Webmail
E-Learning
សេវាយើង

សកម្មភាពផ្សេងៗ

...

បើកវគ្គបណ្ដុះបណ្ដាលស្តីពី ពិការភាពក្នុងការងារសុវត្ថិភាពចរាចរណ៍នៅខេត្តសៀមរាប

សាខាកក្រកខេត្តសៀមរាប៖ ​នៅព្រឹក​ថ្ងៃទី​១១​ ខែ​មេសា​ ឆ្នាំ​២០១៧​ ឯកឧត្តម​ គុជ លីណា​អនុប្រធាន​គណៈកម្មាធិការ​សាខា​ និង​ឯកឧត្តម សម កុសល នាយក​នាយកដ្ឋាន​ធនធាន​មនុស្ស​កាកបាទក្រហម​កម្ពុជា​ បានអញ្ជើញ​ជាអធិបតី​ក្នុងពិធី​បើកវគ្គ​បណ្ដុះបណ្ដាល​ស្តីពី​ ពិការ​ភាព​ក្នុងការងារ​សុវត្ថិភាព​ចរាចរណ៍ ​និងវិជាសង្គ្រោះ​បឋម​ ដល់អ្នក​ស្ម័គ្រចិត្ត​ និង​យុវជន​កាកបាទក្រហម​កម្ពុជា​ មកពី​ខេត្ត​គោលដៅ​ចំនួន​ ៤មាន​ ខេត្តសៀមរាប ខេត្តកំពត ខេត្តកំពង់ស្ពឺ និងខេត្តតាកែវ សរុបចំនួន ៣៨នាក់ ក្រោមការ​ជួយឧបត្ថម​គាំទ្រ​ពីអង្គរ LIGHT FOR THE WORLD នៅទីស្នាក់ការ​សាខា​កាកបាទក្រហម​កម្ពុជា ខេត្តសៀមរាប។

 

មានប្រសាសន៍​នាឱកាសនោះ​ឯកឧត្តម គុជ លីណា អនុប្រធាន​គណៈកម្មាធិការ​សាខា ដើម្បី​ចូលរួមទប់ស្កាត់បញ្ហា​គ្រោះថ្នាក់​ចរាចរណ៍​នេះសាខា​កាកបាទក្រហម​កម្ពុជា ខេត្តសៀមរាប បាន និងកំពុង​អនុវត្ត​សកម្មភាព​ផ្សព្វផ្សាយ​អំពីសុវត្ថិភាព​ចរាចរណ៍​ ជូនដល់​ប្រជាពលរដ្ឋ​ សិស្សានុសិស្ស តាមរយៈសកម្មភាពរបស់​អ្នកស្ម័គ្រចិត្ត និងយុវជន​កាកបាទក្រហម​កម្ពុជា។ ឆ្នាំ២០១៦​កន្លងមក​មាន៩៦​ករណី គឺមានការ​ថយចុះ១៣ករណី ដែលបាន​កាត់បន្ថយ​មនុស្សស្លាប់​បានចំនួន ២៩នាក់ ស្មើ​និង២៨% បើធៀប និងឆ្នាំ២០១៥កន្លងមក។

 

វគ្គបណ្ដុះ​បណ្ដាល​នេះរៀបចំ​ឡើងក្នុង​គោលបំណង៖ ផ្ដល់ចំណេះ​ដឹងបន្ថែម​ដល់ក្រុមប្រតិបត្តិ​សាខា អ្នកស្ម័គ្រចិត្ត និងយុវជន​កាកបាទក្រហមកម្ពុជា ស្ដីពី​ពិការភាព និងច្បាប់​ចរាចរណ៍ផ្លូវគោក។ លើកកម្ពស់ការជួយសង្គ្រោះ​ជនរងគ្រោះ​ដោយសារ​គ្រោះថ្នាក់​ចរាចរណ៍បាន​ទាន់ពេលវេលា និងប្រកប​ដោយប្រសិទ្ធភាព ដើម្បី​កាត់បន្ថយ​អត្រាស្លាប់ របួស និងពិការដោយ​សារគ្រោះថ្នាក់​ចរាចរណ៍។

 

បង្ការមិន​ឱ្យជនពិការ​ក្លាយជាជនរងគ្រោះ​ជាលើកទីពីរ​ដោយសារ​គ្រោះថ្នាក់​ចរាចរណ៍ តាមរយៈ​ការប្រើប្រាស់​វិធីសាស្ត្រ​សម្រប​សម្រួល និងផ្សព្វផ្សាយ​តាមសាលារៀន និង​សហគមន៍៕

 

...

យុវជនកាកបាទក្រហមកម្ពុជារាជធានីភ្នំពេញចុះអប់រំសុវត្ថិភាពចរាចរណ៍តាមស្តុបគោលដៅសំខាន់ៗក្នុងរាជធានីភ្នំពេញ

សាខាកក្រករាជធានីភ្នំពេញ៖​ នាព្រឹកថ្ងៃសៅរ៍ ទី០៤​ ខែកុម្ភៈ​ ឆ្នាំ២០១៧នេះ ក៏ដូចជារៀងរាល់​ព្រឹកថ្ងៃសៅរ៍​សប្តាហ៍មុនៗផងដែរ​យុវជន​សាខាកាកបាទក្រហមកម្ពុជា​រាជធានី​ភ្នំពេញ​ចំនួន​៣២០នាក់រួមជាមួយ​គ្រូទីប្រឹក្សា​ដោយមាន​ការចាត់ចែង​ពីមន្រ្តី​ប្រតិបត្តិសាខា​បានចុះ​អប់រំ​សុវត្ថិភាព ចរាចរណ៍​តាមស្តុបគោលដៅ​សំខាន់ៗ​ចំនួន២០​ក្នុងរាជធានីភ្នំពេញ ។

 

គោលបំណង​នៃការចុះអប់រំ​សុវត្ថិភាព​ចរាចរណ៍​នេះ គឺសំដៅ​ជួយដាស់តឿនក្រើន​រំលឹកបន្ថែមទៀត​ដល់​ប្រជាពលរដ្ឋយើង​ដែលធ្វើដំណើរ​តាម ដងផ្លូវ​សូមមាន​ការភ្ញាក់រលឹក​ចេះគោរព​ច្បាប់ចរាចរណ៍ ភ្លើងសញ្ញា​ផ្លាកសញ្ញា​គំនូសសញ្ញា​និងបើកបរ​ត្រូវមានសុជីវធម៌ សីលធម៌ ចេះយោគយល់​អធ្យាស្រ័យគ្នាទៅវិញទៅមក ដើម្បីចៀសវាងនូវគ្រោះថ្នាក់ចរាចរណ៍ដែលអាចកើតឡើងជាយថាហេតុ​ និងជាពិសេស​ក្នុងន័យសំដៅ​រួមគ្នា​ធ្វើឲ្យចរាចរណ៍​ក្នុងរាជធានីភ្នំពេញ ក៏ដូចជាក្នុង​ប្រទេសយើង​ទាំងមូល​មានរបៀបរៀបរយ​ និងធ្វើដំណើរ​ប្រកបដោយសុវតិ្ថភាព​ ៕

 

...

វគ្គបណ្តុះបណ្តាលស្តីពី ពិការភាពក្នុងការងារសុវត្ថិភាពចរាចរណ៍នៅខេត្តសៀមរាប

នៅព្រឹកថ្ងៃទី ៣០ ខែសីហា ឆ្នាំ២០១៦នេះ សាខាកាកបាទក្រហមកម្ពុជា ខេត្តសៀមរាប បានបើកវគ្គ បណ្តុះបណ្តាលស្តីពី ពិការភាពក្នុងការងារសុវត្ថិភាពចរាចរណ៍ ដល់យុវជន និងអ្នកស្ម័គ្រចិត្តកាកបាទក្រហមកម្ពុជា នៅវិទ្យាល័យ ហ៊ុនសែន ស្វាយធំ ស្រុកប្រាសាទបាគង ដោយមានការអញ្ជើញចូលរួម ពីសំណាក់លោក ស៊ុំ សំអន នាយកសាខាកាកបាទក្រហមកម្ពុជា ខេត្តសៀមរាប និងលោកសមាជិកគណៈកម្មាធិការអនុសាខា លោកនាយកវិទ្យាល័យ ព្រមទាំងសិក្ខាកាមដែលចូលរួមមកពីមន្ត្រីប្រចាំការអនុសាខា ក្រុមកាកបាទក្រហមកម្ពុជាឃុំកណ្តែក អ្នកស្ម័គ្រចិត្តកាកបាទក្រហមកម្ពុជាភូមិ និងយុវជនកាកបាទក្រហមកម្ពុជាសរុបចំនួន៤០នាក់អញ្ជើញជាសិក្ខាកាមផងដែរ។

 

មានប្រសាសន៍បើកវគ្គបណ្តុះបណ្តាលស្តីពី ពិការភាពក្នុងការងារសុវត្ថិភាពចរាចរណ៍ ដល់យុវជន និងអ្នកស្ម័គ្រចិត្តកាកបាទក្រហមកម្ពុជា នាពេលនោះដែរ លោក ស៊ុំ សំអន នាយកសាខាកាកបាទក្រហមកម្ពុជា ខេត្តសៀមរាបក៍បានមានប្រសាសន៍ថាវគ្គបណ្តុះបណ្តាលនេះ គឺក្នុងគោលបំណង ផ្តល់ចំណេះដឹងដល់ យុវជន និងអ្នកស្ម័គ្រចិត្តកាកបាទក្រហមកម្ពុជា អំពីពិការភាព ស្ថានភាពគ្រោះថ្នាក់ចរាចរណ៍ និងច្បាប់ចរាចរណ៍ផ្លូវគោក លើកកម្ពស់សិទ្ធជនពិការ និងលប់បំបាត់ ការរើសអើងគ្រប់រូបភាពមកលើជនពិការ និងការកាត់បន្ថយអត្រាគ្រោះថ្នាក់ ស្លាប់ របួស ពិការ ដោយសារគ្រោះថ្នាក់ចរាចរណ៍ និងបង្កាមិន ឱ្យជនពិការក្លាយជាជនរងគ្រោះលើកទី ពីរដោយសារ​តែជួបគ្រោះថ្នាក់ចរាចរណ៍។

...

សាខាកាកបាទក្រហមកម្ពុជាខេត្តពោធិ៍សាត់ផ្សព្វផ្សាយពី ពិការភាពក្នុងការងារសុវត្ថិភាពចរាចរណ៍

នៅព្រឹកថ្ងៃ ០២ ខែសីហា ឆ្នាំ២០១៦ នេះ ក្រុមអ្នកស្មគ្រ័ចិត្ត​កាកបាទក្រហមកម្ពុជា ជាជនពិការ ប្រចាំសង្កាត់ព្រៃញី ចំនួន៨នាក់ (ស្រី៤នាក់ ) បានចុះផ្សព្វផ្សាយពី ពិការភាពក្នុងការងារ​សុវត្ថិភាពចរាចរណ៍ ​ជូនដល់ប្រជាពលរដ្ឋ សរុបចំនួន ៥១នាក់ (ស្រី៣៩ នាក់) ក្នុងនោះមានបុរស​ពិការម្នាក់ ដែលពិធីនេះធ្វើនៅលើសាលាឆានរបស់វត្តស្រះស្រង់ ដែលស្ថិតនៅភូមិស្រះស្រង់ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។

 

 

វគ្គផ្សព្វផ្សាយនេះ​ធ្វើឡើងក្នុងគោលបំណង ៖ ពង្រីកចំណោះដឹងដែលអ្នកស្ម័គ្រចិត្តទើបទទួលបានថ្មី ស្តីពី ពិការភាព និងសុវត្ថិភាពចរាចរណ៍​ និងយកចំណេះដឹងដែលបានរៀន ជុំវិញសុវត្ថិភាព​អ្នកប្រើប្រាស់ផ្លូវ​របស់ប្រជាពលរដ្ឋ ពិសេសជនពិការ​ដែលមានការលំបាក​ក្នុងការធ្វើដំណើរទៅ​ទទួលសេវាសាធារណៈ និងជាជនងាយរងគ្រោះថ្នាក់ចរាចរណ៍​ជាងជនមិនពិការ ។

 

ដើម្បីឲ្យប្រជាពលរដ្ឋ​យល់ពីសិទ្ធិ​ជនពិការ ច្បាប់ចរាចរណ៍ និងចូលរួមចំណែកកាត់បន្ថយអាត្រាស្លាប់ របួស ពិការ និងបង្កា​មិនឲ្យជនពិការធ្លាក់ខ្លួន​ពិការជាលើកទី២ ដោយសារ​គ្រោះថ្នាក់ចរាចរណ៍៕

...

សាខាកាកបាទក្រហមកម្ពុជា ខេត្តសៀមរាបផ្សព្វផ្សាយស្ដីពី សុវត្ថិភាពចរាចរណ៍

ខេត្តសៀមរាប៖ នៅថ្ងៃទី ០៤ ខែ​មេសាឆ្នាំ២០១៦​ សាខា​កាកបាទ​ក្រហម​កម្ពុជា ​ខេត្តសៀមរាប ​បានធ្វើការ​ផ្សព្វផ្សាយ​ស្ដីពី​សុវត្ថិភាព​ចរាចរណ៍​នៅសាលាគរុកោសល្យ​ និង​វិក្រឹតការ​ខេត្តសៀមរាប​ ដែលមាន​លោកស្រី ​សំ សាវ៉ាង​ មន្ត្រីគម្រោង​យុវជនកក្រក​ និងសុវត្ថិភាពចរាចរណ៍​ រួមបញ្ចូល​ពិការភាព ​និងលោស្រី​ ហ៊ុន មករា ​នាយិការង​សាលា​គរុកោសល្យ ​និងវិក្រឹតការ​ខេត្ត ​ជាអ្នកធ្វើ​បទបង្ហាញ​ ដល់គរុ​សិស្សឆ្នាំទី១ ​ជំនាន់ទី៣៤​ ដែលមាន​ចំនួន ១០៨នាក់​ ស្រី ៧៥នាក់​។

 

ក្នុង​គោលបំណង​ផ្ដល់​ការយល់ដឹងពី​ ស្ថានភាព​គ្រោះថ្នាក់​ចរាចរណ៍​ក្នុងប្រទេសកម្ពុជា ​សារៈប្រយោជន៍​មួកសុវត្ថិភាព ​ផលប៉ះពាល់​នៃការ បើកបរ​ក្រោមឥទ្ធិពល​គ្រឿងស្រវឹង ​ការអនុវត្ត​ច្បាប់ចរាចរណ៍​ផ្លូវគោក​ ទោសបញ្ញតិ​នៃច្បាប់​ស្ដីពី​ចរាចរណ៍​ផ្លូវគោក ​និងអនុក្រឹត​ស្ដីពី ការផាកពិន័យ​អន្តរការណ៍​ដើម្បី​បានជាមូលដ្ឋាន​ក្នុងការអប់រំ​ផ្សព្វផ្សាយ​បន្តដល់​សិស្សានុសិស្ស​ នៅពេល​ដែល​ពួកគាត់​ប្រឡង​ជាប់ក្លាយ​ជាគ្រូ​បង្រៀន។

1 2 3 4 5 Next Last