អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel
ព័ត៌មានថ្មីៗ

កាកបាទក្រហមកម្ពុជាទទួលអំណោយ ជាភួយពីក្រុមអ្នកស្ម័គ្រចិត្ត បាន គីមូន ប្រទេសកូរ៉េ

កក្រក ៖ នាព្រឹកថ្ងៃ​ពុធ ១កើត ខែមាឃ​ ឆ្នាំរកា ព.ស ២៥៦១ ត្រូវនឹង​ថ្ងៃទី ១៧ ខែមករា ឆ្នាំ២០១៨ នេះ នៅទីស្នាក់ការ​កណ្តាល​កាកបាទក្រហម​កម្ពុជា លោកជំទាវ ពុំ ចន្ទីនី​ អគ្គលេខាធិការ ​កាកបាទក្រហមកម្ពុជា​ បានទទួល​ជួបសំណេះសំណាល​ និងទទួលអំណោយ​ ជាភួយ ចំនួន ២.០០០ (ពីរពាន់) ពីក្រុម​អ្នកស្ម័គ្រចិត្ត ​បាន គីមូន ដឹកនាំ​ដោយ លោកស្រី​ ហ៊ុយសាង ក្វុង​ ប្រធាន​ក្រុមការិយាល័យ​ ក្រុងជុងហ្សុ ​សរុបរួមចំនួន ៣៧នាក់។

 

ក្នុងឱកាស​នោះដែរ លោកជំទាវ​អគ្គលេខាធិការ ​បានថ្លែងអំណរគុណ​ចំពោះ ក្រុមអ្នក​ស្ម័គ្រចិត្ត បាន គីមូន ដែល​បានប្រគល់​អំណោយជូន​កាកបាទក្រហម​កម្ពុជា ហើយកាកបាទក្រហម​កម្ពុជា នឹងនាំយកអំណោយ​ទាំងនេះ​ទៅជូន​ដល់ប្រជាពលរដ្ឋ​ក្រីក្រឱ្យបាន​ទាន់ពេលវេលា ដោយមិនទុក​ឱ្យអ្នកដែល​ត្រូវការឱ្យជួយ​នៅរង់ចាំ​យូរឡើយ។

 

ជាទីបញ្ចប់​លោកស្រី ហ៊ុយសាង ក្វុង តំណាង​ឲ្យក្រុម​អ្នកស្ម័គ្រចិត្ត បានគីមូន បានថ្លែង​អំណរគុណចំពោះ​លោកជំទាវ​អគ្គលេខាធិការ​កាកបាទក្រហម​កម្ពុជា បានអនុញ្ញាត​ឲ្យក្រុមអ្នក​ស្ម័គ្រចិត្ត បានគីមូន ​បានចូលរួម​ចំណែកក្នុង​ការងារមនុស្សធម៌​ជាមួយ​កាកបាទក្រហម​កម្ពុជាដើម្បី​កាត់បន្ថយភាព​ក្រីក្រ​ដល់ប្រជា​ពលរដ្ឋកម្ពុជា។

 

ផ្សព្វផ្សាយ ពីចំណេះដឹងជាមូលដ្ឋាន នៃវិជ្ជាសង្រ្គោះបឋម ដល់យុវជនកាកបាទក្រហមនៅខេត្តព្រៃវែង

សាខាកក្រកខេត្តព្រៃវែង៖ នៅរសៀល​ថ្ងៃទី ១៦ ខែមករា ​ឆ្នាំ២០១៨ ដោយមាន​ការចូលរួម​សម្របសម្រួល ​ពីមន្រ្តី​សាខាកាកបាទក្រហម​ខេត្ត យុវជន​កាកបាទក្រហម​កម្ពុជា​ ក្លឹបវិទ្យាល័យ​ព្រះអង្គឌួង ចំនួន ៤រូប បានធ្វើការ​ផ្សព្វផ្សាយ ពីចំណេះដឹង​ជាមូលដ្ឋាន នៃវិជ្ជា​សង្រ្គោះបឋម ​ដល់យុវជន​កាកបាទក្រហម និង​សិស្សានុសិស្ស ចំនួន ១០០នាក់​ ស្រី ៥៣នាក់ នៅវិទ្យាល័យ​ព្រះអង្គឌួង ស្ថិតក្នុង សង្កាត់កំពង់លាវ ក្រុងព្រៃវែង​ ខេត្តព្រៃវែង។

 

ការផ្សព្វផ្សាយ​នេះធ្វើឡើងក្នុង​គោលបំណង​ ឱ្យយុវជន​ និងសិស្សា​នុសិស្ស បានយល់ដឹង​ជាមូលដ្ឋានអំពី វិជ្ជា​សង្រ្គោះបឋម ការថែទាំដល់​អ្នកជំងឺ ឬជនរងគ្រោះ​ក្នុងពេលមាន​គ្រោះថ្នាក់ភ្លាមៗ និងរបៀប​ជួយ​សង្រ្គោះជីវិត​ជាបឋម​ មុនគ្រូពេទ្យមកដល់៕

 

កាកបាទក្រហមកម្ពុជា សួរសុខទុក្ខ ប្រជាពលរដ្ឋរងគ្រោះដោយនៅខណ្ឌសែនសុខ រាជធានីភ្នំពេញ

កក្រក​ ៖​ នៅថ្ងៃទី១៦ ខែមករា ឆ្នាំ២០១៨ នេះ កាកបាទក្រហម​កម្ពុជា ដែលមាន សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ជាប្រធាន បានចូលរួម​សម្តែង​ការសោកស្តាយ និងផ្តល់អំណោយ​មនុស្សធម៌ជាលើកទី ២ ជូនប្រជាពលរដ្ឋ​រងគ្រោះដោយភ្លើង​ឆេះផ្ទះចំនួន ១៨គ្រួសារ ស្មើនឹង ១៨ខ្នងផ្ទះ កាលពីល្ងាចថ្ងៃទី ១៥ ម្សិលម៉ិញនេះ​ ស្ថិតនៅភូមិ​បុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

 

ក្នុងឱកាសនោះ លោកជំទាវ ម៉ែន នារីសោភ័គ​ អគ្គលេខាធិការ​រងទី ១ បានពាំនាំ​ប្រសាសន៍​របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលផ្តាំផ្ញើសួរសុខទុក្ខ ក្តីអាណិតអាសូរ ​និងការសោកស្តាយ ចំពោះឧបទ្ទវហេតុ​ដែលបានបំផ្លាញ​លំនៅដ្ឋាន និងទ្រព្យសម្បត្តិរបស់​គ្រួសាររងគ្រោះ។ ជាមួយគ្នានេះ លោកជំទាវ ក៏បាន​អំពាវនាវ ដល់ប្រជាជន​ទាំងអស់ សូមមានការប្រុង​ប្រយ័ត្នចំពោះការប្រើប្រាស់​ភ្លើង និងចរន្តអគ្គិសនី ដែលជាប្រភព​នៃគ្រោះថ្នាក់ និងបាន​លើកទឹកចិត្តសូមកុំអស់​សង្ឃឹម ហើយប្រឹងប្រែង​ប្រកបរបរ​ចិញ្ចឹមជីវិត ដើម្បីស្តារសេដ្ឋកិច្ច​គ្រួសារឡើងវិញ ព្រោះអំណោយ​ដែលបានផ្តល់​ជូនពេលនេះ អាចជួយសម្រាល​ការលំបាកបានមួយគ្រា​ប៉ុណ្ណោះ។

 

គ្រួសាររងគ្រោះទាំងអស់បានថ្លែង​អំណរគុណយ៉ាង​ជ្រាលជ្រៅចំពោះ សម្តេច​កិត្តិព្រឹទ្ធបណ្ឌិតប្រធានកាកបាទក្រហម​កម្ពុជា ដែលបានគិតគូរ មានក្តីមេត្តា ករុណា និងទឹកចិត្តជ្រះថ្លា ជួយដោះស្រាយទុក្ខលំបាកដល់ប្រជាជនរងគ្រោះជួបការលំបាកបានទាន់ពេលវេលា។

គ្រួសារនីមួយៗទទួលបាន​ ៖​ អង្ករ​ ៦០គីឡូក្រាម​ មី​ ១កេស​ ត្រីខ​ ១០កំប៉ុង​ មុង១​ សារុង១​ ក្រមា១​ ភួយ១​ តង់១​ និងថវិកា​ ២០០.០០០ម៉ឺនរៀល។​

 

សូមបញ្ជាក់ថា​ ក្រុមការងារអនុសាខា​កាកបាទក្រហម​កម្ពុជា​ ខណ្ឌសែនសុខ​ បានចុះសួរសុខទុក្ខ​ និងចែកអំណោយមនុស្សធម៌​ ១លើក​ រួចមកហើយ កាលពីព្រឹកថ្ងៃទី​ ១៦​ ខែមករា​ ឆ្នាំ២០១៨​ នេះ៕

 

សាខារាជធានីភ្នំពេញ សួរសុខទុក្ខ ចាស់ជរាគ្មានទីពឹង ជនពិការ អ្នករស់នៅជាមួយមេរោគអេដស៍ ក្នុងខណ្ឌច្បារអំពៅ ។

សាខាកក្រករាជធានី​ភ្នំពេញ៖ នាល្ងាច​ថ្ងៃចន័្ទ ១៤រោច ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី​ ១៥ ខែ​ មករា ឆ្នាំ ២០១៨នេះ នៅវត្ត​និរោធរង្សី សាខា​កាកបាទក្រហម​កម្ពុជា រាជធានីភ្នំពេញ ដឹកនាំដោយ ​ឯកឧត្តម ប៉ា​ សុជាតិវង្ស សមាជិកគណៈកម្មាធិការ​កណ្តាល​កាកបាទក្រហម​កម្ពុជា​ និងជាប្រធានគណៈកម្មាធិការ​សាខា​រាជធានីភ្នំពេញ បានចុះសាកសួរ​សុខទុក្ខ​ និងនាំយកអំណោយ​មនុស្សធម៌ទៅចែកជូន​ដល់ចាស់ជរា​គ្មានទីពឹង ជនពិការ អ្នករស់នៅ​ជាមួយមេរោគ​អេដស៍ ប្រជាពលរដ្ឋដែលមានជីវភាពខ្វះខាត សរុប​ចំនួន២៤០គ្រួសារ មកពីសង្កាត់​ច្បារអំពៅទី១ ច្បារអំពៅទី២ និងសង្កាត់និរោធ ក្នុងខណ្ឌច្បារអំពៅ ។

 

មានប្រសាសន៍ទៅកាន់​លោកតាលោក​យាយបងប្អូន​ប្រជាពលរដ្ឋទាំងអស់ ឯកឧត្តម ប៉ា​ សុជាតិវង្ស បានពាំនាំនូវការផ្ដាំផ្ញើ​សួរសុខទុក្ខពីសំណាក់​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម​កម្ពុជា ដែលសម្តេចប្រធាន​តែងតែយកចិត្ត​ទុកដាក់គិតគូរជាប់​ជានិច្ចចំពោះសុខទុក្ខប្រជាពលរដ្ឋ​ជាទូទៅ ជាពិសេសជន​រងគ្រោះ និងងាយរង​គ្រោះគ្រប់ប្រភេទ ដោយមិនប្រកាន់ពីវណ្ណៈ ពណ៌សម្បុរ ជំនឿសាសនា ឬនិន្នាការនយោបាយអ្វីឡើយ ពោល "កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា" ។ ឯកឧត្តមប្រធាន​គណៈកម្មាធិការ​សាខា ក៏សូមអំពាវនាវដល់ប្រជាពលរដ្ឋទាំងអស់ឲ្យយកចិត្តទុកដាក់ពីសុខភាពរក្សាឲ្យបាននូវអនាម័យ​ទាំងការរស់នៅ​ និងការហូបចុច​ ដើម្បីចៀសវាងពីជម្ងឺដង្កាត់ផ្សេងៗមកបៀតបៀន​ ព្រមទាំងបើកបរ​ត្រូវគោរព​ច្បាប់ចរាចរណ៍​ឲ្យបានខ្ជាប់ខ្ជួន ដើម្បីចៀសវាងពីគ្រោះថ្នាក់ចរាចរណ៍​ដែលអាចឡើង​ជាយថាហេតុ ហើយសូមចៀសវាង​ឲ្យឆ្ងាយពីអំពើអសកម្មនានាដែលសង្គមជាតិស្អប់ខ្ពើម​ ដើម្បីឲ្យភូមិ-សង្កាត់យើងមានសុវត្ថិភាព​ ជាពិសេសចូលរួមរក្សាសន្តិភាព ដើម្បីពង្រឹងឱកាសអភិវឌ្ឍប្រទេសជាតិឲ្យកាន់តែរីកចំរើនជាបន្តទៀត ។

 

អំណោយមនុស្សធម៌ដែលបានចែកជូនក្នុង១គ្រួសារៗទទួលបាន៖​ អង្ករ៣០គីឡូក្រាម ទឹកបរិសុទ្ធ១កេស តែ៥កញ្ចប់ ស្ករស២គីឡូក្រាមនិងទឹកត្រីទឹកសុីអុីវ២ដប ឬស្ករស៣គីឡូក្រាម ទឹកដោះគោ៤កំប៉ុង និងថវិកាចំនួន៥មុឺនរៀល ៕

 

សាខាកក្រកខេត្តមណ្ឌលគិរីចុះសួរសុខទុក្ខ គ្រួសារទើបសម្រាលកូនក្នុងមន្ទីរពេទ្យបង្អែកក្រុងសែនមនោរម្យ

សាខាកក្រកខេត្តមណ្ឌលគិរី ៖​ នៅថ្ងៃទី ​១៣ ខែមករា ​ឆ្នាំ ២០១៨ នេះ​ សាខា​កាកបាទក្រហម​កម្ពុជា ខេត្តមណ្ឌលគិរី ​ដឹកនាំដោយ លោក អាន សុឃីម នាយករង​សាខា អមដំណើរ​ដោយមន្ត្រី​សាខា យុវជនកាកបាទក្រហម​កម្ពុជា បានអញ្ជេីញចុះសួរសុខទុក្ខ ​និងនាំយកអំណោយ​មកជូនដល់​គ្រួសារទើបសម្រាលកូន ជាជន​ទីទ័លក្រ ចំនួន ២គ្រួសារ កំពុងសម្រាក​ក្នុងមន្ទីរពេទ្យបង្អែក​ក្រុងសែនមនោរម្យ។


១| ឈ្មោះ ងន់ សុជាតិ អាយុ ៣២ឆ្នាំ រស់នៅក្នុងភូមិ អូរអាម ឃុំស្រែខ្ទម ស្រុកកែវសីមា ខេត្តមណ្ឌលគិរី ជាជនទីទ័លក្រ មានកូននៅក្នុងបន្ទុក ចំនួន ៧ នាក់ ។


២| ឈ្មោះ ស្រូក ព្យុល អាយុ ៤០ឆ្នាំ រស់នៅភូមិពូហ្យាម ឃុំពូរឡា ស្រុកអូររាំង ខេត្តមណ្ឌលគិរី ជាជនទីទ័លក្រ មានកូននៅក្នុងបន្ទុក ចំនួន ៩ នាក់ ។

 

ក្នុងឱកាសនោះដែរ លោកនាករងសាខា​ បានពាំនាំនូវប្រសាសន៍​ផ្ដាំផ្ញើសួរសុខទុក្ខ​និងក្ដីនឹករលឹកពីសំណាក់​ឯកឧត្តម ប្រធាន​គណៈកម្មាធិការសាខា ពិសេស​ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្ដេចតែងតែគិតគូ​សុខទុក្ខប្រជាពលរដ្ឋក្រីក្រមានទុក្ខលំបាក ជនរងគ្រោះ ជនងាយរងគ្រោះ ដោយមិន​ប្រកាន់រើសអើង វណ្ណៈ ជាតិសាសន៍ ពណ៍សម្បុរ ឬនិន្នាការនយោបាយអ្វីឡើយ។

អំណោយ​ដែលផ្ដល់​ជូនក្នុងមួយគ្រួសារ​ ៖​ ទឹកដោះគោឆៅចំនួន២យួរ និងថវិកាចំនួន ១៥ ម៉ឺនរៀល៕

 

គ្រួសារដែល បានរងគ្រោះដោយ កូនលង់ទឹក ស្លាប់ទទួលអំណោយពីសាខាកក្រកខេត្តតាកែវ

សាខាកក្រកខេត្តតាកែវ៖ នៅព្រឹក ថ្ងៃទី ​១២ ខែមករា ឆ្នាំ២០១៨ លោកជំទាវ ​នូ សុវណ្ណនី ប្រធានគណៈកម្មាធិកាសាខា​ រួមដំណើរ​ដោយលោក នាយកប្រតិបត្តិ​សាខា​ សហការជាមួយ​មន្ត្រី អនុសាខាកាកបាទក្រហម​កម្ពុជា ស្រុកសំរោង បាននាំយក​អំណោយ​មនុស្សធម៌ផ្ដល់​ជូនគ្រួសារ​ដែល បានរងគ្រោះដោយ កូនបានលង់​ទឹកត្រពាំង ស្លាប់ពីរ​នាក់ នៅភូមិត្រពាំង​ឃ្លោក ឃុំខ្វាវ ស្រុកសំរោង ខេត្តតាកែវ ។

 

មានប្រសាសន៍​នាឱកាសនោះ លោកជំទាវ បានចូលរួម​រំលែកទុក្ខដល់​គ្រសារសព និងបានពាំនាំ​ការសួរសុខទុក្ខពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជាដល់បង ប្អូនប្រជាពលរដ្ឋ​ទាំងអស់គ្នាដែល​មានវត្តមាននៅទីនេះ។

 

អំណោយ​មនុស្សធម៌របស់​សាខាដែល​បានផ្ដល់ជូនគ្រួសាររួមមាន៖ 
អង្ករ៥០ គីឡូក្រាម ទឹកផ្លែឈើ ២កេស ទឹកបរិសុទ្ធ២ កេស ថវិកាមួយចំនួន និង សម្ភារៈ របស់អនុសាខាស្រុក និងឃុំមាន អង្ករ ៥០ គីឡូក្រាម ទឹកត្រី២ យួរ ទឹកស៊ីអ៊ីវ២យួរ ទឹកផ្លែឈើ១ កេស និងថវិកាមួយចំនួន ។

 

កិច្ចប្រជុំបូកសរុបលទ្ធផលការងារប្រចាំឆ្នាំ ២០១៧ និងលើកទិស ដៅរបស់សាខាកក្រកខេត្តសៀមរាប

សាខាកក្រកខេត្តស្វាយរៀង៖ ​នៅថ្ងៃ ព្រហស្បតិ៍ ​១០រោជ ​ខែបុស្ស​ ឆ្នាំរកា​ នព្វស័ក ព.ស ២៥៦១ ត្រូវនឹង​ថ្ងៃទី ១១ ខែ មករា ឆ្នាំ ២០១៨ នៅទីស្នាក់ការ​សាខា​កាកបាទក្រហមកម្ពុជា​ខេត្តស្វាយរៀង​បាន បើកចំកិច្ច​ប្រជុំបូកសរុប​លទ្ធផល​ការងារ​ប្រចាំឆ្នាំ ២០១៧ និងលើកទិស ដៅ​សម្រាប់អនុវត្ត​បន្តឆ្នាំ ២០១៨ ។ 


ដោយមាន​ការចូលរួម​ពីឯកឧត្តម ម៉ែន វិបុល ប្រធាន​គណៈកម្មា​ធិការ​សាខា ឯកឧត្តម ​លោកជំទាវ សមាជិក ​សមាជិការ គណៈកម្មា​ ធិការ​សាខាក្រុមប្រតិបត្តិ​សាខា ព្រមទាំង លោក លោកស្រី​ជាប្រធាន ​អនុប្រធាន​គណៈកម្មាធិការ​អនុសាខាទាំង ៨ ក្រុងស្រុក សរុបចំនួន ២៤ នាក់ ។ 
ឯកឧត្តម ម៉ែន វិបុល មានមតិលើកឡើង​ដោយអបអរសាទរ ​និងការចូលរួម​របស់ គណៈកម្មាធិការសាខា និងអនុសាខា​នាពេលនេះ សរបញ្ជាក់ឲ្យឃើញនូវស្មារតី និងការទទួលខុសត្រូវចំពោះសកម្មភាព​ដែលបាន​អនុវត្តន៍កន្លងមក ស្របទៅនឹង​យុទ្ធសាស្ត្រ​ទស្សនៈវិស័យ និងបេសកម្ម សកម្មភាពការងារ​ក្នុងវិស័យមនុស្សធម៌ រួមចំណែកកាត់បន្ថយភាព​ក្រីក្រជួយ​ដល់ជនងាយរងគ្រោះបំផុត ។


មានប្រសាសន៍បូកសរុប​កិច្ចប្រជុំឯកឧត្តម​ប្រធាន​គណៈកម្មាធិការ​សាខា បានឯកភាព​ក្នុងការកែរលំអរអគារទីស្នាក់ការ​សាខា និងអនុសាខា ឯកឧត្តមបាន​សំណូមពរ​ដល់អនុសាខាទាំង ៨ ក្រុង ស្រុក ត្រូវពង្រឹងបន្ថែម​លើការងារ​រដ្ឋបាល និងហិរញ្ញវត្ថុ ការងារស្វែងរក​មូលនិធិត្រូវជួយ គៀងគរមន្ថែម និយាយជារួមដោយ​ផ្តោតសំខាន់ទៅលើការរៀបចំ និងការប្រព្រឹត្ត​ទៅនៃការងារ​ស្នូល របស់សាខា និងអនុសាខាទាំងអស់​បានអនុវត្តតាម​វិស័យស្នូលទាំង ៤ ឲ្យមានដំណើរ​ការល្អស្របតាម អាណត្តិ​នៃការងារ ទោះបីមានការខ្វះចន្លោះក្នុងការចូលរួម​របស់គណៈកម្មាធិការសាខា មិនបានគ្រប់ សមាសភាពក៍ដោយ ក៍យើងនៅមាន​សមាជិក សមាជិការសកម្មក្នុង​ចលនាជួយ​បំផុស​គំនិត និងការផ្តួច ផ្តើមឲ្យមាន​ដំណើរការល្អ ។ ចំពោះអនុសាខាបើទោះបីការអនុវត្តទៅមានភាពខុសគ្នា មានចំណុចខ្លាំង និងចំណុចខ្សោយ ក៍នៅតែខិតខំប្រឹងប្រែងយកអស់ស្មារតីទទួលខុសត្រូវ ក្នុងការដោះស្រាយគ្រោះមហន្តរាយជូនប្រជាពលរដ្ឋដែលរងគ្រោះបានទាន់ពេលវេលា ។

 

សាខាកក្រកខេត្តកំពង់ឆ្នាំងចុះសួរសុខទុក្ខ ជនពិការនៅខេត្តកំពង់ឆ្នាំង

កក្រក ៖​ នាព្រឹ​កថ្ងៃអង្គារ៍ ៨រោច​ ខែបុស្ស ឆ្នាំរកា​ ព.ស ២៥៦១ ត្រូវនឹង​ថ្ងៃទី ៩ ខែមករា ឆ្នាំ២០១៨ នេះ នៅទីស្នាក់ការ​កណ្តាល​កាកបាទក្រហម​កម្ពុជា លោកជំទាវ ពុំ ចន្ទីនី អគ្គលេខាធិការ កាកបាទក្រហម​កម្ពុជា បានទទួល​ជួបសំណេះ​សំណាល និងទទួលអំណោយ ជាភួយ ចំនួន ២.០០០ (ពីរពាន់) ពីក្រុម​អ្នកស្ម័គ្រចិត្ត បាន គីមូន ដឹកនាំ​ដោយ លោកស្រី ហ៊ីយ៉ាន់ស៊ុក លី ប្រធានក្រុម​ការិយាល័យ ក្រុងជុងហ្សុ ​សរុបរួម​ចំនួន ៣៧នាក់។

 

ក្នុងឱកាសនោះដែរ លោកជំទាវ​អគ្គលេខាធិការ បានថ្លែងអំណរគុណ​ចំពោះ ក្រុមអ្នកស្ម័គ្រចិត្ត បាន គីមូន ដែលបានប្រគល់អំណោយ​ជូនកាកបាទក្រហម​កម្ពុជា ហើយកាកបាទក្រហមកម្ពុជា នឹងនាំយកអំណោយ​ទាំងនេះទៅជូនដល់​ប្រជាពលរដ្ឋ​ក្រីក្រឱ្យបានទាន់​ពេលវេលា ដោយមិនទុកឱ្យអ្នក​ដែលត្រូវការឱ្យ​ជួយនៅរង់ចាំ​យូរឡើយ។

 

ជាទីបញ្ចប់​លោកស្រី ហ៊ីយ៉ាន់ស៊ុក លី តំណាង​ឲ្យក្រុម​អ្នកស្ម័គ្រចិត្ត បានគីមូន បានថ្លែងអំណរគុណ​ចំពោះលោកជំទាវ​អគ្គលេខាធិការ​កាកបាទក្រហមកម្ពុជា បានអនុញ្ញាតឲ្យក្រុម​អ្នកស្ម័គ្រចិត្ត បានគីមូន បានចូលរួម​ចំណែកក្នុងការងារ​មនុស្សធម៌​ជាមួយកាកបាទក្រហម​កម្ពុជា​ដើម្បីកាត់បន្ថយភាព​ក្រីក្រដល់​ប្រជាពលរដ្ឋកម្ពុជា។

 

សាខាកក្រកខេត្តកំពង់ឆ្នាំងចុះសួរសុខទុក្ខ ជនពិការ

សាខាកក្រក​ខេត្តកំពង់ឆ្នាំង​ ៖​ នៅថ្ងៃទី​ ៧ ខែ មករា​ ឆ្នាំ២០១៨ នេះ​ សម្តេច​ចៅហ្វាវាំង ​គង់ សំអុល អនុប្រធាន​អចិន្រ្តៃយ៍​ កាកបាទក្រហមកម្ពុជា​ បានអញ្ជើញ​ជួបសំណេះសំណាល​ សួរសុខទុក្ខ​ និងចែកអំណោយ​ជូន​ ជនពិការ​ចំនួន ១០០ គ្រួសារ ដែល​ពិធីនេះប្រព្រឹត្ត​ទៅនៅសាលា​ខេត្តកំពង់ឆ្នាំង​។

 

ក្នុងនោះ​ផងដែរ សម្តេចចៅ​ហ្វាវាំង បានផ្តាំផ្ញើ​សារនឹករលឹក​ និងសួរសុខ​ទុក្ខបងប្អូន​ជនពិការ ពីសំណាក់​ សម្តេច​កិត្តិព្រឹទ្ធបណ្ឌិត ប៊ុន រ៉ានី​ ហ៊ុនសែន​ ប្រធាន​កាកបាទក្រហមកម្ពុជា ឱ្យបងប្អូន​ ចេះថែរក្សា​សុខភាព នឹងចេះគោរព​ច្បាប់ចរាចរណ៍​ឱ្យបានល្អ ។

 

គ្រួសារនីមួយៗទទួលបាន​ ៖​ អង្ករ ៣០ គ.ក ,មី​ ១ កេស​ ត្រីខ ១ យួរ, ឃីត ១ កញ្ចប់, ទឹកសុទ្ធ ១ ដប, នំប័ុង ១ ដើម និង​ ថវិកាចំនួន ៤ ម៉ឺនរៀល (ក្នុងនោះថវិកាសម្តេចផ្ទាល់ម្នាក់២០ ០០០រៀល) ។

 

ជនពិការចំនួន ១០០ គ្រួសារសប្បាយ​ចិត្ត រីករាយ​យ៉ាងខ្លាំង ដែលបាន​ទទួលអំណោយមនុស្សធម៌នេះ ​និងសូមជូនពរជ័យ​ដល់សម្តេច ព្រមទាំងថ្នាក់ដឹកនាំ​ទាំងអស់ជួបប្រទះនូវព្រះពុទ្ធពរទាំងបួន​ប្រការគឺ អាយុ​ វណ្ណៈ សុខៈ ពលៈ កុំបីអាក់ខានឡើយ៕

អនុសាខាកក្រកខណ្ឌមានជ័យចុះសួរសុខទុក្ខកម្មករ កម្មការិនីរោងចក្រនៅក្នុងសង្កាត់ស្ទឹងមានជ័យទី១

សាខាកក្រករាជធានីភ្នំពេញ៖​ នាល្ងាចថ្ងៃសៅរ៍ ៥រោច ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី​ ៦ ខែ​ មករា ឆ្នាំ ២០១៨នេះ ក្រុមការងារ​អនុសាខា​កាកបាទក្រហម​កម្ពុជា ខណ្ឌមានជ័យ ដឹកនាំដោយ លោក ឌី រ័ត្នខេមារុណ​ ប្រធាន​គណៈកម្មាធិការ​អនុសាខា បានចុះសាកសួរ​សុខទុក្ខ និងនាំយកអំណោយ​មនុស្សធម៌​របស់កាកបាទក្រហម​កម្ពុជា ដែលមាន សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុន សែន ជាប្រធាន ​ទៅចែកជូន​ដល់បងប្អូន​កម្មករ កម្មការិនី​រោងចក្រ ចំនួន៣០គ្រួសារ រស់នៅក្នុង​សង្កាត់ស្ទឹងមានជ័យទី១ ។

 

មានប្រសាសន៍នាឱកាសនោះ លោកប្រធាន​គណៈកម្មាធិការ​អនុសាខា បានពាំនាំនូវ​បណ្តាំផ្ញើសាកសួរសុខទុក្ខពីសំណាក់​សម្តេចកិត្តិព្រឹទ្ធ​បណ្ឌិតប្រធាន ប៊ុន រ៉ានី ហ៊ុន សែន ជូនដល់បងប្អូន​កម្មករ កម្មការិនីទាំងអស់​ប្រកបដោយ​សេចក្តីនឹករលឹក ព្រមទាំងសូម​ឲ្យបងប្អូនទាំងអស់​ត្រូវយកចិត្តទុកដាក់​គិតគូរពីសុខភាព បរិភោគចំណីអាហារ​ដែលមានជីវជាតិ ​និងសូមប្រុងប្រយត្ន័​បង្ការចំពោះគ្រោះអគ្គីភ័យ ព្រមទាំងបើកបរត្រូវគោរព​ច្បាប់ចរាចរណ៍​ ។

 

អំណោយមនុស្សធម៌​ដែលគ្រួសារ​នីមួយៗទទួលបានរួមមាន៖ អង្ករ​​៣០គីឡូក្រាម មី១កេស ទឹកត្រី១យួរ ទឹកសុីអុីវ១យួរ ទឹកសុទ្ធ១យួរ​ និងថវិកាចំនួន១មុឺនរៀល ៕

 

1 2 3 4 5 Next Last