Webmail
E-Learning
សាខាកាកបាទក្រហមកម្ពុជា

កំពត

បើកវគ្គបំប៉នវិជ្ជាសង្គ្រោះបឋមដល់មន្ត្រីការិយាល័យអប់រំនៅខេត្តកំពត

សាខាកក្រក​ខេត្តកំពត ៖ កាលពី​ថ្ងៃទី ២៦ ខែ តុលា​ ឆ្នាំ២០១៧ ​សាខា កាកបាទក្រហម​កម្ពុជា​ ខេត្តកំពត បានរៀបចំ​ពិធី​បើកវគ្គ​បំប៉នវិជ្ជាសង្គ្រោះ​បឋម​ដល់មន្ត្រី​ការិយាល័យ​អប់រំ និងនាយក​សាលា​បឋម​សិក្សា ដែលមាន​រយៈពេល​២ថ្ងៃ ចាប់ពី​ថ្ងៃទី​២៦ ដល់ថ្ងៃទី២៧ ខែតុលា ឆ្នាំ២០១៧ ដោយ​មានអញ្ជើញ​ចូលរួមពីក្រុម​ការងារវិជ្ជា​សង្គ្រោះបឋម​នៃសាខា​កាកបាទក្រហម​កម្ពុជា​ ខេត្តកំពត និងនាយក​សាលាបឋម​សិក្សាចំនួន ៣០នាក់ (ស្រី ៣នាក់) មកពីសាលា​គោលដៅ​ចំនួន២៧ ក្នុងស្រុកជុំគីរី​ ខេត្តកំពត។

 

វគ្គ​បណ្តុះបណ្តាល​នេះមាន​គោលបំណង ដើម្បី​ពង្រឹងសត្ថភាព​ដល់នាយក​សាលា និងផ្សព្វផ្សាយ​បន្តដល់​សាលារៀន ​និងសហគមន៍​រៀងៗខ្លួន​ផងដែរ៕

 

ប្រជាពលរដ្ឋទីទ័លក្រ ៦គ្រួសារ ស្ថិតនៅឃុំស្រែជាខាងជើងទទួលអំណោយពីអនុសាខាកក្រកស្រុកដងទង់

សាខាកក្រកខេត្តកំពត ៖ កាលពី​ថ្ងៃទី២០ ខែតុលា ឆ្នាំ២០១៧ អនុសាខា​កាកបាទក្រហមកម្ពុជា ​ស្រុកដងទង់ ដឹកនាំដោយ​លោក ស៊ីវ ផេង ប្រធាន​អនុសាខា និង​សហការី​ បានចុះ​សួរសុខទុក្ខ ​និងនាំយក​អំណោយមនុស្សធម៌​របស់កាកបាទក្រហម​កម្ពុជា ទៅផ្តល់ជូន​ប្រជាពលរដ្ឋ​ទីទ័លក្រ​ចំនួន ៦គ្រួសារ ស្ថិតនៅ​ឃុំស្រែជាខាងជើង ស្រុកដងទង់ ខេត្តកំពត ។

 

នាឱកាសនោះ ​លោកប្រធាន បានពាំនាំ​មកនូវប្រសាសន៍​ផ្តាំផ្ញើ​សួរសុខទុក្ខ​ពីសំណាក់​សម្តេចកិត្តិព្រឹទ្ធបណ្ឌិត​ប៊ុន រ៉ានី ហ៊ុនសែន​ ប្រធាន​កាកបាទក្រហម​កម្ពុជា ដែលជានិច្ចកាល​សម្តេចតែងតែគិតគូរពីសុខទុក្ខរបស់បងប្អូន​ប្រជាពលរដ្ឋ ដែលជួបការ​លំបាក ទីទ័លក្រ មានជំងឺ ដោយមិនប្រកាន់​រើសអើង​ជាតិសាសន៍​ វណ្ណៈ ពណ៌សម្បុរ ឬនិន្នាការ​នយោបាយអ្វីឡើយ និងសូមឲ្យបង​ប្អូនប្រជាពលរដ្ឋ​ទាំងអស់​ខិតខំ​ថែរក្សា​សុខភាពបានល្អ និងរស់នៅប្រកប​ដោយ​អនាម័យ។

 

អំណោយ​ដែលផ្តល់​ជូនរួមមាន ៖ អង្ករ ៣០គីឡូក្រាម ទឹកត្រី ១យួរ ទឹកស៊ីអ៊ីវ ១យួរ ក្រមា១ មុង១ ភួយ១ កន្ទេល១ មី ២០កញ្ចប់​ ចានស្រាក់ ១ឈុត កំសៀវ១ ឆ្នាំង២ និងថវិកា​មួយចំនួនផងដែរ៕

 

សាខាកាកបាទក្រហមកម្ពុជាខេត្តកំពត នាំអំណោយចែកជូនកុមាររស់នៅជាមួយមេរោគអេដស៍

សាខាកក្រកខេត្តកំពត ៖ ថ្ងៃទី ១០ ខែ តុលា ឆ្នាំ ២០១៧ សាខា​កាកបាទក្រហម​កម្ពុជា ខេត្តកំពត ដឹកនាំដោយលោក​វេជ្ជ.កែវ សុផាន់ នាយកសាខា ​និងសហការី បាននាំយក​កង់ សំលៀកបំពាក់ និងសម្ភារសិក្សា ជាអំណោយ​របស់សប្បុរសជន​មកពី​ប្រទេសអូស្រ្តាលី តាមរយៈ​កាកបាទក្រហម​កម្ពុជា ខេត្តកំពត ទៅចែកជូន​ដល់កុមារ​ដែលរងគ្រោះ​ដោយសារ​មេរោគអេដស៍ និងជំងឺអេដស៍​ចំនួន ៩នាក់ ស្ថិតនៅ​ស្រុកឈូក​ ខេត្តកំពត។

 

នាឱកាសនោះ លោកនាយក បានពាំនាំ​មកនូវការ​ផ្តាំផ្ញើសួរ​សុខទុក្ខពីសំណាក់​សម្តេចកិត្តិព្រឹទ្ធបណ្ឌិត​ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ​ដែល​ជានិច្ចកាល​សម្តេចតែង​តែគិតគូរពី​សុខទុក្ខរបស់​បងប្អូនប្រជាពលរដ្ឋ ដែលជួបការ​លំបាក ទីទ័លក្រ មានជងឺ ដោយមិន​ប្រកាន់រើសអើង​ជាតិសាសន៍ វណ្ណៈ ពណ៌សម្បុរ ឬនិន្នាការ​នយោបាយ​អ្វីឡើយ និងសូម​ឲ្យបងប្អូន​ប្រជាពលរដ្ឋ​ទាំងអស់​ខិតខំ​ថែរក្សា​សុខភាពបានល្អ និងរស់នៅប្រកប​ដោយអនាម័យ។

វគ្គបណ្តុះបណ្តាលយល់ដឹងជាមូលដ្ឋានស្តីពីប្រវត្តិចលនាកាកបាទក្រហម អឌ្ឍចន្ទក្រហម ច្បាប់មនុស្សធម៌អន្តរជាតិ និងវិជ្ជាសង្គ្រោះបឋមនៅខេត្តកំពត

សាខាកក្រកខេត្តកំពត ៖ កាលពីថ្ងៃទី១២ ខែកញ្ញា ឆ្នាំ២០១៧ អនុសាខាកាកបាទក្រហមកម្ពុជា ស្រុកដងទង់ បានរៀបចំពិធីបិទវគ្គបណ្តុះបណ្តាលយល់ដឹងជាមូលដ្ឋានស្តីពីប្រវត្តិចលនាកាកបាទក្រហម អឌ្ឍចន្ទក្រហម ច្បាប់មនុស្សធម៌អន្តរជាតិ និងវិជ្ជាសង្គ្រោះបឋម ដែលមានរយៈពេល ២ថ្ងៃ ចាប់ពីថ្ងៃទី ១១ដល់ថ្ងៃទី១២ ខែកញ្ញា ឆ្នាំ២០១៧ ដល់អ្នកស្ម័គ្រចិត្តកាកបាទក្រហមកម្ពុជា ដោយមានការអញ្ជើញចូលរួមពីសំណាក់លោក ស៊ីវ ផេង ប្រធានគណៈកម្មាធិការអនុសាខា ក្រុមការងារវិជ្ជាសង្រ្គោះបឋម អ្នកស្ម័គ្រចិត្តកាកបាទក្រហមកម្ពុជា និងសិក្ខាកាមទាំងអស់ចំនួន ៧២នាក់ (ស្រី ៣៧) មកពីឃុំចំនួន៦ ក្នុងស្រុកដងទង់ ខេត្តកំពត។

វគ្គបណ្តុះបណ្តាលនេះក្នុងគោលបំណងដើម្បីពង្រឹងសត្ថភាពដល់អ្នកស្ម័គ្រចិត្ត និងធ្វើការផ្សព្វផ្សាយបន្តដល់សហគមន៍រៀងៗខ្លួនផងដែរ៕

 

ពិធីប្រគល់ផ្ទះជូនស្រ្តីទីទ័លក្រ របស់សាខាកាកបាទក្រហមកម្ពុជា ខេត្តកំពត

សាខា កក្រក ខេត្តកំពត ៖ កាលពីថ្ងៃទី១០ ខែកញ្ញា ឆ្នាំ២០១៧ សាខា​កាកបាទក្រហម​កម្ពុជា ខេត្តកំពត ដឹកនាំដោយ​ឯកឧត្តម ចាន់ ចេស្តា ប្រធានកិត្តិយស​សាខា រួមជាមួយនឹង លោកជំទាវ លោក លោកស្រី សមាជិក សមាជិកាគណៈកម្មាធិការសាខា និង​ក្រុមប្រតិបត្តិសាខា បាននាំយក​អំណោយ​មនុស្សធម៌​របស់កាកបាទក្រហម​កម្ពុជា ទៅផ្តល់ ជូន​ប្រជាពលរដ្ឋ​ទីទ័ល​ក្រចំនួន ៣១គ្រួសារ នៅឃុំបន្ទាយមាស​ខាងលិច ស្រុកបន្ទាយមាស ខេត្តកំពត និងប្រគល់​ផ្ទះមួយខ្នងជូ​នដល់គ្រួសារ​ស្រ្តីមេម៉ាយ​ទីទ័លក្រ នៅឃុំអង្គ​សុរភី ស្រុកកំពង់ត្រាច ខេត្តកំពត។

 

នាឱកាសនោះដែរ ឯកឧត្តម​ បានពាំនាំមកនូវ​ប្រសាសន៍ផ្តាំផ្ញើ​សួរសុខទុក្ខ​ពីសំណាក់​សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលជានិច្ចកាល​សម្តេច​តែងតែគិត​គូសុខទុក្ខ​របស់បងប្អូនប្រជាពលរដ្ឋ​មានទុក្ខលំបាក​ទីទ័លក្រ មានជំងឺ និងជនងាយរងគ្រោះគ្រប់ប្រភេទ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ និងសូមឲ្យបងប្អូនប្រជាពលរដ្ឋទាំងអស់ខិតខំ​ថែរក្សា​សុខភាព​ឲ្យបានល្អ និងរស់នៅ​ប្រកបដោយ​អនាម័យល្អ ដោយប្រកាន់ខ្ជាប់​នូវហូបស្អាត ផឹកស្អាត និងរស់នៅស្អាត។

 

អំណោយផ្តល់​ជូនរួមមាន​ក្នុងមួយគ្រួសារៗទទួលបាន ៖ អង្ករ ៣០គីឡូក្រាម មី ១កេស ត្រីខ ១០កំប៉ុង ក្រមា១ មុង១ ភួយ១ សារុង១ និងថវិកាមួយចំនួនផងដែរ៕

 

1 2 3 4 5 Next Last