Webmail
E-Learning
សាខាកាកបាទក្រហមកម្ពុជា

ភ្នំពេញ

អនុសាខាកាកបាទក្រហមកម្ពុជា ខណ្ឌមានជ័យចុះសួរសុខទុក្ខ កម្មករ កម្មការិនីរោងចក្រ នៅ សង្កាត់ស្ទឹងមានជ័យទី២ ។

សាខាកក្រករាជធានីភ្នំពេញ៖​ នាថ្ងៃអាទិត្យ ១១រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ១១ ខែ កុម្ភៈ ឆ្នាំ ២០១៨នេះ ក្រុមការងារ​អនុសាខា​កាកបាទក្រហម​កម្ពុជា ខណ្ឌមានជ័យ ដឹកនាំដោយ លោក ឌី រ័ត្នខេមារុណ​ ប្រធានគណៈកម្មាធិការ​អនុសាខា បានចុះសំណេះសំណាល​សាកសួរសុខទុក្ខ និងចែក​អំណោយ​មនុស្សធម៌​របស់កាកបាទក្រហម​កម្ពុជា ដែលមាន​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់បងប្អូន​កម្មករ កម្មការិនី​រោងចក្រចំនួន៣០គ្រួសារ រស់នៅភូមិ​ឬស្សី សង្កាត់ស្ទឹង​មានជ័យទី២ ។

 

មានប្រសាសន៍នា​ឱកាសនោះ លោកប្រធាន​គណៈកម្មាធិការអនុសាខា បានពាំនាំនូវបណ្តាំផ្ញើសាកសួរសុខទុក្ខពីសំណាក់​សម្តេចកិត្តិព្រឹទ្ធបណ្ឌិតប្រធាន ប៊ុន រ៉ានី ហ៊ុន សែន ជូនដល់បងប្អូនកម្មករ កម្មការិនីទាំងអស់ប្រកបដោយ​សេចក្តីនឹករលឹក ព្រមទាំងសូមឲ្យបងប្អូនទាំងអស់ត្រូវយក​ចិត្តទុកដាក់គិតគូរពីសុខភាព បរិភោគចំណី​អាហារដែលមានជីវជាតិ និងសូមប្រុងប្រយត្ន័​បង្ការចំពោះគ្រោះអគ្គីភ័យ ព្រមទាំងបើកបរត្រូវគោរព​ច្បាប់ចរាចរណ៍​ ។

 

អំណោយមនុស្សធម៌ដែលបានចែកជូនក្នុង១គ្រួសារៗទទួលបាន៖ អង្ករ៣០គីឡូក្រាម មី១កេស ទឹកសុទ្ធ១យួរ ទឹកត្រី១យួរ ទឹកស៊ីអុីវ១យួរ ​ និងថវិកាចំនួន២ម៉ឺនរៀល ៕

 

សាខាកក្រករាជធានីភ្នំពេញចុះសួរសុខទុក្ខចាស់ជរាគ្មានទីពឹង ជនពិការ អ្នករស់នៅជាមួយមេរោគអេដស៍ នៅសង្កាត់ក្បាលកោះ ខណ្ឌច្បារអំពៅ

សាខាកក្រក​រាជធានី​ភ្នំពេញ៖ នាល្ងាច​ថ្ងៃច័ន្ទ ០៦កើត​ ខែមាឃ ឆ្នាំរកា នព្វស័ក ព.ស២៥៦១ ត្រូវនឹង​ថ្ងៃទី​ ២២ ខែ​ មករា ឆ្នាំ ២០១៨នេះ នៅវត្តមុនីសាគរ​ ក្រុមការងារ​សាខា​កាកបាទក្រហម​កម្ពុជា រាជធានីភ្នំពេញ ​ដឹកនាំដោយ​ លោកជំទាវ​ អ៊ួន​ សុវណ្ណរិន្ទ​ ប៉ា​ សុជាតិវង្ស ​អនុប្រធាន​កិត្តិយស​សាខា​ និងជាប្រធាន​ក្រុមការងារ​សាខា បាន ។

 

នាឱកាសនោះ លោកជំទាវ​អនុប្រធាន​កិត្តិយសសាខា បានលើកឡើង​ពីការយកចិត្តទុកដាក់​គិតគូរខ្ពស់ពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម​កម្ពុជា​ ចំពោះសុខទុក្ខប្រជាពលរដ្ឋ​យើងជាទូទៅ​ ជាពិសេសអ្នកដែលរងគ្រោះ​ និងងាយរងគ្រោះ​គ្រប់ប្រភេទ​ ដោយមិនប្រកាន់ពីនិន្នាការ​នយោបាយ ជាតិសាសន៍​ សាសនា វណ្ណៈ​ ពណ៌សម្បុរអ្វីទាំងអស់​​ ។ លោកជំទាវក៏សូមឲ្យបងប្អូន​ប្រជាពលរដ្ឋ​ទាំងអស់​យកចិត្តទុកដាក់​ពីសុខភាពរក្សា​ឲ្យបាននូវអនាម័យ​ទាំងការរស់នៅ​ និងការហូបចុច​ ដើម្បីចៀសវាងពី​ជម្ងឺដង្កាត់ផ្សេងៗមកបៀតបៀន​ ព្រមទាំងសូមឲ្យបងប្អូន​ដែលរស់នៅមូលដ្ឋានជាមួយគ្នា​ ត្រូវមានការសាមគ្គីគ្នា​ ចេះជួយទុក្ខធុរៈគ្នា​ទៅវិញទៅមក និងចៀសវាងឲ្យឆ្ងាយពីអំពើអសកម្មនានា​ដែលសង្គមជាតិស្អប់ខ្ពើម​ ដើម្បីឲ្យភូមិ-សង្កាត់យើងមានសុវត្ថិភាព​ និងរស់នៅប្រកបដោយភាពសុខដុមរមនា​ ។

 

អំណោយ​មនុស្សធម៌ដែល​បានចែកជូនក្នុង១គ្រួសារៗទទួលបាន៖​ អង្ករ២០គីឡូក្រាម មី១កេស ទឹកបរិសុទ្ធឱរ៉ាល់១កេស តែ៥កញ្ចប់ ស្ករស៣គីឡូក្រាមនិង​ទឹកដោះគោ៤កំប៉ុងឬ​ស្ករស៣គីឡូក្រាមនិងត្រីខ៤កំប៉ុង ថ្នាំពេទ្យ១កញ្ចប់ និងថវិកាចំនួន៥មុឺនរៀល ៕

 

សាខារាជធានីភ្នំពេញ សួរសុខទុក្ខ ចាស់ជរាគ្មានទីពឹង ជនពិការ អ្នករស់នៅជាមួយមេរោគអេដស៍ ក្នុងខណ្ឌច្បារអំពៅ ។

សាខាកក្រករាជធានី​ភ្នំពេញ៖ នាល្ងាច​ថ្ងៃចន័្ទ ១៤រោច ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី​ ១៥ ខែ​ មករា ឆ្នាំ ២០១៨នេះ នៅវត្ត​និរោធរង្សី សាខា​កាកបាទក្រហម​កម្ពុជា រាជធានីភ្នំពេញ ដឹកនាំដោយ ​ឯកឧត្តម ប៉ា​ សុជាតិវង្ស សមាជិកគណៈកម្មាធិការ​កណ្តាល​កាកបាទក្រហម​កម្ពុជា​ និងជាប្រធានគណៈកម្មាធិការ​សាខា​រាជធានីភ្នំពេញ បានចុះសាកសួរ​សុខទុក្ខ​ និងនាំយកអំណោយ​មនុស្សធម៌ទៅចែកជូន​ដល់ចាស់ជរា​គ្មានទីពឹង ជនពិការ អ្នករស់នៅ​ជាមួយមេរោគ​អេដស៍ ប្រជាពលរដ្ឋដែលមានជីវភាពខ្វះខាត សរុប​ចំនួន២៤០គ្រួសារ មកពីសង្កាត់​ច្បារអំពៅទី១ ច្បារអំពៅទី២ និងសង្កាត់និរោធ ក្នុងខណ្ឌច្បារអំពៅ ។

 

មានប្រសាសន៍ទៅកាន់​លោកតាលោក​យាយបងប្អូន​ប្រជាពលរដ្ឋទាំងអស់ ឯកឧត្តម ប៉ា​ សុជាតិវង្ស បានពាំនាំនូវការផ្ដាំផ្ញើ​សួរសុខទុក្ខពីសំណាក់​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម​កម្ពុជា ដែលសម្តេចប្រធាន​តែងតែយកចិត្ត​ទុកដាក់គិតគូរជាប់​ជានិច្ចចំពោះសុខទុក្ខប្រជាពលរដ្ឋ​ជាទូទៅ ជាពិសេសជន​រងគ្រោះ និងងាយរង​គ្រោះគ្រប់ប្រភេទ ដោយមិនប្រកាន់ពីវណ្ណៈ ពណ៌សម្បុរ ជំនឿសាសនា ឬនិន្នាការនយោបាយអ្វីឡើយ ពោល "កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា" ។ ឯកឧត្តមប្រធាន​គណៈកម្មាធិការ​សាខា ក៏សូមអំពាវនាវដល់ប្រជាពលរដ្ឋទាំងអស់ឲ្យយកចិត្តទុកដាក់ពីសុខភាពរក្សាឲ្យបាននូវអនាម័យ​ទាំងការរស់នៅ​ និងការហូបចុច​ ដើម្បីចៀសវាងពីជម្ងឺដង្កាត់ផ្សេងៗមកបៀតបៀន​ ព្រមទាំងបើកបរ​ត្រូវគោរព​ច្បាប់ចរាចរណ៍​ឲ្យបានខ្ជាប់ខ្ជួន ដើម្បីចៀសវាងពីគ្រោះថ្នាក់ចរាចរណ៍​ដែលអាចឡើង​ជាយថាហេតុ ហើយសូមចៀសវាង​ឲ្យឆ្ងាយពីអំពើអសកម្មនានាដែលសង្គមជាតិស្អប់ខ្ពើម​ ដើម្បីឲ្យភូមិ-សង្កាត់យើងមានសុវត្ថិភាព​ ជាពិសេសចូលរួមរក្សាសន្តិភាព ដើម្បីពង្រឹងឱកាសអភិវឌ្ឍប្រទេសជាតិឲ្យកាន់តែរីកចំរើនជាបន្តទៀត ។

 

អំណោយមនុស្សធម៌ដែលបានចែកជូនក្នុង១គ្រួសារៗទទួលបាន៖​ អង្ករ៣០គីឡូក្រាម ទឹកបរិសុទ្ធ១កេស តែ៥កញ្ចប់ ស្ករស២គីឡូក្រាមនិងទឹកត្រីទឹកសុីអុីវ២ដប ឬស្ករស៣គីឡូក្រាម ទឹកដោះគោ៤កំប៉ុង និងថវិកាចំនួន៥មុឺនរៀល ៕

 

អនុសាខាកក្រកខណ្ឌមានជ័យចុះសួរសុខទុក្ខកម្មករ កម្មការិនីរោងចក្រនៅក្នុងសង្កាត់ស្ទឹងមានជ័យទី១

សាខាកក្រករាជធានីភ្នំពេញ៖​ នាល្ងាចថ្ងៃសៅរ៍ ៥រោច ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី​ ៦ ខែ​ មករា ឆ្នាំ ២០១៨នេះ ក្រុមការងារ​អនុសាខា​កាកបាទក្រហម​កម្ពុជា ខណ្ឌមានជ័យ ដឹកនាំដោយ លោក ឌី រ័ត្នខេមារុណ​ ប្រធាន​គណៈកម្មាធិការ​អនុសាខា បានចុះសាកសួរ​សុខទុក្ខ និងនាំយកអំណោយ​មនុស្សធម៌​របស់កាកបាទក្រហម​កម្ពុជា ដែលមាន សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុន សែន ជាប្រធាន ​ទៅចែកជូន​ដល់បងប្អូន​កម្មករ កម្មការិនី​រោងចក្រ ចំនួន៣០គ្រួសារ រស់នៅក្នុង​សង្កាត់ស្ទឹងមានជ័យទី១ ។

 

មានប្រសាសន៍នាឱកាសនោះ លោកប្រធាន​គណៈកម្មាធិការ​អនុសាខា បានពាំនាំនូវ​បណ្តាំផ្ញើសាកសួរសុខទុក្ខពីសំណាក់​សម្តេចកិត្តិព្រឹទ្ធ​បណ្ឌិតប្រធាន ប៊ុន រ៉ានី ហ៊ុន សែន ជូនដល់បងប្អូន​កម្មករ កម្មការិនីទាំងអស់​ប្រកបដោយ​សេចក្តីនឹករលឹក ព្រមទាំងសូម​ឲ្យបងប្អូនទាំងអស់​ត្រូវយកចិត្តទុកដាក់​គិតគូរពីសុខភាព បរិភោគចំណីអាហារ​ដែលមានជីវជាតិ ​និងសូមប្រុងប្រយត្ន័​បង្ការចំពោះគ្រោះអគ្គីភ័យ ព្រមទាំងបើកបរត្រូវគោរព​ច្បាប់ចរាចរណ៍​ ។

 

អំណោយមនុស្សធម៌​ដែលគ្រួសារ​នីមួយៗទទួលបានរួមមាន៖ អង្ករ​​៣០គីឡូក្រាម មី១កេស ទឹកត្រី១យួរ ទឹកសុីអុីវ១យួរ ទឹកសុទ្ធ១យួរ​ និងថវិកាចំនួន១មុឺនរៀល ៕

 

អនុសាខាកាកបាទក្រហមកម្ពុជាខណ្ឌ ឬស្សីកែវទទួលអំណោយសប្បុរសធម៌ជា ថវិកា និងឥដ្ឋការ៉ូ

សាខាកក្រករាជធានីភ្នំពេញ៖ នាល្ងាច​ថ្ងៃពុធ ១០រោច ខែមិគសិរ​ ឆ្នាំរកា នព្វស័ក ព.ស២៥៦១ ត្រូវនឹង​ថ្ងៃទី១៣ ខែធ្នូ គ.ស២០១៧ នៅសាលា​ខណ្ឌឬស្សីកែវ​ អនុសាខាកាកបាទ​ក្រហមកម្ពុជា​ខណ្ឌ ដឹកនាំ​ដោយ ឯកឧត្តម ជា ពិសី ​ប្រធាន​គណៈកម្មាធិការ​អនុសាខា បានទទួល​អំណោយសប្បុរសធម៌​ជា ថវិកាចំនួន១.៨០០ដុល្លារ​សហរដ្ឋអាមេរិក និងឥដ្ឋការ៉ូ​ចំនួន៧៥កេស ពីសមាគម​សេដ្ឋកិច្ច ចិន-ខ្មែរ ក័ងតុង ។

នាឱកាសនោះ ឯកឧត្តម​ប្រធានគណៈកម្មាធិការ​អនុសាខា បាន​ប្រសាសន៍សូមថ្លែងអំណរគុណ​ចំពោះសមាគម​សេដ្ឋកិច្ច ចិន-ខ្មែរ ក័ងតុង ដែលបាននាំយក​អំណោយមក​ប្រគល់ជូនដល់​អនុសាខា សម្រាប់ជាប្រយោជន៍​ក្នុងការបម្រើ​សកម្មភាព​មនុស្សធម៍ សំដៅជួយ​ដល់ជនរងគ្រោះ និងងាយរងគ្រោះ​ដោយប្រការផ្សេងៗ ។

ដោយឡែក​នាឱកាសនោះ​ដែរ អនុសាខា​កាកបាទក្រហម​កម្ពុជា ខណ្ឌឬស្សីកែវ ក៏បានជួយ​ឧបត្ថម្ភថវិកាចំនួន៨០០ដុល្លារសហរដ្ឋ​អាមេរិក ជូនដល់​លោក ម៉េត ស្លៃម៉ាន ជាជន​ពិការជើង និងមានជម្ងឺ ដែលមានជីវភាពខ្វះខាត រស់នៅភូមិ២ សង្កាត់ច្រាំងចំរេះទី១ ដើម្បីទិញជើងសិប្បនិម្មិតថ្មី និងដោះស្រាយបញ្ហាផ្សេងៗក្នុងជីវភាព ព្រមទាំងបាន​ប្រគល់ថវិកាចំនួន២០០ដុល្លារសហរដ្ឋអាមេរិក ជូនដល់សមាគមន៍នារីដើម្បីសន្តិភាព និងអភិវឌ្ឍន៍ខណ្ឌឬស្សីកែវផងដែរ ៕

 

1 2 3 4 5 Next Last