ព្រះវិហារ

សាខាកក្រកខេត្តព្រះវិហារ៖នៅរសៀល​ថ្ងៃទី១៧ ខែ មីនា ឆ្នាំ ២០១៨ នេះ ឯកឧត្តម ស គង្គា គណៈកម្មាធិការសា ខា​កាកបាទក្រហម​កម្ពុជា ខេត្តព្រះវិហារ បាន​អញ្ជើញចូលរួម​ក្នុងការវាយតម្លៃ​ជ្រើសរើស​គំនូរ​របស់សិស្សានុសិស្ស​ទាំង ៤ សាលា ។

ការប្រឡងគំនូរ​នេះប្រព្រឹត្តទៅ​នៅក្នុងគោលបំណង​ ដើម្បីធ្វើការ​ប្រឡងជំរើស​គំនូរថ្នាក់ខេត្ត និងជាផ្នែកមួយនៃ​ការរៀប ចំយុទ្ធនាការខួបទី១៥៥ នៃទិវា​ពិភព លោកកាកបាទក្រហម អឌ្ឍចន្ទក្រហម ៨ ឧសភា ២០១៨ខាងមុខនេះ៕

នៅក្នុងការវាយតម្លៃ​នេះដែរជ្រើសរើស​បាន ប្អូនៗសិស្សានុសិស្ស​ចំនួន ៥ នាក់ រួមមាន៖
1-កុមារី ស៊ីថា សុនីតា ថ្នាក់ទី ៦ "ក" នៃសាលាបឋម​សិក្សាអនុវត្ត ទទួលចំណាត់ថ្នាក់លេខ ១
2-កុមារី ឈួន រតនា ថ្នាក់ទី ៦ "ក" នៃសាលា​បឋមសិក្សា​ត្បែងមានជ័យ ទទួល​បានចំណាត់​ថ្នាក់លេខ ២
3-កុមារី ណាន់ ម៉េងហ័រ ថ្នាក់ទី ៦ "ក" នៃសាលា បឋម​សិក្សាអនុវត្ត ទទួលបាន​ចំណាត់ថ្នាក់លេខ ២ 
4-កុមារា ហ៊ិន សំភ័ស្ថ ថ្នាក់ទី ៦ នៃសាលាបឋម សិក្សា​ស្ថាពរ ទទួលបានចំណាត់​ថ្នាក់លេខ ៣
5-កុមារ ឈឿន សំណាង ថ្នាក់ទី ៦"ឃ" នៃសាលាបឋម​សិក្សាត្បែងមានជ័យ​ទទួលបានចំណាត់ថ្នាក់លេខ ៣ ។

ក្នុងឱកាសនោះដែរឯកឧត្តម​ប្រធានអង្គ ប្រជុំបានថ្លែងអំណរគុណ​លោកគ្រូ អ្នកគ្រូ ​ដែលជានាយក នាយិកាសាលាទាំង ៤ ដែលបាន​ចូលរួមក្នុង​ការប្រឡងគំនូរនេះ ពិសេសរួម​ក្នុងសកម្មភាព​មនុស្សធម៌របស់សាខាកាកបាទក្រហម​កម្ពុជា ខេត្តព្រះវិហារ ។

សាខាកក្រកខេត្តព្រះវិហារ ៖ នៅថ្ងៃទី ៩ ខែ មីនា ឆ្នាំ ២០១៨ នេះក្រុមប្រតិបត្តិ​សាខាកាកបាទក្រហមកម្ពុជា ​ខេត្ត ព្រះវិហារ បានចុះផ្សព្វផ្សាយ​អំពីការគូរគំនូរ​កុមារ ក្រោម​ប្រធានបទ «កាកបាទ ក្រហម​កម្ពុជាមានគ្រប់ទី​កន្លែង សម្រាប់គ្រប់ៗគ្នា-មិនទុក​នរណាម្នាក់ចោល» ដើម្បីចូលរួម​អបអរខួបទី១៥៥ ទិវាពិភពលោក កាកបាទក្រហម ​អឌ្ឍចន្ទក្រហម ៨ ឧសភា ២០១៨ ។

កិច្ចប្រជុំនេះប្រព្រឹត្តទៅ​នៅក្នុងគោល បំណង ដើម្បីត្រៀមប្រលង​គំនូរថ្នាក់ខេត្ត និងជាផ្នែកមួយ​នៃការរៀបចំយុទ្ធនាការខួបទី១៥៥ នៃទិវាពិភព​លោកកាកបាទ​ក្រហម អឌ្ឍចន្ទក្រហម ៨ ឧសភា ២០១៨ ខាងមុខនេះ៕

នៅក្នុងការផ្សព្វ​ផ្សាយនេះ បានផ្សព្វ ផ្សាយជូនប្អូនៗសិស្សានុ​សិស្សចំនួន ៣១៧ នាក់ ស្រី ១៦៥ នាក់ ចំនួន៤ ក្នុងក្រុងព្រះវិហារ ខេត្តព្រះវិហាររួមមាន៖
1-សាលាបឋមអនុវត្ត ចំនួន ៣០ នាក់ ស្រី ១៥ នាក់ 
2-បឋមស្ថាពរ ចំនួន ៣២ នាក់ ស្រី១៤ នាក់
3-បឋមត្បែងមានជ័យចំនួន ១៦៥ នាក់ ស្រី ៨៥ នាក់ 
4-បឋម ហ៊ុន សែន ត្បែងមានជ័យ ចំនួន ៩០ នាក់ ស្រី ៥១ នាក់

សាខាកក្រក​ខេត្តព្រះវិហារ ៖ នៅថ្ងៃទី ២៤ ខែ កុម្ភ: ឆ្នាំ ២០១៨ ឯកឧត្តម ​យុង គឹមហ៊ាន នាយកសាខាកាកបាទក្រហម​កម្ពុជា ខេត្តព្រះវិហារ ​និងអនុសាខា​ស្រុកឆែប បានចុះពិនិត្យ​ការសាងសង់​អណ្តូងទឹកស្អាតចំនួន ​១២ អណ្តូង នៅឃុំឆែប១​ ​ឃុំសង្កែ១​ និងឃុំសង្កែ២​ នៃស្រុកឆែប ខេត្តព្រះវិហារ។

នៅក្នុងការចុះពិនិត្យនេះបាន​ជំរុញឱ្យមានការដាំ​ដំណាំជាលក្ខណ:​គ្រួសារ ការធ្វើរបងព័ទ្ធ​ជុំវិញអណ្តូង និងពិនិត្យ​ការចាក់សាបអណ្តូង។

ក្រុមហ៊ុនបាន​ធ្វើការសាងសង់​ចាប់ពីថ្ងៃទី ១៧ ខែ កុម្ភៈ ឆ្នាំ ២០១៨ ហើយការ ​សាងសង់នេះនិងបញ្ចប់ ១០០% នៅដើម ខែ មីនា ឆ្នាំ ២០១៨៕

សាខាកក្រកខេត្តព្រះវិហារ៖ នៅថ្ងៃទី ១៧ ខែ កុម្ភ: ឆ្នាំ ២០១៨ ឯកឧត្តម យុង គឹមហ៊ាន នាយក​សាខាកាកបាទក្រហម​កម្ពុជា ខេត្តព្រះវិហារ និងអនុសាខា​ស្រុកឆែប បានចុះពិនិត្យ​ការសាងសង់​អណ្តូងទឹកស្អាត​ចំនួន ១២ អណ្តូង នៅឃុំឆែប១​ ​ឃុំសង្កែ១​ និងឃុំសង្កែ២​ នៃស្រុកឆែប​ ខេត្តព្រះវិហារ។

សូមបញ្ជាក់ថា អណ្តូងទាំង​ ១២​ នេះ ត្រូវបាន សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា សម្រេចផ្តល់​កាលពីថ្ងៃទី ៥ ខែ កុម្ភៈ ឆ្នាំ ២០១៨ សម្រាប់ផ្តល់​ជូនប្រជាពលរដ្ឋ​ខ្វះខាតទឹក​ប្រើប្រាស់​ចំនួន ១៣៨ គ្រួសារ ស្មើមនុស្ស​ ៥៣៩ នាក់។

ក្រុមហ៊ុនបាន​ធ្វើការសាងស​ង់ចាប់ពីថ្ងៃទី ១៧ ខែ កុម្ភៈ ឆ្នាំ ២០១៨ ហើយការ​ សាងសង់​នេះនិងបញ្ចប់ ១០០% នៅដើម ខែ មីនា ឆ្នាំ ២០១៨៕

សាខាកក្រកខេត្តព្រះវិហារ៖នៅរសៀល​ថ្ងៃទី៧ ខែកុម្ភុៈ ឆ្នាំ២០១៨ នេះ លោកជំទាវ​ ចឹក ហេង ប្រធានគណៈកម្មាធិការ​សាខាកាកបាទ ក្រហមកម្ពុជា​ ខេត្តព្រះវិហារ និងមន្រ្តី​សាខា អនុសាខា បាននាំយកអំណោយ​មនុស្សធម៌ចុះសាកសួរ​សុខទុក្ខ និងផ្តល់ជូន​កុមារី សៅ ស៊ីវ័ន អាយុ ៦ ឆ្នាំ រងគ្រោះ​ដោយសាររលាកភ្លើង កាលពីព្រឹកថ្ងៃទី ៧ ខែ កុម្ភៈ ឆ្មាំ ២០១៨ នៅភូមិសន្លុងជ័យ ឃុំរក្សា ស្រុករវៀង ហើយកំពង់សម្រាក​ព្យាបាលនៅ​មណ្ឌលសុខភាពរវៀង ។

ក្នុងឱកាសនោះដែរ​លោកជំទាវ​ប្រធានគណៈកម្មាធិការ​សាខាបានចូលរួម​សោកស្តាយចំឧបទ្ទវហេតុដែលបានកើតឡើងចំពោះក្មួយស្រី នាពេលនេះ និងបានផ្តាំផ្ញើ​ឪពុកម្តាយរបស់ក្មួយ​អោយខិតខំថែទាំ និងមានការប្រុងប្រយ័ត្ន​ចំពោះក្មេងតូចៗ ខ្លាចមានគ្រោះថ្នាក់ជាយថាហេតុ។

សម្ភារផ្តល់ជូនរួមមាន៖ទឹកដោះ គោឆៅ ២ យួរ ស្ករស ១ គីឡូ មី ១ កេស ត្រីខ ១ យួរ សារុង១ ក្រម៉ា ១ ភួយ១ មុង១ និងថវិកាមួយ​ចំនួន និងមានការចូលថវិកាពីសប្បុរសជនរួមមានៈលោក ម៉ុម ចន្ទលី ៥០,០០០ រៀល មន្ត្រីអនុសាខា ៥០,០០០រៀល ឯកឧត្តម យុង គឹមហ៊ាន ២០ ដុល្លារ ។