Webmail
E-Learning
សាខាកាកបាទក្រហមកម្ពុជា

ព្រះវិហារ

សាខាកក្រកខេត្តព្រះវិហារចុះសួរសុខទុក្ខលោកសុខ ភេន ដែលបានរងគ្រោះថ្នាក់ចរាចរណ៌

សាខាកក្រកខេត្តព្រះវិហារ​ ៖​ នៅព្រឹកថ្ងៃទី ១៧ ​ខែ មករា ឆ្នាំ ២០១៨ នេះ​ សាខា​កាកបាទក្រហមកម្ពុជា ខេត្តព្រះវិហារ ​រួមជាមួយ​ អនុសាខា​ស្រុកជាំក្សាន្ត ដឹកនាំដោយ​ ឯកឧត្តម យុង គឹមហ៊ាន នាយកសាខា​ បានចុះសួរសុខទុក្ខ​ និងនាំយកអំណោយ​មនុស្សធម៌​កាកបាទក្រហម​កម្ពុជា​ ដែលមាន​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ ផ្តល់ជូន​លោកពលទោ សុខ ភេន ដែលបានរងគ្រោះថ្នាក់ចរាចរកាលពីថ្ងៃទី ២៨ ខែ កញ្ញា ឆ្នាំ ២០១៧ កន្លងមក​ បណ្តាលឱ្យប្រេះឆ្អឹងក​ និងបាក់ឆ្អឹងជំនី​ បច្ចុប្បន្ន​ កំពុងសម្រាកព្យាបាល​ នៅគេហដ្ឋាន​ ស្ថិតនៅភូមិរុងរឿងមួយ ឃុំទឹកក្រហម ស្រុកជាំក្សាន្ត ខេត្តព្រះវិហារ។

 

ក្នុងឱកាសនោះដែរ​ ឯកឧត្តម​នាយកសាខា​ បានពាំនាំនូវប្រសាសន៍ផ្ដាំផ្ញើសាកសួរសុខទុក្ខនិងក្ដីអាណិតអាសូរ​ ពីសំណាក់​ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន​ ប្រធានកាកបាទក្រហមកម្ពុជា​ ដែលជានិច្ចកាល​ សម្ដេច​ តែងតែគិតគូរ​សុខទុក្ខបងប្អូនប្រជាពលរដ្ឋ​មានទុក្ខលំបាក ជនរងគ្រោះ ជនងាយរងគ្រោះគ្រប់ប្រភេទ​ដោយមិនប្រកាន់ រើសអើង​វណ្ណៈជាតិសាសន៍ ពណ៍សម្បុរ ឬនិន្នាការនយោបាយអ្វីឡើយ។

 

អំណោយផ្តល់ជូនរួមមាន​ ៖​ អង្ករ​ ៤០គីឡូក្រាម​ មី ១កេស ត្រីខ ១០កំប៉ុង ទឹកស៊ីអ៉ីវ១ យួរ សារុង១ ក្រមា ១ មុង ១ ភួយ២ ប៊ីចេង ២ កញ្ចប់ និងថវិកាមួយចំនួន៕

 

សាខាកក្រកខេត្តព្រះវិហារទទួលថវិកាសមាជិក ភាពឆ្នាំ ២០១៧ពី មន្ទីរអប់រំយុវជន និង កីឡាខេត្ត

សាខាកក្រកខេត្តព្រះវិហារ: នៅព្រឹក​ថ្ងៃទី ៤ ខែ មករា ឆ្នាំ ២០១៨ នេះ លោកជំទាវ ​ចឹក ហេង ប្រធាន​គណ:កម្មាធិការ​សាខាកាកបាទក្រហម​កម្ពុជា ខេត្តព្រះវិហារ បាន​អញ្ជើញចូលរួម​ក្នុងពិធីទទួល​ថវិកាសមាជិក ភាពឆ្នាំ ២០១៧ ពីលោក ចេង លឹម ហ៊ាន់ ប្រធានមន្ទីរ​អប់រំយុវជន និង កីឡា​ខេត្តព្រះវិហារ និងសហការី ។

 

នៅក្នុងឱកាសនោះ​ដែរលោក ចេង លឹមហ៊ាន់ បានលើកឡើង​ថាកន្លង មកដោ​យមើលឃើញពី​សកម្មភាព​របស់សាខា​កាក បាទក្រហម​កម្ពុជា ខេត្តព្រះវិហារ ពិសេស​កាកបាទក្រហមកម្ពុជា​ដែលមានសម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន​ដែលសម្តេចតែងតែ​គិតពីសុខទុក្ខ​ប្រជាពលរដ្ឋ​គ្រប់ទីកន្លែង និ។ទាន់ពេលវេលា ។

 

លោកជំទាវ ចឹក ហេង ប្រធាន​គណ:កម្មាធិការសាខា បានថ្លែង​អំណរ គុណ​ដល់លោកប្រធាន​មន្ទីរអប់រំ​យុវជន និងកីឡា ខេត្ត និងក្រុមការងារ​ដែលបាននាំ​យកថវិកាផ្តល់ជូនសាខា និងសន្យាប្រើប្រាស់​ថវិកានេះជួយ​ជនរងគ្រោះ និងងាយរង គ្រោះ​អោយបានទាន់ពេលវេលា។

 

យុវជនកាកបាទ ក្រហមកម្ពុជា វិទ្យាល័យជ័យសែនចូលរួមសម្អាតសម្រាមតាមដងផ្លូវសាធារណៈ

សាខាកក្រកខេត្តព្រះវិហារ:​ នៅព្រឹក​ថ្ងៃសៅរ៍ ១៤ កើត ខែ មិកសិរ ឆ្នាំរកា ពុទ្ធសករាជ ២៥៦១ ត្រូវ​និងថ្ងៃទី ២ ខែ ធ្នូ ឆ្នាំ ២០១៧ នេះ​យុវជន​កាកបាទ ក្រហម​កម្ពុជា វិទ្យាល័យ​ជ័យសែន​ ចំនួន ៤០ នាក់ស្រី ២៥ នាក់ បានចូលរួម​ធ្វើការសម្អាត​សម្រាមតាម​ដងផ្លូវ​សាធារណ:​ នៅភូមិស្អាង​ ឃុំស្អាង ស្រុកជ័យសែន ​ខេត្តព្រះវិហារ ។

សកម្មភាពនេះ​ធ្វើឡើង​ក្នុងគោលបំណង​ រួមគ្នាសម្អាត​អនាម័យ​ សំដៅឱ្យ​មានសោភ័ណភាព​ល្អ មាន​អនាម័យ​ត្រឹមត្រូវ និងជាការ​ដាស់អារម្មណ៍​ដល់ប្រជាជន​ឱ្យចូលរួម​សម្អាត និងមាន​អនាម័យ​ល្អ ហើយ​ក៏ជាការទាក់ទាញ​អារម្មណ៍​ និងការផ្លាស់ប្តូរ​ឥរិយាបទ​ ពីការចោលសំរាម​ទីសាធារណៈ​មកដាក់ទី​កន្លែងត្រឹមត្រូវ​ផងដែរ

សាខាកាកបាទក្រហមកម្ពុជា ខេត្តព្រះវិហារ ប្រារព្ធទិវា អន្តរជាតិនៃអ្នកស្ម័គ្រចិត្ត

សាខាកក្រកខេត្តព្រះវិហារ ៖ នៅព្រឹកថ្ងៃសៅ ១៤ កើត ខែ មិកសិរ ព.ស ២៥៦១ ត្រូវនិងថ្ងៃទី​ ២ ខែ ធ្នូ គ.ស ២០១៧​ នេះសាខា​កាកបាទក្រហម​កម្ពុជា​ ខេត្តព្រះវិហារ ​បានប្រារព្ធទិវា អន្តរជាតិ​នៃអ្នកស្ម័គ្រចិត្ត ​៥ ធ្នូ ២០១៧ ក្រោម​ប្រធានបទ "អ្នកស្ម័គ្រចិត្ត​ដើម្បី​អភិវឌ្ឍន៍ខ្លួន​អ្នកនិងសង្គម"​ ក្រោមវត្តមាន លោក រ៉ាត់ សោភា ប្រធានស្តីទី​សាខា​កាកបាទក្រហម​កម្ពុជា ខេត្តព្រះវិហារ និងមានការ​ចូលរួមពី ប្រធាន​កិត្តិយស-អនុប្រធានកិត្តិយស​អនុសាខា ថ្នាក់ដឹកនាំ-មន្ត្រីអនុសាខា​កាក បាទក្រហមកម្ពុជា​ ស្រុកគូលែន មន្ត្រីប្រតិបត្តិសាខា អ្នកស្ម័គ្រចិត្ត និងយុវជន​កាកបាទក្រហម​កម្ពុជា ប្រចាំវិទ្យាល័យ​គូលែន សរុប ៧២ នាក់។​

 

ក្នុងឱកាសនោះ​ លោកប្រធានស្តីទី​សាខាកាកបាទក្រហម​កម្ពុជា ខេត្តព្រះវិហារ បានពាំនាំ​ប្រសាសន៍របស់​ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលផ្តាំផ្ញើ​សួរសុខទុក្ខ ​ថ្លែងអំណរគុ​ណ និងកោតសរសើរ​យ៉ាងជ្រាលជ្រៅ​ចំពោះអ្នកស្ម័គ្រចិត្ត​ទាំងអស់ ដែលបាន​បរិច្ចាគ ធនធាន ពេលវេលា កម្លាំងកាយ-ចិត្ត ចូលរួមចំណែកជួយដល់​ជនរងគ្រោះ និង​ជនងាយរងគ្រោះ​នៅក្នុង​សហគមន៍ និងនៅតាម​គ្រឹះស្ថានសិក្សានានា​។

 

លោកបានគូស​បញ្ជាក់បន្ថែមថា​ទិវាអន្តរ ជាតិនៃ​អ្នកស្ម័គ្រចិត្ត គឺជា​ការលើកកម្ពស់​ការចូលរួម​ដោយស្ម័គ្រចិត្តក្នុងការងារ​មនុស្សធម៌របស់​ចលនាកាកបាទក្រហម អឌ្ឍចន្ទក្រហម ដែលមាន​អាយុកាល ១៥៤ឆ្នាំមកហើយ។ ទិវានេះ បានផ្តោតលើគុណ​តម្លៃនៃការងារ​ស្ម័គ្រចិត្ត ដែលជាឆ្អឹងខ្នង​របស់ចលនា​កាកបាទក្រហម អឌ្ឍចន្ទក្រហម និងជាកម្លាំង​ប្រតិបត្តិករ​មនុស្សធម៌​ប្រកបដោយ​ប្រសិទ្ធភាព និងទាន់​ពេលវេលា។ ជាក់ស្តែងអ្នកស្ម័គ្រចិត្ត​បានធ្វើសកម្មភាព​យ៉ាងសកម្ម ក្នុងការផ្តល់​ក្តីសង្ឃឹម និងភាពកក់ក្តៅ​ដល់អ្នកងាយ​រងគ្រោះបំផុត​បានទាន់ពេលវេលា​ និងគ្រប់ទីកន្លែង។

 

ដើម្បីលើកទឹកចិត្ត​ដល់អ្នកស្ម័គ្រចិត្ត ដែលបាន​ចូលរួមក្នុង​ឱកាសនេះសាខា កាកបាទក្រហម​កម្ពុជា ខេត្តព្រះវិហារ បានផ្ដល់ជូន​នូវប័ណ្ណសរសើរ សាប៊ូ និង​ថវិកានិងមួយ​ចំនួនផងដែរ និងបានផ្តល់​ជូនយុវជនកាកបាទក្រហម​កម្ពុជាចំនួន ៤០ នាក់ ម្នាក់ៗសៀវភៅ ៤ ក្បាល ប៊ិច ២ ដើម ថវិកា ៥,០០០ រៀលផងដែរ។

 

យុវជនកាកបាទក្រហមកម្ពុជាខេត្តព្រះវិហារចូលរួមច្រូតស្រូវប្រជាជនទីទ័លក្រ

សាខាកក្រក ខេត្តព្រះវិហារ៖នៅព្រឹកថ្ងៃ ទី១៤ ខែ វិច្ឆិកា ឆ្នាំ ២០១៧ នេះលោក បេ នាង ប្រធានកិត្តិយសក្លឹប លោកគ្រូទីប្រឹក្សា និងយុវជនកាកបាទក្រហមកម្ពុជាប្រចាំវិទ្យាល័យរវៀង ចំនួន ១៩ នាក់ ស្រី ១០ នាក់ រួមជាមួយមន្ត្រីរាជការ កងកម្លាំង និងយុវជនសហភាពសហព័ន្ធយុវជនកម្ពុជា ខេត្តព្រះវិហារ បានចូលរួមច្រូតស្រូវ ដោយមានការចូលរួមពីសំណាក់ឯកឧត្តម អ៊ុន ចាន់ដា ប្រធានកិត្តិយស ​សាខាកាកបាទក្រហមកម្ពុជាខេត្តព្រះវិហារ ។

 

 គោលបំណងនៃការការចូលរួមច្រូតស្រូវនេះគឺសំដៅ ជួយប្រជាជនដែលមិនមានកម្លាំងគ្រប់គ្រាន់ ក្នុងការប្រមូលផល រួមមាន ស្ត្រីមេម៉ាយដែលមានកូនច្រើន ចាស់ជរាគ្មានទីពឹង គ្រួសាររស់នៅជាមួយមេរោគអេដស៍ជាដើម។ សូមបញ្ជាក់ជូនថា ការចូលរួមប្រមូលភោគផលស្រូវនេះ គឺយុវជនកាកបាទក្រហមកម្ពុជា​ខេត្ត ព្រះវិហារបានចួលរួមក្នុងសកម្មភាពនេះជារៀងរាល់ឆ្នាំ។

 

 

1 2 3 4 5 Next Last