Webmail
E-Learning
សាខាកាកបាទក្រហមកម្ពុជា

សៀមរាប

សាខាកាកបាទក្រហមកម្ពុជា ខេត្តសៀមរាប សួរសុខទុក្ខ និងប្រគល់អណ្ដូងទឹកស្អាត ជូនដល់ប្រជាពលរដ្ឋនៅសហគមន៍ ភូមិគោកស្នួល ស្រុកអង្គរជុំ ខេត្តសៀមរាប

សាខាកក្រក​ខេត្តសៀមរាប៖ នៅព្រឹក​ថ្ងៃសៅរ៍ ៦រោច​ ខែបុស្ស ឆ្នាំច សំរឹទ្ធិស័ក​ ព.ស ២៥៦២ ​ត្រូវនឹងថ្ងៃទី២៦ ខែមករា ឆ្នាំ២០១៩ លោកជំទាវ​បណ្ឌិត គួយ ណាលីន ឃឹមប៊ុនសុ​ង អនុប្រធាន​គណៈកម្មាធិការ​សាខាកាកបាទក្រហម​កម្ពុជា ខេត្តសៀមរាប និងសហការី ​បានអញ្ជើញ​ចុះជួបសំណេះ​សំណាលសួរសុខទុក្ខ និង​ប្រគល់អណ្ដូង​ទឹកស្អាត ចំនួន២ (អណ្ដូងស្នប់អាហ្វ្រីដេស៍) ជូនដល់ប្រជាពលរដ្ឋ​នៅសហគមន៍​ ភូមិគោកស្នួល ឃុំគោកដូង ស្រុកអង្គរជុំ ខេត្តសៀមរាប។

មានប្រសាសន៍​នាឱកាសនោះ លោកជំទាវ​អនុប្រធានគណៈកម្មាធិការសាខា​ បានពាំនាំ​នូវការផ្ដាំ​ផ្ញើសួរសុខទុក្ខពី​សំណាក់សម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ក៏ដូចជាឯកឧត្តម​បណ្ឌិត ឃឹម ប៊ុនសុង ប្រធាន​គណៈកម្មាធិការ​សាខា ដែលតែងតែ​យកចិត្តទុកដាក់​គិតគូរចំពោះសុខទុក្ខ​ប្រជាពលរដ្ឋ​គ្រប់រូប មិន​ប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការ​នយោបាយណាមួយឡើយ ដូចដែល​លើកឡើងថា “កាកបាទក្រហម​កម្ពុជា មានគ្រប់ទីកន្លែង សម្រាប់គ្រប់ៗគ្នា -មិនទុកនរណា​ម្នាក់ចោល” ។ លោកជំទាវ​ក៏បានធ្វើការ​លើកទឹកចិត្ត​ដល់បងប្អូនត្រូវចេះដាំដំណាំរួមផ្សំនៅជិតៗផ្ទះ ដើម្បីជួយសម្រួល​ដល់ជីវភាព និងការរស់នៅ​ប្រចាំថ្ងៃរបស់​បងប្អូន ហើយយើង​ក៏មិនចាំបាច់​បារម្មណ៍ពីការ​ខ្វះខាតទឹកសម្រាប់​ប្រើប្រាស់ដែរ ហើយត្រូវ​ពិសាទឹកស្អាត ឬទឹកដាំពុះ ។ លោកជំទាវ ក៏បានបន្តថា រដូវនេះ​ជារដូវប្រាំង សូមបងប្អូន​ទាំងអស់គ្នាត្រូវ​ចេះប្រុងប្រយ័ត្ន​ចំពោះ ភ្លើងផ្សែង និងសុខភាព ពិសេស​កូនចៅតូចៗ ​បើឃើញថាមិនស្រួលត្រូវ​ប្រញាប់បញ្ជូនទៅ​មណ្ឌលសុខភាព​ដែលនៅជិតបំផុត។ លោកជំទាវក៏​បានផ្តាំផ្ញើដល់ ដល់សហគមន៍ សមាជិកគ្រួសារ​ទាំងអស់ ត្រូវចេះសម្អាត ថែរក្សា អណ្ដូងទឹក​ស្អាតនេះ ដើម្បីបានប្រើប្រាស់​យូរអង្វែង​តរៀងទៅសម​នឹងពាក្យស្លោក “ការប្រើប្រាស់ទឹកស្អាត និងមាន​អនាម័យ នាំឱ្យគ្រួសារ​មានសុខភាពល្អ និងមានសុភមង្គល” ។

សូមបញ្ជាក់ថា៖ អណ្ដូងទឹកស្អាតនេះ​ជាអណ្ដូងទី ៣៨ និង៣៩ របស់សាខាកាកបាទក្រហម​កម្ពុជា ខេត្តសៀមរាប (ហើយជាអណ្ដូងទឹកស្អាតអាហ្វ្រីដេស៍ទី ១៥ និងទី១៦ ។ អណ្ដូង៣៨​ឧបត្ថម្ភដោយសប្បុរសជនឈ្មោះ LIU WEN QIN និងអណ្ដូងទី៣៩ ឧបត្ថម្ភដោយ​សប្បុរសជនឈ្មោះ YAP KIM FAH និង LEE WIE LAN (សប្បុរសជនចិន)។

ចំពោះប្រជាពលរដ្ឋដែលចូលរួមម្នាក់ៗទទួលបាន សារុង១ និងថវិកា១ម៉ឺនរៀលផងដែរ៕

ពិធីផ្សព្វផ្សាយអំពីចលនាអន្តរជាតិកាកបាទក្រហម អឌ្ឍចន្ទក្រហម និងផ្នែកខ្លះនៃច្បាប់មនុស្សធម៌អន្តរជាតិ នៅសាលាគរុកោសល្យ និងវិក្រឹតការខេត្តសៀមរាប

សាខាកក្រកខេត្ត​សៀមរាប៖ នៅព្រឹកថ្ងៃ​ព្រហស្បតិ៍ ៤រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ២៤ ខែមករា​ ឆ្នាំ២០១៩ នៅសាលា​គរុកោសល្យ និងវិក្រឹតការ​ខេត្តសៀមរាប ​លោកស៊ុ សំអន នាយក​សាខាកាកបាទក្រហម​កម្ពុជា​ ខេត្តសៀមរាប បានអញ្ជើញ​ចូលរួមក្នុងពិធី​ផ្សព្វផ្សាយ​អំពីចលនាអន្តរជាតិ​កាកបាទក្រហម អឌ្ឍចន្ទក្រហម និងផ្នែកខ្លះ​នៃច្បាប់មនុស្សធម៌​អន្តរជាតិ ជូនដល់​គរុសិស្ស ឆ្នាំទី២ ជំនាន់ទី៣៦ នៃសាលា​គរុកោសល្យ និងវិក្រឹតការ​ខេត្តសៀមរាប សរុបចំនួន ១៩៩នាក់ ។

មានប្រសាសន៍​នាឱកាសនោះ​លោកនាយក​បានឱ្យដឹងថា វគ្គផ្សព្វផ្សាយ​នេះអនុវត្តឡើង​ក្នុងគោលបំណងផ្ដល់​នូវការយល់ដឹង​បន្ថែមអំពី​ចលនាអន្តរជាតិ​កាកបាទក្រហម អឌ្ឍចន្ទក្រហម និងផ្នែកខ្លះនៃច្បាប់មនុស្សធម៌​អន្តរជាតិ ឱ្យបានកាន់តែ​ទូលំទូលាយ ជូនដល់គរុសិស្ស​ឆ្នាំទី២ ដែលនឹង​ត្រូវក្លាយជាលោកគ្រូ អ្នកគ្រូ ហើយត្រូវចេញ​ទៅបំពេញភារកិច្ច​របស់ខ្លួននៅ​ក្នុងសហគមន៍វិញ។ លោកនាយក​បានសំណូមពរថា ចំណេះដឹងដែល​ទទួលបានពី​ការផ្សព្វផ្សាយនេះ សូមប្អូនៗជាគរុសិស្ស​ជួយផ្សព្វផ្សាយបន្តទៀត​ឱ្យបានកាន់តែ​ទូលំទូលាយ​នៅក្នុងសហគមន៍​របស់ខ្លួនផង។

 

កិច្ចប្រជុំលើកទី៨ នៃគណៈកម្មាធិការសាខាកាកបាទក្រហមកម្ពុជាខេត្តសៀមរាប

សាខាកក្រកខេត្តសៀមរាប៖ នៅព្រឹកថ្ងៃសៅរ៍ ១៤កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ១៩ ខែមករា ឆ្នាំ២០១៩ នៅទីស្នាក់ការ​សាខាកាកបាទក្រហម​កម្ពុជា ខេត្តសៀមរាប បានរៀបចំកិច្ចប្រជុំ​លើកទី៨ នៃគណៈកម្មាធិការ​សាខា ក្រោមអធិបតី​ភាព ឯកឧត្តមបណ្ឌិត​ ឃឹម ប៊ុនសុង ប្រធានគណៈកម្មាធិការសាខា​ និងឯកឧត្តមអ្នក​ឧកញ៉ា សៀង ណាំ ប្រធានកិត្តិយស​សាខា ដោយមានការអញ្ជើញ​ចូលរួ​មពីសំណាក់ ឯកឧត្តម លោកជំទាវ អនុប្រធាន​កិត្តិយស អនុប្រធាន និងសមាជិក សមាជិកា គណៈកម្មាធិការ​សាខា មន្ត្រីសាខា ជាច្រើនរូបទៀត។

កិច្ចប្រជុំនេះត្រូវបាន​ប្រារព្ធឡើងដោយមាន​របៀបវរៈ សំខាន់ៗដូចខាងក្រោម៖ 
- ឆ្លង និងអនុម័ត​របាយការណ៍​សរុបលទ្ធផល​សកម្មភាព​សាខាឆ្នាំ២០១៨ និងលើក​ទិសដៅ​ឆ្នាំ២០១៩
- ឆ្លង និងអនុម័តរបាយការណ៍​ថវិកាឆ្នាំ២០១៨ និងផែនការ​ថវិកាឆ្នាំ២០១៩
- ការត្រៀមផែនការបើក​សន្និបាតគណៈកម្មាធិការ​សាខាកាកបាទក្រហម​កម្ពុជា ខេត្តសៀមរាប​ អាណត្តិទី៥
-ការត្រៀមសកម្មភាព​អបអរខួបលើកទី៦៤ ថ្ងៃកំណើត​កាកបាទក្រហមកម្ពុជា (១៨កុម្ភៈ១៩៥៥-១៨កុម្ភៈ២០១៩)

 

សាខាកាកបាទក្រហមកម្ពុជា ខេត្តសៀមរាបបំពាក់កន្សែងយុវជនកាកបាទក្រហមកម្ពុជា

សាខាកក្រកខេត្តសៀមរាប ៖ នៅព្រឹកថ្ងៃ​ព្រហស្បតិ៍ ៥រោច ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ២៧ ខែធ្នូ ឆ្នាំ២០១៨ ចំនួន ១០០នាក់ មកពីវិទ្យាល័យ​ ហ៊ុន សែន សៀមរាប ចំនួន៥០នាក់ និងវិទ្យាល័យ​ ហ៊ុន សែន វត្តស្វាយ ចំនួន៥០នាក់​ នៅទីស្នាក់ការ​សាខា ក្រោមអធិបតីភាព​លោកជំទាវបណ្ឌិត គួយ ណាលីន ឃឹមប៊ុនសុង ​អនុប្រធានគណៈកម្មាធិការ​សាខា​កាកបាទក្រហម​កម្ពុជា ខេត្តសៀមរាប ។

មានប្រសាសន៍​នាឱកាសនោះ តាងនាម​ឯកឧត្តមបណ្ឌិត ឃឹម ប៊ុនសុង ប្រធាន​គណៈកម្មាធិការសាខាកាកបាទក្រហម​កម្ពុជា ខេត្តសៀមរាប លោកជំទាវបណ្ឌិត​បានលើកឡើងថា៖ ដើម្បីបំពេញ​បន្ថែមសមាជិកយុវជន​ដែលបាន​ប្រលងចេញ ឬត្រូវ​បន្តការសិក្សានៅ​ថ្នាក់ឧត្តមសិក្សា និងដើម្បីពង្រីកសមាជិកយុវជនថ្មី សម្រាប់បំពេញ​សកម្មភាពមនុស្សធម៌ លើសពីនេះ​កម្ពុជាបានចាត់ទុកយុវជនជាធនធានគន្លឹះ និងមានតម្លៃ​បំផុតសម្រាប់ការអភិវឌ្ឍ​សេដ្ឋកិច្ច សង្គមកិច្ច វប្បធម៌ បរិស្ថាន និងការរក្សាសន្តិភាព ហើយនៅគ្រប់សម័យកាល គ្រប់សង្គម យុវជនជាកម្លាំងស្រួចដែលមានកម្លាំងកាយ-កម្លាំងចិត្ត និងស្មារតីភ្លឺស្វាង មានទឹកចិត្តក្លាហាន ពុះពារមិនរារែកគ្រប់ឧបសគ្គ ការលំបាកនានា ពិសេសយុវជនគឺជាសសរទ្រូងរបស់ប្រទេសជាតិទាំងនៅពេលបច្ចុប្បន្ន និងទៅអនាគត។ ជាមួយគ្នានេះដែរ កាកបាទក្រហមកម្ពុជា បានទទួលស្គាល់ថា យុវជនកាកបាទក្រហមកម្ពុជា គឺជាអ្នកស្ម័គ្រចិត្តវ័យក្មេង ដែលជាកម្លាំងស្នូលមួយដ៏មានសារៈសំខាន់ និងសកម្មបំផុត ក្នុងការផ្ដល់នូវសេវាកម្មមនុស្សធម៌ ប្រកបដោយការប្ដេជ្ញាចិត្តខ្ពស់ និងការលះបង់ឥតងាករេ ស្របតាមប្រធានបទ "យុវជនកំពុងនាំគ្នាធ្វើកម្មភាព យុវជនជាភ្នាក់ងារនៃការផ្លាស់ប្តូរឥរិយាបថក្នុងសង្គម" ។ លោកជំទាវបណ្ឌិត ក៏បានប្រគល់ជូននូវតួនាទីភារកិច្ចដល់ប្អូនៗដែលទើបបំពាក់កន្សែងថ្មីនាពេលនេះមានខ្លឹងសារថា ៖
- ជាតំណាងឱ្យយុវជនកាកបាទក្រហមកម្ពុជា គ្រប់ស្រទាប់យុវវ័យ
- ជាទំពាំងស្នងឫស្សី ជាអ្នកបន្តវេនក្នុងសកម្មភាពមនុស្សធម៌របស់កាកបាទក្រហមកម្ពុជា
- ត្រូវគោរពវិន័យសាលា និងខិតខំរៀនសូត្រឱ្យបានពូកែ ធ្វើជាគំរូល្អគ្រប់សម្មភាពក្នុងស្រទាប់យុវវ័យ
- ផ្សព្វផ្សាពីគោលការណ៍គ្រឹះរបស់ចលនាអន្តរជាតិកាកបាទក្រហមអឌ្ឍចន្ទក្រហមនៅក្នុងសាលា និងសហគមន៍
- ចូលរួមសកម្មភាពមនុស្សធម៌ ទាំងក្នុងសាលា និងសហគមន៍

 

សាខាកាកបាទក្រហមកម្ពុជា ខេត្តបាត់ដំបង ចុះសួរសុខទុក្ខ និងប្រគល់អណ្ដូងទឹកស្អាត ចំនួន២ (អណ្ដូងស្នប់អាហ្វ្រីដេស៍) ជូនដល់ប្រជាពលរដ្ឋនៅសហគមន៍ នៅ ស្រុកសូទ្រនិគម

សាខាកក្រកខេត្តសៀមរាប៖ នៅព្រឹក​ថ្ងៃសុក្រ ១កើត ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៨ ខែវិច្ឆិកា ឆ្នាំ២០១៨ លោកជំទាវ គួយ ណាលីន ឃឹមប៊ុនសុង​ អនុប្រធានគណៈកម្មាធិការសាខាកាកបាទក្រហមកម្ពុជា​ ខេត្តសៀមរាប និងសហការី​ បានអញ្ជើញចុះ​ជួបសំណេះសំណាល​សួរសុខទុក្ខ និងប្រគល់​អណ្ដូងទឹកស្អាត​ ចំនួន២ (អណ្ដូងស្នប់អាហ្វ្រីដេស៍) ជូន​ដល់ប្រជាពលរដ្ឋនៅ​សហគមន៍ ភូមិបឹងវៀន ឃុំតាយ៉ែក ​និងភូមិត្របែក ឃុំដំដែក ស្រុកសូទ្រនិគម ​ខេត្តសៀមរាប ។

មានប្រសាសន៍នាឱកាសនោះ លោកជំទាវអនុប្រធានគណៈកម្មាធិការសាខា ​បានពាំនាំនូវការផ្ដាំផ្ញើសួរសុខទុក្ខពីសំណាក់សម្ដេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តមបណ្ឌិត ឃឹម ប៊ុនសុង ប្រធានគណៈកម្មាធិការសាខា​ ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋ​គ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា​ ឬនិន្នាការនយោបាយណាមួយឡើយ ដូចដែល​លើកឡើងថា “កាកបាទក្រហម​កម្ពុជា មានគ្រប់ទីកន្លែង សម្រាប់គ្រប់ៗគ្នា -មិនទុកនរណាម្នាក់ចោល” ។ លោកជំទាវ​ក៏បានធ្វើការ​លើកទឹកចិត្ត​ដល់បងប្អូន​ត្រូវចេះដាំដំណាំ​រួមផ្សំនៅជិតៗផ្ទះ ដើម្បីជួយសម្រួល​ដល់ជីវភាព និងការរស់​នៅប្រចាំថ្ងៃរបស់បងប្អូន ហើយយើងក៏មិនចាំបាច់​បារម្មណ៍ពីការខ្វះខាតទឹកសម្រាប់​ប្រើប្រាស់ដែរ ហើយត្រូវ​ពិសាទឹកស្អាត ឬទឹកដាំពុះ ។ លោកជំទាវ ក៏បានបន្តថា រដូវរំហើយ​ជិតចូលមកដល់ហើយ សូមបងប្អូនទាំងអស់​គ្នាត្រូវចេះប្រុងប្រយ័ត្នចំពោះ ភ្លើង​ផ្សែង និងសុខភាព ពិសេសកូន​ចៅតូចៗ បើឃើញថា​មិនស្រួលត្រូវប្រញាប់បញ្ជូនទៅមណ្ឌលសុខភាព​ដែលនៅជិតបំផុត។ លោកជំទាវក៏បានផ្តាំផ្ញើ​ដល់ ដល់សហគមន៍ សមាជិកគ្រួសារទាំងអស់ ត្រូវចេះសម្អាត ថែរក្សា អណ្ដូងទឹកស្អាតនេះ ដើម្បីបានប្រើប្រាស់​យូរអង្វែងតរៀងទៅសមនឹងពាក្យស្លោក “ការប្រើប្រាស់​ទឹកស្អាត និងមាន​អនាម័យ នាំឱ្យគ្រួសារមាន​សុខភាពល្អ និងមានសុភមង្គល” ។

សូមបញ្ជាក់ថា៖ អណ្ដូងទឹកស្អាតនេះជាអណ្ដូងទី ៣២ និង៣៣ របស់​​សាខាកាកបាទក្រហមកម្ពុជា ខេត្តសៀមរាប (ហើយជាអណ្ដូងទឹកស្អាតអាហ្វ្រីដេស៍ទី ៩ និងទី១០ ហើយ)។ ចំពោះប្រជាពលរដ្ឋដែលចូលរួមម្នាក់ៗទទួលបាន សារុង១ និងថវិកា១ម៉ឺនរៀលផងដែរ៕

 

1 2 3 4 5 Next Last