Webmail
E-Learning
សាខាកាកបាទក្រហមកម្ពុជា

កំពង់ស្ពឺ

ទិវាជាតិសុខភាពមាតា ទារក និងកុមារ របស់សាខាកាកបាទក្រហមកម្ពុជា ខេត្តកំពង់ស្ពឺ

សាខាកក្រកខេត្តកំពង់ស្ពឺ ៖ នៅព្រឹក​ថ្ងៃសុក្រ ៣រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹង​ថ្ងៃទី ២២ ខែកុម្ភៈ ឆ្នាំ២០១៩ ដើម្បី​អបអរសាទរ​ទិវាជាតិសុខភាព​មាតា ទារក និងកុមារ ថ្ងៃទី២១ ខែកុម្ភៈ ឆ្នាំ២០១៩ សាខា​កាកបាទក្រហមកម្ពុជា ​ខេត្តកំពង់ស្ពឺ ដឹកនាំដោយ​ឯកឧត្តម វ៉ី សំណាង ប្រធានកិត្តិយស​សាខា និងសហការី បានអញ្ជើញ​ចុះសួរសុខទុក្ខ និងនាំយកអំណោយ​មនុស្សធម៌របស់កាកបាទក្រហម​កម្ពុជា ផ្តល់ជូន​ដល់ស្ត្រីសម្រាក​សម្រាលកូន​ ចំនួន ៩គ្រួសារ និងប្រជាពលរដ្ឋ​ទីទ័លក្រ ចំនួន ៦គ្រួសារ​ស្ថិតនៅ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

នាឱកាសនោះ ឯកឧត្តមប្រធាន បានពាំនាំ​មកនូវប្រសាសន៍​ផ្តាំផ្ញើសួរសុខទុក្ខ​និងអនុសាសន៍​របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ជូនបងប្អូន​ប្រជាពលរដ្ឋទាំងអស់ ដែលមានខ្លឹមសារដូចតទៅ៖ 
១.សូមឱ្យស្ត្រី​មានគភ៌ទាំងអស់ អញ្ជើញ​ទៅពិនិត្យសុខភាព ពិគ្រោះយោបល់​ជាមួយគ្រូពេទ្យ​ឆ្មបជំនាញនៅមណ្ឌលសុខភាព ឬមន្ទីរពេទ្យ​ដែលនៅជិតផ្ទះតាម​កាលកំណត់ទទួលយក​សេវាបង្ការ ព្យាបាលទាំងអស់ឱ្យបានទៀង​ទាត់តាមការណែនាំ​របស់គ្រូពេទ្យជំនាញ និងស្ម័គ្រចិត្ត​ធ្វើតេស្តឈាម​ដើម្បីពិនិត្យស្ថានភាពមេរោគ​អេដស៍ និងមេរោគ​ស្វាយ ដើម្បីលុបបំបាត់​ពិការភាព និងការចម្លង​ជំងឺទាំងពីរនេះពីម្តាយទៅកូន
២.សូមទៅសម្រាល​កូននៅមណ្ឌលសុខភាព ឬមន្ទីរពេទ្យ ដែលមានគ្រូពេទ្យ​ឆ្មបជំនាញទទួលបានការបណ្តុះបណ្តាលត្រឹមត្រូវ
៣.សូមអញ្ជើញទៅពិនិត្យ​សុខភាពក្រោយពេល​សម្រាលទាំងមាតា និងទារក និងទទួលថ្នាំបង្ការជំងឺ១១មុខ តាមការកំណត់របស់គ្រូពេទ្យ
៤.សូមបំបៅទារកដោយ​ទឹកដោះម្តាយតែមួយមុខគត់​ចាប់ពីពេលទារក​ប្រសូតភ្លាម​រហូតដល់ទារកមានអាយុ៦ខែ និងផ្តល់អាហារ​បន្ថែមគ្រប់មុខ គ្រប់ជីវជាតិ (បបរខាប់គ្រប់គ្រឿង) រួមជាមួយការ​បន្តបំបៅទឹកដោះម្តាយរហូតដល់​កុមារមានអាយុយ៉ាងតិច២ឆ្នាំ
៥.សូមប្រញាប់យកទារក​ទៅមន្ទីរពេទ្យភ្លាម​នៅពេលឃើញ​សញ្ញាគ្រោះថ្នាក់ណា​មួយនៃជំងឺរលាកផ្លូវដង្ហើម ជំងឺរាក ឬជំងឺឆ្លង​ដទៃទៀត និងយកទារក ឬកុមារតូច​ដែលមានរាងកាយស្គម ឬមិនឡើងទម្ងន់សោះ ទៅពិគ្រោះ​យោបល់ និងទទួលការព្យាបាល​នៅមន្ទីរពេទ្យ។

សាខាកាកបាទក្រហមកម្ពុជា ខេត្តកំពង់ស្ពឺ សួរសុខទុក្ខជាពលរដ្ឋងាយរងគ្រោះបំផុតនៅឃុំត្រពាំងគង ស្រុកសំរោងទង

សាខាកក្រកខេត្តកំពង់ស្ពឺ ៖ នាព្រឹកថ្ងៃពុធ ១២កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៦ ខែ មករា ឆ្នាំ ២០១៩ សាខាកាកបាទក្រហម​កម្ពុជា ខេត្ត​កំពង់ស្ពឺ ដឹកនាំដោយ​ឯកឧត្តម តុង សេង ប្រធាន​គណៈកម្មាធិការ​សាខា និងសហការី បាន​អញ្ជើញ​ចុះសួរសុខទុក្ខ និងនាំយក​អំណោយមនុស្សធម៌​របស់​កាកបាទក្រហមកម្ពុជា ជូនដល់​ប្រជាពលរដ្ឋ​ងាយរងគ្រោះបំផុត ចំនួន ៣៥គ្រួសារ និងប្រគល់ផ្ទះ១ខ្នងចំនួន ១គ្រួសារ ធ្វើ​អំពីដែក ប្រក់សង្ក័សី ជញ្ជាំងសង្ក័សី ព្រមទាំង​ស្ត្រីមេម៉ាយ​ដែលស្លាប់កំឡុងពេល​សម្រាលកូន ស្ថិតនៅ២ភូមិ ឃុំត្រពាំងគង ស្រុក​សំរោងទង ខេត្តកំពង់ស្ពឺ។

ក្នុងឱកាសនោះដែរ ឯកឧត្តមប្រធាន បានពាំនាំនូវ​ប្រសាសន៌ផ្តាំផ្ញើ​សាកសួរសុខទុក្ខ​និងក្តីនឹករលឹកពីសំណាក់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធា​នកាកបាទក្រហមកម្ពុជា ដែលជានិច្ចកាល សម្តេចតែងតែគិតគូរ​ពីសុខទុក្ខរបស់បង​ប្អូនប្រជាពលរដ្ឋ​ក្រីក្រ ដែលមានទុក្ខ​លំបាកជន​រងគ្រោះ ជនងាយរងគ្រោះ​គ្រប់ប្រភេទ ដោយមិនប្រកាន់​រើសអើងវណ្ណៈ ជាតិសាសន៌ ពណ៍សម្បុរ ឫនិន្នាការនយោបាយអ្វីឡើយ។ លើសពីនេះទៀត ឯកឧត្តម បានអំពាវនាវ​ដល់បងប្អូន​ប្រជាពលរដ្ឋទាំងអស់ មេត្តាយកចិត្ត​ទុកដាក់ថែរក្សា​ឲ្យបានល្អ សម្អាតបរិស្ថាន​ជុំវិញផ្ទះ បរិភោគអាហារ​ដែលមានជីជាតិ ដោយប្រកាន់ខ្ជាប់នូវ ហូបស្អាត ផឹកស្អាត និងរស់នៅស្អាត និងត្រូវខិតខំប្រកបរបរ​ចិញ្ចឹមជីវិត ដើម្បីស្ដារជីវភាពគ្រួសារឡើងវិញ។

អំណោយ​ដែលផ្ដល់ជូន​គ្រួសារនីមួយៗទទួលបានផ្ទះមានដូចជា ៖ អង្ករ ៥០គីឡូក្រាម មី ១កេស ត្រីខ ១០កំប៉ុង ប្រេងឆា ១ដប ទឹកត្រីទឹកស៊ីអ៊ីវ ១យួរ ទឹកដោះគោ ១កំប៉ុង នំធុង ១ធុង មុង១ ភួយ១ សារុង១ ក្រមា១ និងថវិកាមួយចំនួន។
សម្រាប់​ប្រជាពលរដ្ឋងាយ​រងគ្រោះបំផុតទទួលបាន ៖ អង្ករ ២៥គីឡូក្រាម មី ១កេស ត្រីខ ១០កំប៉ុង ប្រេងឆា ១ដប ទឹកត្រីទឹកស៊ីអ៊ីវ ១យួរ នំធុង ១ធុង ទឹកដោះគោ ១កំប៉ុង និងថវិកាមួយចំនួន។
ចំណែកឯស្ត្រីដែល​ស្លាប់កំឡុងពេល​សម្រាលកូនរួមមាន ៖ អង្ករ ២៥គីឡូក្រាម មី ១ ទឹកត្រីទឹកស៊ីអ៊ីវ ១យួរ នំធុង ១ធុង ត្រីខ ១យួរ ប្រេងឆា ១ដប ទឹកដោះគោ ១កំប៉ុង ឃីតកូនក្មេង ១កញ្ចប់ និងថវិកាមួយចំនួនផងដែរ៕

សាខាកាកបាទក្រហមកម្ពុជា ខេត្តកំពង់ស្ពឺ បានប្រារព្ធទិវាអន្តរជាតិនៃអ្នកស្ម័គ្រចិត្ត ៥ធ្នូ ២០១៨

សាខាកក្រកខេត្តកំពង់ស្ពឺ ៖ នៅព្រឹកថ្ងៃព្រហស្បតិ៍​ ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៧ ខែ ធ្នូ ឆ្នាំ ២០១៨ នេះ សាខាកាកបាទក្រហម​កម្ពុជា ខេត្ត​កំពង់ស្ពឺ បានប្រារព្ធ​ទិវាអន្តរជាតិ​នៃអ្នកស្ម័គ្រចិត្ត ៥ធ្នូ ២០១៨ ក្រោម​ប្រធានបទ " អ្នកស្ម័គ្រចិត្ត​ដើម្បីសហគមន៍​យើង " ដែលដឹកនាំ​ដោយ លោកវេជ្ជ. អោ វណ្ណថេន ​អនុប្រធានគណៈកម្មាធិការ​សាខា និងមានការ​អញ្ជើញចូលរួម​ពី មន្ត្រីសាខា អនុសាខា អ្នកស្ម័គ្រចិត្ត និង​យុវជនកាកបាទក្រហម​កម្ពុជា សរុបចំនួន ១៦៣នាក់ ដែល​ប្រព្រឹត្តទៅនៅសាលាស្រុក​ភ្នំស្រួច ខេត្តកំពង់ស្ពឺ។

ក្នុងឱកាសនោះដែរ​ លោកអនុប្រធាន​ បានពាំនាំ​នូវប្រសាសន៍​ផ្ដាំផ្ញើសាក​សួរសុខទុក្ខ​និងក្ដីនឹក​រលឹកពីសំណាក់ ឯកឧត្តម ប្រធានកិត្តិយស​សាខា ពិសេស​សម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា បានថ្លែង​អំណរគុណ និងកោតសរសើរ​យ៉ាងក្រៃលែង​ចំពោះអ្នកស្ម័គ្រចិត្តទាំងអស់ ដែលបានបរិច្ចាកធនធាន​ ពេលវេលា កម្លាំងកាយ ចិត្ត ចូលរួម​ចំណែកជួយ​ដល់ជនរងគ្រោះ និងជនងាយរងគ្រោះនៅ​ក្នុងសហគមន៍។ ទិវានេះដែរ គឺជាការ​លើកកម្ពស់​នៃការចូលរួម​ដោយស្ម័គ្រចិត្តក្នុងការងារមនុស្សធម៌​របស់ចលនា​កាកបាទក្រហម អឌ្ឍចន្ទក្រហម ដែលមាន​អាយុកាល ១៥៥ឆ្នាំមកហើយ។

ទិវាអន្តរជាតិនៃអ្នកស្ម័គ្រចិត្ត បានផ្តោត​លើគុណតម្លៃ​នៃការងារស្ម័គ្រ​ចិត្ត ដែលជាឆ្អឹងខ្នង​របស់ចលនាកាកបាទក្រហម អឌ្ឍចន្ទក្រហម និងជាកម្លាំងប្រតិបត្តិការមនុស្សធម៌មិនអាចខ្វះបាន ប្រកបដោយប្រសិទ្ធភាព និងទាន់ពេលវេលា។ ជាក់ស្តែង កាកបាទក្រហ​មកម្ពុជា បានពង្រឹង និងពង្រីកកម្លាំងអ្នកស្ម័គ្រចិត្តដែលសុទ្ធតែជា​កម្លាំងមិនអាចខ្វះបាន ក្នុងការ​ផ្តល់ក្តីសង្ឃឹម និងភាពកក់​ក្តៅដល់អ្នកងាយរងគ្រោះបំផុតបាន​ទាន់ពេលវេលា និងគ្រប់ទីកន្លែង។

ដើម្បីជាការលើកទឹកចិត្ត​ដល់អ្នកស្ម័គ្រចិត្តដែលសកម្ម កាកបាទក្រហ​មកម្ពុជា បានប្រគល់​ជូននូវប័ណ្ឌសរសើសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន ១សន្លឹក សារុង១ និងថវិកាមួយចំនួន។
ដោយឡែកសម្រាប់យុវជនកាកបាទក្រហមកម្ពុជា ម្នាក់ៗទទួលបាន ៖ សារុង១ និងថវិកាមួយចំនួនផងដែរ៕

 

កាកបាទក្រហមកម្ពុជា ខេត្តកំពង់ស្ពឺ ធ្វើយុទ្ធនាការអប់រំផ្សព្វផ្សាយស្តីពីសុវត្ថិភាពចរាចរណ៍

សាខាកក្រកខេត្តកំពង់ស្ពឺ ៖ នៅព្រឹក​ថ្ងៃអាទិត្យ ៤កើត ខែកត្តិក​ ឆ្នាំច សំរឹទ្ធិស័ក ព.ស. ២៥៦២​ ត្រូវនឹងថ្ងៃទី ១១ ខែ វិច្ចិកា ឆ្នាំ ២០១៨ សាខា​កាកបាទក្រហម​កម្ពុជា ​ខេត្តកំពង់ស្ពឺ ​ដឹកនាំដោយ​លោកស្រី អោម ចន្នា នាយិកាសាខា​ បានរៀបចំ​ធ្វេីយុទ្ធនាការ​អប់រំផ្សព្វផ្សាយ​ស្តីពីសុវត្ថិភាព​ចរាចរណ៍ ​ជូនដល់សាធារណជននៅទីប្រជុំជន​ផ្សារកំពង់ស្ពឺ ​និងតាមផ្លូវជាតិលេខ៤​ ក្នុងឱកាសពិធីបុណ្យ​អុំទូកថ្នាក់ខេត្ត និងមានការអញ្ជើញ​ចូលរួមពី​ សហភាពសហព័ន្ធ​យុវជនកម្ពុជា អ្នកស្ម័គ្រចិត្ត យុវជនកាកបាទក្រហមកម្ពុជា និងអាជ្ញាធរដែនដី​នៅតាមមន្ទីរ​អង្គភាពជុំវិញខេត្ត​សរុបចំនួន ៧៥នាក់។ យុទ្ធនាការផ្សព្វផ្សាយនេះដែរ ធ្វើឡើងនៅវិមាន​ឯករាជ្យខេត្តកំពង់ស្ពឺ។

យុទ្ធនាការនេះប្រព្រឹត្តទៅនៅក្នុងគោលបំណង៖
១.លើកកំម្ពស់ការយល់ដឹង​និងសមត្ថភាពជំនាញ​ដល់អ្នកស្ម័ត្រចិត្ត និងយុវជន​កាកបាទក្រហមកម្ពុជា លើវិធីសាស្រ្តអប់រំផ្សព្វផ្សាយ​ពីសុវត្ថិភាព​ចរាចរណ៌ ក្នុងការអនុវត្ត​ជាក់ស្តែងតាមសាលា និងសហគមន៌ កាន់តែមានប្រសិទ្ធិភាព។
២.ដើម្បីឲ្យសាធារណៈជន​ទូទៅបានយល់ដឹង​ពីសុវត្ថិភាពដែល​ទាក់ទងទៅនឹង​ហានិភ័យ នៃការបើកបរដោយមិនពាក់​មួកសុវត្ថិភាព និងបើកបរ​ក្រោមឥទ្ធិពលនៃគ្រឿងស្រវឹង​ រួមចំណែក​កាត់បន្ថយអ្នករបួស និងស្លាប់ ពីគ្រោះថ្នាក់ចរាចរណ៍​ឲ្យនៅកំម្រិតទាប​ នៅក្នុងឱកាស​ពិធីបុណ្យអុំទូក​ខាងមុខនេះផងដែរ៕

 

យុវជនកាកបាទក្រហមកម្ពុជា ជួយសាងសង់ផ្ទះ ជនពិការ រស់នៅភូមិព្រៃធំ ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ

សាខាកក្រកខេត្តកំពង់ស្ពឺ ៖ នាព្រឹកថ្ងៃព្រហស្បតិ៍ ​៨រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១ ខែ វិច្ចិកា ឆ្នាំ ២០១៨ សាខា​កាកបាទ​ក្រហមកម្ពុជា ​ខេត្តកំពង់ស្ពឺ ដឹកនាំ​ដោយ​លោកស្រី អោម ចន្នា​ នាយិកាសាខា ​និងសហការី ​បានដឹកនាំ​អ្នកស្ម័គ្រចិត្ត និង​យុវជនកាកបាទក្រហម​កម្ពុជា ចុះត្រួតពិនិត្យ និងធ្វើការសាង​សង់ផ្ទះមានផ្ទះទំហំ ៥ម៉ែត្រ x ៧ម៉ែត្រ ឡេីងឃឿន ៤០សង់ទីម៉ែត្រ ធ្វើអំពីឈេីប្រក់ហ្វីប្រូ រៀបការ៉ូក្រោម ដែលជា​អំណោយ​របស់កាកបាទក្រហម​កម្ពុជា ដែលមាន​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូន​ដល់លោកស្រី សាន ខុម មានកូនចំនួន ២នាក់ ជាជនពិការ រស់នៅ​ភូមិព្រៃធំ ​ឃុំរស្មី​សាមគ្គី ស្រុកឱរ៉ាល់ ខេត្តកំពង់ស្ពឺ។

1 2 3 4 5 Next Last