Webmail
E-Learning
សាខាកាកបាទក្រហមកម្ពុជា

ស្វាយរៀង

គម្រោងអប់រំសុខភាពមនុស្សចាស់ របស់សាខាកាកបាទក្រហមកម្ពុជាខេត្តស្វាយរៀង

សាខាកក្រក​ខេត្តស្វាយរៀង៖ ថ្ងៃទី ​១៩ ខែ កក្កដា ឆ្នាំ ២០១៧ ការិយាល័យ​ការពារ​ជម្ងឺឆ្លង​ និង​មិនឆ្លង​ នាយកដ្ឋាន​សុខភាព​ កាកបាទក្រហម​កម្ពុជា​ ដឹកនាំ​ដោយលោក​បណ្ឌិត វ៉ា សុភក្រ័​ សហការ​ជាមួយ គម្រោង​អប់រំ​សុខភាព​មនុស្សចាស់​ នៃសាខា​កាកបាទក្រហម​កម្ពុជា​ខេត្តស្វាយរៀង​ មណ្ឌល​សុខភាព​មេសរថ្ង​ក បានចាប់ផ្តើម​ដំណើរ​ការវគ្គ​ទី ១​ ចុះអប់រំ​ផ្សព្វផ្សាយ​ស្តីពី​សុខភាព​មនុស្សចាស់ ​ដល់ប្រជាពលរដ្ឋ​ចំនួន ៤៣ នាក់ (ស្ត្រី ៣៥ នាក់) ដែលមាន​អាយុចាប់​ពី ៤៥-៦៥ ឆ្នាំ នៅភូមិបារាយណ៍ ​ឃុំមេស​រថ្ងក ស្រុកចន្ទ្រា ។

 

ក្រោមប្រធានបទ៖ ការប៉ាន់ប្រម៉ាណ​អំពីសុខភាព​ប្រជាជន ​ការពិនិត្យ​សម្ពាធឈាម​ ការវាស់(IBM) ការពិនិត្យទឹកនោម​មើលជាតិ​ស្ករ ការបង្ការជំងឺ​មិនឆ្លង ការហាត់​ប្រាណ ការសមាធិ​ និងការកំណត់​រកអ្នក​ត្រូវបញ្ជូនទៅ​ទទួលសេវ៉ា​នៅមណ្ឌល​សុខភាព ។ ក្នុងគោលបំណង​៖ ដើម្បីបង្ការ​ និងទប់ស្កាត់​ការរីករាល​ដាលនៃជម្ងឺមិន​ឆ្លងរួម​មាន៖ ជម្ងឺ​មហារីក ទឹកនោម​ផ្អែម ជំងឺសរសៃ​ឈាម​បេះដូង ឈឺ​សន្លាក់​ដៃជើង ​និង​ជំងឺផ្លូវ​ដង្ហើម​រ៉ាំរ៉ៃ ។

វគ្គបណ្តុះបណ្តាល អ្នកស្ម័គ្រចិត្តស្តីពី សុខភាព មនុស្សចាស់នៅខេត្តស្វាយរៀង

សាខាកក្រក​ខេត្តស្វាយរៀង​៖ នារសៀល​ថ្ងៃទី​ ០៧ ខែ កក្កដា​ ឆ្នាំ២០១៧ ​នៅទីស្នាក់ការ​សាខា​កាកបាទក្រហម​កម្ពុជា​ខេត្តស្វាយរៀង​ បានរៀបចំ​ពិធីបិទ​វគ្គបណ្តុះបណ្តាល ​អ្នកស្ម័គ្រចិត្ត​ស្តីពី ​សុខភាព​ មនុស្សចាស់​ ស្ថិតដោយ​មានការ​ចូលរួម​ពីសំណាក់ ​លោក សរ វណ្ណា នាយក​សាខា ​លោក វ៉ា សុភក្រ័ ប្រធានការិយាល័យ​ការពារ​ជំងឺឆ្លង និងឆ្លង នាយកដ្ឋាន​សុខភាព​ កាកបាទក្រហម​កម្ពុជា​ ដែលមាន​សិក្ខាកាម​ចូលរួម​សរុប​ចំនួន ៣០ នាក់ ស្រី ៩ នាក់ មកពី​ភូមិគោលដៅ​ទាំង ៣ ​គឺភូមិតាដេវ​ បារាយ ​និងភូមិស្វាយគុយ ក្នុងឃុំ​មេសថ្ងក ស្រុកចន្ទ្រា ។

 

ក្នុងឱកាសនោះ​ លោកនាយកសាខា​ ក្នុងនាម​ឯកឧត្តម​ ម៉ែន វិបុល ​ប្រធានគណៈកម្មាធិការ​សាខា បានថ្លែង​អំណរគុណ​ដល់ម្ចាស់ជំនួយ​ គ្រូបង្គោល ​ដែលបានផ្តល់​បទពិសោធន៍ ​ចំណេះ​ដឹងថ្មី​ៗ ដល់អ្នកស្មគ្រ័ចិត្ត ​និងផ្តាំផ្ញើរ​ដល់សិក្ខាកាម​ចូលរួម​ទាំងអស់​បន្ទាប់ពី​បញ្ចប់វគ្គ​បណ្តុះបណ្តាល ប្រកបដោយ​ភាពជោគជ័យ​នេះ សូមយក​ចំណេះដឹង​ដែលបាន ​សិក្សាទៅ​អនុវត្តនៅ​តាមសហគមន៍ ដោយ​សហការណ៍​ជាមួយ​មន្ទីរពាក់ព័ន្ធ​ និងមណ្ឌល​សុខភាព​ ចុះផ្សព្វផ្សាយ​បន្តឲ្យបាន​ទូលំទូលាយ ​ដល់ប្រជាពលរដ្ឋ ក្នុងស្រុកគោលដៅ ឲ្យយល់ដឹង​អំពីការថែទាំ​សុខភាព និងធ្វើអោយ​មានអាយុវែង ។

វគ្គបណ្តុះបណ្តាលជនបង្គោលស្តីពី សុខភាពមនុស្សចាស់នៅខេត្តស្វាយរៀង

សាខាកក្រកខេត្តស្វាយរៀង៖ នៅព្រឹក​ថ្ងៃទី ០៦ ខែ កក្កដា ឆ្នាំ ២០១៧ នៅទីស្នាក់ការ​សាខា​កាកបាទក្រហមកម្ពុជា​ខេត្តស្វាយរៀង​ គម្រោង​សុខភាព​មនុស្សចាស់​ បានបើកវគ្គ​បណ្តុះបណ្តាល​ជនបង្គោល​ស្តីពី សុខភាព​មនុស្សចាស់​ដោយមាន​ការចូលរួម​ពីសំណាក់​ លោកជំទាវ ​មុំ ចន្ធី នាយិការង​ នាយកដ្ឋាន​សុខភាព​ កាកបាទក្រហម​កម្ពុជា ដែលបាន​ការឧបត្ថម្ភ​ថវិកា​ដោយសហព័ន្ធ​អន្តរជាតិ​ កាកបាទក្រហម​ និងអឌ្ឍចន្ទក្រហម ។ វគ្គ​បណ្តុះបណ្តាលនេះ ​មានរយៈពេល ០២ ថ្ងៃ ចាប់ពីថ្ងៃទី ៦ ដល់ទី ៧ ខែ កក្កដា ឆ្នាំ ២០១៧ ដែលមាន​សិក្ខាកាម​ចូលរួម សរុបចំនួន ៣០ នាក់ ស្រី ៩ នាក់ មកពីភូមិគោលដៅទាំង ៣ គឺភូមិតាដេវ បារាយ ​និងភូមិស្វាយគុយ ក្នុងឃុំមេសថ្ងក ស្រុកចន្ទ្រា ។ ក្នុងគោលបំណង ១.ដើម្បីឲ្យអ្នកស្ម័គ្រចិត្តកាកបាទក្រហម ​មានសមត្ថភាព​គ្រប់គ្រាន់​ក្នុងការជួយ​អប់រំផ្សព្វផ្សាយ​សារគន្លឹះ ស្តីពីការ​ការពារ​ជំងឺមិន​ឆ្លង និងថែទាំ​ដល់ប្រជាពលរដ្ឋ​ដែលមាន​អាយុច្រើន រស់នៅក្នុង​សហគមន៍ អោយមាន​សុខភាពល្អ ។


២.ដើម្បីកែលម្អ​គុណភាព​ជីវិតរបស់​ប្រជាជន ដែលមាន​អាយុច្រើន​រស់នៅក្នុង​សហគមន៍​ជនបទ ទទួលបានក្តីសង្ឃឹម ការគោរព​ និងការលើកកម្ពស់​សេចក្តី​ថ្លៃថ្នូ តាមរយៈការការពារ​ជម្ងឺមិនឆ្លង​និងការថែទាំសុខភាព ។

ខេត្តស្វាយរៀង ប្រារព្ធខួបទី១៥៤ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា

សាខាកក្រកខេត្តស្វាយរៀង៖ ព្រឹក​ថ្ងៃទី​ ០៣​ ខែ​ ឧសភា​ ឆ្នាំ​ ២០១៧​ នៅសណ្ឋាគារ​ទន្លេវ៉ែគោ​ សាខា​កាកបាទក្រហមកម្ពុជា​ខេត្តស្វាយរៀង​ បានរៀបចំ​អបអរសាទ​ខួបទី​ ១៥៤​ ទិវា​ពិភពលោក​កាកបាទក្រហម​ អឌ្ឈចន្ទក្រហម​ ៨ ឧសភា​ ក្រោមប្រធានបទ​(កាកបាទក្រហមកម្ពុជា​មានគ្រប់​ទីកន្លែង​ សម្រាប់​គ្រប់ៗ​គ្នា) ក្រោមអធិបតីភាព​ ឯកឧត្តម​ នាយឧត្តមសេនីយ៍​ សៅ សុខា​ អគ្គមេ​បញ្ជាការរង​កងយោធពល​ខេមរភូមិន្ទ ​និងជា​មេបញ្ជាការ​កងរាជ​អាវុធហត្ថ​លើផ្ទៃប្រទេស​ និងមាន​ការចូលរួម​ពី ឯកឧត្តម​ លោកជំទាវ​ លោកឧកញ៉ា​ លោក​លោកស្រី​ប្រធាន​មន្ទីរ​ អង្គភាព​នានាក្នុងខេត្ត ម្ចាស់​រោងចក្រ​ សហគ្រាស ក្រុមហ៊ុន​ មន្ត្រីសាខា ​អនុសាខា​ យុវជន​ ក្រុមកាយរិទ្ធ​ ប្រម៉ាណ ៣៥០ នាក់ ។ នៅក្នុងពិធីនោះ​សប្បុរសជន​បានថវិកា​បានចំនួន ៣២៤,០០០ ដុល្លារ ។

ខេត្តស្វាយរៀងប្រជុំស្តីពីការត្រៀមរៀបចំទិវាពិភពលោកកាកបាទក្រហម អឌ្ឈចន្ទក្រហម ៨ ឧសភា

សាខាកក្រក​ខេត្តស្វាយរៀង៖ ព្រឹក​ថ្ងៃទី​ ២១ ខែ មេសា ឆ្នាំ ២០១៧ នៅទី​ស្នាក់ការ​សាខា​កាកបាទក្រហម​កម្ពុជា​ខេត្តស្វាយរៀង បានបើក​កិច្ចប្រជុំ​ស្តីពី​ការត្រៀម​រៀបចំ​ប្រារព្វ​មិទ្ទិញ​អបអរសាទរ​ខួបទី​ ១៥៤ ទិវា​ពិភពលោក​កាកបាទក្រហម អឌ្ឈចន្ទក្រហម ៨ ឧសភា ក្រោមប្រធាន​បទ កាកបាទក្រហម​កម្ពុជា​មានគ្រប់ទីកន្លែង​សម្រាប់​គ្រប់ៗ​គ្នា ។ កិច្ចប្រជុំ​នេះប្រព្រឹត្ត​ទៅក្រោម​អធិបតីភាព​ ឯកឧត្តម ម៉ែន វិបុល ប្រធាន​គណៈកម្មាធិការ​សាខា លោកជំទាវ ហៅ ចន្ទ័សិរីទេពី ចៅ ភិរុណ អនុប្រធាន​គណៈកម្មាធិការ​សាខា ព្រមទាំង​មាន​ការអញ្ជើញ​ចូលរួម​ពី ឯកឧត្តម លោកជំទាវ លោក លោកស្រី សមាជិក សមាជិការ គណៈកម្មាធិការសាខា ព្រមទាំង​ក្រុមប្រតិបត្តិ​សាខា សរុបចំនួន ១៣ នាក់ ។

1 2 3 4 5 Next Last