អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញចុះសួរសុខទុក្ខ កុមារពិការ នៅបុរីទារក នៅភូមិតំណាក់៣ សង្កាត់ស្ទឹងមានជ័យ ខណ្ឌមានជ័យ

កក្រក​ ៖​ នៅព្រឹកថ្ងៃពុធ​ ៣កើត​ ខែជេស្ឋ​ ឆ្នាំកុរ​ ឯកស័ក​ ព.ស.២៥៦៣​ ត្រូវនឹង​ថ្ងៃទី ៥ ខែមិថុនា ឆ្នាំ២០១៩​ នេះ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហ​មកម្ពុជា និងគណៈប្រតិភូ​ បានអញ្ជើញ​ចុះសួរសុខទុក្ខ​ ផ្តល់អំណោយ​មនុស្សធម៌​ និងរៀបចំ​អាហារដល់​ កុមារពិការ បុគ្គលិក​ និង​អ្នកស្ម័គ្រចិត្តបរទេស​ចំនួន​ ២២៥នាក់ នៃបុរីទារក ​និងកុមារជាតិ និងកុមារ-បុគ្គលិក​ ចំនួន​ ៥០នាក់​ នៃអង្គការទន្សាយ​ (មានថ្នាក់រៀននៅក្នុង​បុរីទារកនិងកុមារជាតិ)​ ដែលស្ថិត​នៅភូមិ​តំណាក់៣ សង្កាត់ស្ទឹងមានជ័យ​ ខណ្ឌមានជ័យ រាជធានីភ្នំពេញ។

ក្នុងឱកាសនោះ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ បានថ្លែងអំណរគុណ​ និងកោតសរសើរចំពោះ លោកគ្រូ អ្នកគ្រូ បុគ្គលិក​ទាំងអស់ ពិសេស អ្នកស្ម័គ្រ​ចិត្តបរទេស ដែលបាន​បរិច្ចាគកម្លាំង​កាយ-ចិត្ត ចូលរួម​មើលថែទាំ​កុមារដោយក្តី​អាណិតស្រឡាញ់ ពិតៗ​ និងសូមបន្តយកចិត្ត​ទុកដាក់ថែទាំក្មួយៗកុមារទាំងអស់​នោះទៀត។ ជាមួយគ្នានេះ​ សម្តេចកិត្តិព្រឹទ្ធបណ្ឌិត​ប្រធាន​ បានផ្តាំផ្ញើ​ដលកុមារ-សិស្ស​ដែលមាន​កាយសម្បទាល្អ​ ត្រូវកសាងអំពើល្អ​ ខិតខំរៀនសូត្រ​ ស្តាប់លោកគ្រូអ្នកគ្រូ​ និងមានសីលធម៌ល្អក្នុងការរស់នៅ​។

ទន្ទឹមនឹងនេះ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ និងគណៈប្រតិភូ​ បានអញ្ជើញ​ជួបសួរសុខទុក្ខដោយផ្ទាល់ ផ្តល់ក្តីអាណិត​ ស្រឡាញ់ មេត្តា ករុណា​ និងបញ្ចុកអាហារ​ដ៏ឆ្ងាញ់ពិសា​ដល់កុមារ​ទាំងអស់ដោយក្តី​ស្និទ្ធស្នាលជាទីបំផុត។

សូមបញ្ជាក់ថា​ អំណោយឧបត្ថម្ភដល់​ បុរីទារក និង កុមារជាតិ​ និងអង្គការទន្សាយ​ រួមមាន​ ៖​ ថវិកា ១០,០០០,០០០រៀល អង្ករ ៣តោន មី ៥០កេស ត្រីខ ៨កេស ត្រីងៀត​ ១៥គីឡូក្រាម​ សាច់ក្រក​ ១៥គីឡូក្រាម​ ទឹកស៊ីអ៊ីវ​ ៣០ដប​ ទឹកត្រី​ ៣០ដប​ ទឹកក្រូច ៣០កេស ទឹកបរិសុទ្ធ ៣០កេស ផ្លែក្រូចឃ្វិច​ ៥កេស​ ផ្លែទំពាំងបាយជូរ​ ៥កេស​ ទឹកដោះគោម្សៅកូនក្មេង​ ៣០កេស​ (ស្មើ​ ១៨០កំប៉ុង)​ សាប៊ូកក់សក់និងសាប៊ូដុសខ្លួន​ ២០កេស​ និងរទេះជនពិការចំនួន​ ៤០គ្រឿង​ ព្រមទាំងឧបត្ថម្ភថវិកាចំនួន​ ៣,៥០០ដុល្លារ​ ដើម្បីទិញម៉ូតូកង់បីទុកប្រើ​ប្រាស់។ ឧបត្ថម្ភដល់បុគ្គលិកចំនួន​ ៩០នាក់​ ម្នាក់ៗទទួលបាន​ អង្ករ​ ៣០គីឡូក្រាម​ ឃីត(មុង​ ភួយ​ សារុង​ ក្រមា)​ ១ឃីត​ និងថវិកា​ ១០ម៉ឺនរៀល។ ឧបត្ថម្ភសិស្ស​កំពុងរៀនជំនាញវិជ្ជាជីវៈ​នៅក្នុងមណ្ឌលចំនួន​ ១៧នាក់​ ក្នុងម្នាក់ៗថវិកា​ ១០ម៉ឺនរៀល​ និងឧបត្ថម្ភ​អ្នកស្ម័គ្រចិត្តបរទេសចំនួន​ ៤នាក់​ នូវ​ ក្រមាកាកបាទក្រហម​ ១​ និងថវិកា​ ១០ម៉ឺន​រៀល​។

គួររំលឹកថា​ នេះជាលេីកទី​ ៤​ ដែល​កាកបាទក្រហមកម្ពុជា​ បានចុះសួរសុខទុក្ខ​ និងផ្តល់អំណោយ​ដល់បុរីទារក​ និងកុមារជាតិ​ គិតចាប់ពីឆ្នាំ២០១៦​ រៀងមក៕

អនុសាខាកាកបាទក្រហមកម្ពុជា ស្រុកកំពង់ត្រាច ចុះសួរសុខទុក្ខ ផ្តល់ជូនប្រជាពលរដ្ឋរងគ្រោះដោយខ្យល់កន្រ្តាក់ នៅក្នុង ឃុំដំណាក់កន្ទួតខាងជើង ស្រុកកំពង់ត្រាច

សាខាកក្រក​ខេត្តកំពត ៖ នៅព្រឹក​ថ្ងៃអង្គារ ​២កើត ខែជេស្ឋ ឆ្នាំកុរ​ ឯកស័ក ព.ស. ២៥៦៣ ត្រូវនឹង​ថ្ងៃទី ៤ ខែ មិថុនា ឆ្នាំ២០១៩ អនុសាខា​កាកបាទក្រហមកម្ពុជា ​ស្រុកកំពង់ត្រាច ​ដឹកនាំដោយលោក​ អូន ខន ប្រធានកិត្តិយសអនុសាខា ​និងសហការី បាន​ចុះសួរសុខទុក្ខ​ និងនាំយកអំណោយ​មនុស្សធម៌របស់​កាកបាទក្រហមកម្ពុជា ទៅផ្តល់​ជូនប្រជាពលរដ្ឋ​រងគ្រោះដោយខ្យល់កន្រ្តាក់ ​ចំនួន ៤គ្រួសារ ស្ថិតនៅ​ក្នុងភូមិអូរស្លែង ឃុំដំណាក់កន្ទួត​ខាងជើង ​ស្រុកកំពង់ត្រាច​ ខេត្តកំពត។

នាឱកាសនោះ លោកប្រធាន ​បានពាំនាំមក​នូវប្រសាសន៍ផ្តាំផ្ញើ​សួរសុខទុក្ខ​ពីសំណាក់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែល​ជានិច្ចកាលសម្តេច​តែងតែគិតគូរពីសុខទុក្ខរបស់បងប្អូនប្រជាពលរដ្ឋ​ជួបការលំបាក ទីទ័លក្រ មានជំងឺ ​ជនងាយរងគ្រោះ ​ជនរងគ្រោះដោយ​គ្រោះមហន្តរាយផ្សេងៗ ដោយមិនប្រកាន់រើស​អើងវណ្ណៈ ជាតិសាសន៍​ ពណ៌សម្បុរ ឬនិន្នាការនយោបាយ​អ្វីឡើយ និង​ផ្តាំផ្ញើដល់បងប្អូនប្រជាពលរដ្ឋ​ទាំងអស់ប្រកាន់​យកនូវ អនាម័យល្អ​ ហូបស្អាត ផឹកស្អាត និងរស់នៅស្អាត ​ខិតខំប្រឹងប្រែង​បង្ករបង្កើនផល និងប្រកប​មុខរបរផ្សេងៗ​ដើម្បីទ្រទ្រង់ជីវភាពគ្រួសារ​បានល្អប្រសើរឡើង។

អំណោយ​ដែលផ្ដល់ជូន​រួមមាន ៖ អង្ករ ២៥គីឡូក្រាម មី ១កេស ត្រីខ ១០កំប៉ុង ទឹកត្រី ១យួរ ទឹកស៊ីអ៊ីវ ១យួរ កៅស៊ូតង់១ និងថវិកាមួយចំនួនផងដែរ៕

 

ប្រជាពលរដ្ឋរងគ្រោះដោយខ្យល់កន្ត្រាក់ នៅ ស្រុក សណ្តាន់ ទទួលអំណោយមនុស្សធម៌

សាខាកក្រក​ខេត្តកំពង់ធំ៖ នាព្រឹក​ថ្ងៃអង្គារ ២កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនិង​ថ្ងៃទី៤ ខែ មិថុនា ឆ្នាំ២០១៩ នេះ លោកជំទាវ ​លំគន្ធារី សមាជិក​កិត្តយសសាខា​កាកបាទក្រហមកម្ពុជា​ ខេត្តកំពង់ធំ តំណាងឯកឧត្តម សុខ លូ ប្រធាន​គណៈកម្មាធិការ​សាខាកាកបាទក្រហមកម្ពុជា ​ខេត្តកំពង់ធំ រួមជាមួយសមាជិក សមាជិកាគណ:កម្មាធិការ ​នាយិកាសាខា ​បាននាំយកអំណោយមនុស្សធម៌​កាកបាទក្រហមកម្ពុជា ទៅផ្តល់ជូនប្រជាពលរដ្ឋ​រងគ្រោះដោយខ្យល់កន្ត្រាក់​ ចំនួន ១៣ គ្រួសារ កាលពីថ្ងៃទី ២ ​ខែមិថុនា ឆ្នាំ២០១៩ ​ស្ថិតក្នុង ឃុំ សណ្តាន់​ ស្រុក សណ្តាន់ ខេត្តកំពង់ធំ ។

នៅក្នុងឱកាសនោះដែរ​លោកជំទាវបានពាំនាំ​នូវប្រសាសន៏ផ្តាំផ្ញើរ​សាកសួរសុខទុក្ខ​ពីសំណាក់ ​សម្តេចកិតិ្តព្រឹទ្ធបណ្ឌិត ប៊ុន រានី ហ៊ុនសែន​ ប្រធានកាកបាទក្រហម​កម្ពុជា ចូលរួមសោកស្តាយ​ជាមួយបងប្អូន​ប្រជាពលរដ្ឋ ដែលរងគ្រោះ​ដោយសារខ្យល់កន្ត្រាក់​បណ្តាលអោយខូចខាត​ទ្រព្យសម្បត្តិ ​និងសូមឱ្យ​បងប្អូនមានកាប្រុងប្រយ័ត្នខ្ពស់​ នៅពេលភ្លៀង​ត្រូវបិទទូរស័ព្ទ​បើនៅតាមទីវាល​ត្រូវរកកន្លែង​ដែលមានសុវត្តិភាពជ្រក ។

បន្ថែមក្នុងពេលនោះ​ដែរ លោកជំទាវ​សូមឱ្យប្រជាពលរដ្ឋទាំងអស់​សូមបើកបរត្រូវពាក់​មួកសុវត្តិភាព និងសូមមានការប្រុងប្រយ័ត្នខ្ពស់​ត្រូវគោរពច្បាប់ចរាចរណ៏​ ហើយរស់នៅប្រកប​ដោយអនាម័យជានិច្ច​ ទាំងការសម្រាកត្រូវសម្រាកក្នុងមុង​ជាប្រចាំ ដើម្បីជៀសផុត​ពីជំងឺផ្សេងៗ ជៀសឆ្ងាយពី​ការប្រើប្រាស់គ្រឿងញៀន ទប់ស្កាត់ការប្រើអំពើហិង្សា​ក្នុងគ្រួសារ ​និងសង្គមជាតិ​ដើម្បីកាត់បន្ថយ​នូវភាពក្រីក្រ ។

សូមបញ្ជាក់ថាសម្ភារ​ដែលផ្តល់ជូនក្នុង​មួយគ្រួសារទទួលបាន ៖ អង្ករ ៣០គីឡូក្រាម, មី១កេស, ត្រីខ ១០ កំប៉ុង , មុង១ , ភួយ១ , សារុង១ និងក្រមា ១ ។
ចំណែកគ្រួសារ​រងផលប៉ះពាល់​រលំផ្ទះទាំងស្រុង​ចំនួន ១គ្រួសារ​ទទួលបាន ៖ អង្ករ ៣០គីឡូក្រាម, មី១កេស , ត្រីខ ១០ កំប៉ុង , មុង១ , ភួយ១ , សារុង១ ក្រមា១ , តង់១ , កន្ទេល១ និងឆ្នាំង២៕

 

សាខាកាកបាទក្រហមកម្ពុជា ខេត្តស្ទឹងត្រែង ចុះសួរសុខទុក្ខ ស្រ្តីក្រីក្រដែលមានជំងឺសន្លាក់ប្រចាំកាយ កំពុងសម្រាកព្យាបាលនៅមន្ទីរពេទ្យបង្អែក

សាខាកក្រកខេត្តស្ទឹងត្រែង៖ ​នារសៀលថ្ងៃអង្គារ​ ២កើត ខែជេស្ឋ ឆ្នាំកុរ ​ឯកស័ក ព.ស ២៥៦៣ ​ត្រូវនឹងថ្ងៃ ទី៤ ខែមិថុនា ឆ្នាំ ២០១៩នេះ សាខា​កាកបាទក្រហមកម្ពុជា ខេត្តស្ទឹងត្រែង ​ដឹកនាំដោយ​ លោក សាយ ព្រលឹង នាយកប្រតិបត្តិ​សាខា រួមជាមួយ​អនុសាខាក្រុងស្ទឹងត្រែង​ ចុះសួរសុខទុក្ខ​ និងនាំយក​អំណោយ​មនុស្សធម៌កាកបាទក្រហម​កម្ពុជា ទៅផ្តល់ជូន​ស្រ្តីក្រីក្រដែលមាន​ជំងឺសន្លាក់ប្រចាំកាយ ​កំពុងសម្រាក​ព្យាបាលនៅមន្ទីរពេទ្យបង្អែក​ខេត្តស្ទឹងត្រែង ​មានឈ្មោះ សាន រដ្ឋា ភេទស្រី អាយុ ១៥ឆ្នាំ រស់នៅភូមិ ខាំផាន់ សង្កាត់សាមគ្គី ក្រុងស្ទឹងត្រែង ​ខេត្តស្ទឹងត្រែង ។

នៅក្នុងឱកាស​នោះដែរលោកនាយក​ បានពាំនាំ​ប្រសាសន៍ផ្តាំផ្ញើ​សាកសួរសុក្ខទុក្ខ​ពីឯកឧត្តម​ ម៉ុម​ សារឿន​ ប្រធានកិត្តិយស​សាខា ដែលលោក​តែងតែយកចិត្ត​ទុកដាក់ខ្ពស់ ​អំពីសុខទុក្ខ​របស់ប្រជាពលរដ្ឋ​ទាំងអស់ ជាពិសេសបងប្អូន​ប្រជាពលរដ្ឋ​នៅតាមភូមិឃុំជនបទ​ដាច់ស្រយាល​ ដែលសុខទុក្ខ​របស់បងប្អូន​ប្រជាពលរដ្ឋទាំងអស់ គឺជា​ការយកចិត្តទុកដាក់​ខ្ពស់របស់​កាកបាទក្រហមកម្ពុជា ​ដោយមិនប្រកាន់​រើសអើង​ពីវណ្ណៈជាតិសាសន៍ ពណ៍សម្បុរ ឬនិន្នាការនយោបាយ​ អ្វីទាំងអស់។

សូមបញ្ជាក់ថាអំណោយ​ដែលផ្តល់ជូន​នាពេលនោះ​រួមមាន៖ អង្ករ ៥០គីឡូក្រាម, ឃីតអ្នកជំងឺ១, កន្ទេល១ , មី១កេស , ត្រីខ ១០កំប៉ុង, និងថវិកាមួយចំនួន៕

 

សាខាកាកបាទក្រហមកម្ពុជា ខេត្តក្រចេះ បាននាំយកអំណោយមនុស្សធម៌ ទៅចែកជូនដល់គ្រួសារក្រីក្រ ចាស់ជរា និង គ្រួសាររងគ្រោះដោយខ្យល់កន្រ្តាក់ នៅឃុំចង្រ្កង់ ស្រុកចិត្របុរី

សាខាកក្រក​ខេត្តក្រចេះ ៖ នៅព្រឹកថ្ងៃអង្គារ ​២កើត ខែជេស្ឋ ឆ្នាំកុរ ឯកស័ក ព.ស ២៥៦៣​ ត្រូវនិងថ្ងៃទី​៤ ខែ មិថុនា ឆ្នាំ២០១៩ នេះ លោក គង់ សុជាតិ លេខាធិការ​ គណៈកម្មាធិការ​សាខាកាកបាទក្រហម​កម្ពុជា ខេត្តក្រចេះ លោក លោកស្រី ក្រុមប្រតិបត្តិ​សាខា និងមន្រ្តីអនុសាខា​ស្រុកចិត្របុរី បាននាំយក​អំណោយមនុស្សធម៌កាកបាទក្រហម​កម្ពុជា ទៅចែកជូនដល់​គ្រួសារក្រីក្រ ចាស់ជរា និង គ្រួសាររងគ្រោះ​ដោយខ្យល់កន្រ្តាក់​ សរុបចំនួន ១៥ គ្រួសារ ​នៅមូលដ្ឋាន​ឃុំចង្រ្កង់ ស្រុកចិត្របុរី ​ខេត្តក្រចេះ ។

នៅក្នុងឱកាសសំណះសំណាល​នោះដែរ លោកក៏បានពាំនាំ​ប្រសាសន៍ផ្តាំផ្ញើសួរ​សុខទុក្ខពីសំណាក់ ​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន​ ប្រធានកាកបាទក្រហម​កម្ពុជា ជូនដល់​បងប្អូនប្រជាពលរដ្ឋ​ទាំងអស់ឱ្យថែទាំសុខភាព ឱ្យបានល្អ ត្រូវរស់នៅស្អាត​ ពិសាទឹកឆ្អិន និងគេងក្នុង​មុងជានិច្ច ពិសេស​សូមជួយមើល​ថែទាំ ក្មេងៗនិងចាស់ជរា ​ឱ្យបានល្អ ។

ជាមួយគ្នានេះលោក​ក៏បានបានចូលរួមសោកស្តាយ​ជាខ្លាំង ជាមួយបងប្អូន​ប្រជាពលរដ្ឋ​ដែលរងគ្រោះដោយសារខ្យល់កន្ត្រាក់​នេះដែល​បានបណ្តាលឱ្យ​ខូចខាតទ្រព្យសម្បត្តិ​ ដោយហេតុការណ៏នេះ ​ព្រមទាំងបានផ្តាំផ្ញើសូមឱ្យបងប្អូន​មានការប្រុងប្រយ័ត្ន ​នៅពេលភ្លៀង​ត្រូវបិទទូរស័ព្ទ​ បើនៅតាមទីវាលត្រូវ​រកកន្លែងដែល​មានសុវត្ថិភាពជ្រក។

សូមបញ្ជាក់ថា​អំណោយដែលបាន​ចែកជូនគ្រួសាររងគ្រោះ​នាពេលនោះសម្រាប់​គ្រួសាររងដោយ​ខ្យល់កន្រ្តាក់ ៤គ្រួសារ​ ក្នុង១គ្រួសារទទួល​បាន៖ អង្ករ ២៥ គីឡូក្រាម, សារុង១, ភួយ ១, មុង ១, ក្រមា១, មី ១ កេស, ត្រីខ ១០ កំប៉ុង, តង់ ១ និង ថវិកា​មួយចំនួន។ ដោយឡែក​សម្រាប់គ្រួសារ​ក្រីក្រ ចាស់ជរា ១១គ្រួសារ ក្នុង១គ្រួសារទទួលបាន៖ អង្ករ ២៥ គីឡូក្រាម , សារុង ១, ភួយ ១, មុង ១, ក្រមា ១, មី ១ កេស, ត្រីខ ១០ កំប៉ុង និង​ថវិកាមួយចំនួន៕

 

សាខាកាកបាទក្រហមកម្ពុជាខេត្តត្បូងឃ្មុំ ចុះសួរសុខទុក្ខ ប្រជាពលរដ្ឋរងគ្រោះដោយអគ្គីភ័យ នៅភូមិតាប៉ាវ ឃុំទួលស្នួលស្រុកក្រូចឆ្មារ

សាខាកក្រក ខេត្តត្បូងឃ្មុំ៖ នៅព្រឹកថ្ងៃអង្គារ  ២កើត ខែជេស្ឋ ឆ្នាំកុរ ឯកស័ក ព.ស ២៥៦៣  ត្រូវនិងថ្ងៃទី ៤ ខែមិថុនាឆ្នាំ ២០១៩ នេះ សាខាកាកបាទក្រហមកម្ពុជា​ខេត្តត្បូងឃ្មុំ ​ដឹកនាំដោយ ​ឯកឧត្តម ​ហាក់ សុខមករា សមាជិក​កិត្តិយសសាខា មន្ត្រីប្រតិបត្តិសាខា​ ប្រធានអនុសាខា​ និងសហការី បានអញ្ជើញ​ចុះសួរសុខទុក្ខ និងនាំយក​អំណោយមនុស្សធម៌​កាកបាទក្រហមកម្ពុជា ​ទៅចែកជូនប្រជាពលរដ្ឋ​រងគ្រោះដោយ​អគ្គីភ័យឆេះផ្ទះ ៣គ្រួសារ កាលពីយប់ថ្ងៃទី ​៣ ខែមិថុនា ឆ្នាំ២០១៩ នៅភូមិតាប៉ាវ​ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ ។

ក្នុងឱកាសជួប​សំណេះសំណាល ជាមួយ​គ្រួសាររងគ្រោះ ឯកឧត្តម បានពាំនាំ​នូវប្រសាសន៍ផ្តាំផ្ញើ​សួរសុខទុក្ខពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា​ ជូនចំពោះបងប្អូន​រងគ្រោះ ព្រមទាំងបានសោកស្តាយ​ចំពោះបងប្អូនដែល​បានជួបគ្រោះអគ្គីភ័យ​ដែលបណ្តាលឲ្យ​ឆេះខូចខាត​ផ្ទះសម្បែង និងទ្រព្យសម្បត្តិ​អស់ជាច្រើន ។

បន្ថែមលើនោះ​ ឯកឧត្តម បានលើកទឹកចិត្ត​ឱ្យបងប្អូនខិតខំ​ប្រកបរបរទទួលទាន​បន្ថែមទៀត ដើម្បីស្តារជីវភាព​គ្រួសារឡើងវិញ ហើយ​អំណោយដ៏តិចតូច​នេះ មិនអាចស្មើ​និងការខូចខាត​របស់បងប្អូន​ឡើយ តែក្នុងនាមថ្នាក់ដឹកនាំ ក៏ដូច​ជាកាកបាទក្រហម​កម្ពុជា តែងតែ​គិតគូរ និងជួយសម្រាល​នូវទុក្ខលំបាករបស់បងប្អូនបានមួយគ្រា។

សូមបញ្ជាក់ថាអំណោយ​ដែលបានផ្តល់ជូន​គ្រួសាររងគ្រោះ​ឆេះផ្ទះទាំងស្រុង​ចំនួន២ គ្រួសារ ក្នុងមួយគ្រួសារ​ទទួលបាន៖ អង្ករ ៥០ គីឡូក្រាម, ត្រីខ ១០កំប៉ុង,​ទឹកត្រី ១យួរ,ទឹកស៊ីអ៊ីវ ១យួរ,​មី ១កេស, ទឹកសុទ្ធ ១កេស, កន្ទេល មុង ភួយ ខ្នើយ ​ធុងទឹក ឆ្នាំងចាន និងថវិកាមួយ​ចំនួន។ ចំណកមួយគ្រួសារ​ទៀតដែលរងគ្រោះ​ឆេះជញ្ជាំង១ចំហៀង ក៍បានទទួល​ថវិកាឧបត្ថម្ភ​មួយចំនួនផងដែរ៕

 

សាខាកាកបាទក្រហមកម្ពុជា ខេត្តព្រះសីហនុ ចុះសួរសុខទុក្ខ គ្រួសាររងគ្រោះដោយសារអគ្គីភ័យ

សាខាកក្រក​ខេត្តព្រះសីហនុ ៖ នៅព្រឹកថ្ងៃអង្គារ ​២កើត ខែជេស្ឋ ​ឆ្នាំកុរ ឯកស័ក ព.ស.២៥៦៣​ ត្រូវនឹងថ្ងៃទី ៤ ខែមិថុនា ឆ្នាំ២០១៩ សាខាកាកបាទក្រហម​កម្ពុជា ខេត្តព្រះសីហនុ ​ដឹកនាំដោយឯកឧត្តម​ យន្ត មីន ប្រធានគណៈកម្មាធិការសាខា បានអញ្ជើញ​ចុះសួរសុខទុក្ខ និងនាំយកអំណោយ​មនុស្សធម៌របស់​កាកបាទក្រហមកម្ពុជា ជូនដល់លោក​ ណុប ភេន អាយុ ៥៨ឆ្នាំ រងគ្រោះដោយសារ​អគ្គីភ័យឆេះផ្ទះអស់ ​ចំនួន ១ខ្នង កាលពីថ្ងៃទី ៣ ខែ មិថុនា ឆ្នាំ ២០១៩ កន្លងទៅ ​ស្ថិតនៅក្រុម១៨​ ភូមិ៣ ទំនប់រលក សង្កាត់លេខ១​ ក្រុងព្រះសីហនុ​ ខេត្តព្រះសីហនុ។

នាឱកាសនោះ ឯកឧត្តម​ប្រធាន បានចូលរួម​សោកស្តាយចំពោះឧបទ្ទវហេតុ​ភ្លើងឆេះផ្ទះនេះ​ បណ្ដាលឲ្យខូចខាតផ្ទះសំបែង​ និងបាត់បង់ទ្រព្យសម្បត្តិ​ជាច្រើន ហើយ​កុំអស់សង្ឃឹម ​ត្រូវខិតខំប្រកបរបរ​ចិញ្ចឹមជីវិត ដើម្បីស្តារជីវភាព​គ្រួសារឡើងវិញ។ ​ជាមួយគ្នានោះ​ ឯកឧត្តម​ក៏សូមអំពាវនាវ ​ដល់បងប្អូនប្រជាពលរដ្ឋទាំងអស់ សូមមេត្តាប្រុងប្រយត័្នឲ្យ​បានខ្ពស់ក្នុងការបង្ការ​ចំពោះគ្រោះអគ្គីភ័យ​នេះ ចៀសវាងកើតឡើង​ដូចករណីខាងលើ។

អំណោយដែលបាន​ផ្ដល់ជូនរួមមាន ​៖ អង្ករ ៥០គីឡូក្រាម ត្រីខ ១០កំប៉ុង មី ១កេស មុ១ ភួយ១ សារុង១ ក្រមា១ តង់១ កន្ទេល១ និងថវិកាមួយ​ចំនួនផងដែរ៕

ពិធីទទួលទេយ្យទានសប្បុរសធម៌ពី ព្រះចៅអធិការវត្តឧត្តរាវតី ក្នុងខណ្ឌប្ញស្សីកែវ

សាខាកក្រករាជធានីភ្នំពេញ៖ នាថ្ងៃចន្ទ​ ១កើត ខែជេស្ឋ​ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ០៣ ខែ​ មិថុនា ឆ្នាំ ២០១៩​ ក្រុមការងារ​អនុសាខាកាកបាទក្រហមកម្ពុជា​ ខណ្ឌឬស្សីកែវ ដឹកនាំដោយ ឯកឧត្តម ជា ពិសី ប្រធានកិត្តិយស​អនុសាខា បានអញ្ជេីញទៅទទួល​ទេយ្យទានសប្បុរសធម៌​ពីព្រះតេជគុណ​ទីបធម្មោ ម៉ុក ប៊ុនសុធា​ ព្រះចៅអធិការវត្តឧត្តរាវតី ។

ក្នុងឱកាសនោះ ឯកឧត្តម​ប្រធានកិត្តិយសអនុសាខា បានមាន​ប្រសាសន៍សូមថ្លែងអំណរព្រះគុណចំពោះព្រះតេជគុណទីបធម្មោ​ ម៉ុក ប៊ុនសុធា ព្រមទាំង​បានសន្យានឹងចាត់ចែង​ប្រើប្រាស់នូវ​ទេយ្យទាន​ទាំងនេះជួយឲ្យដល់ដៃជនរងគ្រោះ​គ្រប់ប្រភេទ ឲ្យស្របតាម​គោលការណ៍គ្រឹះ​ទាំង៧ប្រការរបស់​ចលនាកាកបាទក្រហម ។

ជាការឆ្លើយតប ព្រះតេជគុណទីបធម្មោ ​បានមានព្រះថេរដីកា​គាំទ្រ និងមានទឹកព្រះទ័យ​រីករាយ ក្នុងការចូលរួមចំណែកជាមួយសកម្មភាព​មនុស្សធម៌របស់​កាកបាទក្រហមកម្ពុជា ។

ទេយ្យទានដែលអនុសាខា​ទទួលបាន​រួមមាន៖​ អង្ករ៨បាវ ទឹកត្រី៣យួរ ទឹកស៊ីអ៊ីវ៣យួរ ​ទឹកសុទ្ធ១២កេស​ មី១៥០កញ្ចប់ ទឹកផ្លែឈើ១០កេស ​ទឹកដោះគោ៥០កំប៉ុង តែ៥០កញ្ចប់​ ស្ករស៤០គីឡូក្រាម អំបិល២០គីឡូក្រាម ត្រីខ៥០កំប៉ុង ​សម្ភារៈប្រើប្រាស់១០​សម្រាប់​ និងថវិកាចំនួន​៣លានរៀល​ ៕

 

សាខាកាកបាទក្រហមកម្ពុជាខេត្តស្វាយរៀង ចុះសួរសុខទុក្ខ គ្រួសាររងគ្រោះដោយសារខ្យល់កន្ត្រាក់

សាខាកក្រក​ខេត្តស្វាយរៀង៖ថ្ងៃចន្ទ ៣កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ៣ ខែ មិថុនា ឆ្នាំ ២០១៩ ក្រុមការងារ​សាខាកាកបាទក្រហមកម្ពុជា​ខេត្តស្វាយរៀង ដឹកនាំដោយ​លោកជំទាវ ពៅ សុភាព តំណាងឯកឧត្តម ម៉ែន វិបុល ​ប្រធានគណៈកម្មាធិការសាខា បាននាំយកអំណោយ​មនុស្សធម៌ របស់សាខា​ចុះសួរសុខទុក្ខ ​និងចែកអំណោយ​ដល់គ្រួសាររងគ្រោះដោយសារ​ខ្យល់កន្ត្រាក់​កាលពីថ្ងៃទី ២ ខែ មិថុនា ឆ្នាំ ២០១៩ ​បណ្តាលឲ្យប៉ះពាល់ផ្ទះ​ប្រជាពលរដ្ឋ ក្នុងស្រុក ៣ នៅខេត្តស្វាយរៀង ស្រុកស្វាយទាប នៅឃុំកណ្តៀងរាយ ខូចខាតទាំងស្រុង ៨ ខ្នង មធ្យម ១១ ខ្នង ស្រុកកំពង់រោទិ៍នៅ ឃុំញរ ខូចខាតទាំងស្រុង ១ ខ្នង ​ថ្ងៃដដែលនោះដែរ ​នៅស្រុករមាសហែក​ ឃុំក្រសាំង​ ខូចខាតទាំងស្រុង ១ ខ្នង មធ្យម ១ ខ្នង សរុប ២២ ខ្នង ក្នុងនោះខូចខាតទាំងស្រុងចំនួន ១០ ខ្នង មធ្យម ១២ ខ្នង ។ 


មានប្រសាសន៍ក្នុងឱកាសនោះ លោកជំទាវ ពៅ សុភាព បានពាំនាំនូវប្រសាសន៍ផ្ដាំផ្ញើសួរសុខទុក្ខ និងសេចក្ដីនឹករលឹកពី​សំណាក់សម្ដេច​កិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ជូនដល់បងប្អូន​ប្រជាពលរដ្ឋដែល​រងគ្រោះ​ ហើយជានិច្ចកាល​សម្ដេច តែងតែគិតគូរ​ពីសុខទុក្ខ និងជំរុញឲ្យមាន​ការដោះស្រាយបញ្ហានា​នារបស់បងប្អូន​ប្រជាពលរដ្ឋគ្រប់ពេលវេលា​ និងគ្រប់ទីកន្លែង ​។ ទន្ទឹមនេះ លោកជំទាវ​ក៏បានផ្ដាំផ្ញើដល់បងប្អូន​ប្រជាពលរដ្ឋ​ទាំងអស់ត្រូវមាន​ការប្រុងប្រយ័ត្ន​ខ្ពស់ពីសុវត្ថិភាពផ្ទាល់ខ្លួន និងក្រុមគ្រួសារ ​ដោយត្រូវបិទ​ទូរទស្សន៍ ទូរសព្ទ នៅពេល​មានភ្លៀងធ្លាក់ ដែលងាយ​នឹងបង្កឲ្យមានគ្រោះថ្នាក់​ដោយសារ​រន្ទះ ឬខ្យល់កន្ត្រាក់ រកកន្លែង​ដែលមានសុវត្ថិភាព ត្រូវមើលថែទាំ​កូនចៅឲ្យបានល្អ ជាពិសេស​ក្មេងតូចៗ​កុំឲ្យលេងទឹកដែល​អាចបង្កឲ្យមានគ្រោះថ្នាក់ដោយ​ករណីលង់ទឹក ត្រូវថែរក្សាសុខភាព ​និងមានអនាម័យល្អ​ក្នុងការរស់នៅ​ ត្រៀមឧបករណ៍​ សម្ភារ ពូជសម្រាប់​ការងារ​បង្កបង្កើនផលនារដូវវស្សាហ៍​ខាងមុខឲ្យបាន​ទាន់ពេលវេលា ។


អំណោយដែលបាន​ចែកជូនគ្រួសាររងគ្រោះ​ទាំងស្រុង ១០ គ្រួសារក្នុង ១ គ្រួសារ ទទួលបាន អង្ករ ៣០ គ.ក្រ កៅស៊ូតង់ ១ ធុងទឹកជ័រ ១ ឆ្នាំងបាយ សម្ល ២ មី ១ កេស ត្រីខ ១០ កំប៉ុង ទឹកស៊ីអ៊ីវ ៦ ដប កន្ទេលបត់ ១ មុង ១ ភួយ ១ ក្រម៉ា ១ សារុង ១ ថវិកា ២០០.០០០ រៀល គ្រួសាររងគ្រោះមធ្យម ១២ គ្រួសារ ក្នុង ១ គ្រួសារទទួលបាន អង្ករ ៣០ គ.ក្រ ត្រីខ ១០ កំប៉ុង ទឹកស៊ីអ៊ីវ ៦ ដប កន្ទេលបត់ ១ មុង ១ ភួយ ១ សារុង ១ ក្រម៉ា ១ ថវិកា ៥០.០០០ រៀល សមាគម​ភូមិប្រសូត្រ ២ ឧបត្ថម្ភថវិកា ២០០,០០០ រៀល តារយៈសាខាដល់​សមាជិកក្នុងភូមិ ។ ក្នុងឱកាសនោះដែរ​ដោយដោយមើលឃើញពីតម្រូវការចាំបាច់ក្នុងការប្រកបរបរប្រចាំថ្ងៃ និងសំណូមពររបស់លោកតា ពុធ ថន អាយុ ៨៣ ឆ្នាំ រស់នៅម្នាក់ឯង មានមុខរបរដើរលក់ថ្នាំបុរាណ ​រស់នៅភូមិ ត្រោក ឃុំ សំបួរ ស្រុករមាសហែកសាខា បានផ្តល់កង់មួយគ្រឿង ដើម្បីដឹក ថ្នាលក់បន្តទៀត បន្ទាប់ពី​កង់របស់គាត់បានខូចខាត​ទាំងស្រុងដោយសារ​អគ្គីភ័យ​កាលពី ថ្ងៃទី ១០ ខែ មីនា ឆ្នាំ ២០១៩ កន្លងទៅ​បន្ទាប់ពីសាខា​បានឆ្លើយតបជាស្បៀង​ សម្ភារ និងថវិកា ម្តងរួចហើយ ។

កាកបាទក្រហមកម្ពុជា រៀបចំពិធីអបអរសាទរ ទិវាឆ្មបជាតិ-អន្តរជាតិ នៅស្រុកបាភ្នំ ខេត្តព្រៃវែង

កាកបាទក្រហម​កម្ពុជា ដែលមាន​ សម្តេច​កិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ និងជាឥស្សរជនឆ្នើម​ថ្នាក់ជាតិ​នៃផែនការ​សកម្មភាពរួមអគ្គលេខាធិការ​អង្គការសហប្រជាជាតិ​ ដេីម្បីសុខភាពស្ត្រីនិងកុមារ បានរៀបចំ​ពិធីអបអរសាទរ​ ទិវាឆ្មបជាតិ-អន្តរជាតិ ក្រោមប្រធានបទ​ «ឆ្មបជាអ្នកការពារសិទ្ធិស្ត្រី» នៅស្រុកបាភ្នំ ​ខេត្តព្រៃវែង។

ពិធីនេះប្រព្រឹត្តទៅ​នៅព្រឹកថ្ងៃអាទិត្យ ១៥រោចខែពិសាខ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២ ខែមិថុនា ឆ្នាំ២០១៩ ​ដោយមានការអញ្ជើញចូលរួមពី​ ឯកឧត្ដម ពិត ចំណាន​ សមាជិកគណៈកម្មាធិការកណ្ដាល និងលោកជំទាវ​ ម៉ែន នារីសោភ័គ ​អគ្គលេខាធិការរងទី១​ កាកបាទក្រហម​កម្ពុជា ឯកឧត្តមឧកញ៉ា សុខ ផេង​ អនុប្រធានអចិន្ត្រៃយ៍​សាខាកាកបាទក្រហម​កម្ពុជា ខេត្តព្រៃវែង ព្រមទាំង​មន្ត្រីទីស្នាក់ការកណ្ដាល​ អាជ្ញាធរមូលដ្ឋាន យុវជនសហភាព​សហព័ន្ធយុវជន​កម្ពុជា យុវជន​កាកបាទក្រហម​កម្ពុជា និស្សិតពេទ្យ និង​ស្ត្រីមានផ្ទៃពោះ សរុបប្រមាណ​ ១០១នាក់។

ក្នុងឱកាសនោះដែរ ​លោកជំទាវ ម៉ែន នារីសោភ័គ ​អគ្គលេខាធិការរងទី១ បាន​អានសារលិខិត​ សម្តេចកិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា និងជាឥស្សរជន​ឆ្នើមថ្នាក់ជាតិនៃផែនការសកម្មភាព​រួមអគ្គលេខាធិការ​អង្គការសហប្រជាជាតិ​ ដើម្បីសុខភាពស្ត្រី​ និងកុមារ ផ្ញើជូនបង-ប្អូនជនរួមជាតិ​ក្នុងទិវាឆ្មបជាតិ-អន្តរជាតិ ៥ ឧសភា ២០១៩ ដែលមានខ្លឹមសារ​សំខាន់ថា៖ ក្មួយៗដែលជាឆ្មបជំនាញ សូមចូលរួ​មលើកកម្ពស់​ការការពារ​ សិទ្ធិស្ត្រី រួមទាំងសិទ្ធិរស់រានមានជីវិត សិទ្ធិរស់នៅប្រកបដោយ​សេចក្តីថ្លៃថ្នូរ គ្មានការរើសអើង​ រំលោភបំពាន មានសមភាពក្នុង​ការរៀនសូត្រ ប្រកបការងារ និងសម្រេច​ចិត្តរៀបចំគ្រួសារ។ ការប្រារព្ធ​ទិវាឆ្មបជាតិ-អន្តរជាតិនេះ​ គឺមានសារៈសំខាន់​ទៅលើឆ្មបជំនាញ ដែលទទួល​បានការបណ្តុះបណ្តាល ហើយជាអ្នកត្រូវ​មានតួនាទី និងភារកិច្ច​ស្រួចស្រាវក្នុងការជួយគាំទ្រ​ស្ត្រីពេញទំហឹង ទាំងកម្លាំងកាយ និងកម្លាំងចិត្ត តាមរយៈការថែទាំសុខភាព​ក្នុងពេលពរពោះ ពន្យល់ស្ត្រីឱ្យយល់ពី​សញ្ញាគ្រោះថ្នាក់ ដែលស្រ្តីអាច​ជួបប្រទះមុនពេល​និងក្រោយពេលសម្រាលកូនរួច អប់រំអំពីរបប​អាហារឱ្យបានត្រឹមត្រូវ​ទាំងមុន​ពេលសម្រាលកូន ​និងក្រោយពេល​សម្រាលកូនរួច។

ជាមួយគ្នានោះ ​ ឯកឧត្តម ពិត ចំណាន បានមាន​ប្រសាសន៍ផ្ញើជូន​ប្រជាពលរដ្ឋទាំងអស់​ ជាពិសេសស្រ្តីមានផ្ទៃពោះ ក្នុងឱកាស​ទិវាឆ្មបជាតិ-អន្តរជាតិ ដោយសូមឱ្យស្រ្តី​មានផ្ទៃពោះទាំងអស់ប្រតិបត្តិតាមរួមមាន​ ៖
១- សូមឱ្យស្រ្តីមាន​គភ៌ទាំងអស់ អញ្ជើញ​ទៅពិនិត្យសុខភាព ពិគ្រោះយោបល់​ជាមួយគ្រូពេទ្យឆ្មប ជំនាញនៅមណ្ឌល ​សុខភាព ឬមន្ទីរពេទ្យ​ដែលនៅជិតផ្ទះតាមកាលកំណត់​ទទួលយក សេវាបង្ការ ព្យាបាលទាំងអស់ឱ្យបាន​ទៀងទាត់តាមការណែនាំ​របស់គ្រូពេទ្យជំនាញ ​និងស្ម័គ្រចិត្តធ្វើតេស្តឈាមដើម្បីពិនិត្យស្ថានភាព​មេរោគអេដស៍​ និងមេរោគស្វាយ​ ដើម្បីលុបបំបាត់ ពិការភាព និងការចម្លង​ជំងឺទាំងពីរនេះ​ពីម្តាយទៅកូន។
២- សូមទៅសម្រាលកូននៅ​ មណ្ឌលសុខភាព ឬមន្ទីរពេទ្យ​ដែលមានគ្រូពេទ្យ ឆ្មបជំនាញ​ទទួល បានការបណ្តុះបណ្តាល​ត្រឹមត្រូវ។
៣- សូមអញ្ជើញទៅពិនិត្យសុខភាព​ក្រោយ​ពេលសម្រាល​ទាំងមាតា និងទារក និងទទួលថ្នាំបង្ការជំងឺ១១មុខ តាមការកំណត់​របស់គ្រូពេទ្យ។
៤- សូមបំបៅ​ទារកដោយ​ទឹកដោះម្តាយ​តែមួយមុខគត់ ចាប់​ពីពេលទារកប្រសូតភ្លាម​រហូតដល់ទារកមានអាយុ ៦ខែ និងផ្តល់អាហារ​បន្ថែមគ្រប់មុខ គ្រប់ជីវជាតិ (បបរខាប់គ្រប់គ្រឿង) រួមជាមួយ​ ការបន្តបំបៅទឹកដោះម្តាយ​រហូតដល់កុមារមាន​អាយុយ៉ាងតិច ២ឆ្នាំ។
៥- សូមប្រញាប់យកទារក​ទៅមន្ទីរពេទ្យភ្លាម នៅពេលឃើញសញ្ញា​គ្រោះថ្នាក់ណាមួយ​នៃជំងឺ រលាកផ្លូវដង្ហើម ជំងឺរាក ​ឬជំងឺឆ្លងដទៃទៀត និងយកទារក​ ឬកុមារតូចដែលមាន​រាងកាយស្គម ឬមិនឡើងទម្ងន់សោះ ទៅពិគ្រោះយោបល់​ និងទទួលការព្យាបាល​ នៅមន្ទីរពេទ្យ។

ទន្ទឹមនឹងនោះ ក្រុមគ្រូពេទ្យមក​ពីសាកលវិទ្យាល័យវិទ្យាសាស្ត្រ​សុខាភិបាល បានផ្ដល់​សេវាអប់រំ ណែនាំ ផ្សព្វផ្សាយសារសុខភាព ពិនិត្យផ្ទៃពោះដោយប្រើម៉ាស៊ីនអេកូទំនើប​ ផ្ដល់ថ្នាំបំបាត់ការឈឺចាប់ ថ្នាំទម្លាក់ប៉ារ៉ាស៊ីត និងថ្នាំវីតាមីនគ្រប់មុខ​ដោយឥតគិតថ្លៃ ។

ក្នុងនោះដែរដើម្បី​ចូលរួមលើកកម្ពស់​សុខភាពមាតានិងទារក ​កាកបាទក្រហមកម្ពុជា បានផ្តល់ជូនអំណោយជាសម្ភារៈ សម្រាប់បងប្អូនជាស្ត្រីដែលមានផ្ទៃពោះសម្រាប់ប្រើប្រាស់មុនពេល និងក្រោយពេលសម្រាលកូនរួច អំណោយទាំងនោះរួមមាន៖ កន្សែងពោះគោ ១ , សារុង ១, សាប៊ូ ១ដុំ និងថ្នាំដុសធ្មេញ ១ ដប៕

 

1 2 3 4 5 Next Last