Webmail
E-Learning
សាខាកាកបាទក្រហមកម្ពុជា

កណ្តាល

...

សាខាកាកបាទក្រហមកម្ពុជាខេត្តកណ្តាលចូលរួមបុណ្យសពក្រុមគ្រួសារលិចទូកស្លាប់

សាខាកក្រក ខេត្តកណ្តាល ៖ នៅថ្ងៃទី០១ ខែកុម្ភៈ ឆ្នាំ២០១៧ នេះ​ក្រុមការងារ​កាកបាទក្រហម​កម្ពុជា​ដែលមាន​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​បានចូលរួមរំលែកទុក្ខយ៉ាងក្រៀមក្រំ​ជាមួយ​ក្រុមគ្រួសារសព ដែលបានរងគ្រោះដោយលិចទូកបណ្តាលឱ្យបាត់បង់ជីវិតចំនួន២នាក់ ឪពុក និង​កូនកាលពីសប្តាហ៍កន្លងទៅនៅភូមិកោះគ ឃុំរកាខ្ពស់ ស្រុកស្អាង​ ខេត្តកណ្តាល។

 

លោក ទៀង សុគន្ធ នាយកសាខាកាកបាទក្រហមកម្ពុជាខេត្តកណ្តាល និងក្រុមការងារក្នុងនាម​ឯកឧត្តម ជាវ តាយ ប្រធានគណៈកម្មាធិការសាខាបានសំដែងនូវការរំលែកទុក្ខយ៉ាងក្រៀមក្រំ​ និង​សោកស្តាយ​ពីសំណាក់​សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះ​ឧបទ្ទវហេតុ​ដែលបានកើតឡើងចំពោះគ្រួសាររងគ្រោះ​ ដែលបានបាត់បង់សាច់ញាតិ​ជាទី​ស្រឡាញ់​ និង​សូមបួងសួងដល់វិញ្ញាណក្ខន្ធសព​ បានទៅកាន់ទីសុគតិភពកុំបីឃ្លៀងឃ្លាតឡើយ។

 

ក្នុងសមានទុក្ខដ៏ក្រៀមក្រំនោះ​ សាខាកាកបាទក្រហមកម្ពុជា​ខេត្តកណ្តាល​បានចូលបុណ្យនូវគ្រឿង​ឧបភោគ-បរិភោគ​ និងបច្ច័យមួយចំនួនរួមមាន​ ៖ អង្ករ៥០គីឡូក្រាម មី១កេស ទឹកក្រូច២កេស ទឹកសុទ្ធ២កេស ត្រីខកំប៉ុង២យួរ ទឹកដោះគោ៥កំប៉ុង និងបច្ច័យ១,១០០.០០០ រៀល ។ ដោយឡែក​ អនុសាខាកាកបាទក្រហមកម្ពុជា​ ស្រុកស្អាង បានចូលបុណ្យចំនួន ២០០,០០០រៀល៕

...

ប្រជាពលរដ្ឋរស់នៅជាមួយមេរោគអេដស៍ទទួលអំណោយពីសាខាកាកបាទក្រហមកម្ពុជា ខេត្តកណ្តាល

ខេត្តកណ្តាល ៖ នារសៀលថ្ងៃ ០៣ ខែ មករា ឆ្នាំ ២០១៧ ឯកឧត្តមបណ្ឌិត ម៉ៅ ភិរុណ ប្រធានកិត្តិយស សាខាកាកបាទក្រហមកម្ពុជា ខេត្តកណ្តាល បានធ្វើពិធីសំណេះសំណាល និងចែកអំណោយដល់ ប្រជាពលរដ្ឋរស់នៅជាមួយមេរោគអេដស៍មកពីភូមិចំនួន ១៤ ក្នុងឃុំ ៧ ទូទាំងស្រុកលើកដែក សរុបចំនួន ១១៩ នាក់ ស្រី ៧០ នាក់ កុមារ ១៣ នាក់ នៅបរិវេណសាលាស្រុកលើកដែក ខេត្តកណ្តាល ។

នាឱកាសនោះ ឯកឧត្តមបណ្ឌិត ក៍បានមានប្រសាសន៍ផ្តាំផ្ញើសួរសុខទុក្ខ និងក្តីនឹករលឹកពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចកាលយកចិត្តទុកដាក់ និងផ្តល់ក្តីអាណិត ស្រឡាញ់ ចំពោះប្រជាពលរដ្ឋរងគ្រោះ និងងាយរងគ្រោះគ្រប់ប្រភេទ គ្រប់ពេលវេលា ទីកន្លែង គ្រប់ស្រទាប់វណ្ណៈ ដោយពុំមានប្រកាន់ពូជសាសន៍ ឬនិន្នាការនយោបាយអ្វីឡើយ។

អំណោយដែលបានចែក ជូនក្នុងម្នាក់ៗទទួលបានមាន អង្ករ ២៥ គីឡូក្រាម មី ១ កេស ត្រីខ ១ យួរ ទឹកសុទ្ធអង្គរពូរ៉ូ ១ កេស និងថវិកា ចំនួន ៦ ម៉ឺនរៀល ។

 

...

សាខាកាបាទក្រហមកម្ពុជា ខេត្តកណ្តាលទទួលទេយ្យទានពីវត្តស្ទឹងមានជ័យ

ព្រឹកថ្ងៃទី ០៥ ខែ តុលា ឆ្នាំ២០១៦ សាខាកាបាទក្រហមកម្ពុជា ខេត្តកណ្តាល បានរៀបចំពិធីប្រគល់ទទួលអំណោយ ជាសម្ភារ គ្រឿងឧបភោគបរិភោគ និងថវិកាពីលោកយាយឧបាសិកា ឯម ជា សប្បុរសជនមកពីវត្តស្ទឹងមានជ័យ រាជធានីភំ្នពេញ ។

 

 

ពិធីនេះប្រព្រឹត្តទៅក្រោមអធិបតីភាពឯកឧត្តម ហាក់ ប៑ុនធឿន អនុប្រធានគណៈកម្មាធិការសាខា និងជាតំណាងឯកឧត្តម ជាវ តាយ ប្រធានគណៈកម្មាធិការសាខា ។

 

 

 

អំណោយដែលសប្បុរស ជនបានប្រគល់ជូនសាខារួមមាន ៖ អង្ករ ២០០ គីឡូក្រាម មី ៩ កេស និង ៣៤០ កញ្ចប់ ,ទឹកក្រូច ៣ កេស និង ១០៨ កំប៉ុង ,ទឹកដោះគោខាប់ ៨៤ កំប៉ុង ,ស្ករស ៦០ គីឡូក្រាម ,តែ ១១១ កញ្ចប់ , ទឹកសុទ្ធវីតាល់ ៩ កេស ៦ យួរ និង ៧៥ ដប , ត្រីខ ៦៥ កំប៉ុង , ទឹកត្រី ៥ យួរ ,ទឹកសីុអីុវ ៥ យួរ និងថវិកាសរុប ៥០ ម៉ឺនរៀល ៕

...

យុទ្ធនាការអប់រំផ្សព្វផ្សាយពីសុវត្ថិភាពចរាចរណ៍នៅខេត្តកណ្តាល

ព្រឹកថ្ងៃទី ២៦ ខែ កញ្ញា ឆ្នាំ ២០១៦ គម្រោងយុវជន និង សុវត្ថិភាពចរាចរណ៍កាកបាទ ក្រហមកម្ពុជា សហការជាមួយ សាខា កក្រក ខេត្តកណ្តាល បានរៀបចំកម្មវិធីបើកយុទ្ធនា ការអប់រំផ្សព្វផ្សាយពីសុវត្ថិភាពចរាចរណ៍ ផ្តោតលើហានិភ័យនៃ ការបើកបរក្រោមឥទ្ធិពលគ្រឿងស្រវឹង ដល់ប្រជាពលរដ្ឋ នៅក្នុង ក្រុងតាខ្មៅ ។

 

ពិធីនេះប្រព្រឹត្តទៅនៅសាលប្រជំុទីស្នាក់ការសាខា ខេត្ត ក្រោមអធិបតីភាពឯកឧត្តម ជាវ តាយ ប្រធានគណៈកម្មា ធិការសាខា និងមានការចូលរួមពីអង្គការសម្ព័ន្ធអន្តរជាតិទប់ ស្កាត់ផលប៉ះពាល់នៃគ្រឿង ស្រវឹង ( IARD ) មន្រ្តីគម្រោង យុវជន និងសុវត្ថិភាពចរាចរណ៍កាកបាទក្រហមកម្ពុជា មន្ទីរ អង្គភាពពាក់ព័ន្ធក្នុងខេត្ត សាខា កក្រក ខេត្ត និងយុវជនកាក បាទក្រហមកម្ពុជា សិស្សានុសិស្សវិទ្យាល័យហ៑ុនសែនតាខ្មៅ សរុបចំនួន ៦៨ នាក់ ។

 

...

សាខាកាកបាទក្រហមកម្ពុជាខេត្តកណ្តាលចែកអំណោយដល់ អ្នកផ្ទុកមេរោគអេដស៍

 ព្រឹកថ្ងៃទី ០៩ ខែ កក្កដា ឆ្នាំ ២០១៦​ ក្រុមការងារ​ សាខាកាកបាទក្រហមកម្ពុជា​ខេត្តកណ្តាល ដឹកនាំដោយ​ឯកឧត្តមបណ្ឌិត ​ម៉ៅ ភិរុណ ប្រធានកិត្តិយសសាខា​ និងឯឧត្តម ជាវ តាយ ប្រធាន គណៈកម្មាធិការសាខា និងប្រតិភូរួមដំណើរ ​បានចុះសួរសុខទុក្ខ និង​នាំយកអំណោយ​ចែក​ជូន​អ្នកផ្ទុកមេរោគអេដស៍​ចំនួន ១៧៦ នាក់ ស្រី ៧៨ នាក់ ក្នុងនោះកុមារ ១៥ នាក់ ក្នុងស្រុកមុខកំពូល នៅបរិវេណ​វត្តរតនៈបុប្ផារាម ហៅ វត្តព្រែកអញ្ចាញ ។

អំណោយ​ដែលបានចែកជូន​ក្នុងម្នាក់ៗ ទទួលបាន អង្ករ ២៥ គីឡូក្រាម មី ១ កេស ត្រីខ ១ យួរ ទឹកសុទ្ធ ១ កេស ប្រហុក ១ គីឡូក្រាម និងថវិកា ៦ ម៉ឺនរៀល ៕

 

1 2 3 4 5 Next Last