនុ សាខា​ស្រុក ក្រុម​កាកបាទក្រហម​ឃុំ អ្នកស្ម័គ្រចិត្ត និង​យុវជន​កាកបាទក្រហម សរុប​ប្រមាណ ២៨០ នាក់ ។

 

បន្ទាប់ពី​ការអាន​សេចក្តីសម្រេច ទទួលស្គាល់​ជា​ផ្លូវការ​សមាសភាព​គណៈកម្មាធិកា​រ​អនុសាខា​កាកបាទក្រហម កម្ពុជា​ស្រុក ដែលមាន​សមាសភាព​ចំនួន ៧ រូប ស្រី ២ រូប  និង​ក្រុម​កាកបាទក្រហមកម្ពុជា​ឃុំ​ទាំង ៨ សរុប​ចំនួន ២៥៣ រូប ស្រី ៥២ រូប ជូន​អង្គពិធី​រួចមក ។ លោក ហេង ធៀ​ម ប្រធាន​គណៈកម្មាធិការ​អនុសាខា​កាកបាទក្រហមកម្ពុជា​ស្រុក  បាន​ចាប់អារម្មណ៍​ថា កាកបាទក្រហមកម្ពុជា ជា​ស្ថាប័ន​មនុស្សធម៌​មួយ​របស់​ជាតិ តាំងពី​ថ្នាក់កណ្តាល​រហូតដល់​ថ្នាក់មូលដ្ឋាន​គ្រប់​ខេត្ត-រាជធានី​ទូទាំង​ព្រះរាជាណាចក្រ​កម្ពុជា ពីមួយ​ឆ្នាំទៅ​មួយឆ្នាំ​កាន់តែ​មានការ​អភិវឌ្ឍ​ន៍​រីកចម្រើន​ឥតឈប់ឈរ ហើយ​ការអភិវឌ្ឍន៍​នេះ​គឺ​ពិតជា​អាស្រ័យ​ដោយសារ​ការដឹកនាំ​ដ៏​ឈ្លាសវៃ​របស់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ។ នៅ​ចំពោះមុខ​នៃ​អង្គពិធី តាំង​នាម​ឲ្យ​សមាជិក​សមាជិកា​គណៈកម្មាធិកា​រ​អនុសាខា​ស្រុក ក្រុម​កាកបាទក្រហម​ឃុំ អ្នកស្ម័គ្រចិត្ត យុវជន​កាកបាទក្រហម​នៅក្នុង​ស្រុក​ទាំងមូល សូម​ប្តេជ្ញាចិត្ត​គាំទ្រ និង​អនុវត្ត​សកម្មភាព​មនុស្ស ធម៌​លើ​គ្រប់​វិស័យ​របស់​កាកបាទក្រហម​កម្ពុជា តាម​គោលការណ៍​ទាំង៧របស់​ចលនា​អន្តរជាតិ​កាកបាទក្រហម អឌ្ឍចន្ទ​ក្រហម ។

 

ឯកឧត្តម ជាវ តា​យ មានមតិ​សំណេះ​សំណេះសំណាល​ដោយ​នាំមក​នូវ​ការ​ផ្តាំផ្ញើ​សាកសួរ​សុខទុក្ខ​ពី​សំណាក់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ជូន​ចំពោះ​សមាជិក​សមាជិកា​ក្នុង​អង្គពិធី​ទាំងមូល​ដោយ​ក្តី​នឹករឭក ។ ឯកឧត្តម​បានលើកឡើង​ថា ជោគជ័យ​ដែល​សាខា-អនុសាខា​ទទួល​បានក​ន្ល​ង​មក បាន​ឆ្លុះបញ្ចាំង​ឲ្យ​ឃើញ​ពី​មាគ៌ា​ដឹកនាំ​ដ៏​ត្រឹមត្រូវ​របស់​កាកបាទក្រហម​កម្ពុជា ក្រោម​ការដឹកនាំ​ដ៏​ឈ្លាសវៃ​របស់​សម្តេច​កិត្តិ​ព្រឹទ្ធ​បណ្ឌិត​ប្រធាន​និង​ភាពខ្លាំង​នៃ​យុទ្ធសាស្ត្រ​របស់​កាកបាទ​ក្រហម​កម្ពុជា ។ ជាមួយគ្នានេះដែរ​ឯកឧត្តម​បាន​ក្រើនរំឭក សមាសភាព​អនុសាខា​ស្រុក និង​ក្រុម​កាកបាទក្រហម​ឃុំ​ទាំងអស់​ដែល​ទើបនឹង​រៀបចំ​ថ្មី ត្រូវខិតខំ​អនុវត្ត​សកម្មភាព​មនុស្សធម៌​ឲ្យ​កាន់តែ​ខ្លាំងក្លា​បន្ថែមទៀត ព្រោះ​លោក លោកស្រី នាង​កញ្ញា ជា​គ្រឹះ​នៃ​កម្លាំង​មនុស្សធម៌​ថ្នាក់មូលដ្ឋាន ជា​សេនាធិការ​របស់​សាខា​កាកបាទក្រហម​ខេត្ត ពិសេស​កាកបាទក្រហម​កម្ពុជា និង​មួយផ្នែក​ទៀត​ក៏​ជា​ជំនួយការ​ឲ្យ​អាជ្ញាធរ​សាធារណៈ ក្នុងការ​ចូលរួម​ជួយ​ដោះស្រាយ​ភាព​រងគ្រោះ និង​ងាយ​រងគ្រោះ​របស់​ប្រជាពលរដ្ឋ ។

 

ក្នុងនោះដែរ​ឯកឧត្តម​បាន​សំណូមពរ​សុំ​ឲ្យ​ក្រុម​កាកបាទក្រហម​ឃុំ​ទាំងអស់​ចូលរួម​អនុវត្ត​ការងារ​ផ្សព្វផ្សាយ អំពី​សកម្មភាព​វិស័យ​ស្នូល​ទាំង៤របស់​កាកបាទក្រហម​កម្ពុជា ឲ្យ​បាន​កាន់តែ ប្រសើរ និង​យកចិត្តទុកដាក់​ពិនិត្យ​ពី​បញ្ហា​សុខទុក្ខ​របស់​ប្រជាពលរដ្ឋ រួច​រាយការណ៍​ជាបន្ទាន់​ជូនទៅ​អនុសាខា ក្នុងករណី​មាន​គ្រោះមហន្តរាយ​កើតមានឡើង​នៅក្នុង​មូលដ្ឋាន​របស់ខ្លួន ។

 

សូមបញ្ជាក់ថា នៅ​ចុងបញ្ចប់​នៃ​កម្មវិធី ឯកឧត្តម ជាវ តា​យ ប្រធាន​គណៈកម្មាធិការ​សាខា បាន​ឧបត្ថម្ភ​ថវិកា​ចំនួន ១.០០០.០០០ រៀល ដល់​អនុសាខា​ស្រុក ដើម្បី​ចាត់ចែង​រាល់​ការចំណាយ​ក្នុងការ​រៀបចំ​ពិធី ឧបត្ថម្ភ​ដល់​អ្នកស្ម័គ្រចិត្ត និង​យុវជន​កាកបាទក្រហម​ចំនួន ២០ នាក់ ក្នុងម្នាក់ៗថវិកា ១០.០០០ រៀល និង កម្លាំង​ការពារ​សន្តិសុខ​របស់​ស្រុក ថវិកា ១០ ម៉ឺន​រៀល៕

 

អត្ថបទ,រូបភាព៖  

សាខា​កាកបាទក្រហមកម្ពុជា​ខេត្តកណ្តាល

 

ប្រជាពលរដ្ឋ​បី​គ្រួសារ​រងគ្រោះ​ដោយសា​ភ្លើង​ឆេះ​ផ្ទះ​ទទួល​អំណោយ​មនុស្សធម៌ពី​សាខា​កាកបាទ ក្រហម​កម្ពុជា​ខេត្តរតនគិរី

នា​ព្រឹក​ថ្ងៃទី១៦ ខែមីនា ឆ្នាំ២០១៥ សាខា​កាកបាទក្រហមកម្ពុជា​ខេត្តរតនគិរី ដឹកនាំ​ដោយ​លោក ឌឹម ណាត នាយក​សាខា​កាកបាទ​ក្រហម​ខេត្ត បាន​នាំយក​អំណោយ​មនុស្សធម៌​ផ្តល់ជូន​ប្រជាពលរដ្ឋ​ចំនួន​បី​គ្រួសារ​ដែល​រងគ្រោះ​ដោយ​ភ្លើង​ឆេះ​ផ្ទះ ស្ថិតនៅ ស្រុក​អណ្តូង​មាស និង​ស្រុក​បរ​កែវ ខេត្តរតនគិរី។

 

តាម​ការបញ្ជាក់​ពី​សំណាក់​លោក​មេភូមិ​ឲ្យ​ដឹងថា ករណី​អគ្គីភ័យ​ឆេះ​ផ្ទះ​ខាងលើ បង្កឡើង​ដោយសារ​ការឆេះ​រាលដាល​នៃ​ភ្លើង​ឆេះ​ព្រៃ និង​ដោយសារ​ក្មេង​លេង​ភ្លើង។ ទ្រព្យសម្បត្តិ​ដែល​ត្រូវ​បំផ្លាញ​ក្នុង​អគ្គីភ័យ​រួមមាន ផ្ទះ​ទំហំ៦×៨ មួយ​ខ្នង ៤×៥ មួយ​ខ្នង ស្រូវ៣៥បាវ រួម​និង​សម្ភារៈ​ទាំងអស់​ក្នុងផ្ទះ​ទាំងបី បាន​ក្លាយជា​ចំណី​អគ្គីភ័យ​គ្មាន​សល់ ។

លោក ឌឹម ណាត នាយក​សាខា ជំនួសមុខ​ឲ្យ​ឯកឧត្តម​ថង សាវុន ប្រធាន​សាខា​កាកបាទក្រហម​ខេត្ត ជាពិសេស​ជំនួសមុខ​ដ៏​ខ្ពង់ខ្ពស់ សម្តេច​គតិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា បាន​សម្តែង​នៅ​ការចូលរួម​សោកស្តាយ និង​ការ​អាណិត អាសូ​ចំពោះ​ក្រុមគ្រួសារ​រងគ្រោះ​ទាំងបី​ដែល​បាន​បាត់បង់​ទ្រព្យសម្បត្តិ​ផ្ទះសំបែង​គ្មាន​សល់​តែមួយ​ប៉ព្រិចភ្នែក ដែល​ហេតុ​ការ​ណ៏​នេះ​មិនគួរ​ឲ្យ​កើតឡើង​សោះ។ លោក ឌឹម ណាត បានលើកឡើង​ពី​ការខិតខំ​ប្រឹងប្រែង​រប​ស់​កាកបាទ​ក្រហម​កម្ពុជា និង​គោល​ការ​ណ៏​គ្រឹះទាំង៧របស់​កាកបាទក្រហមកម្ពុជា ក្នុងការ ជួយ​ដល់​ប្រជាពលរដ្ឋ​ជួប​គ្រោះមហន្តរាយផ្សេងៗ ដោយ​មិន​ប្រកាន់​និន្នាការ​នយោបាយ​ពូជសាសន៏ ព័ណ៌​សប្បុរ ពោលគឺ​ទីណា​មានការ​លំបាក​ទីនោះ​មាន​វត្តមាន​កាកបាទក្រហម​កម្ពុជា​ចុះជួយ​ជានិច្ច។ ជាក់ស្តែង​អំណោយ​ដែល​យកមក​ផ្តល់ជូន​នាពេលនេះ​គឺ​បានមកពី​ការបរិច្ចាក​របស់​សប្បុ​រស​ជន​នានា ហើយ​ថ្វីត្បិតតែ​មិន​សាក​សម​ទៅនឹង​អ្វីដែល​បងប្អូន​បាត់បង់​ពិតមែន តែ​ក៏​អាចជួយ​ដោះស្រាយ​បងប្អូន​បាន​មួយរយៈ​ពេល​ខ្លី​ផងដែរ។

លោក សេ ឃិន ជនជាតិ​ទំពួន តំណាង​គ្រួសារ ដែល​បានទទួល​អំណោយ​ពីសា​ខា​កា​បាទ​ក្រហម​ខេត្ត​បាន​សម្តែង​នូវ​ការដឹងគុណ​ចំពោះ​កាកបាទក្រហម​ដែល​បាន​យកចិត្តទុកដាក់​ចំពោះ​ក្រុមគ្រួសារ​របស់លោក ហើយ​លោក​ប្តេជ្ញា​នឹង​ខិតខំ​ប្រឹងប្រែង​ប្រកប​រប​រកស៊ី​ដើម្បី​លើកស្ទួយ​ជីវភាព​ឡើងវិញ។

 

អំណោយ​ដែល​សាខា​កាកបាទក្រហម​ខេត្ត​ផ្តល់ជូន​ក្រុមគ្រួសារ​ទាំងបី​ដែល​រងគ្រោះ​ដោយ​អគ្គីភ័យ​ឆេះ​ផ្ទះ​នាពេលនេះ ក្នុង​មួយ​គ្រួសារ​ទទួលបាន​អ​ង្រ៥០គីឡូក្រាម ស័ង្កសី១០សន្លឹក មុង១ ភួយ១ កន្ទេល១ សារុង១ ក្រមា១  សំភារៈប្រើប្រាស់ សំភារៈ​ផ្ទះបាយ គ្រឿងឧបភោគ​បរិ​ភោ​ប​មួយចំនួនទៀត និង​ពូជ​បន្លែ ៥មុខ ។

ពិធី​ប្រកាស​ទទួលស្គាល់​ជា​ផ្លូវការ​សមាសភាព​គណៈកម្មាធិកា​រ អនុសាខា​កាកបាទក្រហមកម្ពុជា​ស្រុក និង ក្រុម​កាកបាទក្រហមកម្ពុជា​ឃុំ​ទាំង ១០ ទូទាំង​ស្រុក​អង្គស្នួល ខេត្តកណ្តាល

ពិធី​ប្រកាស​ទទួលស្គាល់​ជា​ផ្លូវការ សមាសភាព​គណៈកម្មាធិកា​រ​អនុសាខា​កាកបាទក្រហមកម្ពុជា​ស្រុក​អង្គស្នួល និង ក្រុម​កាកបាទក្រហម​ឃុំ​ទាំង ១០ ទូទាំង​ស្រុក នា​ព្រឹក​ថ្ងៃទី ១២ ខែ មីនា ឆ្នាំ ២០១៥ នៅ​សាលប្រជុំ​សាលាស្រុក​អង្គស្នួល ។ ពិធី​នេះ​ប្រព្រឹត្តទៅ​ក្រោម​អធិបតីភាព​ឯកឧត្តម ជាវ តា​យ អភិបាលរង​ខេត្ត និង​ជា​ប្រធាន​គណៈកម្មាធិការ​សាខា​កាកបាទក្រហមកម្ពុជា​ខេត្តកណ្តាល។ អញ្ជើញ​ចូលរួម​ជា​កិត្តិយស សមាជិក សមាជិកា​គណៈកម្មាធិកា​រ​សាខា អនុសាខា​ស្រុក ក្រុម កាកបាទក្រហម​ឃុំ យុវជន​កាកបាទក្រហម​កម្ពុជា​ស្រុក សរុប​ប្រមាណ ១៥០ នាក់។

 

បន្ទាប់ពី​ការអាន​សេចក្តីសម្រេច​ទទួលស្គាល់​ជា​ផ្លូវការ​ដល់​គណៈកម្មាធិកា​រ​អនុសាខា​កាកបាទក្រហមកម្ពុជា​ស្រុក ដែលមាន​សមាសភាព​ចំនួន ០៧ រូប និង​ក្រុម​កាកបាទក្រហមកម្ពុជា​ឃុំ​ទាំង ១០ សរុប​ចំនួន ១១២ រូប​ជូន​អង្គពិធី ។ លោក ស្រី យិន សុខន អនុប្រធាន​គណៈកម្មាធិកា​រ​អនុសាខា​កាកបាទក្រហមកម្ពុជា​ស្រុក  បាន​ចាប់អារម្មណ៍​ថា កាកបាទក្រហមកម្ពុជា ជា​ស្ថាប័ន​មនុស្សធម៌​មួយ​របស់​ជាតិ ចាប់តាំងពី​ថ្នាក់កណ្តាល​រហូតដល់​ថ្នាក់មូលដ្ឋាន​គ្រប់​រាជធានី-ខេត្ត​​​ទូទាំង​ព្រះរាជាណាចក្រ​កម្ពុជា ពីមួយ​ឆ្នាំទៅ​មួយឆ្នាំ​កាន់តែ​មានការ​អភិវឌ្ឍ​ន៍​រីកចម្រើន​ឥតឈប់ឈរ ហើយ​ការអភិវឌ្ឍន៍​នេះ​គឺ​ពិតជា​អាស្រ័យ​ដោយសារ​ការដឹកនាំ​ដ៏​ឈ្លាសវៃ​របស់​ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ។ នៅ​ចំពោះមុខ​នៃ​អង្គពិធី តាំង​នាម​ឲ្យ​សមាជិក សមាជិកា គណៈកម្មាធិការ​អនុសាខា​ស្រុក ក្រុម​កាកបាទក្រហម​ឃុំ យុវជន កាកបាទក្រហម​នៅក្នុង​ស្រុក​ទាំងមូល សូម​ប្តេជ្ញាចិត្ត​គាំទ្រ និង​អនុវត្ត​សកម្មភាព​មនុស្សធម៌​លើ​គ្រប់​វិស័យ​របស់​កាកបាទ ក្រហម​កម្ពុជា  តាម​គោលការណ៍​ទាំង៧របស់​ចលនា​អន្តរជាតិ​កាកបាទក្រហម អឌ្ឍចន្ទ​ក្រហម ។

 

ឯកឧត្តម ជាវ តា​យ មានមតិ​សំណេះ​សំណេះសំណាល​ដោយ​នាំមក​នូវ​ការ​ផ្តាំផ្ញើ​សាកសួរ​សុខទុក្ខ​ពី​សំណាក់សម្តេច​កិត្តិ​ព្រឹទ្ធ​បណ្ឌិតប្រធាន ជូន​ចំពោះ​សមាជិក​សមាជិកា​ក្នុង​អង្គពិធី​ទាំងមូល​ដោយ​ក្តី​នឹករឭក។ ឯកឧត្តម បានលើកឡើង​ថា ជោគជ័យ​ដែល​សាខា-អនុសាខា​ទទួល​បានក​ន្ល​ង​មក បាន​ឆ្លុះបញ្ចាំង​ឲ្យ​ឃើញ​ពី​មាគ៌ា​ដឹកនាំ​ដ៏​ត្រឹមត្រូវ​របស់​កាកបាទក្រហម​​កម្ពុជា ក្រោម​ការដឹកនាំ​ដ៏​ឈ្លាសវៃ​របស់​ សម្តេច​កិត្តិ​ព្រឹទ្ធ​បណ្ឌិត​ប្រធាននិង​ភាពខ្លាំង​នៃ​យុទ្ធសាស្ត្រ​របស់​កាកបាទ​ក្រហម​កម្ពុជា ។ ជាមួយគ្នានេះដែរ​ឯកឧត្តម​បាន​ក្រើនរំឭក ដល់​អនុសាខា​ស្រុក និង​ក្រុម​កាកបាទក្រហម​ឃុំ​ទាំងអស់​ដែល​ទើបនឹង​រៀបចំ​ថ្មី ត្រូវខិតខំ​អនុវត្ត​សកម្មភាព​មនុស្សធម៌​ឲ្យ​កាន់តែ​ខ្លាំងក្លា​បន្ថែមទៀត ព្រោះ​ក្រុម​កាកបាទក្រហម​ឃុំ ជា​គ្រឹះ​នៃ​កម្លាំង​មនុស្សធម៌​ថ្នាក់មូលដ្ឋាន ជា​សេនាធិការ​របស់​សាខា​កាកបាទក្រហម​ខេត្ត ពិសេស​កាកបាទក្រហម​កម្ពុជា និង​មួយផ្នែក​ទៀត​ក៏​ជា​ជំនួយការ​ឲ្យ​អាជ្ញាធរ​សាធារណៈ ក្នុងការ​ចូលរួម​ជួយ​ដោះស្រាយ​ភាព​រងគ្រោះ និង​ងាយ​រងគ្រោះ​របស់​ប្រជាពលរដ្ឋ។ ក្នុងនោះដែរ​ឯកឧត្តម​បាន​សំណូមពរ​សុំ​ឲ្យ​ក្រុម​កាកបាទក្រហម​ឃុំ យកចិត្តទុកដាក់​លើ​ការងារ​ផ្សព្វផ្សាយ​ចលនា​កាកបាទក្រហម​ឲ្យ​កាន់តែ​ប្រសើរ និង​រាយការណ៍​ជាបន្ទាន់​ជូនទៅ​អនុសាខា​ក្នុងករណី​មាន​គ្រោះមហន្តរាយ​កើតមានឡើង​នៅក្នុង​មូលដ្ឋាន​របស់ខ្លួន និង​ស្នើសុំ​យកចិត្តទុកដាក់​លើ​សុខទុក្ខ​ប្រជាពលរដ្ឋ​ឲ្យ​កាន់តែ​ប្រសើរ។

 

សូមបញ្ជាក់ថា នៅក្នុង​កម្មវិធី​នេះដែរ ឯកឧត្តម​គណៈអធិបតី​ក៏បាន​ឧបត្ថម្ភ​ថវិកា​ចំនួន ១.០០០.០០០ រៀល ដល់​អនុសាខា​ស្រុក ដើម្បី​ចាត់ចែង​រាល់​ការចំណាយ​ក្នុងការ​រៀបចំ​ពិធី ឧបត្ថម្ភ​ដល់​យុវជន​កាកបាទក្រហម​ចំនួន ២០ នាក់ ក្នុងម្នាក់ៗថវិកា ១០.០០០ រៀល និង កម្លាំង​ការពារ​របស់​ស្រុក ថវិកា ១២ ម៉ឺន​រៀល ៕

                                                                                                            

អត្ថបទ,រូបភាពៈ   

សាខា​កាកបាទក្រហមកម្ពុជា​ខេត្តកណ្តាល

ជន​ចាស់ជរា ស្ត្រី​មេម៉ាយ ទីទាល់ក្រ១០០គ្រួសារ​ទទួលបាន​អំណោយ​ពី​សាខា​កាកបាទក្រហម​ខេត្តរតនគិរី​

ដើម្បី​អបអរសាទរ​ទិវា​អន្តរជាតិ​នារី៨មីនា ឆ្នាំ២០១៥ កាលពីពេល​កន្លងទៅថ្មីៗនេះ សាខា​កាកបាទក្រហម​ខេត្តរតនគិរី បាន​នាំយក​អំណោយ​មួយចំនួន​ចែកជូន​ដល់​ជន​ចាស់ជរា ស្ត្រី​មេម៉ាយ គ្រួសារ​ទីទាល់ក្រ​ ចំនួន១០០គ្រួសារ​ នៅ​ស្រុក​វើ​ន​សៃ ដែល​ប្រ​ព្រឹទ្ធ​ទៅ​ក្រោម​អធិបតីភាព​ឯកឧត្តម ថង សាវុន ប្រធាន​គណៈកម្មាធិការ​សាខា​កាកបាទក្រហម​ខេត្ត ។

        មាន​ប្រសា​ស​ន៏​សំណេះសំណាល​ជាមួយ​ប្រជាពលរដ្ឋ​ទាំង១០០គ្រួសារ​នាឱកាស​នោះ​ឯកឧត្តម ថង សាវុន បាន​រំលឹក​ពី​ប្រវត្តិ​នៃ​ទិវា​អន្តរជាតិ​នារី៨មីនា គឺជា​ការ​រំលឹក​ពី​ភាពជោគជ័យ​នៃ​ការតស៊ូ​ទាមទារ​របស់​ស្ត្រី ដើម្បី​ទទួលបាន​នូវ​សិទ្ធិសេរីភាព ស្មើភាព ប្រកបដោយ​សមធម៌ រវាង​បុរស និង​ស្ត្រី ដែល​ទទួលបាន​ជោគជ័យ​ជា​ផ្លូវការ និង​ជា​ប្រវត្តិសាស្ត្រ​ក្នុង​ឆ្នាំ១៩១០ ហើយ​ត្រូវបាន​កំណត់​យក​ថ្ងៃទី៨មីនា​ជា​រៀងរាល់ឆ្នាំ​ដើម្បី​អបអរសាទរ​ខួប​អនុស្សា​វ​រី​យ៏​នេះ ហើយ​ប្រធានបទ​នា​ឆ្នាំនេះ គឺ​ដំណើរ​ឆ្ពោះទៅមុខ ស្ត្រី​កម្ពុជា​ក្រោយ​សន្និសីទ​ស្ត្រី​ពិភពលោក​ឆ្នាំ១០៩៥។

ឯកឧត្តម​បន្តថា ស្ត្រី​ត្រូវបាន​គេ​ចាត់ទុកថា​ជា​មាតា​នៃ​ពិភពលោក ​និង​មិនអាច​ខ្វះ​បាន​ក្នុងការ​ចូលរួម​អភិវឌ្ឍ​ន៏​សេដ្ឋកិច្ច នយោបាយ ប្រទេសមួយ​ឲ្យ​រីកចម្រើន ដូចនេះ​យើងទាំងអស់គ្នា​ត្រូវ​ឲ្យ​តម្លៃ និង​ផ្តល់​អាទិភាព​ចំពោះ​ស្ត្រី​គ្រប់រូប​ក្នុង​ការទទួល​បានការ​ងារ សិទ្ធិសេរីភាព​ស្មើរ​នឹង​បុរស ទន្ទឹមនឹង​ការ​ឲ្យ​តម្លៃ​ពី​បុរស ស្ត្រី​គួរតែ​ចេះ​ផ្តល់​តម្លៃ​ឲ្យ​ខ្លួនឯង​ផងដែរ តាមរយៈ​ភាពក្លាហាន ការចូលរួម​កិច្ចការងារ​ក្នុងសង្គម ក្នុង​គ្រួសារ និង​ការសិក្សា​រៀនសូត្រ ឲ្យ​ក្លាយជា​ភាពជា​អ្នកដឹកនាំ​ម្នាក់​ប្រកបដោយ​គុណ​វ​ឌ្ឍ​ន៏។

ឯកឧត្តម​ ​បានលើកឡើង​ពី​សកម្មភាព​មនុស្សធម៌​របស់​សាខា​កាកបាទក្រហមកម្ពុជា ដែលជា​និច្ច​​ជា​កាល​គឺ​តែងតែបាន​ចុះ​ជាប់​ជាមួយ​ប្រជាពលរដ្ឋ​គ្រប់ទិសទី ពោលគឺ​ទីណា​មាន​ទុក្ខ​លំបាក ទីនោះ​គឺមាន​វត្តមាន​កាកបាទ​ក្រហម​ចុះជួយ​ជានិច្ច។ ក្នុងឱកាស​នោះដែរ​ឯកឧត្តម​បាន​ផ្សព្វផ្សាយ​សា​លិខិត​សម្តេច​គតិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ឥស្សរជន​ឆ្នើម​ថ្នាក់ជាតិ នៃ​ផែនការ​សកម្មភាព​រួម អគ្គលេខា​អង្គការសហប្រជាជាតិ​ដើម្បី​សុខភាព​ស្ត្រី និង​កុមារ និង​ជា​ឥស្សរជន​ឆ្នើម​ថ្នាក់ជាតិ នៃ​វេទិការ​ភាពជា​អ្នកដឹកនាំ​តំបន់​អាស៊ី ប៉ាស៊ីហ្វិក ចំពោះ​ការឆ្លើយតប​មេរោគ​អេ​ដ​ស៏ ជំងឺ​អេ​ដ​ស៏​នៅ​កម្ពុជា ជូន​ដល់​សហគម​ន៏​ឲ្យ​មានការ​យល់ដឹង និង​យកចិត្តទុកដាក់​ចំពោះ​សុខភាព​មាតា ទារក និង​កុមារ ដោយ​បោះបង់​នូវ​ទម្លាប់​អៀនខ្មាស់ ហើយ​ត្រូវ​ទៅរក​សេវា​សុខាភិបាល​ដែលមាន​ជំនាញ​វិជ្ជាជីវៈ​ចាប់តាំងពី​ពេល​មាន​ផ្ទៃពោះ​រហូតដល់​ក្រោយ​សម្រាល ដើម្បី​កាត់បន្ថយ​បាន​នូវ​មរណៈភាព​មាតា និង​ទារក ។

        អំណោយ​ដែល​ទទួលបាន​ក្នុង​មួយ​គ្រួសាររួមមាន៖ ​អង្ករ២៥គីឡូក្រាម មុង១ ភួយ១ សារុង១ ក្រ​ម៉ា១ ត្រីខ១យួរ មី១កេះ និង​ថវិការ៨០,០០០រៀល ៕

សាខា​កាកបាទក្រហមកម្ពុជា​ខេត្តសៀមរាប​ អញ្ជើញ​ចុះសួរសុខទុក្ខ មាតា ទារក​ និង​កុមារ​នៅតាម​មណ្ឌល​សុខភាព ក្នុងស្រុក​បន្ទាយស្រី

កាលពី​ព្រឹក​ថ្ងៃទី ២៣ ខែកុម្ភៈ ឆ្នាំ២០១៥ ​លោកជំទាវ គួ​យ ណា​លីន អនុប្រធាន​គណៈកម្មាធិកា​រ​សាខា​កាកបាទក្រហមកម្ពុជា ខេត្តសៀមរាប តំណាង​ដ៏​ខ្ពង់ខ្ពស់ ឯ.ឩ ឃឹម ប៊ុន​សុង ​ជា​ប្រធាន​គណៈកម្មាធិការ​ សាខា​កាកបាទក្រហមកម្ពុជា ខេត្តសៀមរាប បាន​ដឹកនាំ​លោកជំទាវ​អស់លោក​លោកស្រី​ជា​អនុប្រធាន​គណៈកម្មាធិកា​រ​ អនុប្រធាន​កិត្តិយស​នា​យក​ប្រតិបត្តិ និង​សមាជិក​ សមាជិកា​នៃ​សាខា​កាកបាទក្រហម​កម្ពុជា ខេត្តសៀមរាប ​បាន​អញ្ជើញ​ចុះសួរសុខទុក្ខ និង​បាន​នាំយក​នូវ​អំណោយ​ដ៏​ថ្លៃថ្លា​របស់​ សម្តេច​កិត្តិ​ប្រ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ​យ​ក​ទៅធ្វើ​ការចែកជូន​ដល់​មាតា ទារក​ និង​កុមារ​នៅក្នុង​មណ្ឌល​សុខភាព​ចំនួន ២កន្លែង ​គឺ​មណ្ឌល​សុខភាព​បន្ទាយស្រី  និង​មណ្ឌល​សុខភាព​ព្រះ​ដាក់ ដែល​ស្ថិតនៅ​ក្នុងស្រុក​បន្ទាយស្រី ខេត្តសៀមរាប​ផងដែរ។

ដោយឡែក​នៅពេល​រសៀល​ក្រុម​ប្រតិ​ប​តិ្ត​សាខា​ដឹកនាំ​ដោយ​លោក ស៊ុំ សំអន នាយក​សាខា​កាកបាទក្រហមកម្ពុជា ខេត្តសៀមរាប បាន​ទៅ​ជួប​សំណេះសំណាល និង​សួរសុខទុក្ខ​ជាមួយ​ទណ្ឌិត​ដែលជា​ស្ត្រី​មាន​ផ្ទៃពោះ និង​មាន​កូនតូច​នៅក្នុង​ពន្ធនាគារ​ខេត្ត ផងដែរ។  

តាម​របាយការណ៍​រប​ស់ លោក​ ស៊ុំ​ សំអន នាយក​ប្រតិបត្តិ​សាខា​កាកបាទក្រហមកម្ពុជា​ខេត្តសៀមរាប នៅក្នុង​ឱកាស​នោះបានឲ្យ​ដឹងថា អំណោយ​ដែល​កាកបាទក្រហមកម្ពុជា សាខា​ខេត្តសៀមរាប បានធ្វើ​ការចែកជូន​ដល់​មាតា ទារក និង​កុមារ នៅក្នុង​មណ្ឌល​សុខភាព​ចំនួន២ កន្លែង​និង​ពន្ធនាគារ នេះ​គឺ​សម្រាប់​មណ្ឌល​សុខភាព​បន្ទាយស្រី​មាន​មាតា ទារក និង​កុមារ​ចំនួន២៥នាក់ មណ្ឌល​សុខភាព​ព្រះ​ដាក់​មាន​ចំនួន២៣ នាក់ និង​ទណ្ឌិត​នៅក្នុង​ពន្ធនាគារ​ខេត្ត​ចំនួន ៨នាក់ ដោយ​មាតាម្នាក់ៗទទួលបាន ម៉ុង១, ភួយ១, ក្រមា១, សារុង១, កន្សែងពោះគោ​តូច២, មី១កេស, ប្រេងឆា១ដប, ទឹកដោះគោ២កំប៉ុង,ស្កសរ១គីឡូក្រាម, សាប៊ូ​ក្រអូប១ដុំ, និង​ថវិកា​ចំនួន៤០,០០០រៀល  ផងដែរ។

មានប្រសាសន៍​សំណេះសំណាល​ទៅកាន់​មាតា​ទារក និង​កុមារ​ទាំងពីរ​មណ្ឌល​សុខភាព​នាឱកាស នោះដែរ​លោកជំទាវ គួ​យ ណា​លីន អនុប្រធាន​គណ:ក​ម្មា​ធិ​ការ​សាខា​កាកបាទក្រហមកម្ពុជា ខេត្តសៀមរាប បាន​មានប្រសាសន៍ថា​ក្នុង​គោលបំណង​លើក​កំពស់ ការយកចិត្តទុកដាក់ ចំពោះ​សុខភាព មាតា​ទារក និង​កុមារ​ទូទាំងប្រទេស និង​កោតសរសើរ​យ៉ាងខ្លាំង​ចំពោះ រាជរដ្ឋាភិបាល​ក្នុងការ​សម្រេច បាន​នូវ​សម​ទ្ធិ​ផល​សុខាភិបាល​នា​ឆ្នាំ២០១៤កន្លងទៅនេះ​ពិសេស​ចំពោះ​សុខភាព​មាតា​និង​ទារក។

លោកជំទាវ គួ​យ ណា​លីន ក៍បាន​បញ្ជាក់ទៀតថា​ក្រោម​ការយកចិត្តទុកដាក់​ខ្ពស់​ជាប្រចាំ​ពី​សំណាក់  សម្តេច​កិត្តិ​ប្រ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា​ តែងតែបាន គិតគូរ​មិនដែល​ភ្លេច​ពី​សុខ​ទុក​របស់​បងប្អូន​ប្រជាពលរដ្ឋ​គ្រប់ទិសទី​មិនដែល​ខាន​ជាក់ស្តែង​នៅក្នុង​ថ្ងៃនេះ​សាខា​កាកបាទក្រហមកម្ពុជា ខេត្តសៀមរាប បាន​នាំយក​នូវ​អំណោយ​ទាំងអស់នេះ​មក​ធ្វើការ​ចែកជូន​ដល់ មាតា​ទារក​និង​កុមារ​ដោយផ្ទាល់​ដែល​កពុង​តែ​សម្រាលកូន​នៅក្នុង​មណ្ឌល​សុខភាព​ទាំងពីរ និង​ពន្ធនាគារ​នេះ​ក៏ ដើម្បី​ជាការ​ចូលរួម​អបអរ​សារ​ទរ​ទិវា​សុខភាព​មាតា ទារក និង​កុមារ ២១ កុម្ភៈ ឆ្នាំ២០១៥ គឺ​ក្នុង​គោលបំណង​ដើម្បី​លើកកម្ពស់​ការថែទាំ​សុខភាព​មាតា ទារក និង​កុមារ ឲ្យ​កាន់​តែមាន​ប្រសិទ្ធភាព​ខ្ពស់ ដើម្បី​យើង​ធានាបាន​នូវ​ការកាត់បន្ថយ​នៅ​អត្រា​ស្លាប់​ដោយ​យថាហេតុ​ណាមួយ​ចំពោះ​ស្ត្រី​ទារក​និង​កុមារ​ដែលមាន​សុខភាព​មិនល្អ​និង​មិន​គ្រប់គ្រាន់​ក្នុងការ​ប្រឈមមុខ​និង​ការ ព្យាបាល​ជំងឺផ្សែងៗផងដែរ ៕

មន្ត្រី​ព័ត៌មាន និង​អ្នកនាំពាក្យ​សាខា

Fist Prev 100 101 102 103 104 Next Last