Webmail
E-Learning
សាខាកាកបាទក្រហមកម្ពុជា

កំពត

យុវជនកាកបាទក្រហមកម្ពុជា ចូលរួមយុទ្ធនាការ អប់រំនិងផ្សព្វផ្សាយបរិស្ថាន

សាខាកក្រកខេត្ត​បាត់ដំបង​,នៅព្រឹកថ្ងៃពុធ ១៥ កើត ខែផល្គុន​ ឆ្នាំចសំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី២០ ខែមីនា ឆ្នាំ២០១៩ ​ក្រុមការងារសាខា​កក្រកខេត្តដឹកនាំ​ដោយលោក យ៉ាន ឧត្តម នាយករង​សាខា បានដឹកនាំកម្លាំង​យុវជនកាកបាទក្រហមកម្ពុជាចំនួន៥០នាក់ស្រី​៣០នាក់ចូលរួមយុទ្ធនាការ អប់រំនិងផ្សព្វផ្សាយបរិស្ថាន​ក្រោមប្រធានបទស្តីពី "ផលប៉ះពាល់បណ្តាលមកពី ការចោលសំរាមសំណល់រឹង ចំពោះសុខភាព នឹងបរិស្ថាន ក្រោមអធិបតីភាព ​ឯកឧត្តម ជា សំអាង អនុរដ្ឋលេខាធិការ ក្រសួងបរិស្ថាន ឯកឧត្តមសឿម ប៊ុន រិទ្ធ អភិបាលរងនៃគណ:អភិបាលខេត្ត បាត់ដំបង ព្រមទាំងវត្តមាន ឯកឧត្តម លោក ជំទាវ អស់លោក លោក ស្រី មកពីស្ថាប័ន មន្ទីរពាក់ព័ន្ធ​ កងកម្លាំងប្រដាប់អាវុធ ​សិស្សានុសិស្ស លោកគ្រូ អ្នកគ្រូ អង្គការសង្គមសីុវិល ប្រមាណ ៥០០ នាក់ ចូលរួម។ គូសបញ្ជាក់ថា យុទ្ធនាការនេះរៀបចំទ្បើង ក្នុងគោលបំណងដើម្បីអោយសាធារណ:ជន ​យល់ដឹង និងអនុវត្តឱ្យបានល្អលើការគ្រប់គ្រងសំរាម សំណល់រឹង ដោយអនុលោម ទៅតាមគោលការណ៍ណែនាំ​ស្តីពីបច្ចេកទេសដ៏ប្រសើរ​ដែលអាចរកបាន( BAT) និងការប្រតិបត្តិបរិស្ថានដ៏ប្រសើរ​ (BEP) នៃ អនុសញ្ញា​ស្តុកខុម ស្តីពីសារធាតុពុល​សរីរាង្គមិនងាយបំបែកធាតុ (POPs)រៀបចំដោយនាយកដ្ឋានអប់រំបរិស្ថាននៃអគ្គចំណេះដឹង និងព័ត៌មាន បរិស្ថាន ដោយសហការ​ជាមួយអង្គការ UNIDO ។

សាខាកាកបាទក្រហមកម្ពុជា ខេត្តព្រះវិហារ បើកវគ្គជាមូលដ្ឋានដល់យុវជនកាកបាទក្រហមកម្ពុជា

សាខាកក្រក​ខេត្តព្រះវិហារ៖នៅថ្ងៃទី២០ ខែមីនា ឆ្នាំ ២០១៩ នេះសាខា​កាកបាទក្រហមកម្ពុជា ខេត្តព្រះវិហារ បានបើកវគ្គជាមូលដ្ឋាន​យុវជនកាកបាទក្រហម​កម្ពុជា ជូនយុវជនកាកបាទក្រហម​កម្ពុជាវិទ្យាល័យសម្តេច ហ៊ុន សែន ក្រពុំឈូកចំនួន៥២នាក់ និងធ្វើពិធីបំពាក់​កន្សែងជូនយុវជនទើប​រើសថ្មីចំនួន១៧នាក់ ស្រី ១៧នាក់ នៅភូមិស្វាយប៉ាត ​ឃុំរំដោះ ស្រុករវៀង ក្រោមវត្តមាន លោក ពឹង ទ្រីដា អនុប្រធានគណ:កម្មាធិការ សាខាកាកបាទក្រហមកម្ពុជា ខេត្តព្រះវិហារ ។

នៅក្នុងឱកាសនោះ លោកអនុប្រធានគណ:កម្មាធិការសាខា បានលើកឡើងថា ដើម្បីបន្ថែមសមាជិកយុវជនដែលបានប្រឡងជាប់​ហើយទៅបន្តការសិក្សា សាលា​បានរើសយុវជនបំពេញ​ និងបើកវគ្គជាមូលដ្ឋានយុវជនកាកបាទក្រហមកម្ពុជា ជូននាពេលនេះ​គោលបំណងដើម្បីអោយប្អូនបានដឹងអំពីប្រវត្តិគោលការណ៍គ្រឹះ ចលនាអន្តរជាតិ​កាកបាទក្រហម អឌ្ឍចន្ទក្រហម តួនាទីរបស់យុវជន​កាកបាទក្រហម​ ពិសេសវិជ្ជាសង្គ្រោះបឋម ។ ជាមួយគ្នានោះ​ដែរក៏បានធ្វើការផ្តាំផ្ញើដល់ប្អូនៗត្រូវខិតខំ៖
-រៀនសូត្រអោយ​ក្លាយជាកូនល្អ សិស្សល្អ មិត្តល្អ ។
-ជៀសអោយឆ្ងាយ​ពីគ្រឿងញៀន ។
-គោរពច្បាប់​ចរាចរអោយខ្ចាប់ខ្ជួន ។
-ចូលរួមថែរក្សាអនាម័យនិងសំអាត​នៅសាលានិងតាមកន្លែងផ្សេងៗ 
-ជួយកិច្ចការផ្ទះ បន្ទាប់​ពីការសិក្សា រៀនសូត្រ ។
បន្ទាប់មកបានប្រគល់កញ្ចប់វិជ្ជាសង្គ្រោះបឋម​ចំនួន១ និងថវិកាឯកឧត្តម អ៊ុន ចាន់ដា ​ប្រធានកិត្តិយសាខាកាកបាទក្រហមកម្ពុជា​ ខេត្តព្រះវិហារ ជូនក្លឹបយុវជន​ចំនួន ៥០០,០០០រៀលផងដែរ ។

 

វគ្គបណ្តុះបណ្តាលជាមូលដ្ឋានស្តីពីប្រវត្តិចលនាអន្តរជាតិកាកបាទក្រហម និងអឌ្ឍចន្ទក្រហម ព្រមទាំងវិជ្ជាសង្គ្រោះបឋមនៅខេត្តកំពង់ធំ

សាខាកក្រកខេត្តកំពង់ធំ ៖​ នៅព្រឹកថ្ងៃអង្គារ៍ ១៤កើត ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹង​ថ្ងៃទី ១៩ ខែ មីនា ឆ្នាំ ២០១៩ សាខាកាកបាទក្រហម​កម្ពុជា ខេត្តកំពង់ធំ បានរៀបចំពិធីបើក​វគ្គបណ្តុះបណ្តាលជាមូលដ្ឋានស្តីពីប្រវត្តិចលនា​អន្តរជាតិកាកបាទក្រហម និងអឌ្ឍចន្ទក្រហម​ ព្រមទាំងវិជ្ជាសង្គ្រោះបឋម ដល់អ្នកស័្មគ្រចិត្តដែលបាន
ជ្រើសរើសថ្មីចំនួន ៣០នាក់ មកពីឃុំបន្ទាយ ស្ទោង ស្រុកស្ទោង ដែលមានរយៈ ពេល ​៣ថ្ងៃ គិតចាប់ពីថ្ងៃទី ១៩ ដល់ថ្ងៃទី ២១ ខែ មីនា ឆ្នាំ ២០១៩ ក្រោមវត្តមាន ​លោក សាយ គឹមឡម អនុប្រធានអនុសាខាកាកបាទក្រហមកម្ពុជាស្រុកស្ទោង ។

វគ្គបណ្តុះបណ្តាលនេះ​មានគោលបំណង ដើម្បីផ្តល់ចំណេះដឹងពង្រឹ​ងនិងពង្រីកសមត្ថភាព​ដល់អ្នកស្ម័គ្រចិត្ត កាកបាកបាទក្រហម​កម្ពុជា ឱ្យយល់ដឹងពីប្រវត្តិ​ចលនាអន្តរជាតិកាកបាទក្រហម ​និងអឌ្ឍចន្ទក្រហម ព្រមទាំងវិជ្ជាសង្គ្រោះបឋម។

ក្នុងឱកាសពិធីបើកវគ្គ​បណ្ដុះបណ្ដាលនេះ លោក សាយ គឹមឡម បានពាំនាំនូវ​ប្រសាសន៏ផ្ដាំផ្ញើសាកសួរសុខទុក្ខដោយក្ដីស្រឡាញ់ និងនឹករលឹក​បំផុតពីសំណាក់ ឯកឧត្តម សុខ លូ ប្រធាន​គណ:កម្មាធិកាសាខាកាកបាទក្រហមកម្ពុជា ដោយមាន​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា សូមឱ្យមានសុខភាពល្អបរិបូរណ៍ ​ប្រាជ្ញាឈ្លាសវៃ កម្លាំងពលំ​មាំមួន សម្រាប់បំពេញសកម្មភាព​ការងារមនុស្សធម៌បន្តទៀត ។ ជាមួយគ្នានេះដែរ​លោក អនុប្រធានអនុសាខា​បានកោតសរសើរ​ចំពោះអ្នកស្ម័គ្រចិត្ត កាកបាទក្រហមកម្ពុជាទាំងអស់ ដែលតែងតែយកចិត្តទុកដាក់​ពង្រឹងនិងពង្រីកសកម្មភាព​មនុស្សធម៌ របស់កាកបាទក្រហមកម្ពុជា ដូចភ្លៀងរលឹម​ចាប់តាំងពីមុនមក រហូតមកដល់ពេល​ច្ចុប្បន្ននេះដោយពុំបានគិត​ពីផលប្រយោជន៏ផ្ទាល់ខ្លួនឡើយ។

ក្នុងនោះដែរ លោកអនុ​ប្រធាន អនុសាខាសុំឲ្យ​សិក្ខាកាមទាំងអស់ ខិតខំ​យកចិត្តទុកដាក់ ក្រេបជញ្ជក់យកចំណេះ និងជំនាញដែល​បានបណ្តុះបណ្តាល យកទៅផ្សព្វផ្សាយ​បន្តដល់ក្រុមគ្រួសារ មិត្តភក្តិ និង
សហគមន៏ ជាពិសេស​នៅពេលដែល​ប្រជាពលរដ្ឋជួបបញ្ហាគ្រោះថ្នាក់ អាចជួយសង្គ្រោះ​បានទាន់ពេលវេលា៕

វគ្គបណ្តុះបណ្តាលស្តីពី ការថែទាំ និងជួសជុលឧបករណ៍ សម្ភារអនាម័យ ដល់គណៈកម្មការថែទាំ និងជួសជុលឧបករណ៍សម្ភារអនាម័យនៅខេត្តស្វាយរៀង

សាខាកក្រកខេត្តស្វាយរៀង៖នៅថ្ងៃអង្គារ ១៤កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ១៩ ខែ មីនា ឆ្នាំ ២០១៩ នៅទីស្នាក់ការ​អនុសាខាកាកបាទក្រហម​កម្ពុជាស្រុកចន្ទ្រា គម្រោងបង្កើន​និរន្តរភាពការ​ប្រើប្រាស់ទឹកស្អាត និងអនុវត្តន៍​អនាម័យ នៃសាខា​កាកបាទក្រហមកម្ពុជា​ខេត្តស្វាយរៀង ក្រោមការ​ឧបត្ថម្ភពីមូលនិធិសប្បុរសធម៌កាទ្យេ តាមរយៈសហពន្ធ័​អន្តរជាតិ កាកបាទក្រហម​ អឌ្ឈចន្ទក្រហម បានបើកវគ្គបណ្តុះបណ្តាលស្តីពី ការថែទាំ និងជួសជុល​ឧបករណ៍ សម្ភារអនាម័យ ដល់គណៈកម្មការ​ថែទាំ និងជួសជុលឧបករណ៍សម្ភារអនាម័យ ​ដែលវគ្គ បណ្តុះបណ្តាលនេះ​មានរយៈពេល ១ ថ្ងៃ ក្រោមការ សម្របសម្រួល​ពី មន្ត្រីគម្រោង សហការជាមួយបុគ្គលិក​មកពី ក្រុមហ៊ុនប្រពន្ធ័​សូឡាបូមទឹក​ដោយស្វ័យប្រព័ន្ធ ​ក្រោមប្រធានបទ ​ការប្រើប្រាស់ ការថែទាំ និងជួសជុលប្រពន្ធ័សូឡាបូមទឹកដោយស្វ័យប្រពន្ធ័ ។ ពិធីនេះបានការអញ្ជើញចូលរួមពីលោក សរ វណ្ណា នាយកសាខា ព្រមទាំង លោក លោកស្រី ជាប្រធានក្រុមអ្នកស្មគ្រ័ចិត្ត និងអ្នកទទួលផលពីគម្រោង សរុបចំនួន ២៥ នាក់ មកពីឃុំគោលដៅ ​៣ ក្នុងស្រុកចន្ទ្រាគឺឃុំ ចន្ទ្រា​ ទួលស្តី និងឃុំសំរោង ។
វគ្គបណ្តុះបណ្តាលនេះមានគោលបំណង ​ផ្តល់ចំណេះដឹង ដល់ក្រុមគាំទ្រសហគមន៍​ ស្តីពីការថែទាំ និងជួសជុលសម្ភារអនាម័យ ដើម្បីឲ្យឧបករណ៍សម្ភារអនាម័យទាំងនោះ​មាននិរន្តរភាព និងប្រើប្រាស់បានយូអង្វែង។


លោក សរ វណ្ណា នាយកសាខា តំណាងឯកឧត្តម ម៉ែន វិបុល ប្រធានគណៈកម្មាធិការ​សាខា មានមតិសំណេះសំណាលក្នុងពិធី​បើកវគ្គនេះដោយបញ្ជាក់​ពីសារៈសំខាន់នៃវគ្គនេះក្នុងការថែរក្សា​សម្ភារ ដែលបានទទួលពីគម្រោង ។ លោកនាយកសាខា​ក៍បានបញ្ជាក់ផងដែរ​អំពីការជ្រើសរើស និងគ្រប់គ្រង​កំលាំង អ្នកស្មគ្រ័ចិត្តដែលជាប្រភពធនធានមនុស្ស​កំពុងរស់នៅជាមួយ​សហគមន៍នៅពេលជួបគ្រោះភ័យ​ ហើយសកម្មភាពនេះឆ្លើយតបទៅនឹងអនុសាសន៍​របស់សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលត្រូវពង្រឹងកំលាំងធនធាន​មនុស្ស និង សមត្ថភាព ​ដល់អ្នកស្មគ្រ័ចិត្ត​ឲ្យបានទាំងបរិមាណ និង គុណភាព ហើយក្រោយពីបញ្ចប់វគ្គនេះ​ទៅត្រូវយកចិត្តទុកដាក់​ ក្នុងនាមជាអ្នកស្មគ្រ័ចិត្ត ​ជាអ្នកសង្គ្រោះ ឆ្លើយតប​ទៅនឹងគោលការណ៍គ្រឹះទាំង ៧ របស់ចលនា​កាកបាទក្រហម ហើយត្រូវយក​វិជ្ជានេះទៅអប់រំបន្តដល់ប្រជាពលរដ្ឋ នៅសហគមន៍​ដែលខ្លួនកំពុងរស់នៅ ។

សាខាកាកបាទក្រហមកម្ពុជា ខេត្តបាត់ដំបងប្រារព្ធសន្និបាត អាណត្តិទី៥

សាខាកក្រកខេត្តបាត់ដំបង ៖ នៅព្រឹកថ្ងៃ ចន្ទ១៣កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែមីនា ឆ្នាំ២០១៩ សាខាកាកបាទក្រហម​កម្ពុជា ខេត្តបាត់ដំបងបានប្រារព្ធ​សន្និបាត​សាខាកាកបាទក្រហមកម្ពុជា ខេត្តបាត់ដំបង អាណត្តិទី៥ (២០១៩-២០២៥)។

សន្និបាតនេះ បានប្រព្រឹត្តទៅក្រោម​អធិបតីភាព លោកជំទាវ ពុំ ចន្ទីនី​ អគ្គលេខាធិការ ​កាកបាទក្រហមកម្ពុជា និងអញ្ជើញ​ចូលរួមពី ឯកឧត្តម អ៊ុយ រី អនុប្រធាន​កិត្តិយសសាខា ឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខាអាណត្តិទី៤ និងជាប្រធានអង្គសន្និបាត ព្រមទាំង គណៈកិត្តិយស សមាជិក-សមាជិកាពេញសិទ្ធិ មន្ត្រីបច្ចេកទេស​ទីស្នាក់ការ​កណ្តាល យុវជនកាកបាទក្រហម​កម្ពុជា អ្នកស្ម័គ្រចិត្ត​សរុបចំនួន ២៤៨នាក់ នៅសាលប្រជុំ​សាលាខេត្តបាត់ដំបង។
គោលបំណង​សំខាន់នៃសន្និបាតនេះគឺ៖ 
១- ពិនិត្យ និងអនុម័ត​របាយការណ៍សកម្មភាព​ការងារ និងរបាយការណ៍​ហិរញ្ញវត្ថុ ក្នុងអាណត្តិទី៤ និងផែនការទិសដៅអាណត្តិទី៥ (២០១៩-២០២៥)
២- បោះឆ្នោតជ្រើសរើស​ គណៈកម្មាធិការសាខាអាណត្តិទី៥ 
៣- ប្រកាសសេចក្ដីសម្រេច​តែងតាំង ប្រធាន អនុប្រធានកិត្តិយសសាខា

ក្នុងឱកាសនោះ សន្និបាតសាខា​ បានបោះឆ្នោតជ្រើសរើស​សមាសភាពគណៈកម្មាធិការ​សាខា អាណត្តិទី៥ ដែលមានសមាសភាព ១៥រូប។ យោងកំណត់ហេតុ​កិច្ចប្រជុំលើកទី១នៃ​គណៈកម្មាធិការសាខា អាណត្តិទី៥ សម្រេចឯកភាពគ្នា​ជាឯកឆន្ទ ជ្រើសរើស ឯកឧត្តមបណ្ឌិត ប៊ុត គឹមស៊ាន ជាប្រធាន ឯកឧត្តម ងី សែត ឯកឧត្តមឱសថបណ្ឌិត វឿង ប៊ុនរេត អនុប្រធាន លោក កងប៊ន ​អនុប្រធានប្រចាំកា លោក សូស សុភក្ភ្រ័ ហេរញ្ញិក និងលោកស្រី ស៊ុត ម៉ិ ជាលេខាធិការ​គណៈកម្មាធិការសាខា។

នាឱកាសនោះឯកឧត្តម បណ្ឌិត ​ប៊ុតគឹមស៊ាន បានធ្វើការប្តេជ្ញា​ចិត្តយ៉ាងមុតមាំគឺ 
- កាន់ខ្ជាប់នូវគោលការណ៍​គ្រឹះទាំង៧ នៃចលនាអន្តរជាតិ​កាកបាទក្រហម និងអឌ្ឍចន្ទក្រហម មាន៖ -ភាពមនុស្សធម៌ -ភាពមិនលំអៀង -អព្យាក្រឹតភាព -ឯករាជភាព -សេវាកម្មស្ម័គ្រចិត្ត -ឯកភាព និងសកលភាព។
~ យកចិត្តទុកដាក់​ប្រតិបត្តិតាមគោលការណ៍​ណែនាំ របស់កាកបាទក្រហមកម្ពុជា ដើម្បីបំពេញ​ភារកិច្ចមនុស្សធម៌បានជោគជ័យ។
~ រក្សាសាមគ្គីភាពក្នុងជួរគណៈកម្មាធិការ​សាខា និងទទួលយកការប្រឹក្សា​ជាមួយគណៈកិត្តិយសសាខា និងឯកភាពរួមគ្នាដោះស្រាយបញ្ហាប្រឈម ​ដោយស្មារតីទទួលខុសត្រូវខ្ពស់។
- ដឹកនាំតម្រង់ទិស ក្រុមប្រតិបត្តិសាខា​ឱ្យអនុវត្តបានល្អនូវភារកិច្ច​ ស្របតាមយុទ្ធសាស្រ្ត​កាកបាទក្រហមកម្ពុជា ដែលក្នុងនោះមានវិស័យស្នូល៤រួមមាន៖ -ការគ្រប់គ្រងគ្រោះមហន្តរាយ -សុខភាព និងការថែទាំសុខភាពសហគមន៍ -លើកកម្ពស់គោលការណ៍គ្រឹះ ​និងតម្លៃមនុស្សធម៌របស់ចលនា -អភិវឌ្ឍស្ថាប័ន និងអភិវឌ្ឍធនធាន បង្កើនគំនិតក្នុងការកៀរគរ​រកមូលនិធិពីសប្បុរសជន​ពីគ្រប់មជ្ឈដ្ឋាន ដើម្បីបម្រើការ​មនុស្សធម៌របស់សាខា និងយកចិត្តទុកដាក់​ណែនាំអនុសាខា ឱ្យបំពេញភារកិច្ច​មនុស្សធម៌ឱ្យបានល្អ ស្របតាមវិស័យស្នូលទាំង៤នៃយុទ្ធសាស្រ្ត​កាកបាទក្រហមកម្ពុជា។ 
~ យកចិត្តទុកដាក់បន្តការងារ​ពង្រីកអ្នកស្ម័គ្រចិត្តកាកបាទក្រហម​កម្ពុជានៅមូលដ្ឋាន និងពង្រឹងសកម្មភាពអប់រំសុខភាពសហគមន៍។
- យកចិត្តទុកដាក់ពង្រីក ​និងពង្រឹងសកម្មភាពយុវជន​កាកបាទក្រហមកម្ពុជា ​នៅគ្រឹះស្ថានសិក្សា ជាគំរូក្នុងការងារមនុស្សធម៌ ក្នុងគ្រឹះស្ថានសិក្សា និងសង្គម។

 

1 2 3 4 5 Next Last