Webmail
E-Learning
សាខាកាកបាទក្រហមកម្ពុជា

កណ្តាល

យុវជនកាកបាទក្រហមកម្ពុជា ក្រុងតាខ្មៅ ចូលរួមជួយសម្រួលចរាចរណ៍

សាខា កក្រក​ ខេត្តកណ្តាល ៖ នៅព្រឹក​ថ្ងៃអាទិត្យ ៧រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៧ ខែ មករា ឆ្នាំ២០១៩ សាខា​កាកបាទក្រហម​កម្ពុជាខេត្ត បានដឹកនាំ​កម្លាំងយុវជន​កាកបាទក្រហម​កម្ពុជា មកពីវិទ្យាល័យ​ចំនួន២ក្នុងក្រុងតាខ្មៅ គឺ ៖ វិទ្យាល័យ​ហ៊ុនសែនតាខ្មៅ ១៤ នាក់ និងវិទ្យាល័យ​ហ៊ុនសែនសេរីភាព ១៤ នាក់ សរុបរួម ២៨ នាក់ ស្រី ១៣ នាក់ ចុះជួយ​សម្រួល​ចរាចរណ៍នៅចំណុច​ផ្លូវកែងស្តុប​ចំនួន ២កន្លែង ៖ ចំណុចទី១ ផ្លូវកែង​ស្តុប ( ១១៥- ២១ ) និងចំណុចទី២ ផ្លូវកែងស្តុប ( ១១០- ២១) ។

សកម្មភាពការងារ​សុវត្ថិភាពចរាចរណ៍​នៅចំណុច​គោលដៅនេះ គឺក្នុងគោលបំណង​ជួយផ្សព្វផ្សាយ​ដល់សាធារណជនទូទៅ ដើម្បីយល់ដឹង​ជាមូលដ្ឋានអំពីច្បាប់​ចរាចរណ៍ផ្លូវគោក​នៃព្រះរាជាណាចក្រ​កម្ពុជា ឲ្យបានកាន់តែប្រសើរ និងដើម្បី​ចូលរួមកាត់បន្ថយនូវ​អត្រារងគ្រោះថ្នាក់​ផ្សេងៗ ដែលបណ្តាល​មកពីការបើកបរខ្វះ​ការប្រុងប្រយ័ត្ន និងការមិនគោរព​ច្បាប់ចរាចរណ៍ជាដើម ៕

 

សាខាកាកបាទក្រហមកម្ពុជាខេត្តកណ្តាល ចុះសួរសុខទុក្ខប្រជាពលរដ្ឋរងផលប៉ះពាល់ដោយគ្រោះមហន្តរាយស្រុតច្រាំងទន្លេនៅ ស្រុកមុខកំពូល

សាខា កក្រក ខេត្តកណ្តាល ៖ថ្ងៃសៅរ៍ ១៤កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៩ ខែមករា ឆ្នាំ២ឲ១៩ ប្រតិភូ​សាខាកាកបាទក្រហម​កម្ពុជាខេត្តកណ្តាល ដឹកនាំដោយ​ឯកឧត្តមបណ្ឌិត ម៉ៅ ភិរុណ ប្រធាន​កិត្តិយសសាខា និងប្រតិភូរួម​ដំណើរ បានចុះ​សួរសុខទុក្ខ និងចែកអំណោយ​មនុស្សធម៌ ជូនប្រជាពលរដ្ឋរង​ផលប៉ះពាល់ដោយ​គ្រោះមហន្តរាយ​ស្រុតច្រាំង​ទន្លេ ចំនួន ៨៥ គ្រួសារ សមាជិក ៣៧០ នាក់ មកពីភូមិចំនួន៦ នៃឃុំចំនួន៣ ក្នុងនោះមាន ៖ ឃុំរកាកោងទី១ចំនួន ៥ គ្រួសារ ឃុំព្រែកដំបង ចំនួន ១៣ គ្រួសារ និងឃុំឫស្សីជ្រោយ ចំនួន ៦៧ គ្រួសារ ទីតាំចែកចាយអំណោយនៅចំណុចភូមិព្រែកយាយហុិន ២ ឃុំឫស្សីជ្រោយ ស្រុកមុខកំពូល ។

ឯកឧត្តមបណ្ឌិត ម៉ៅ ភិរុណ បានពាំនាំ​មកនូវប្រសាសន៍​ផ្តាំផ្ញើ​សាកសួរសុខទុក្ខ​ពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា ជូនចំពោះគ្រួសាររងគ្រោះទាំងអស់ដោយក្តីនឹករឭក ។ ឯកឧត្តមបន្តថា កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន ជានិច្ចកាលសម្តេច​តែងតែយកចិត្តទុកដាក់​គិតគូរពីសុខទុក្ខ​ប្រជាពលរដ្ឋទូទៅដែលរងគ្រោះ និងងាយរងគ្រោះ​គ្រប់ពេលវេលា និងព្រមទាំងបាន​ចាត់តាំងឲ្យក្រុមការងារឲ្យចុះសួរសុខទុក្ខដល់ប្រជាពលរដ្ឋជាប្រចាំ ដោយ​មិនគិតពីវណ្ណៈ ពូជសាសន៍ សាសនា ពណ៌សម្បុរ ឬនិន្នាការនយោបាយអ្វីឡើយ ។ ជាមួយគ្នានេះ​ឯកឧត្តមក៏បានក្រើនរំឭកដល់​បងប្អូនប្រជាពលរដ្ឋទាំងអស់ ដែលមានលំនៅដ្ឋាន នៅជាប់មាត់ទន្លេ​ជិតចំណុចរងគ្រោះ សូមមេត្តាប្រុងប្រយ័ត្នខ្ពស់ បើចាំបាច់ត្រូវរុះរើលំនៅឋានបន្ទាន់ចេញពី​តំបន់គ្រោះថ្នាក់នេះ ចៀសវាងខ្លាច​វាបង្កឲ្យករណីរងគ្រោះ​បន្តទៀត បណ្តាល​  ឲ្យមានផលប៉ះពាល់​ដល់ទ្រព្យសម្បត្តិ និងអាយុជីវិតមនុស្សទៅមុខ ។

អំណោយបានចែកជូនក្នុង១គ្រួសារមាន ៖ អង្ករ ៣០ គីឡូក្រាម មី១កេស ទឹកត្រី១យួរ ត្រីខ១យួរ ថវិកាចំនួន ៤០ ម៉ឺនរៀល ។ ដោយឡែកចំពោះ​គ្រួសារដែលមានក្មេងលង់ទឹកស្លាប់ ១ នាក់ នៅភូមិពាម ឃុំព្រែកដំបងបានឧបត្ថម្ភថវិកាចំនួន ១ លានរៀល និងសម្ភារគ្រឿងបរិភោគមួយចំនួន ៕

 

យុវជនកាកបាទក្រហមកម្ពុជាក្រុងតាខ្មៅ ជួយសម្រួលចរាចណ៍នៅចំណុចផ្លូវកែងស្តុប

សាខា កក្រក ខេត្តកណ្តាល ៖ នៅព្រឹកថ្ងៃអាទិត្យ ៨កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៣ ខែ មករា ឆ្នាំ២០១៩នេះ សាខាកាកបាទក្រហម​កម្ពុជាខេត្ត បានដឹកនាំ​កម្លាំងយុវជនកាកបាទក្រហមកម្ពុជា មកពីវិទ្យាល័យ​ចំនួន២ក្នុងក្រុងតាខ្មៅ គឺ ៖ វិទ្យាល័យហ៊ុនសែន​តាខ្មៅ ១៤ នាក់ និងវិទ្យាល័យហ៊ុនសែន​សេរីភាព ១៤ នាក់ សរុបរួម ២៨ នាក់ ស្រី ១៥ នាក់ ចុះជួយសម្រួល​ចរាចណ៍នៅចំណុចផ្លូវកែង​ស្តុបចំនួន ២កន្លែង ៖ ចំណុចទី១ ផ្លូវកែងស្តុប ( ១១៥- ២១ ) និងចំណុចទី២ ផ្លូវកែងស្តុប ( ១១០- ២១) ។ ចំពោះការងារនេះ​ក៏មានការចូលរួម​សហការ​ពីកម្លាំង​នគរបាលចរាចរណ៍ខេត្តកណ្តាល​ផងដែរ ។

សកម្មភាព​អនុវត្តការងារ​សុវត្ថិភាពចរាចរណ៍​នៅចំណុចគោលដៅ​ខាងលើ គឺក្នុងគោលបំណង​ជួយផ្សព្វផ្សាយ​ដល់សាធារណជន​ទូទៅ ដើម្បីឲ្យបាន​យល់ដឹងកាន់តែប្រសើរ​ពីច្បាប់ចរាចរណ៍​ផ្លូវគោកនៃព្រះរាជាណាចក្រ​កម្ពុជា និងដើម្បី​ចូលរួមកាត់បន្ថយ​នូវអត្រារងគ្រោះថ្នាក់​ផ្សេងៗ ដែលបណ្តាល​មកពីការបើកបរ​មិនគោរព​ច្បាប់ចរាចរណ៍ និងការ​បើកបរដោយខ្វះការប្រុង​ប្រយ័ត្នជាដើម ។

ដោយឡែក​ការងារខាងលើនេះ ក៏មានការចាប់​អារម្មណ៍ និងការគាំទ្រ​ពីមជ្ឈដ្ឋាន​ទូទៅ ព្រមទាំង​មានការកោតសរសើរ​ពីសកម្មភាព​របស៉យុវជន​កាកបាទក្រហមកម្ពុជា ដែលបានលះបង់​នូវពេលវេលាក្រៅម៉ោងសិក្សា​មកចូលរួមជួយ​ដល់កាងារសង្គម ៕

 

សាខាកាកបាទក្រហមកម្ពុជាខេត្ត ចុះជួយសម្រួលចរាចណ៍នៅ ខេត្តកណ្តាល ។

សាខា កក្រក ខេត្តកណ្តាល ៖នៅព្រឹក​ថ្ងៃអាទិត្យ ១កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ០៦ ខែ មករា ឆ្នាំ២០១៩នេះ សាខា​កាកបាទក្រហម​កម្ពុជាខេត្ត បានដឹកនាំ​កម្លាំងយុវជនកាកបាទក្រហមកម្ពុជា​ មកពីវិទ្យាល័យចំនួន​២ក្នុងក្រុងតាខ្មៅ ​គឺ ៖ វិទ្យាល័យ​ហ៊ុនសែន​តាខ្មៅ ១៤ នាក់ និងវិទ្យាល័ហ៊ុនសែនសេរីភាព ១៤ នាក់ សរុបរួម ២៨ នាក់ ស្រី ១៧ នាក់ ចុះជួយសម្រួល​ចរាចណ៍នៅចំណុចផ្លូវកែងស្តុបចំនួន ២កន្លែង ៖ ចំណុចទី១ ផ្លូវកែងស្តុប ( ១១៥- ២១ ) និងចំណុចទី២ ផ្លូវកែងស្តុប ( ១១០- ២១) និងមានការចូលរួម​សហការពី​កម្លាំងនគរបាលចរាចរណ៍​ខេត្តកណ្តាល ។

ចំពោះការងារខាងលើ មានការចាប់​អារម្មណ៍ និងការគាំទ្រ​ពីមជ្ឈដ្ឋានទូទៅ ព្រមទាំង​មានការកោតសរសើរខ្ពស់​ ពីសកម្មភាពរបស៉​យុវជនកាកបាទក្រហម​កម្ពុជាទាំងអស់ ដែលបានលះបង់​នូវពេលវេលាក្រៅម៉ោងសិក្សា​មកចូលរួម​ជួយដល់​កាងារសង្គម ។

សកម្មភាពអនុវត្តការងារ​សុវត្ថិភាពចរាចរណ៍នៅ​ចំណុច​គោលដៅ​ខាងលើ គឺក្នុងគោលបំណង​ជួយផ្សព្វផ្សាយដល់​សាធារណជន​ទូទៅ ដើម្បីឲ្យបាន​យល់ដឹងកាន់តែ​ប្រសើរពីច្បាប់ចរាចរណ៍​ផ្លូវគោកនៃព្រះរាជាណាចក្រ​កម្ពុជា និងដើម្បី​ចូលរួមកាត់បន្ថយ​នូវអត្រារងគ្រោះថ្នាក់​ផ្សេងៗ ដែលបណ្តាល​មកពីការបើកបរមិនគោរពច្បាប់​ចរាចរណ៍ និងការបើកបរ​ដោយខ្វះការ​ប្រុងប្រយ័ត្នជាដើម ៕

 

យុវជនកាកបាទក្រហមកម្ពុជា ជួយសម្រួលចរាចណ៍នៅក្រុងតាខ្មៅ

សាខា កក្រក ខេត្តកណ្តាល ៖នៅព្រឹក​ថ្ងៃអាទិត្យ ៩កើត ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៦ ខែ ធ្នូ ឆ្នាំ២០១៨នេះ សាខាកាកបាទក្រហមកម្ពុជា​ខេត្ត បានដឹកនាំ​កម្លាំងយុវជន​កាកបាទក្រហមកម្ពុជា ​មកពីវិទ្យាល័យចំនួន២ក្នុង​ក្រុងតាខ្មៅ គឺ ៖ វិទ្យាល័យហ៊ុនសែន​តាខ្មៅ ១៤ នាក់ និងវិទ្យាល័ហ៊ុនសែន​សេរីភាព ១៤ នាក់ សរុបរួម ២៨ នាក់ ស្រី ១២ នាក់ និងដោយ​មានការចូលរួម​សហការពីកម្លាំងនគរបាលចរាចរណ៍​ខេត្ត បានចុះជួយសម្រួល​ចរាចណ៍នៅចំណុចផ្លូវកែង​ស្តុបចំនួន ២កន្លែង ៖ ចំណុចទី១ ផ្លូវកែងស្តុប ( ១១៥- ២១ ) និងចំណុចទី២ ផ្លូវកែងស្តុប ( ១១០- ២១) ។

ចំពោះសកម្មភាព​អនុវត្តការងារ​សុវត្ថិភាពចរាចរណ៍​នៅចំណុចគោលដៅ​នេះក្នុងគោលបំណងផ្សព្វផ្សាយដល់សាធារណជន​ទូទៅឲ្យ​បានយល់ដឹងជាមូលដ្ឋានពីច្បាប់​ចរាចរណ៍ផ្លូវគោកនៃព្រះរាជាណាចក្រកម្ពុជាឲ្យកាន់​តែប្រសើរ និង​ដើម្បីចូលរួមកាត់បន្ថយ​នូវអត្រារង​គ្រោះថ្នាក់ផ្សេងៗ ដែលបណ្តាលមកពីការបើកបរ​ខ្វះការប្រុងប្រយ័ត្ន និងការមិន​គោរពច្បាប់​ចរាចរណ៍ជាដើម ៕

 

1 2 3 4 5 Next Last