Webmail
E-Learning
សាខាកាកបាទក្រហមកម្ពុជា

ព្រៃវែង

សាខាកាកបាទក្រហមកម្ពុជា ខេត្តព្រៃវែងទិវាពិភពលោក ប្រយុទ្ធនឹងជម្ងឺអេដស៍ ០១ ធ្នូ

សាខាកក្រកខេត្តព្រៃវែង៖ នៅរសៀល​ថ្ងៃទី ០១ ខែ​ធ្នូ ឆ្នាំ២០១៧ ឯកឧត្តម​ឧកញ៉ា ​សុខ ផេង អនុប្រធាន​អចិន្រ្តៃយ៍​គណ:កម្មាធិការ​សាខា តំណាង ​ឯកឧត្តម ជា សុមេធី ប្រធាន​គណ:កម្មាធិកា​សាខា បាន​ដឹកនាំសមាជិក​គណៈកម្មាធិការ​សាខា ក្រុមប្រតិបត្តិ​សាខា មន្រ្តី​អនុសាខា​ស្រុក ទីប្រឹក្សា​យុវជន យុវជន​កាកបាទក្រហម និង​អ្នកស្ម័គ្រចិត្ត​កាកបាទក្រហម​កម្ពុជា បានចុះសួរ​សុខទុក្ខ និងនាំយក​អំណោយ​មនុស្សធម៌ ចែកជូនដល់​កុមារកំព្រា​ដែលងាយរង​គ្រោះដោយ​មេរោគ​អេដស៍/ជម្ងឺអេដស៍ ចំនួន ២២នាក់ ស្រី ១២នាក់ ស្ថិតក្នុងស្រុកពារាំង​ ខេត្តព្រៃវែង និងធ្វើការ​ផ្សព្វផ្សាយ​សារលិខិត សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា ក្នុងឱកាស​ទិវាពិភពលោក​ ប្រយុទ្ធនឹង​ជម្ងឺអេដស៍ ០១ ធ្នូ ឆ្នាំ ២០១៧ តាមទិសស្លោក "ឆាប់ធ្វើ​តេស្តឈាម ឆាប់​ព្យាបាល ឆ្ពោះទៅបញ្ចប់អេដស៍"។

 

ក្នុងឳកាសនោះ ឯកឧត្តម​ ក៍បាននាំយកនូវ​ប្រសាសន៍ ផ្តាំផ្ញើសាកសួរ​សុខ​ទុក្ខ​ពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទ​ក្រហមកម្ពុជា និងក្នុងនាម ឯកឧត្តមផ្ទាល់ សូមធ្វើការផ្តាំផ្ញើ​ដល់ក្មួយ​ៗ​ដែល​ផ្ទុកមេរោគ​អេដស៍ទាំងអស់​ ត្រូវលេប​ថ្នាំពន្យា​អោយបាន​ទៀងទាត់​ត្រឹមត្រូវ​តាមការ​ណែនាំ​របស់ក្រុមគ្រូពេទ្យ ចេះ​អនាម័យខ្លួនប្រាណ​អោយបានស្អាត​ និងពិសេសត្រូវ​ខិតខំប្រឹង​ប្រែង​​រៀនសូត្រ​អោយបានល្អ ប្រសើរ ដើម្បី​ក្លាយខ្លួន​ជាពលរដ្ឋល្អ ស​ម្រាប់ជួយ​បម្រើការងារ​សង្គមជាតិ ។

 

ចំពោះអំណោយ​ដែលបាន ចែកជូន​ក្នុង១នាក់​ទទួលបាន អង្ករ ២៥គក មី១កេស ត្រីខ ១យួរ និង​ថវិកាចំនួន ២០,០០០រៀល

 

កិច្ចប្រជុំផ្សព្វផ្សាយអំពីលក្ខខណ្ឌការងារកាកបាទក្រហមកម្ពុជានៅខេត្តព្រៃវែង

សាខាកក្រក​ខេត្តព្រៃវែង៖ នៅរសៀល​ថ្ងៃទី ២៩ ​ខែវិច្ឆិកា​ ឆ្នាំ ២០១៧ នៅសាខា​កាកបាទ​ក្រហម​កម្ពុជា ខេត្តព្រៃវែង ដឹកនាំ​ដោយ ឯកឧត្តម ឧកញ៉ា សុខ ផេង អនុប្រធាន​អចិន្រ្តៃយ៍​គណៈកម្មាធិការសាខា តំណាង ឯកឧត្តម ​ជា សុមេធី ប្រធាន​គណៈកម្មាធិការ​សាខា និង​ដោយបាន​ការអញ្ជើញ​ចូលរួមពី ឯកឧត្តម សម កុសល ប្រធាន​នាយកដ្ឋាន​ធនធានមនុស្ស​កាកបាទក្រហម​កម្ពុជា បាន​បើកកិច្ចប្រជុំ​ផ្សព្វ​ផ្សាយ​អំពីលក្ខខណ្ឌការងារ​កាកបាទក្រហម​កម្ពុជា និងប្រកាស​ស្តីពី​ប្រាក់បេសកកម្ម ​ដល់គណៈកម្មាធិការ​សាខា ​មន្រ្តីប្រតិបត្តិ​សាខា អនុសាខា​ក្រុង ស្រុក ទាំង១៣ ដែលមាន​អ្នកចូលរួម សរុបចំនួន ​៣៩នាក់ ស្រី ៦នាក់។

កិច្ចប្រជុំពិនិត្យលទ្ធផលការងារ សកម្មភាពយុវជនកាកបាទក្រហមកម្ពុជា និងការកសាងផែនការ ឆ្នាំ ២០១៨

សាខាកក្រកខេត្តព្រៃវែង៖ នៅព្រឹក​ថ្ងៃទី ២៩​ ខែវិច្ឆិកា ឆ្នាំ ២០១៧​ នៅសាខា​កាកបាទ​ក្រហម​កម្ពុជា ខេត្តព្រៃវែង ​ដឹកនាំដោយ​ លោកស្រី​ អ៊ុក មាសសូលីណា នាយិកា​សាខា​ និងដោយ​បានការអញ្ជើញ​ចូលរួម​ពី លោក ឃុន សាម៉េង ​ប្រធាន​ការិយាល័យ​អភិវឌ្ឍន៍ ​នៃនាយកដ្ឋាន​ធនធាន មនុស្ស​កាកបាទក្រហម​កម្ពុជា បានបើកកិច្ច​ប្រជុំពិនិត្យ​លទ្ធផល​ការងារ របស់អនុសាខាក្រុង ស្រុក ទាំង១៣ សកម្មភាព​យុវជន​កាកបាទ​ក្រហមកម្ពុជា និងការកសាង​ផែនការសម្រាប់​អនុវត្ត ឆ្នាំ ២០១៨។

 

សមាសភាព​ដែលបាន​អញ្ជើញ​ចូលរួមក្នុង​កិច្ចប្រជុំ​រួមមាន មន្រ្តីប្រតិបត្តិ​សាខា មន្រ្តី​អនុសាខា​ក្រុងស្រុក ទាំង១៣ និង​ទីប្រឹក្សា​យុវជន​កាកបាទក្រហម​កម្ពុជា សរុប ចំនួន ៥៣នាក់ ស្រី ១៦នាក់។

 

សាខាកក្រកខេត្តព្រៃវែងទទួលទេយ្យទានពី ព្រះគ្រូ គង់នៅ ពុទ្ធសីមាវត្តឈូក

សាខាកក្រកខេត្តព្រៃវែង៖ នៅព្រឹកថ្ងៃទី ២៤ ខែតុលា ឆ្នាំ២០១៧ សាខាកាកបាទក្រហម​កម្ពុជា​ ខេត្តព្រៃវែង ដឹកនាំ​ដោយ លោក មុំ ច័ន្ទតារា លេខាធិការ​គណៈកម្មាធិការ​សាខា តំណាង ឯកឧត្តម ជា សុមេធី ប្រធាន​គណៈកម្មាធិការ​សាខា និងសហការី ​បានទទួល​ទេយ្យទាន​ ជាគ្រឿង​ឧបភោគ បរិភោគ ​និងសម្ភារៈប្រើប្រាស់​ពីព្រះសង្ឃ ដឹកនាំ​ដោយព្រះគ្រូ ព្រះចន្ទថេរ សេង ថន គង់នៅ ពុទ្ធសីមា​វត្តឈូក ស្ថិតនៅឃុំស៊ាងឃ្វាង ស្រុក​កញ្រ្ជៀច ខេត្តព្រៃវែង ជូនដល់​សាខាកាកបាទក្រហម​ខេត្ត ទុកសម្រាប់​បម្រើការងារ​ មនុស្សធម៌ រួមមាន៖ សម្ភារៈប្រើប្រាស់ផ្ទះបាយ សម្ភារៈដំណេក ទឹកត្រី ទឹកស៊ីអ៊ីវ ស្ករស និងសម្ភារៈផ្សេងៗ សរុបស្មើនឹងចំនួន ៨សម្រាប់។

 

ជំនួសមុខអោយ ឯកឧត្តម ជា សុមេធី ប្រធាន​គណៈកម្មាធិការ​សាខា សូមថ្លែង​នូវអំណរ​ព្រះគុណ ជូនចំពោះ​ព្រះតេជគុណ​គ្រប់អង្គ និងគណៈកម្មការ​អាចារ្យវត្ត​ចំពោះ​កាយវិការ​ ប្រកបដោយ​ទឹកចិត្ត​មនុស្សធម៌ ​នាពេលពេលនេះ។ សម្ភារៈដែលទទួលបាន សាខា នឹងរៀបចំទុកដាក់​អោយបាន​ត្រឹមត្រូវ សម្រាប់​បម្រើការងារ ​មនុស្សធម៌ ជួយ សង្រ្គោះដល់​ប្រជាពលរដ្ឋ​ក្រីក្រ​ជួបការ​លំបាក និងគ្រួសារ​រងគ្រោះ​ដោយគ្រោះមហន្តរាយ​នានា។

 

សាខាកាកបាទក្រហមកម្ពុជាខេត្តព្រៃវែងចូលរួមមរណៈទុក្ខគ្រួសាររងគ្រោះដោយគ្រោះថ្នាក់ចរាចរណ៍

សាខាកក្រកខេត្តព្រៃវែង៖ នៅរសៀល​ថ្ងៃទី២៦ ខែកញ្ញា ឆ្នាំ២០១៧ សាខា​កាកបាទក្រហម​កម្ពុជា​ ខេត្តព្រៃវែង​ ដឹកនាំដោយ ឯកឧត្តម​ឧកញ៉ា សុខ ផេង អនុប្រធាន​អចិន្រ្តៃយ៍​គណៈកម្មាធិការ​សាខា​ និងសហការី ​បាននាំយក​អំណោយ​មនុស្សធម៌ ​ចូលរួម​រំលែក មរណៈទុក្ខចំពោះ​គ្រួសារ លោក មាស ពៅ មាន​ទីលំនៅ​បច្ចុប្បន្ន​នៅភូមិប្រាសាទ ឃុំប្រាសាទ ស្រុក​កំពង់ត្របែក​ ខេត្តព្រៃវែង ដែលគ្រួសារ​របស់​លោកបានជួបគ្រោះថ្នាក់​ចរាចរណ៍​កាលពីថ្ងៃទី ២០ ខែកញ្ញា ឆ្នាំ២០១៧ បណ្តាល​អោយ ភរិយា កូន កូនប្រសារ និងចៅ សរុប​មានចំនួន ៤នាក់ បានស្លាប់ ព្រមទាំងកូនចំនួន ២នាក់ ទៀត រងរបួសស្រាល ១នាក់ និងធ្ងន់ ១នាក់ កំពុង​សម្រាក​ព្យាបាល នៅមន្ទីរពេទ្យ​មិត្តភាពខ្មែរ សូវៀត។

 

អំណោយ​ដែល​បានប្រគល់​ជូនរួមមាន៖ អង្ករ ៥០គក មី ២កេស ត្រីខ ២យួរ​ទឹកក្រូច ​២កេស ទឹកសុទ្ធ ២កេស និងថវិកា ចំនួន ១,៦០០,០០០រៀល។

 

1 2 3 4 5 Next Last