Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

សាខាកាកបាទក្រហមកម្ពុជា ខេត្តកំពត រៀបចំកិច្ចប្រជុំស្ដីពីការពិគ្រោះយោបល់ អំពីវិធីអប់រំសុខភាព មនុស្សចាស់

សាខាកក្រកខេត្តកំពត ៖ នៅព្រឹកថ្ងៃ​ព្រហស្បតិ៍ ៥កើត ខែស្រាពណ៍ ឆ្នាំច សំរិទ្ធស័ក ព.ស.២៥៦២ ត្រូវនឹងថ្ងៃទី ១៦ ខែ សីហា ឆ្នាំ ២០១៨ សាខា​កាកបាទក្រហម​កម្ពុជា ខេត្តកំពត បានរៀបចំ​កិច្ចប្រជុំស្ដីពីការ​ពិគ្រោះយោបល់ អំពីវិធីអប់រំ​សុខភាព មនុស្សចាស់ ដល់អ្នកស្ម័គ្រចិត្ត​កាកបាទក្រហមកម្ពុជា ក្រោមការដឹកនាំ​ដោយលោក​ វ៉ា សុភ័ក្ត្រ ប្រធានការិយាល័យ​ការពារជំងឺឆ្លង និងមិនឆ្លង នៃទីស្នាក់ការកណ្តាល​កាកបាទក្រហម​កម្ពុជា និងលោកវេជ្ជ. កែវ សុផាន់ នាយក​សាខាកាកបាទក្រហម​កម្ពុជា ខេត្តកំពត និងមាន​ការចូលរួមពី​ក្រុមការងារការិយាល័យ​ការពារជំងឺឆ្លង និងមិនឆ្លង ទីស្នាក់ការកណ្តាលកាកបាទក្រហម​កម្ពុជា មន្ត្រី​មន្ទីរសុខាភិបាល មន្ត្រីមន្ទីរ​កិច្ចការនារី មន្ត្រីមន្ទីរ​សង្គមកិច្ច និងអ្នកស្ម័គ្រកាកបាទក្រហមកម្ពុជា​សរុបចំនួន ៣០នាក់ (ស្រី ១៣នាក់)។

 

កិច្ចប្រជុំនេះមាន​គោលបំណង ដើម្បីពង្រឹង​សមត្ថភាព​ដល់អ្នកស្ម័គ្រចិត្ត អំពីវិធីសាស្រ្ត​អប់រំសុខភាពមនុស្សចាស់ ក្នុងសហគមន៍​ឲ្យកាន់តែមាន​ប្រសិទ្ធិភាពនៅ​ពេលអនាគត និងធ្វើការ​អប់រំផ្សព្វផ្សាយ​បន្តដល់មិត្តភក្តិ និងសហគមន៍រៀងៗខ្លួនផងដែរ៕

 

សាខាកាកបាទក្រហម កម្ពុជា ខេត្តឧត្តរ មានជ័យបើក វគ្គផ្សព្វផ្សាយ អំពីមីន យុទ្ធភ័ណ្ឌ មិនទាន់ផ្ទុះ

សាខាកក្រកខេត្ត ឧត្តរមានជ័យ ៖ កាលពីព្រឹកថ្ងៃអង្គារ ៣កើត ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៤ ខែ សីហា ឆ្នាំ ២០១៨ សាខា កាកបាទក្រហម កម្ពុជា ខេត្តឧត្តរ មានជ័យ បានចុះបើកវគ្គ ផ្សព្វផ្សាយ អំពីមីន យុទ្ធភ័ណ្ឌ មិនទាន់ផ្ទុះ និងផ្សព្វផ្សាយ អំពីការ ស្តារទំនាក់ទំនង គ្រួសារ ដែលដឹកនាំ ដោយលោក សរ សៀងហៀង នាយកសាខា និងមានការ ចូលរួមពី លោក លោកស្រី ជាសមាជិក សមាជិកាគណៈកម្មាធិកាសាខា និងប្រធាន សហគមន៍ដែលអញ្ជើញ មកពី២០សហគមន៍ សរុបចំនួន ២៣នាក់ (ស្រីចំនួន ១០នាក់) ស្ថិតនៅភូមិ បាក់នឹម សង្កាត់កូន ក្រៀល ក្រុងសំរោង ខេត្តឧត្តរមានជ័យ។

ប្រជាពលរដ្ឋរងគ្រោះដោយសារទឹកជំនន់ នៅឃុំកោះស្នែង ទទួលអំណោយពីសាខាកក្រកខេត្តស្ទឹងត្រែង

សាខាកក្រក ខេត្តស្ទឹងត្រែង ៖ នៅរសៀល​ថ្ងៃទី០៩ ខែសីហា ឆ្នាំ២០១៨ នេះ លោកស្រី សន សុខា អនុប្រធានគណៈកម្មាធិការ​សាខាកាកបាទក្រហម​កម្ពុជាខេត្ត​ស្ទឹងត្រែង សមាជិក សមាជិកា គណៈកម្មាធិការសាខា ក្រុមប្រតិបត្តិ​សាខា អនុសាខាស្រុក បាននាំយក​អំណោយ​មនុស្សធម៌ ចែកជូន​ដល់ប្រជាពលរដ្ឋរងគ្រោះ​ដោយសារ​ទឹកជំនន់ ចំនួន១៦០គ្រួសារ ដែលអញ្ជើញ​មកពី៤ភូមិ ក្នុងនោះមានភូមិកោះស្នែង កោះកី កោះ​ស្រឡៅនិង​ភូមិជាំធំ ឃុំកោះស្នែង ស្រុកថាឡា​បរិវ៉ាត់ ខេត្តស្ទឹងត្រែង។

 

នៅក្នុងឱកាសជួប​សំណេះសំណាលជាមួយ​នឹងប្រជាពលរដ្ឋដែល​រងគ្រោះដោយ​ទឹកជំនន់ លោកស្រីអនុប្រធាន បានពាំនាំ​នូវប្រសាសន៍ផ្តាំផ្ញើ​សួរសុខទុក្ខពី​សម្តេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ដល់បងប្អូន​ប្រជាពលរដ្ឋ​ទាំងអស់ឱ្យ​ថែទាំសុខភាព​ឱ្យបានល្អ ត្រូវរស់នៅ​ស្អាត ពិសាទឹកឆ្អិន និងគេង​ក្នុងមុងជានិច្ច សូមជួយ​មើលថែទាំ​ចាស់ជរា និងកូនតូចៗឱ្យបានល្អ​ជៀសវាងគ្រោះថ្នាក់​ជាយថាហេតុណា​មួយកើតឡើងក្នុងពេល​ដែលមានគ្រោះទឹកជំនន់​នេះ។

អំណោយដែល​ចែក ក្នុង១គ្រួសារទទួលបាន : អង្ករ ៣០គីឡូក្រាម មី ១កេស ត្រីខ ១០កំប៉ុង និងឃីត ១កញ្ចប់។

 

សាខាកក្រក ខេត្តស្ទឹងត្រែងទទួលអំណោយមនុស្សធម៌ ពីព្រះចៅអធិការវត្តទួល ប្រាសាទនិងពុទ្ធបរិស័ទចំណុះជើងវត្តទួល ប្រាសាទ

សាខាកក្រក ខេត្តស្ទឹងត្រែង ៖ នាព្រឹកថ្ងៃទី៣ ខែសីហា ឆ្នាំ២០១៨ នេះ ឯកឧត្ដម​ ឈាង ឡាក់ ប្រធានគណៈកម្មាធិការ​សាខា​កាកបាទក្រហម​កម្ពុជាខេត្តស្ទឹងត្រែង​ បានទទួលអំណោយមនុស្សធម៌ជាអង្ករចំនួន ៥៥០ គក្រ មី ១៧កេស ត្រីខ ១កេសធំ ទឹកស៊ីអ៊ីវ២យួរ ប៊ីចេង ៨០ថង់ ទឹកដោះគោឆៅ ១យួរនិងបច្ច័យ​ ប្រាក់រៀលចំនួន ២៤០,០០០៛ ​និងប្រាក់ដុល្លារ​ចំនួន ៥០០$ ពីព្រះចៅអធិការវត្ត​ទួល ប្រាសាទ​និងពុទ្ធបរិស័ទចំណុះជើង​វត្តទួល ប្រាសាទ សម្រាប់ចាត់ចែង​ក្នុងការជួយ​សម្រាលទុក្ខលំបាក ប្រជាពលរដ្ឋ​ដែលរងគ្រោះដោយ​ទឹកជំនន់នៅ​ខេត្តស្ទឹងត្រែង ឱ្យបានទាន់​ពេលវេលា។

ក្នុងឱកាសពិធី​ប្រគល់ ទទួល នោះ ព្រះចៅ​អធិការវត្តទួល ប្រាសាទនិងពុទ្ធបរិស័ទ​ចំណុះជើងវត្ត បានផ្តាំផ្ញើ​សួរសុខទុក្ខ ប្រជាពលរដ្ឋ​នៅតាមបណ្តាស្រុកមួយ​ចំនួនក្នុងខេត្តស្ទឹងត្រែង ដែលកំពុងទទួលរងផលប៉ះពាល់​ដោយគ្រោះធម្មជាតិ​ទឹកជំនន់ និងថ្លែង​ការកោតសរសើរ​ដល់ លោក លោកស្រី ក្រុមប្រតិបត្តិសាខា អនុសាខា​កាកបាទក្រហមកម្ពុជា​ខេត្តស្ទឹងត្រែង​ដែលបានយកចិត្តទុកដាក់​គិតគូរ តាមដានជាប់ជា​ប្រចាំដើម្បី​ត្រៀមជួយ​ប្រជាពលរដ្ឋ​រងគ្រោះឱ្យបានទាន់ពេល។

ក្នុងឱកាសនោះដែរ ឯកឧត្ដម ឈាង ឡាក់ ប្រធានគណៈកម្មាធិការសាខា បានថ្លែងអំណរគុណ​ដល់ ព្រះចៅអធិការ​វត្តទួល ប្រាសាទ​និងពុទ្ធបរិស័ទ​ចំណុះជើងវត្ត ដែលបាន​រួមចំណែកជួយឧបត្ថម្ភ​គាំទ្រក្នុងបុព្វេហតុ​មនុស្សធម៌ជួយ​ដល់ជនរងគ្រោះ​ដែលត្រូវការ​ជំនួយ និងការឧបត្ថម្ភនានា។

តាមរយៈអំណោយទាំងនេះ សាខា​កក្រក ខេត្តស្ទឹងត្រែង នឹងចាត់ចែង​ផ្តល់ជូន​ជនរងគ្រោះឱ្យបានទាន់ពេលវេលាឱ្យស្របតាម​គោលការណ៍គ្រឹះទាំង ៧ប្រការ របស់​ចលនាកាកបាទក្រហម អឌ្ឍចន្ទក្រហម៕

 

ប្រជាពលរដ្ឋរងគ្រោះដោយទឹកជំនន់ ឃុំចំនួន២ ស្រុកភ្នំស្រួច ខេត្តកំពង់ស្ពឺទទួលអំណោយសង្គ្រោះពីសាខាកាកបាទក្រហមកម្ពុជា ខេត្តកំពង់ស្ពឺ

សាខាកក្រកខេត្តកំពង់ស្ពឺ ៖ កាលពីថ្ងៃទី ១៨ ខែ កក្កដា ឆ្នាំ ២០១៨ សាខាកាកបាទក្រហម​កម្ពុជា ខេត្តកំពង់ស្ពឺ ដឹកនាំដោយ​លោកស្រី អោម ចន្នា នាយិកា និងសហការី បានចុះសួរ​សុខទុក្ខ និងនាំយកអំណោយ​មនុស្សធម៌របស់​កាកបាទក្រហមកម្ពុជា​ជាគ្រឿងឧបភោគ បរិភោគ​មួយចំនួន ជូន ។

ក្នុងឱកាសនោះ​ដែរ លោកស្រី នាយិកា បានពាំនាំនូវ​ប្រសាសន៌ផ្តាំផ្ញើ​សាកសួរសុខទុក្ខ​និងក្តីនឹករលឹកពីសំណាក់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ​ក្រហមកម្ពុជា ដែលជានិច្ចកាល សម្តេចតែងតែ​គិតគូរពីសុខទុក្ខរបស់បងប្អូ​នប្រជាពលរដ្ឋក្រីក្រ ដែលមាន​ទុក្ខលំបាក ជនរងគ្រោះ ជនងាយរង​គ្រោះគ្រប់ប្រភេទ ដោយមិនប្រកាន់​រើសអើងវណ្ណៈ ជាតិសាសន៌ ពណ៍សម្បុរ ឫនិន្នាការនយោបាយអ្វីឡើយ។

ប្រជាពលរដ្ឋ​ទាំងអស់ មានសេចក្ដី​សប្បាយរីករាយ និងសូមថ្លែងអំណរ​គុណយ៉ាងជ្រាលជ្រៅ​ចំពោះកាកបាទក្រហម​កម្ពុជា ជាពិសេស​សម្ដេចកិត្តិព្រឹទ្ធបណ្ឌិត​ប្រធាន ដែលតែងតែ​ចែករលែក​នូវក្ដីស្រលាញ់ អាណិតអាសូរដល់​ប្រជាពលរដ្ឋរងគ្រោះ និងរងគ្រោះដោយសារ​គ្រោះមហន្តរាយ​ផ្សេងៗបានទាន់​ពេលវេលា ៕

 

1 2 3 4 5 Next Last