Webmail
E-Learning
សាខាកាកបាទក្រហមកម្ពុជា

ប៉ៃលិន

...

សាខាកាកបាទក្រហមកម្ពុជាខេត្តប៉ៃលិនផ្តល់អំណោយមនុស្សធម៌ដល់លោកយាយឈិត គិន

សាខាកក្រកខេត្តប៉ៃលិន​ ៖​កាលពី​ព្រឹក​ថ្ងៃទី​១១​ ខែមីនា​ ឆ្នាំ២០១៧​ នេះ​ អនុ​សាខា​កាកបាទក្រហម​កម្ពុជា ​ស្រុកសាលា​ក្រៅ​ដឹកនាំ​ដោយ​លោក ឡោ ស៊ុនជាង​ ប្រធាន​គណ:កម្មកា​រអនុសាខា​ ព្រម​ទាំងសមាជិក​សមាជិការ​អនុសាខា ​និងយុវជន​កាកបាទក្រហម​បានចុះសួរ​សុខទុក្ខ និង​នាំយក​អំណោយ​មនុស្សធម៌​ទៅផ្តល់​ជូន​លោកយាយ ឈិត គិន​ អាយុ៨១ឆ្នាំ រស់នៅ​ភូមិ​អូរអិល ឃុំស្ទឹងកាច់ ស្រុកសាលា​ក្រៅ ខេត្តប៉ៃលិន បច្ចុប្បន្ន​លោកយាយ​មានជម្ងឺ​ជាទម្ងន់​មិនអាច​ក្រោក​ធ្វើការ​អ្វីបានឡើយ។

 

ក្នុងឱកាស​នោះ​ លោកប្រធាន​គណៈកម្មការអនុសាខា​ បានមាន​ប្រសាសន៍​លើកឡើង​ពីការយកចិត្តទុក​ដាក់គិតគូរ​ខ្ពស់​ពី​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ប្រធាន​កាកបាទក្រហម​កម្ពុជា ចំពោះសុខទុក្ខ​ប្រជាពលរដ្ឋ​យើងជាទូទៅ​ជាពិសេស​អ្នកដែល​រងគ្រោះ​ និងងាយ​រងគ្រោះ​គ្រប់ប្រភេទ​ដោយមិនប្រកាន់​ពីនិន្នាការ​នយោបាយ ជាតិសាសន៍​ សាសនា វណ្ណៈ​ ពណ៌សម្បុរអ្វីទាំងអស់​។​

 

និងអំពាវ​នាវដល់​ប្រជាពលរដ្ឋ​ទាំងអស់យកចិត្ត​ទុកដាក់ពីសុខភាព​រក្សាឲ្យបាននូវ​អនាម័យ​ទាំងការរស់នៅ​ និងការ​ហូបចុក ដើម្បីចៀសវាង​ពីជម្ងឺដង្កាត់​ផ្សេងៗមកបៀតបៀន​ ។

 

អំណោយផ្តល់ជូនរួមមាន​ ៖​ អង្ករ៥០គក្រ មី២កេស​ ទឹកត្រី ទឹកស៊ីអ៊ីវ ទឹកសុទ្ធ ស្ករសរ ប្រេងឆា ត្រីខនិងថវិកា២០ម៉ឺនរៀល៕

 

...

វគ្គបណ្តុះបណ្តាលស្ដីពីគោលការគ្រឹះរបស់ចលនាដល់យុវជនកាកបាទក្រហមកម្ពុជា

​ ខេត្តប៉ៃលិន៖ នៅទីស្នាក់ការសាខាខេត្តព្រឹកថ្ងៃទី១៧ ខែមករា ឆ្នាំ២០១៧ បានបើកវគ្គបណ្តុះបណ្តាលមូលដ្ឋានស្ដីពី ប្រវត្តិចលនាកាកបាទក្រហម-អឌ្ឍចន្ទក្រហម គោលការគ្រឹះរបស់ចលនា​ ច្បាប់មនុស្សធម៌អន្តរជាតិ តួនាទីកាកបាទក្រហមកម្ពុជា និងគោលនយោបាយយុវជនកាកបាទក្រហមកម្ពុជា ដល់យុវជនកាកបាទក្រហមកម្ពុជាចំនួន៥០នាក់ ស្រី២៨នាក់ នៃវិទ្យាល័យសាលាក្រៅ ខេត្តប៉ៃលិន។

 

កម្មវិធីបើកវគ្គមានការចូលរួមពីសំណាក់​លោកជំទាវ ពៅ សុខ អនុប្រធានគណ:កម្មាធិការសាខា​ខេត្តប៉ៃលិន​ បានសង្កត់ធ្ងន់​ ការលើកកម្ពស់​ការចូលរួមរបស់យុវជនដោយស្មគ្រ័ចិត្តក្នុងការងារមនុស្សធម៌របស់​ ចលនា​កាកបាទក្រ​ហម​ អឌ្ឍចន្ទក្រហម គឺ:


-គុណតម្លៃការងារស្មគ្រ័ចិត្ត​ ដែលជាឆ្អឹងខ្នងរបស់ចលនា​ ជាកម្លាំងធ្វើឲ្យប្រតិបត្តិការមនុស្សធម៌​ មានប្រសិទ្ធភា​ព​ និងទាន់ពេលវេលា​ ។ 

 -យុវជនស្ម័គ្រចិត្ត​ ជាកម្លាំងមិនអាចខ្វះបាន​ ក្នុងការផ្តល់ក្តីសង្ឃឹម​ ផ្តល់ភាពកក់ក្តៅដល់អ្នកងាយរងគ្រោះបំផុត​។

 

ក្នុងវគ្គនេះរៀបចំឡើងក្នុងគោលបំណងបញ្ជ្រាបការយល់ដឹងឲ្យកាន់តែទូលំទូលាយពីតួរនាទីការងារមនុស្សធម៌របស់យុវជនក្នុងការផ្តល់ព័ត៌មាន ការជួយសង្គ្រោះបងប្អូនប្រជាពលរដ្ឋក្នុងមូលដ្ឋានដែលជួបប្រទះគ្រោះមហន្តរាយនិងគ្រោះថ្នាក់ផ្សេងៗដែលកើតមានឡើងជាយ:ថាហេតុ។

 

...

សាខាកាកបាទក្រហមកម្ពុជាខេត្តប៉ៃលិនចែកអំណោយដល់ចាស់ជរាគ្មានទីពឹង

ព្រឹកថ្ងៃទី ១២ ខែ កក្កដា ឆ្នាំ ២០១៦ សាខាកាកបាទក្រហមកម្ពុជា ខេត្តប៉ៃលិន ដឹកនាំដោយ លោក សូ កង នាយកប្រតិបត្តិសាខា និងយុវជនកក្រកខេត្ត បានចុះសាកសួរសុខទុក្ខ និងនាំយកអំណោយមនុស្សធម៌ផ្តល់ជូន លោកតា ខុន ផល្លា អាយុ ៧៥ឆ្នាំ និងលោកយាយ វ៉ា ស៊ីខេន អាយុ ៧៣ឆ្នាំទាំងពីរនាក់ប្តីប្រពន្ធ ជាជនចាស់ជរាគ្មានទីពឹងមានជំងឺហើមជើង និងមានជីវភាពខ្វះខាត ជួបការលំបាកនៅភូមិបរថ្មី សង្កាត់បរយ៉ាខា ក្រុងប៉ៃលិន ខេត្តប៉ៃលិន។

 

លោកនាយកសាខា បានពាំនាំនូវក្តីអាណិត អាសូរ ពីសំណាក់លោកជំទាវបាន ស្រីមុំប្រធានគណៈកម្មាធិការសាខាខេត្ត ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែគិតគូរពីសុខភាព ជីវភាព និងមិនប្រកាន់ពូជសាសន៍អ្វីឡើយ។

អំណោយផ្តល់ជូនរួមមាន ៖ អង្ករ ២៥គីឡូក្រាម មី ១ កេស ត្រីខ១ យួរ ទឹកស៊ីអីុវ ១ យួរ ទឹកត្រី ១ យួរ ទឹកសុទ្ធ ២កេស អំបិល១កញ្ចប់ មុង១ សារុង១ ក្រមា១ ភួយ១ និងថវិកា ១០០,០០០ រៀលគត់ ។

 

គួរបញ្ជាក់ថា កាលពីថ្ងៃទី៩ ខែកក្កដា កន្លងទៅ សាខាកាកបាទក្រហមកម្ពុជា ខេត្តប៉ៃលិន បាននាំពួកគាត់ទៅសម្រាកព្យាបាលនៅមន្ទីរពេទ្យបង្អែកខេត្តប៉ៃលិន តែមកដល់ថ្ងៃនេះជម្ងឺកាត់បានជាពីជម្ងឺ ហើយលោកនាយក និងក្រុមការងារបាននាំមកលំនៅដ្ឋានវិញ៕

 

...

សាខាកាកបាទក្រហមកម្ពុជា ខេត្តប៉ៃលិន យកអំណោយមនុស្សធម៌ ជូនគ្រួសារ ទីទ័លក្រ

នៅព្រឹកថ្ងៃទី ១២ ខែមិថុនា ឆ្នាំ២០១៦ នេះ សាខា​កាកបាទក្រហម​កម្ពុជា​ ខេត្តប៉ៃលិន​ លោក សូ កង ​នាយក​សាខា​ បានចុះ​សួរសុខទុក្ខ​ បាន​នាំយក​អំណោយ​មនុស្សធម៌ ​ទៅផ្តល់​ជូនគ្រួសារ​ ទីទ័លក្រ ​ឈ្មោះ ហីុ សំណាង ​អាយុ ៦០ឆ្នាំ ជាបុរស​ពោះម៉ាយ ​និងមានជំងឺ​ប្រចាំកាយ​ និងមានកូន ៤នាក់។

 

នាឱកាសនោះ​ លោកនាយកសាខា បានមានប្រសាសន៍​ផ្តាំផ្ញើសាកសួរសុខទុក្ខ​ពីសំណាក់​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ ដែល​ជានិច្ចកាល​ យកចិត្តទុកដាក់​ខ្ពស់​ចំពោះ​សុខទុក្ខ​របស់បងប្អូន​ប្រជាពលរដ្ឋ​ដែលជួប​ការលំបាក​គ្រប់ពេលវេលា​ ទោះបីកាល:ទេស:​ណាក៏ដោយ​ ឲ្យតែមាន​ការលំបាក​គឺមាន​កាកបាទបាទក្រហម​កម្ពុជា​គ្រប់ពេលវេលា​។

 

លោក ក៏បានណែនាំ​ដល់ក្រុមគ្រួសារ​ជួបការ​ខ្វះខាត​ឲ្យចេះថែទាំ​សុខភាព ប្រឹងប្រែង​ប្រកបការងារ​ដើម្បី​ចិញ្ចឹមជីវិត​បន្តទៅទៀត។

អំណោយ​មនុស្សធម៌​ដែលបាន​ផ្តល់​ជូនរួមមាន៖ អង្ករ៣០គ.ក្រ មី១កេស ទឹកត្រី១យួរ ទឹកស៊ីអ៊ីវ១យួរ ទឹកសុទ្ធ៤យួរ និងថវិកា ៥ម៉ឺនរៀល៕

 

...

ប្រជាពលរដ្ឋរងគ្រោះដោយខ្យល់កន្ត្រាក់ទទួលអំណោយពី សាខាកាកបាទក្រហមកម្ពុជា ខេត្តប៉ៃលិន

កាលពីព្រឹកថ្ងៃទី២៧ ខែមីនា ឆ្នាំ២០១៦ សាខា​កាកបាទក្រហម​ កម្ពុជា​ខេត្តប៉ៃលិន ​បានចុះសួរ​សុខទុក្ខ​និង​នាំយក​អំណោយ ​មនុស្សធម៌​ ផ្តល់ជូន​ប្រជាពលរដ្ឋ​ចំនួន៣១គ្រួសារ​ ដែលរងគ្រោះ​ដោយ​ខ្យល់កន្ត្រាក់​ កាលពីល្ងាចថ្ងៃទី២៥ ខែមីនា ឆ្នាំ២០១៦ ​នៅក្នុងសង្កាត់​ទួលល្វា សង្កាត់បរយ៉ាខា​ ក្រុងប៉ៃលិន​ ខេត្តប៉ៃលិន។

 

លោកជំទាវ បាន ស្រីមុំ ​ប្រធានគណៈកម្មាធិការសាខា ​បានសំដែងការ​សោកស្តាយ​ និងអំពាវនាវឱ្យ​បងប្អូន​ងអស់ក្នុងខេត្ត ​មានការប្រុងប្រយ័ត្ន​ពីសុវត្ថិភាពផ្ទាល់ខ្លួន​និងក្រុមគ្រួសារ​ព្រោះថា​នៅក្នុងរដូវនេះ​មានការប្រែប្រួល​អាកាសធាតុ​ពេលភ្លៀង​មានរន្ទះ ​និង​ខ្យល់កន្ត្រាក់​មកជា​មួយផង។

 

អំណោយមនុស្សធម៌​ក្នុងមួយ​គ្រួសារ​ទទួលបាន ៖
អង្ករ៣០គីឡូក្រាម, មី ៣កេស, ទឹកស៊ីអ៊ីវ ១យួរ, ទឹកត្រី១យួរ, ឃីត១មាន ( មុង ភួយ ក្រមា សារុង តង់១ ) និងថវិកាមួយចំនួន។
គ្រួសាររងគ្រោះ​ធ្ងន់ ២គ្រួសារ​ដែលរលំផ្ទះ​ទាំងស្រុង​ទទួល​បានបន្ថែម ​ក្នុងមួយគ្រួសារៗ ​ស័ង្កសី២៨សន្លឹក​ ហើយ​ប្រធានកិត្តិយស​សាខា​ និង​ក្រុមការងារ​ជួយ​ជួសជុល​ សាងសង់ផ្ទះ​ទាំង២ខ្នង ជូន​ប្រជាពលរដ្ឋ ​ទាំ២គ្រួសារ​ ដើម្បី​សម្រួល​ទុក្ខលំបាក៕