Webmail
E-Learning
សាខាកាកបាទក្រហមកម្ពុជា

បាត់ដំបង

សាខាកក្រក ខេត្តបាត់ដំបងសួរសុខទុក្ខ ចាស់ជរានៅឃុំគាស់ក្រឡ

សាខាកក្រក​ ខេត្តបាត់ដំបង៖​ នៅរសៀល​ថ្ងៃទី ២៥ខែធ្នូ ឆ្នាំ២០១៧ នេះសាខា​កាកបាទក្រហមកម្ពុជា​ខេត្ត ដឹកនាំដោយ​ឯកឧត្តមបណ្ឌិត ប៊ុត គឹមស៊ាន ប្រធាន​គណៈកម្មាធិការសាខា​និងសហការី​បានអញ្ចើញទៅចុះសួរសុខទុក្ខ​ ចាស់ជរាដែល​មានជីវភាពខ្វះខាត​និងឥតទីពឹង​ចំនួន​ ៧ គ្រួសារ រស់នៅក្នុង ឃុំចំនួន ២គឺឃុំព្រះផុស​និងឃុំគាស់ក្រឡ​ ស្រុកគាស់ក្រឡ ខេត្តបាត់ដំបង។

 

ក្នុងឱកាសនោះ ឯកឧត្តមបណ្ឌិត ប៊ុត គឹមស៊ាន បានពាំនាំ​ប្រសាសន៍​ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលផ្តាំផ្ញើសួរសុខទុក្ខ​ចំពោះលោកយាយ លោកតាទាំងអស់ និងសូមផ្តាំផ្ញើ​ឱ្យថែទាំសុខភាពឱ្យ​បានល្អ និងជូនពរមាន​អាយុយ៉ឺនយូរដើម្បី​ជាម្លប់ដ៏កក់ក្តៅ​ដល់កូនចៅៗដែលនៅក្នុងបន្ទុក។

 

លោកយាយ​លោកតាទាំងអស់​ បានថ្លែងអំណរគុណ​យ៉ាងជ្រាលជ្រៅចំពោះ​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលបានយកចិត្ត​ទុកដាក់​ គិតគូរពីសុខទុក្ខ​ប្រជាជនទូទៅជួប​ការលំបាក​ដោយគ្មានការរើសអើង​ មិនប្រកាន់វណ្ណៈ​ ពូជសាសន៍​ វណ្ណៈ​ ពណ៌សម្បុរ​ សាសនា​ ឬនិន្នាការនយោបាយ​អ្វីឡើយ។

 

គ្រួសារនីមួយៗទទួលបាន​ ៖​ អង្ករ​ ២៥គីឡូក្រាម មី​ ១កេស​ ត្រីខ​ ១០កំប៉ុង​ ភួយ១​ សារុង១​ ក្រមា១​ និងគ្រឿងឧបភោគ បរិភោគ​ ព្រមទាំងថវិកាមួយចំនួនផងដែរ៕

 

ប្រជាជនងាយរងគ្រោះ២គ្រួសារនៅខេត្តបាត់ដំបងទទួលអំណោយពីកាកបាទក្រហមកម្ពុជា

កក្រក​ ៖​ នៅព្រឹក ថ្ងៃអង្គារ៍ ​២ រោច ខែ មិគសិរ ព.ស ២៥៦១ ត្រូវនិង​ថ្ងៃទី​ ៥ ខែ ធ្នូ គ.ស ២០១៧​ កាកបាទក្រហមកម្ពុជា ​ដែលមាន សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ​បានផ្តល់គ្រឿង​ឧបភោគ​បរិភោគ និងថវិកាមួយ​ចំនួនដើម្បីជួយ​សម្រួលការ​លំបាក ដល់គ្រួសារ​ទីទល់ក្រដែល​មានអ្នកជម្ងឺក្នុងបន្ទុក ចំនួន​ ២ករណី​ គឺ​ ៖

១/ ករណីជនទីទ័លក្រទាំង​ ២នាក់​ ប្តី-ប្រពន្ធ​ (មានកូន​ ៣នាក់)​​ ដោយប្រពន្ធមានជំងឺដុំគីស ប្រចាំកាយ រស់នៅទីដាច់ស្រយាល​ក្នុងភូមិ ភ្ជាវ ឃុំត្រែង ស្រុករតនៈមណ្ឌល ខេត្តបាត់ដំបង។
២/​ កញ្ញា​ ឈាន នី អាយុ ១៧ ឆ្នាំ កំព្រាឪពុកមានជំងឺកូនកណ្តុរ​នៅបំពង់ក ធ្ងន់ធ្ងរ ដែលគ្មានលទ្ធភាពព្យាបាលនៅមន្ទីរពេទ្យ នៅសម្រាក​ព្យាបាលផ្ទះ ជាមួយយាយ​ជរាក្នុងភូមិ ​ឆាយរំពាត់​ ឃុំ កន្ទឺរ ២ ស្រុកបាណន់ ខេត្តបាត់ដំបង។

ក្នុងឱកាសនោះ ឯកឧត្ដម យូ ឡាណា អគ្គលេខាធិការ​រងទី ២ កាកបាទក្រហម​កម្ពុជា បានពាំនាំនូវ​ប្រសាសន៍​របស់ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ដែលផ្តាំផ្ញើ​នូវការសួរសុខទុក្ខ​ ក្តីអាណិតអាសូរ​ យ៉ាង​សោកសង្រេង​ និងផ្តាំផ្ញើប្រឹងប្រែង​ព្យាបាល និងពិសា​ចំណីអាហារ​តម ដើម្បីឆាប់​ជាសះស្បើយពីជំងឺ។

ក្រុមគ្រួសារទាំងពីរ ​បានសំដែងក្តីរំភើប​ និងដឹងគុណចំពោះ​ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលដឹកនាំ​កាកបាទក្រហមកម្ពុជា ដោយយកចិត្តទុកដាក់​ គិតគូរពីសុខទុក្ខ ​ផ្តល់ក្តីមេត្តា​ ករុណា​ អាណិត​ ស្រឡាញ់​ ព្រមទាំងផ្តល់ក្តីសង្ឃឹម​ចំពោះប្រជាជន​ទូទៅជួបការ​លំបាកដោយ​គ្មានការរើសអើង​ មិនប្រកាន់វណ្ណៈ​ ពូជសាសន៍​ វណ្ណៈ​ ពណ៌សម្បុរ​ សាសនា​ ឬនិន្នាការនយោបាយ​អ្វីឡើយ៕

 

យុវជនកាកបាទ ក្រហមកម្ពុជា ខេត្តបាត់ដំបងសួរសុខទុក្ខសាស្រ្តាចារ្យដែលរងគ្រោះដោយគ្រោះថ្នាក់ចរាចរណ៍

សាខាកក្រកខេត្តបាត់ដំបងៈ​​នៅថ្ងៃ​សៅរ៍១៤កើត​ ខែមិគសិរ​ ឆ្នាំរកា​ ព.ស. ២៥៦១​ ត្រូវនឹងថ្ងៃ​ទី២ ខែធ្នូ គ.ស. ២០១៧ លោក ដួង ជីវ័ន្ត​ ប្រធានកិត្តិយស​ក្លឹបយុវជន​ និងជា នាយក​វិទ្យាល័យ​សម្តេចឪ​ក្រុងបាត់ដំបង ​និងមានការ​ចូលរួម​ពីលោកគ្រូ​ទីប្រឹក្សា បាន​ដឹកនាំយុវជន​កាកបាទក្រហម​កម្ពុជា​ចំនួន១០នាក់​ស្រី១នាក់ ចុះសួរសុខទុក្ខ​និងនាំយក​ថវិកា​សប្បុរសជន​ជួយឧបត្ថម្ភ​លោកគ្រូ ប៉ាវ សាំងហេង សាស្រ្តាចារ្យ​វិទ្យាល័យសម្តេចឪ ដែល​មានគ្រោះថ្នាក់ដួល​ដាច់សរសៃ​ឈាមខួរក្បាល​កាលទៅកែ​វិញ្ញាសារ​ប្រលងបាក់ឌុប​នៅភ្នំពេញកាលពីខែសីហា ឆ្នាំ២០១៧ បច្ចុប្បន្ន​កុំពុងសម្រាក​ព្យាបាល​នៅគេហដ្ឋាន។​

 

សកម្មភាពនេះ គឺជាការឆ្លុះបញ្ចាំង​ពីការយកចិត្តទុក​ ដាក់របស់ថ្នាក់ដឹកនាំ​ក្លឹបយុវជន កាកបាទក្រហម​កម្ពុជា នៃវិទ្យាល័យសម្តេចឪ ស្រប តាមអនុសាសន៍របស់សម្ដេចកិត្តិព្រឹទ្ធ បណ្ឌិតប្រធាន គឺយកចិត្តទុកដាក់ចំពោះ លោកគ្រូ​អ្នកគ្រូ​សមាជិកយុវជន​ និងសិស្សក្នុង​វិទ្យាល័យ​របស់ខ្លួន​ជាមុន ចាំគិត​អ្នកនៅ​សហគមន៍ជាក្រោយ។

 

គួរបញ្ជាក់​ផងដែរថា អំណោយ​ប្រគល់ជូន​រួមមាន ថវិកា៧០ដុល្លារ​ដែលជាអំណោយ​របស់​សប្បុរសជនរួមមានលោក គីង ចាន់រើន ថវិកា​ចំនួន ៥០ដុល្លារ និង​លោក អ៊ុយ ឈាន ​ថវិកាចំនួន ២០ដុល្លារ តាមរយៈលោក​នាយកវិទ្យាល័យ​ផងដែរ។​

 

ប្រជាពលរដ្ឋ ទីទ័លក្រ ចាស់ជរា ទទួលអំណោយពីសាខាកក្រកខេត្តបាត់ដំបង

សាខាកក្រកខេត្តបាត់ដំបង៖ នៅព្រឹកថ្ងៃទី ២៦ខែកញ្ញា ឆ្នាំ២០១៧ លោកជំទាវ ឈួន ទូច ប៊ុតគឹមស៊ាន អនុប្រធាន​កិត្តិយស​សាខាកាកបាទក្រហម​កម្ពុជា ខេត្តបាត់ដំបង និងសហការី ព្រមទាំង​សប្បុរសជន អញ្ចើញមកពីសហរដ្ឋ អាមេរិច បានអញ្ជើញ​ជួបសំណេះ​សំណាល​សួរសុខទុក្ខ ​និងនាំយក​អំណោយ​មនុស្សធម៌ ជូនដល់ ប្រជាពលរដ្ឋ​ ទីទ័លក្រ ចាស់ជរា ក្នុងឃុំចំនួន២ គឺឃុំឈើទាល ១០ គ្រួសារ ឃុំតាគ្រាម ចំនួន១០ គ្រួសារ ស្រុកបាណន់ ខេត្តបាត់ដំបង ។

 

មានប្រសាសន៍នាឱកាសនោះ ​លោកជំទាវ បានពាំនាំ​នូវការផ្ដាំផ្ញើសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលតែងតែ​យកចិត្តទុកដាក់​គិតគូ​ចំពោះប្រជាពលរដ្ឋ​គ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយ​ណាមួយឡើយ។ លោកជំទាវ បានថ្លែង​អំណរគុណ​យ៉ាង​ជ្រាវជ្រៅចំពោះ សប្បុរសធម៌​មកពី​សហរដ្ឋអាមេរិក ដែលបាន​រួមចំណែកក្នុងការឧបត្ថម្ភ​តាមរយៈ សាខាខេត្តនិងបានដែលលះបង់ពេលវេលា ចូលរួមជា​មួយក្រុមការងារ​នាពេលនេះ ។

 

អំណោយមនុស្សធម៌​ដែលបានផ្ដល់ជូនមាន៖ អង្ករ៣០គឺឡូក្រាម មី១កេស ទឹកសុទ្ឌវីឃែ ១កេស សារុង១ ក្រមា១ ថវិកា២ម៉ឺនរៀល ក្នុង ឱកាសនោះផងដែលលោកជំទាវ និងសប្បុរសជនបានប្រគេន ទឹកសុទ្ធនិងបច្ច័យមួយចំនួយដល់ ព្រះសង្ឃ ក្នុងវត្តចំនួន២ គឺវត្តឈើទាល និងវត្តភ្នំខ្ពស់ និងបានឧបត្តម្ភថវិការមួយចំនួនដល់ប្រជាពលរដ្ឋ កុមារា កុមារីដែលបានចូលរួមផងដែរ 

 

សាខាកក្រក,ខេត្តបាត់ដំបងប្រារព្ធទិវាពិភពលោកវិជ្ជាសង្គ្រោះបឋម

សាខាកក្រក,ខេត្តបាត់ដំបង​នាព្រឹកថ្ងៃទី ១១ខែកញ្ញា ឆ្នាំ២០១៧នេះ ឯកឧត្តម​បណ្ឌិត ប៊ុត គឹមស៊ាន ​ប្រធានគណៈកម្មាធិការ​សាខា​កាកបាទក្រហម​កម្ពុជា​ខេត្តបាត់ដំបង បានអញ្ចើញ​ជាគណៈអធិបតី ក្នុង​ពិធី​ទិវា​ពិភពលោក វិជ្ជាសង្គ្រោះបឋម គឺផ្តោតលើប្រធានបទ “ ការជួយសង្រ្គោះ បឋមក្នុងផ្ទះ ” ដោយមាន​ការអញ្ចើញចូលរួម លោកជំទាវ លោក លោកស្រី នាយិការ នាយក នាយកដ្ឋាន​សុខភាព​កក្រក សមាជិការ​គណៈកម្មាធិការសាខា តំណាងកាកបាទជប៉ុន សាកលវិទ្យាធិការរងមន្រ្តីរាជការ យុវជន និស្សិត អ្នកស្មគ្រ័ចិត្តកាកបាទក្រហម​កម្ពុជាសរុប​ប្រមាណជិត ២០០នាក់។ 

ទិវាពិភពលោក​វិជ្ជាសង្គ្រោះបឋម នាពេលនេះ​ធ្វើឡើង​ក្នុងគោលបំណង​សំខាន់៣គឺ ៖


១.ដើម្បីផ្សព្វផ្សាយ​ដល់ប្រជាជន​ឲ្យមានការ​យល់ដឹង​អំពីហានិភ័យ​ដែលកើតមាន​ក្នុងផ្ទះ​និងការពារ​គ្រោះថ្នាក់ ព្រមទាំងសង្គ្រោះក្នុងពេលមានរបួស។


២.លើកទឹកចិត្ត​មនុស្សគ្រប់វ័យ​ដើម្បីរៀនសូត្រ​វិជ្ជាសង្រ្គោះបឋម​ហើយពួក​គេនឹងទទួល​បានជំនាញ និងមានទំនុកចិត្តជួយ​សង្រ្គោះក្នុងស្ថានភាព​គ្រាអាសន្ន​ដែលកើតមានក្នុងផ្ទះ។


៣.ពង្រឹងសមត្ថភាព​នាទីក្នុង​ការការពារ​បុគ្គលខ្លួន​ផ្ទាល់ និងការពារ​អ្នកដ៏ទៃ​រួចផុត​ពីគ្រោះថ្នាក់ និងរងរបួសដែលកើតមាន​ឡើងក្នុង​បរិវេណផ្ទះ។កម្មវិធី​នេះប្រារព្វ​ធ្វើនៅ​សាកលវិទ្យាល័យ​គ្រប់គ្រង​និងសេដ្ឋកិច្ច ខេត្តបាត់ដំបង

 

1 2 3 4 5 Next Last