Webmail
E-Learning
សាខាកាកបាទក្រហមកម្ពុជា

ពោធិ៍សាត់

...

ខេត្តពោធិ៍សាត់ទទួលទេយ្យទានពីព្រះសង្ឃគង់នៅវត្តព្រែកស្តី

សាខា​កាកបាទ​ក្រហម​កម្ពុជា​ខេត្ត​ពោធិ៍សាត់ ៖ កាលពី​ថ្ងៃ​ទី​២២​ ខែ​មេសា ​ឆ្នាំ​២០១៧​ សាខា​កាកបាទក្រហម​កម្ពុជា​ ខេត្ត​ពោធិ៍សាត់​ ដឹកនាំ​ដោយ​ ឯកឧត្តម​ ខូយ រីដា​ ប្រធាន​គណៈកម្មាធិការ​សាខា​ អម​ដំណើរ​ដោយ​ សមាជិក សមាជិកា​គណៈកម្មាធិការ​សាខា​ ក្រុមប្រតិបត្តិ​សាខា ​បានអញ្ជើញ​ទៅ​ទទួល​ទេយ្យទានសប្បុរសធម៌​ជាគ្រឿង​ឧបភោគ​ បរិភោគ​ និង​សម្ភារៈ​ប្រើប្រាស់​ ពីព្រះតេជគុណ​នៅ ​សុគន្ធថៃ​ (លោក តាហួ) ស្ថិត​នៅវត្ត​ហង្សាបិតិ​ (ហៅវត្តព្រែកស្តី ) ខេត្តពោធិ៍សាត់។

 

នៅក្នុង​ឱកាសនោះ​ដែរ ឯកឧត្តម​ប្រធាន​ បានថ្លែង​អំណរ​ព្រះគុណ​យ៉ាងជ្រាលជ្រៅ​ដល់​ព្រះតេជគុណ​ នៅ សុគន្ធថៃ​ ដែលមាន​ទឹកព្រះទ័យ​ជ្រះថ្លា ​នាំយក​ទេយ្យទាន​សប្បុរសធម៌​ទាំងនេះ​មកសាខា​ ព្រមទាំង​បានសន្យា​នឹងចាត់ចែង​ប្រើប្រាស់​នូវទេយ្យទាន​សប្បុរសធម៌​ទាំងអស់​នេះជួយ​ឲ្យដល់ដៃ​ជន​រងគ្រោះ​ និងជនងាយ​រងគ្រោះ​គ្រប់ប្រភេទ​ឲ្យស្របតាម​គោលការណ៍គ្រឹះ​ទាំង៧​ប្រការ​របស់​ចលនា​កាកបាទក្រហម។

 

ទេយ្យទាន​ទាំងនោះ​រួមមាន ៖ អង្ករ ៣៦៥​គីឡូក្រាម មី ៤០កេស ស្កស ៥០​គីឡូក្រាម ត្រីខ ២កេស និងតែ ២០០​កញ្ចប់​ផងដែរ៕

 

...

ខេត្តពោធិ៍សាត់ប្រារព្ធទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា

សាខាកក្រកខេត្តពោធិ៍សាត់ ៖​កាលពី​ថ្ងៃ​ទី៧​ ខែ​មេសា​ ឆ្នាំ​២០១៧​ សាខា​កាកបាទក្រហម​កម្ពុជា​ខេត្ត​ពោធិ៍សាត់​ បានរៀបចំ​កម្មវិធី​រាត្រី​សមោសរ​ អបអរ​សាទរ​ខួបលើក​ទី១៥៤​ ទិវា​ពិភពលោក​កាកបាទក្រហម​ អឌ្ឍចន្ទ​ក្រហម​ ៨ ឧសភា ក្រោម​ប្រធាន​បទ “កាកបាទក្រហម​កម្ពុជា​ មានគ្រប់​ទីកន្លែង​ សម្រាប់​គ្រប់ៗ​គ្នា”​ ក្រោម​អធិបតី​ភាព​ ឯកឧត្តម ម៉ៅ ធនិន ប្រធាន​កិត្តិយស​សាខា និង​មានការ​អញ្ជើញ​ចូលរួម​ពី ឯកឧត្តម លោកឧកញ្ញ៉ា លោកជំទាវ លោក លោកស្រី សមាជិក សមាជិកា​គណៈកម្មាធិការ​សាខា ​មន្ត្រី​រាជការ​ និងសប្បុរស​ជន​ជាច្រើន​រូប​ ដែលធ្វើ​ឡើង​នៅទីស្នាក់ការ​សាខា​កាកបាទក្រហម​កម្ពុ​ជា ខេត្ត​ពោធិ៍សាត់​ ភូមិពាល​ញែក២​ សង្កាត់​ផ្ទះព្រៃ ក្រុង​ពោធិ៍សាត់ ខេត្ត​ពោធិ៍សាត់។

 

កម្មវិធី​នេះប្រព្រឹត្ត​ទៅក្នុង​គោលបំណង​ ដើម្បី​ធ្វើការ​ផ្សព្វផ្សាយ​ឲ្យមាន​ការចូលរួម​គាំទ្រ​ពីគ្រប់​មជ្ឈដ្ឋាន​ ជួយទ្រទ្រង់​ដល់​សកម្មភាព​មនុស្សធម៌​ ដែលកំពុង​អនុវត្ត​ដ៏មាន​ប្រសិទ្ធភាព​ និងធ្វើការ​ឆ្លើយតប​ដល់ប្រជាពលរដ្ឋ​ងាយរងគ្រោះ​ទាន់ពេលវេលា៕

 

...

ការប្រឡងគំនូរកុមារផ្តោតលើសកម្មភាពកាកបាទក្រហមកម្ពុជា

សាខាកក្រកខេត្តពោធិ៍សាត់ ៖ កាលពី​ថ្ងៃទី​២៧​ ខែ​មីនា​ ឆ្នាំ​២០១៧​ សាខា​កាកបាទក្រហម​កម្ពុជា​ ខេត្ត​ពោធិ៍សាត់​ បានរៀបចំ​ការប្រឡង​គំនូរ​កុមារ​ ផ្ដោត​លើ​សកម្មភាព​ចម្រុះ​វិស័យ​របស់​កាកបាទក្រហម​កម្ពុជា ​ដែលមាន​ការអញ្ជើ្ញញ​ចូលរួម​ពី ​លោក លោកស្រី ជាសមាជិក ​សមាជិកា​គណៈកម្មាធិការ​សាខា ​ក្រុមប្រតិបត្តិ​សាខា ​និងសិស្សានុ​សិស្ស​ចូលរួម​ចំនួន​ ៤០​នាក់​(ស្រី ១៩នាក់) ស្ថិត​នៅ​សាលា​បឋម​សិក្សា​ស្វាយលួង​ ឃុំស្វាយលួង​ ស្រុកកណ្ដៀង ខេត្តពោធិ៍សាត់។

 

ការប្រលង​នេះមាន​គោលបំណង​ ដើម្បី​ឲ្យសិស្សានុសិស្ស​មានការ​យល់ដឹង​អំពី​សកម្មភាព​របស់​កាកបាទក្រហម​កម្ពុជា​ និង​ជ្រើសរើស​យកគំនូរ​កុមារ​ដែល​បាន​ទទួល​ជ័យលាភី​ ធ្វើការ​ប្រកួត​ប្រជែង​ក្នុងឱកាស​ប្រារព្ធ​ខួបទី​១៥៤​ ទិវា​ពិភពលោក​កាកបាទក្រហម​ អឌ្ឍចន្ទ​ក្រហម​ ៨ ឧសភា ​ឆ្នាំ២០១៧ ​ខាងមុខនេះ៕

...

គ្រួសាររងគ្រោះដោយអគ្គីភ័យទទួលអំណោយពីសាខាកាកបាទក្រហមកម្ពុជាខេត្តពោធិ៍សាត់

សាខាកក្រកខេត្តពោធិ៍សាត់​៖​នៅព្រឹកថ្ងៃទី​១៦​ខែកុម្ភៈ​ឆ្នាំ២០១៧​នេះ​សាខា​កាកបាទក្រហមកម្ពុជា​ខេត្តពោធិ៍សាត់​ដឹកនាំដោយ​ ឯកឧត្តម​ខូយ សុខា​អនុប្រធាន​កិត្តិយស​ និងឯកឧត្តម​ខូយ រីដា​ប្រធាន​គណៈកម្មាធិការសាខា​បានចុះសួរ​សុខទុក្ខ​ និងនាំយកអំណោយ​មនុស្សធម៌​កាកបាទក្រហមកម្ពុជា​ ដែលមាន​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ ចែកជូន​ គ្រួសាររងគ្រោះ​ដោយសារភ្លើងឆេះផ្ទះចំនួន​ ៦គ្រួសារ​ និងចាស់ជរាគ្មានទីពឹងចំនួន ៥៤នាក់ សរុប​ ៧០គ្រួសារ​ មកពីឃុំសំរោង​ និងឃុំផ្ទៈរុង​ ក្នុងស្រុកភ្នំក្រវ៉ាញ​ ខេត្តពោធិ៍សាត់។

 

នៅក្នុងឱកាសនោះ​ ឯកឧត្តមអនុប្រធានកិត្តិយសសាខា​ បានពាំនាំ​ការផ្តាំផ្ញើសួរសុខទុក្ខ​ពីសម្តេចកិត្តិព្រឹិទ្ធបណ្ឌិត ប៊ុន រ៉ានី ហ៊ុនសែន​ ប្រធានកាកបាទក្រហមកម្ពុជា​ និងក្នុងនាម​សាខាកាកបាទក្រហមកម្ពុជា​ ខេត្តពោធិ៍សាត់​ សូមសំដែងការសោកស្តាយ​ជាមួយក្រុមគ្រួសារ​រងគ្រោះភ្លើងឆេះផ្ទះទាំងអស់​ និងគ្រួសារ​ក្រីក្រចាស់ជរា​គ្មានទីពឹង​ដែលបានមកទទួលអំណោយ​ថ្ងៃនេះ។

 

គ្រួសាររងគ្រោះដោយភ្លើងឆេះផ្ទះ​ ៦គ្រួសារ​ ក្នុងមួយគ្រួសារៗទទួលបាន​ ៖​អង្ករ៥០ គីឡូក្រាម​ មី១កេស​ ត្រីខ១០កំប៉ុង​ ទឹកត្រី១ យួរ ទឹកសុីអ៊ីវ​១យួរ​ឃីត១​តង់១​ កន្ទេល១​ និងថវិកា ១០ម៉ឺនរៀល។​ ដោយឡែក​គ្រួសារក្រីក្រ ចាស់ជរាគ្មានទីពឹងចំនួន​៥៤គ្រួសារក្នុងមួយគ្រួសារៗទទួលបាន​ ៖​អង្ករ ២៥គីឡូក្រាម​ មី១កេស​ ត្រីខ​១០កំប៉ុង​ទឹកត្រី១យួរ​ទឹកសុីអីុវ១យួរ​ និងថវិកា២ម៉ឺនរៀល។​

 

ទន្ទឹមនឹងនោះ​ ឯកឧត្តម​អនុប្រធានកិត្តិយសសាខា​ បានប្រគេន​ព្រះសង្ឃគង់​នៅវត្តបត់រំដួល​នូវ​ អង្ករ ៥០គីឡូក្រាម​ទឹកសុទ្ធ២កេស​ និងបច្ច័យ​​២០០ដុល្លារ​ សម្រាប់ជួយកសាងវត្ត៕

 

...

សាខាកាកបាទក្រហមកម្ពុជាខេត្តពោធិ៍សាត់ចែកអំណោយដល់ជនរងគ្រោះ ដោយខ្យល់កន្ត្រាក់

ខេត្តពោធិ៍សាត់ ៖ នៅថ្ងៃទី១៨ ខែមេសា ឆ្នាំ២០១៦ ​សាខាកាកបាទ​ក្រហមកម្ពុជា ​ខេត្តពោធិ៍សាត់ ​ដឹកនាំ​ដោយ​ ឯកឧត្តមបណ្ឌិត ម៉ៅ ធនិន ​ប្រធាន​កិត្តិយស​សាខា ​បាន​ចុះសួរសុខទុក្ខ​គ្រួសារ​រងគ្រោះ​ដោយសារ​ខ្យល់​រលំផ្ទះ​ចំនួន ៧គ្រួសារ​ និងគ្រួសារ​ក្រីក្រ​ចំនួន ៣គ្រួសារ​ នៅ​ភូមិក្បាលឈើពុក​ ឃុំស្យា ​ស្រុកកណ្តៀង​ ខេត្តពោធិ៍សាត់។

 

ក្នុងឱកាសនោះ​ ឯកឧត្តម​ប្រធាន​កិត្តិយសសាខា​ បានពាំនាំ​ការផ្តាំផ្ញើ​សួរសុខទុក្ខ​ពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ប្រធាន​កាកបាទ​ក្រហម​កម្ពុជា​ និងសម្តែង​ការសោកស្តាយ​ចំពោះ​គ្រោះថ្នាក់​ធម្មជាតិ​ដែល​កើតមាន​ចំពោះបងប្អូន​ និង​សូមមាន​ការប្រុងប្រយ័ត្ន​គ្រប់ពេលវេលា។

 

អំណោយមនុស្សធម៌​ដែលបាន​ផ្តល់​ជូន​គ្រួសារ​រងគ្រោះ​ទាំង ៧គ្រួសារ ​ក្នុងមួយ​គ្រួសារៗ​ទទួល​បាន៖ អង្ករ២៥គីឡូក្រាម មី១កេស ឃីត១ (មុង ភួយ សារុង ក្រម៉ា) ទឹកត្រី១យួរ ទឹកស៊ីអ៊ីវ១យួរ និងថវិកា១០០,០០០រៀល។ ដោយឡែក គ្រួសារក្រីក្រ ៣គ្រួសារ ក្នុងមួយគ្រួសារៗទទួលបាន៖ អង្ករ២៥គីឡូក្រាម មី១កេស ឃីត១ (មុង ភួយ សារុង ក្រម៉ា) ទឹកត្រី១យួរ ទឹកស៊ីអ៊ីវ១យួរ និងថវិកា ៥០,០០០រៀល។

 

ជាមួយគ្នានោះ​ ឯកឧត្តម ខូយ រីដា​ប្រធាន​គណៈកម្មាធិការ​សាខា​ ចុះសួរសុខទុក្ខ​លោកតា​ សាន ស៊ុង អាយុ ៧៧ឆ្នាំ​ ជាចាស់គ្មាន​ទីពឹង​ រស់នៅ​ភូមិវាល​ ឃុំស្រែស្តុក ស្រុកកណ្តៀង​ និងនាំ​យក​អំណោយ​មនុស្សធម៌​ជូនលោកតា​ រួមមាន​ អង្ករ២៥គីឡូក្រាម ទឹកត្រី១យួរ ទឹកស៊ីអ៊ីវ១យួរ មី១កេស និងថវិកា ២០០,០០០រៀល៕

 

1 2 3 4 5 Next Last