អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

កាកបាទក្រហមកម្ពជា ទទួលអំណោយសប្បុរសធម៌ពីសប្បុរសជន ក្នុងខេត្តរតនគិរី

សាខាកក្រកខេត្ត​រតនគិរី៖ នៅរសៀលថ្ងៃចន្ទ ១២កើត​ ខែស្រាពណ៍ ឆ្នាំកុរ ឯកស័ក ព.ស.​២៥៦៣ ត្រូវនឹងថ្ងៃទី ១២ ខែសីហា ឆ្នាំ២០១៩ ​ឯកឧត្តមវេជ្ជ. អ៊ុយ សំអាត​ នាយក នាយកដ្ឋាន​គ្រប់គ្រងគ្រោះមហន្តរាយ​ កាកបាទក្រហមកម្ពជា និងមាន​ការអញ្ជើញចូលរួម​ពីលោក លោកស្រី ​សមាជិក សមាជិកាសាខា ​អញ្ជើញសំណេះសំណាល និងទទួល​អំណោយសប្បុរសធម៌​ពីសប្បុរសជនសម្រាប់​ប្រតិបត្តិការងារ​មនុស្សធម៌ចុះជួយប្រជាពលដ្ឋ​ដែលបានរងគ្រោះដឹកជំនន់ ​កាលពីថ្ងៃទី ០៩-១១ ខែ សីហា ឆ្នាំ ​២០១៩ ក្នុងខេត្តរតនគិរី​។ សប្បុរសជន រួមមានៈ
១-ឯកឧត្តម សុខ វុឌ្ឍី សមាជិក​ក្រុមប្រឹក្សាខេត្តរតនគិរី ​អង្ករ ១តោន
២-លោក អ៊ា ស្រេងលីម ​ម្ចាស់ កាឡាក់ស៊ី ​ខេធីវី អង្ករ ៣ តោន មី ៦កេសធំ
៣-ក្រុមហ៊ុនកិនថ្ម​ ប៉ារ៉ាឌីស អង្ករ ១តោន
៤-ក្រុមហ៊ុន ស្រាបៀរកម្ពុជា ​ទឹកពិសារ ចំនួន ៣,០០០កេស។

ក្នុងឱកាសនោះដែរ ​ឯកឧត្តមវេជ្ជ. បានពាំនាំ​នូវប្រសាសន៍ផ្តាំផ្ញើ​ពីសម្តេចកិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន ប្រធានកាកបាទក្រហ​មកម្ពុជា និងការកោតសរសើរ ​អំណរគុណយ៉ាងជ្រាលជ្រៅ​នូវទឹកចិត្តសប្បុរសធម៌​ និងជឿជាក់ក្នុងសម្មភាពមនុស្សធម៌​របស់កាកបាទក្រហមកម្ពុជា ​ដើម្បីសាខាកាកបាទក្រហមកម្ពុជា​ ខេត្តរតនគិរី មានលទ្ធភាព​ក្នុងការចុះជួយដល់​ប្រជាពលរដ្ឋបានទាន់​ពេលវេលា៕

 

គម្រោងបង្កើននិរន្តរភាពការប្រើប្រាស់ទឹកស្អាត និងអនុវត្តន៍អនាម័យ នៃសាខាកាកបាទក្រហមកម្ពុជាខេត្តស្វាយរៀង

សាខាកក្រកខេត្តស្វាយរៀង៖​នៅថ្ងៃចន្ទ ១២កើត​ ខែស្រាពណ៌ ឆ្នាំកុរ ឯកស័ក ព.ស ២៥៦៣​ ត្រូវនឹងថ្ងៃទី ១២ ខែ សីហា ឆ្នាំ ២០១៩​ នៅទីស្នាក់ការអនុសាខា​កាកបាទក្រហមកម្ពុជាស្រុកចន្ទ្រា​ គម្រោងបង្កើន​និរន្តរភាពការប្រើប្រាស់ទឹកស្អាត​ និងអនុវត្តន៍អនាម័យ នៃសាខា​កាកបាទក្រហមកម្ពុជា​ខេត្តស្វាយរៀង ក្រោមការឧបត្ថម្ភពី​មូលនិធិសប្បុរសធម៌ ​កាទ្យេ តាមរយៈសហពន្ធ័អន្តរជា​តិ កាកបាទក្រហម អឌ្ឈចន្ទក្រហម បានបើកវគ្គបណ្តុះបណ្តាល​ស្តីពី ការថែទាំ​និងជួសជុលឧបករណ៍ សម្ភារអនាម័យ ​ដល់គណៈកម្មការ​ថែទាំ និងជួសជុលឧបករណ៍​សម្ភារអនាម័យ ដែលវគ្គ ​បណ្តុះបណ្តាលនេះមាន​រយៈពេល ១ ថ្ងៃ ក្រោម​ការសម្របសម្រួលពីមន្ត្រីគម្រោង​ សហការជាមួយ​មន្ត្រីមកពី មន្ទីអភិវឌ្ឍន៍ជន​បទខេត្ត ក្រោមប្រធានបទ ​ការប្រើប្រាស់ទឹកស្អាត ​និងការធ្វើឲ្យប្រសើរឡើង ​នូវការផ្គត់ផ្គង់ទឹកស្អាត ​និងអនាម័យ និយមន័យទឹកស្អាត​ ស្នប់អាហ្វ្រីដែវ ការប្រើប្រាស់ និងការថែទាំអណ្តូងទឹក​ របៀបស្តារអណ្តូងពេលមានទឹកជំនន់ ។ 


ក្នុងគោលបំណងដើម្បីផ្តល់ចំណេះដឹងដល់ក្រុម​គាំទ្រសហគមន៍ ស្តីពីការថែរទាំ ​និងជួសជុលឧបករណ៍ សម្ភារអនាម័យ​ ដើម្បីឲ្យឧបករណ៍​ សម្ភារអនាម័យទាំងនោះ​មាននិរន្តរភាព ​និងប្រើប្រាស់បានយូរអង្វែង ។ 


ពិធីនេះបានការ​អញ្ជើញចូលរួមពី​ លោក សរ វណ្ណា នាយកសាខា​កាកបាទក្រហមកម្ពុជា​ខេត្តស្វាយរៀង លោក ឱម វុឌ្ឍរ៉ូ មន្ត្រីសម្របសម្រួល​គម្រោង ការិយាល័យ​ការពារជម្ងឺឆ្លង និងមិនឆ្លង នាយកដ្ឋានសុខភាព កាកបាទក្រហមកម្ពុជា ព្រមទាំង លោក លោកស្រី ជាអ្នកទទួលផលពីគម្រោង សរុបចំនួន ២៥ នាក់ មកពីឃុំគោលដៅ ទាំង ៣ ក្នុងស្រុកចន្ទ្រា គឺឃុំទួលស្តី ចន្ទ្រា និងឃុំសំរោង ។ 


លោក សរ វណ្ណា នាយកសាខា មានមតិ​សំណេះសំណាលក្នុងពិធីបើកវគ្គ​នេះដោយបញ្ជាក់​ពីសារៈសំខាន់នៃវគ្គនេះក្នុងការថែរក្សាសម្ភារ ដែលបាន​ទទួលពីគម្រោង ហើយសិក្ខាកាមនឹងទទួលបាន​ចំណេះដឹងជាមូលដ្ឋាន គឺអនាម័យទឹកស្អាត ការថែទាំ ​និងជួសជុលឧបករណ៍​ សម្ភារអនាម័យ ហើយនៅ​ពេលបញ្ចប់វគ្គនេះសិក្ខាកាមត្រូវ​យកចំណេះដឹងទាំងនេះទៅ​ធ្វើសកម្មភាពនៅតាម​មូលដ្ឋាន ឲ្យមានប្រសិទ្ធិភាព ​ត្រូវរួមសហការគ្នា ដើម្បីផ្តល់សេវាកម្មមនុស្សធម៌​ដល់ប្រជាពលរដ្ឋនៅក្នុងសហគមន៍​ឲ្យបានទាន់ពេលវេលា ។

សាខាកាកបាទក្រហមកម្ពុជា ខេត្តសៀមរាប ចូលរួមបើក កម្មវិធី “ជិះកង់ដើម្បីបរិស្ថាន និងសុខភាពកុមារ ដើម្បីជួយទ្រទ្រង់សកម្មភាពជួយសង្គ្រោះកុមារកម្ពុជា របស់មន្ទីរពេទ្យ កុមារកម្ពុជា

សាខា កក្រក ខេត្តសៀមរាប ​៖ នៅព្រឹកថ្ងៃអាទិត្យ​១១កើត ខែស្រាពណ៍ ឆ្នាំកុរ ​ឯកស័ក ព.ស ២៥៦៣ ​ត្រូវនឹងថ្ងៃទី ១១ ខែសីហា ឆ្នាំ២០១៩​ លោកជំទាវ ទាង អេង ទៀសីហា​ អនុប្រធានគណៈកម្មាធិការ​សាខាកាកបាទក្រហមកម្ពុជា​ ខេត្តសៀមរាប តំណាងឯកឧត្តម ​ទៀ សីហា ប្រធានគណៈកម្មាធិការ​សាខា បានដឹកនាំ​យុវជនកាកបាទក្រហមកម្ពុជា ចូលរួម​បើក និងឧបត្ថម្ភថវិកាចំនួន​ ​២លានរៀល​ ក្នុងកម្មវិធី ​“ជិះកង់ដើម្បីបរិស្ថាន និងសុខភាពកុមារ”​ ដែលកម្មវិធីនេះប្រារព្ធ​ឡើងដើម្បីជួយទ្រទ្រង់​សកម្មភាពជួយសង្គ្រោះកុមារ​កម្ពុជា របស់មន្ទីរពេទ្យ ​កុមារកម្ពុជា។

មានប្រសាសន៍នា​ឱកាសនោះលោកជំទាវអនុប្រធាន​បានថ្លែងអំណរគុណដល់​មន្ទីរពេទ្យកុមារ​អង្គរ ដែលជួយសង្គ្រោះ​កុមារកម្ពុជា ​រាប់លាននាក់ក្នុង​រយៈពេលកន្លងដោយឥតគិថ្លៃ ​ហើយមន្ទីរពេទ្យនេះ​អាចដំណើរការទៅ​បានក៏អាស្រ័យលើ កម្លាំងរួបរួម​សាមគ្គីគ្នាដូចថ្ងៃនេះ ដែល​មានចួលរួមយ៉ាងច្រើន​កុះករ បង្ហាញពី​ ភាតរភាព និងសាមគ្កីភាព​ ដ៏រឹងមាំ ក្នុងការជួយ​កុមារកម្ពុជាយើង។ ​លោកជំទាវ ក៏បន្តថា នាឱកាស​ឆ្នាំក្រោយៗ យើងសង្ឃឹងថា នឹងមាន​ការចូលរួមយ៉ាងច្រើន​កុះករដូចថ្ងៃនេះ ដើម្បីបរិស្ថាន ​និងសុខភាព និងសូមជូនពរ​បងប្អូនជាសប្បុរសជន​ សូមធ្វើដំណើរ​ដោយរីក និងប្រកប​ដោយសុវត្ថិភាព ៕

 

យុវជន កាកបាទក្រហមកម្ពុជាចូលរួម គម្រោងសុវត្ថិភាពចរាចរណ៍យុវជន កាកបាទក្រហមកម្ពុជា

សាខាកក្រករាជធានីភ្នំពេញ៖ នាថ្ងៃសៅរ៍ ១០កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ១០​ ខែ​ សីហា ឆ្នាំ​ ២០១៩​នេះ​ គម្រោងសុវត្ថិភាពចរាចរណ៍​សាខាកាកបាទក្រហមកម្ពុជា​ រាជធានីភ្នំពេញ​ ដោយមានយុវជនកាកបាទក្រហមកម្ពុជា​ ចំនួន១០០នាក់ រួមជាមួយគ្រូ​ទីប្រឹក្សាចំនួន៧នាក់ និងមានការ​ចាត់ចែងពីមន្រ្តីប្រតិបត្តិសាខា បានចុះអប់រំសុវត្ថិភាព​ចរាចរណ៍តាមស្តុប​គោលដៅចំនួន៥ ក្នុងរាជធានីភ្នំពេញ រួមមាន៖​ ស្តុបណានជីង​ ស្តុបដេអិន ស្តុបសន្ធរម៉ុក​ ស្តុបទេពផន និងស្តុបផ្សារមាន់អាំង​ ។

នៅតាមបណ្តា​ស្តុបគោលដៅនីមួយៗ​ យុវជនយើងខ្លះបានឈរកាន់​ទង់បញ្ជាចរាចរណ៍​ ខ្លះឈរអំពាវនាវតាមឧឃោសនស័ព្ទ​ ខ្លះឈរកាន់បដាដែលមាន​ខ្លឹមសារពាក់ព័ន្ធនឹង​សុវត្ថិភាពចរាចរណ៍​ ខិតខំដោយយកចិត្តទុកដាក់​ ក្នុងគោលបំណង​សំដៅជួយដាស់តឿនក្រើន​រំលឹកបន្ថែមទៀតដល់​ប្រជាពលរដ្ឋយើងដែលធ្វើដំណើរ​តាមដងផ្លូវសូមមាន​ការភ្ញាក់រលឹក ចេះគោរព​ច្បាប់ចរាចរណ៍ ភ្លើងសញ្ញា ផ្លាកសញ្ញា គំនូសសញ្ញា និងបើកបរ​ត្រូវមានសុជីវធម៌ សីលធម៌ ​ចេះយោគយល់អធ្យាស្រ័យ​គ្នាទៅវិញទៅមក ដើម្បីចៀសវាងនូវគ្រោះថ្នាក់ចរាចរណ៍​ដែលអាចកើតឡើង​ជាយថាហេតុ​ និងជាពិសេស​ក្នុងន័យសំដៅ​រួមគ្នាធ្វើឱ្យចរាចរណ៍​ក្នុងរាជធានីភ្នំពេញ ក៏ដូចជាក្នុង​ប្រទេសយើងទាំងមូល​មានរបៀបរៀបរយ​ និងធ្វើដំណើរប្រកបដោយសុវតិ្ថភាព​ ៕

 

សាខាកាកបាទក្រហមកម្ពុជាខេត្ត ស្វាយរៀង សួរសុខទុក្ខ ចាស់ជរាគ្មានទីពឹង ជនពិការ អ្នករស់នៅជាមួយមេរោគអេដស៍ និងគ្រួសារ មានជីវភាពខ្វះខាត នៅ ក្នុងក្រុងស្វាយរៀង

សាខាកក្រកខេត្តស្វាយរៀង​៖ ដើម្បីឆ្លើយតបទៅនឹង​តម្រូវការរបស់​ប្រជាពលរដ្ឋជាជន​ងាយរងគ្រោះ នៅថ្ងៃ សៅរ៍ ១០កើត ​ខែស្រាពណ៌ ឆ្នាំកុរ ឯកស័ក ព.ស​ ២៥៦៣ ត្រូវនឹង ថ្ងៃទី ១០ ខែ សីហា ឆ្នាំ ២០១៩ នៅ ទី ស្នាក់ការអនុសាខា​កាកបាទក្រហមកម្ពុជា​ក្រុងស្វាយរៀង ក្រុមការងារ​សាខាកាកបាទក្រហមកម្ពុជា​ខេត្ត ស្វាយរៀង ដឹកនាំដោយ​ ឯកឧត្តម ម៉ែន វិបុល​ ប្រធានគណៈកម្មាធិការ​សាខា ព្រមទាំងសមាជិ​ក សមាជិកការនៃគណៈកម្មាធិការសាខា ​បាននាំយកអំណោយ​មនុស្សធម៌ចុះសំណេះសំណាល ​សួរសុខទុក្ខ និង​ចែកអំណោយ​ជូនចាស់ជរាគ្មានទីពឹង ២៩ ជនពិការ ៤ នាក់ អ្នករស់​នៅជាមួយមេរោគ​អេដស៍ ២ នាក់ និងគ្រួសារ​ មានជីវភាពខ្វះខាត ៥៤ គ្រួសារ សរុប ៨៩ គ្រួសារ មកពី ៧ សង្កាត់ ​ក្នុងក្រុងស្វាយរៀង ។
មានប្រសាសន៍​សំណេះសំណាល​នាឱកាសនោះឯកឧត្តម ម៉ែន វិបុល បាន​ពាំនាំនូវសេចក្ដីនឹក​រលឹកពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលតែងតែ​គិតគូរសុខទុក្ខដល់ប្រជាពលរដ្ឋដែល​ជាជនងាយរងគ្រោះ និង​រងគ្រោះដោយគ្រោះមហន្តរាយ​ផ្សេងៗ ឯកឧត្តមបាន​បញ្ជាក់បន្ថែមដល់អ្នកទទួល​អំណោយទាំង ៨៩ គ្រួសារ​ ដោយសង្ខេបអំពីសកម្មភាព​នានារបស់កាកបាទ​ក្រហមកម្ពុជា នៅថ្នាក់សាខា និងអនុសាខា ​បាន យកចិត្តទុកដាក់ និងដោះស្រាយ​បន្ទាន់ដល់គ្រួសារដែល​រងគ្រោះដោយសារគ្រោះធម្មជាតិ ដូចជា ​ខ្យល់កន្ត្រាក់ រន្ទះបាញ់ ​គ្រោះថ្នាក់ចរាចរណ៍ជាដើម ធ្វើឲ្យ​ប្រជាពលរដ្ឋទាំងនោះបានធូស្រាលមួយចំណែក ហើយពេលនេះ​សាខាបានគិតគូដល់​លោកតា លោកយាយ ​ចាស់ជរាដែលគ្មាន​ទីពឹង អ្នករស់នៅជាមួយមេរោគ​អេដស៍ ជនពិកា កុមារកំព្រា ព្រោះ​មិនមែនតែក្រុងស្វាយរៀងមួយ​ទេដែលសាខាត្រូវដោះស្រាយ គឺត្រូវដោះស្រាយ​ដល់ស្រុក ក្រុងផ្សេងទៀតតាម​លទ្ធភាពដែលសាខាមាន ។
អំណោយដែល​ចែកជូនទាំង ៨៩ គ្រួសារ ក្នុង ១ គ្រួសារ​ទទួលបាន អង្ករ ៣០ គ.ក្រ កន្ទេលបត់ ១ មី ១ កេស ត្រីខ ១០ កំប៉ុង ទឹកស៊ីអ៊ីវ ៦ ដប មុង ១ ភួយ ១ ក្រមា ១ សារ៉ុង ១ និងថវិកា ៥០.០០០ រៀល ។

សាខាកាកបាទក្រហមកម្ពុជា ខេត្តក្រចេះ សួរសុខទុក្ខ គ្រួសារក្រីក្រ ចាស់ជរា ស្ថិតនៅឃុំវឌ្ឍនៈ ស្រុកសំបូរ

សាខាកក្រកខេត្តក្រចេះ​ ៖ នៅរសៀលថ្ងៃសុក្រ ​៩កើត ខែស្រាពណ៍ ឆ្នាំកុរ ​ឯកស័ក ព.ស. ២៥៦៣​ ត្រូវនឹង ថ្ងៃទី៩ ខែសីហា ឆ្នាំ២០១៩ នេះ សាខា​កាកបាទក្រហមកម្ពុជា ​ខេត្តក្រចេះ​ ដឹកនាំដោយ លោក ទេព វាសនា ​សមាជិកគណៈកម្មាធិការសាខា​កាកបាទក្រហមកម្ពុជា ​ខេត្តក្រចេះ​ និងសហការី បានចុះសួរសុខទុក្ខ​ និងនាំយកអំណោយ​មនុស្សធម៌ ​របស់សាខាកាកបាទក្រហម​កម្ពុជាខេត្តក្រចេះ ​ទៅចែកជូនគ្រួសារក្រីក្រ ​ចាស់ជរា ចំនួន ១១ គ្រួសារ ស្ថិតនៅ​ឃុំវឌ្ឍនៈ ស្រុកសំបូរ​ ខេត្តក្រចេះ។

ក្នុងឱកាសនោះលោក​បានមានប្រសាសន៍ថា កាកបាទក្រហម​កម្ពុជា ដែលមាន​សម្តេចកិត្តិព្រឹទ្ធបណ្ឌិត ​ប៊ុន រ៉ានី ហ៊ុន សែន ​ជាប្រធាន តែងតែ​យកចិត្តទុកដាក់យ៉ាងខ្លាំង​ ដល់ប្រជាពលរដ្ឋ ទោះបីស្ថិត​ក្នុងស្ថានភាព បែបណាក៏ដោយ គឺតែងបាន​ផ្តល់ភាពកក់ក្តៅ​ដល់បងប្អូនជានិច្ច​ក្នុងគ្រាលំបាក​នានាពោលគឺ “ទីណាមានទុក្ខលំបាក ទីនោះមាន​កាកបាទក្រហមកម្ពុជា”។ បន្ថែមលើនេះទៀត​កាកបាទក្រហមកម្ពុជា ​បានឆ្លើយតបនិងសង្គ្រោះបន្ទាន់ដល់ជនរងគ្រោះ ​និងជនងាយរងគ្រោះ ​អ្នកផ្ទុកមេរោគអេដស៍ ជនពិការ​ កុមារកំព្រា ចាស់ជរាគ្មានទីពឹង ជាពិសេស​ជួយសង្គ្រោះនៅពេលមាន​គ្រោះមហន្តរាយផ្សេងៗ ​ដូចជា គ្រោះរាំងស្ងួត ​ទឹកជំនន់ ជាដើម។

សូមបញ្ជាក់ថា​អំណោយ​ដែលផ្តល់ជូនក្នុង​មួយគ្រួសារទទួលបាន៖ អង្ករ ​២៥គីឡូក្រាម, សារុង១, មុង១, ភួយ១, ក្រមា១, មី១កេស, ត្រីខ១០កំប៉ុង, ខោអាវមួយចំនួន និងថវិកា ៤០.០០០ រៀល៕

 

កាកបាទក្រហមកម្ពុជាចុះសួរសុខទុក្ខប្រជាជនរងគ្រោះដោយទឹកជំនន់នៅស្រុកលំផាត់

សាខារតនគិរី៖ នៅរសៀល​ថ្ងៃទី០៩ ខែសីហា ឆ្នាំ២០១៩ បន្ទាប់ពីការចែក​អំណោយរបស់​សាខា កក្រកខេត្ត​ ដោយ ឯកឧត្តម គន់ គីម​ អនុប្រធានទី១គណៈកម្មាធិការ​ជាតិគ្រប់គ្រង់គ្រោះមហន្តរាយ​ ឯកឧត្តមវេជ្ជ.អ៊ុយ សំអាត នាយក​ នាយកដ្ឋានគ្រប់គ្រងគ្រោះ​មហន្តរាយ កាកបាទក្រហមកម្ពុជា និង ឯកឧត្តម ថង សាវុន ប្រធានគណៈកម្មាធិកាសាខា​ សាខាកាកបាទក្រហម​កម្ពុជាខេត្តរតនគិរី ​ព្រមទាំងសហការី​បានផ្តល់ឃីត ​(មុង ភួយ សារុង ក្រមា) ដែលជាអំណោយ​របស់សម្តេចកិត្តិព្រឹទ្ធបណ្ឌិត​ប៊ុន រ៉ានី ហ៊ុន សែន​ ប្រធានកាកបាទ ក្រហម​កម្ពុជា បន្ថែមលើ​គ្រួសារឥស្លាម ​ចំនួន ១៣ គ្រួសារ ដែល​ជម្លៀសមកស្នាក់នៅក្នុង ​សាលាស្រុកលំផាត់។


គួរបញ្ជាក់ផងដែរថា​ កាកបាទក្រហមកម្ពុជា​ ដែលមាន​សម្តេចកិត្តិបណ្ឌិត ប៉ុន រានី ហ៊ុនសែន ​ជាប្រធាន បានផ្តល់អំណោយសង្គ្រោះ មក​សាខាខេត្ត ដើម្បីចាត់ចែង​ដល់គ្រួសារដែលកំពុង ​ជម្លៀសស្នាក់​នៅទួលសុវត្ថិភាពរួមមាន៖
-មី ៣២០ កេះ តូច ត្រីខ ៥០០យួរ ឃីត (មុង ភួយ សារុង ក្រមា) ៥០០កញ្ចប់ កៅស៊ូតង់ ១៥០ ដុំ និងតង់តម្លើង ៥ តង់។

ផែនការបន្ទាប់ ព្រឹកថ្ងៃទី១០ ​ខែសីហា ២០១៩ ឯកឧត្តមវេជ្ជ.អ៊ុយ​ សំអាត នាយក នាយកដ្ឋាន​គ្រប់គ្រងគ្រោះមហន្តរាយ​ កាកបាទក្រហម​កម្ពុជា និង ឯកឧត្តម ថង សាវុន​ ប្រធានគណៈកម្មាធិការ​សាខា និងសហការី​ បន្តដំណើរ​ចុះសួរសុខទុក្ខ ​ប្រជាពលរដ្ឋទទួលជម្លៀស​នៅទួលសុវត្ថិភាព​សាលាបឋមសិក្សាស្រែពក​តូច ឃុំសិរិមង្គល នៅស្រុកកូនមុំ។ ទូរលេខ​បឋម មានគ្រួសារ​រងគ្រោះក្នុងស្រុកកូនមុំ ចំនួន ៦៨៣ គ្រួសារ ស្មើនឹង ២,៤៣៥ គ្រួសារ ក្នុង ៣ ឃុំ ស្មើនឹង ៧ ភូមិ។ មកដល់ពេលនេះទឹក​ទន្លេស្រែពកនៅ​តែបន្តឡើង ហើយ​ភ្លៀងទៀត។

 

សាខាកាកបាទក្រហមកម្ពុជា ខេត្តកំពង់ស្ពឺ សួរសុខទុក្ខ ប្រជាពលរដ្ឋងាយរងគ្រោះ នៅភូមិក្រវៀន សង្កាត់កណ្តោលដុំ ក្រុងច្បារមន

សាខាកក្រកខេត្តកំពង់ស្ពឺ ៖ កាលពីរសៀលថ្ងៃ​ ព្រហស្បត្តិ ៨កើត ខែស្រាពណ៍​ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៨ ខែ សីហា ឆ្នាំ ២០១៩ សាខា​កាកបាទក្រហមកម្ពុជា ​ខេត្តកំពង់ស្ពឺ ដឹកនាំដោយ ឯកឧត្តម វ៉ី សំណាង​ ប្រធានគណៈកម្មាធិការសាខា ​និងសហការី បានចុះសួរសុខទុក្ខ​ និងនាំយកអំណោយមនុស្សធម៌​របស់កាកបាទក្រហមកម្ពុជា​ ជូនដល់ប្រជាពលរដ្ឋ​ងាយរងគ្រោះចំនួន ១៧គ្រួសារ និងប្រគល់ផ្ទះ​ចំនួន ១ខ្នង ធ្វើអំពីដែកប្រក់សង្ក័សី​ ជញ្ជាំងសង្ក័សី ស្ថិតនៅភូមិក្រវៀន ​សង្កាត់កណ្តោលដុំ ក្រុងច្បារមន​ ខេត្តកំពង់ស្ពឺ។

ក្នុងឱកាសនោះដែរ ​ឯកឧត្តមប្រធាន បានពាំនាំ​នូវប្រសាសន៌ផ្តាំ​ផ្ញើសាកសួរ​សុខទុក្ខនិងក្តីនឹករលឹក​ពីសំណាក់​សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុន សែន ប្រធាន​ កាកបាទក្រហមកម្ពុជា​ ដែលជានិច្ចកាល សម្តេចតែងតែគិត​គូរពីសុខទុក្ខរបស់បងប្អូន​ប្រជាពលរដ្ឋក្រីក្រ ​ដែលមានទុក្ខលំបាក​ជនរងគ្រោះ ជនងាយរងគ្រោះគ្រប់ប្រភេទ​ ដោយមិនប្រកាន់រើស​អើងវណ្ណៈ ជាតិសាសន៌ ​ពណ៍សម្បុរ ឬនិន្នាការនយោបាយអ្វីឡើយ។

អំណោយដែល​បានផ្តល់ជូនប្រជាពលរដ្ឋដែលទទួល​បានផ្ទះរួមមាន ៖ អង្ករ ២៥គីឡូក្រាម មី ១កេស ត្រីខ១០កំប៉ុង ប្រេងឆា ១ដប ទឹកត្រីទឹកស៊ីអ៉ីវ ១យួរ ទឹកដោះគោ ១កំប៉ុង នំធុង ១ធុង កន្ទេល ១ ភួយ ១ សារុង ១ ក្រម៉ា ១ មុង ១និងថវិកាចំនួន ១០០,០០០រៀល។
អំណោយដែល​បានផ្តល់ជូនប្រជាពលរដ្ឋ​ងាយរងគ្រោះ​រួមមាន ៖ អង្ករ ២៥គីឡូក្រាម មី១កេស​ ត្រីខ ១០កំប៉ុង ប្រេងឆា ១ដប ទឹកត្រីទឹកស៊ីអ៉ីវ ​១យួរ នំធុង១ធុង ទឹកដោះគោ ១កំប៉ុង និងថវិកា ២០,០០០រៀលផងដែរ ៕

 

សាខាកាកបាទក្រហមកម្ពុជា ខេត្តស្វាយរៀង សួរសុខទុក្ខ ចាស់ជរាគ្មានទីពឹង គ្រួសារមានជីវភាពខ្វះខាត អ្នករស់នៅជាមួយមេរោគអេដស៍ ក្នុងស្រុកកំពង់រោទិ៍

សាខាកក្រក​ខេត្តស្វាយរៀង​៖ នៅថ្ងៃ ព្រហស្បតិ៍ ៨កើត ខែស្រាពណ៌​ ឆ្នាំច សំរឹទ្ធិស័ក ព.ស ២៥៦២ ត្រូវនឹង ថ្ងៃទី ៨ ខែ សីហា ឆ្នាំ​ ២០១៩ នៅវត្តរោទិ៍ ​ឃុំញរ ស្រុកកំពង់រោទិ៍ ​ក្រុមការងារសាខាកាកបាទ​ក្រហមកម្ពុជា ខេត្តស្វាយរៀង ដឹកនាំ​ដោយលោកជំទាវ ដួង វណ្ណា​ ប្រធានកិត្តិយសសាខា រួម​ដំណើរដោយ លោកជំទាវ​ ពៅ សុភាព ហេរញ្ញឹកគណៈកម្មាធិការសាខា​ ព្រមទាំងក្រុមការងារសាខា ​អនុសាខាស្រុក បាននាំយក​អំណោយមនុស្សធម៌​ចុះសំណេះសំណាល​ សួរសុខទុក្ខ និងចែកជូនចាស់ជរា​គ្មានទីពឹង គ្រួសារមាន​ជីវភាពខ្វះខាត ១៣៣​ គ្រួសារ ជនពិការ ១០ នាក់ អ្នករស់នៅ​ជាមួយមេរោគអេដស៍ ​២ នាក់ សរុប ១៤៥ គ្រួសារ មកពី ១១ ឃុំ ក្នុង​ស្រុកកំពង់រោទិ៍ ។


មានប្រសាសន៍សំណេះសំណាល​នាឱកាសនោះ​លោកជំទាវ ដួង វណ្ណា ​បានពាំនាំនូវសេចក្ដីនឹក​រលឹកពីសំណាក់សម្ដេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលតែង​តែគិតគូរសុខទុក្ខដល់ប្រជាពលរដ្ឋទីទ័លក្រ ​ជនពិការ អ្នកផ្ទុក​មេរោគអេដស៍ កុមារកំព្រា​ ជាពិសេសចាស់ជរាគ្មានទីពឹង ​និងបានផ្ដាំផ្ញើដល់ពួកគាត់ឲ្យខិតខំ​ថែរក្សាសុខភាព មានអនាម័យក្នុង​ការរស់នៅ ហើយត្រូវប្រកាន់ខ្ជាប់​នូវការហូបស្អាត រស់នៅស្អាត និងពិសារ​ទឹកដាំពុះ ដើម្បីការពារជម្ងឺឆ្លងនានា​ដែលបណ្តាលមកពីការកង្វះអនាម័យ​ ហើយប្រឹងប្រែងប្រកបរបរ​បន្ថែមទៀត ដើម្បីលើកស្ទួយ​កម្រិតជីវភាពគ្រួសារ ត្បិតអំណោយ​ដែលបានផ្តល់ជូននាពេលនេះ គឺបានជួយសម្រាល​ការលំបាកមួយគ្រាតែប៉ុណ្ណោះ ។
អំណោយដែលចែក​ជូនទាំង ១៤៥ គ្រួសារ ក្នុង ១ គ្រួសារទទួលបាន អង្ករ ៣០ គ.ក្រ ​កន្ទេលបត់ ១ មី ១ កេស ត្រីខ ១០ កំប៉ុង ទឹកស៊ីអ៊ីវ ៦ ដប មុង ១ ភួយ ១ ក្រមា ១ សារ៉ុង ១ និងថវិកា ៥០.០០០ រៀល

 

សាខាកាកបាទក្រហមកម្ពុជា ខេត្តកំពង់ចាម នាំយកអំណោយមនុស្សធម៌ ចែកជូនដល់សិស្ស ពិកា គរ ថ្លង់ នៅវិទ្យាល័យអប់រំពិសេស

សាខាកក្រក​ខេត្តកំពង់ចាម ៖ នៅព្រឹកថ្ងៃព្រហស្បតិ៍​ ៧កើត ខែស្រាពណ៍ ​ឆ្នាំកុរ ឯកស័ក ព.ស​ ២៥៦៣ ត្រូវនឹងថ្ងៃទី ៧ ខែ សីហា ឆ្នាំ២០១៩ ​នេះ ឯកឧត្តម ប៉ុង យ៉េន ​ប្រធានគណៈកម្មាធិការ​សាខាកាកបាទក្រហម​កម្ពុជា ខេត្តកំពង់ចាម ​នាយកសាខា មន្រ្តីប្រតិបត្តិ​សាខា បាននាំយក​អំណោយមនុស្សធម៌​សម្តេចកិតិ្តព្រឹទ្ធ​បណ្ឌិត ប៊ុន រ៉ានី​ ហ៊ុនសែន ប្រធាន​កាកបាទក្រហមកម្ពុជា ​ទៅចែកជូនដល់សិស្ស ​ពិកា គរ ថ្លង់ចំនួន ១៨០នាក់​ ស្រី៧៥ រៀននៅវិទ្យាល័យ​អប់រំពិសេស ​ខេត្តកំពង់ចាម ។

នៅក្នុងឱកាសនោះដែរ ​ឯកឧត្តម ប៉ុង យ៉េន ​បានពាំនាំនូវប្រសាសន៏ផ្តាំផ្ញើរ​សាកសួរសុខទុក្ខ​ពីសំណាក់ សម្តេចកិតិ្តព្រឹទ្ធបណ្ឌិត ប៊ុន រានី ហ៊ុនសែន​ ប្រធានកាកបាទក្រហម​កម្ពុជា និងសូមសូមឲ្យក្មួយ​ៗ ខិតខំរៀនសូត្រ ប្រុងប្រយ័ត្នខ្ពស់​អំពីជម្ងឺគ្រុនឈាម ​ត្រូវសំអាតផ្ទះសំបែង​សាលារៀនឲ្យបាន​ស្អាតនិងមាន​អនាម័យជានិច្ច​ទាំងការសម្រាកត្រូវ​សម្រាកក្នុងមុងជាចាំ ​និងបំបាត់ទឹកថ្លុក​ដែលដក់នៅជុំវិញ​ផ្ទះសាលារៀន ដូចជាសំបកកំប៉ុង,​សំបកដូង,សំបកកង់ឡាន​ចាស់ៗត្រូវដុតចោលឲ្យ​អស់ នៅពេលមានជម្ងឺនេះ​កើតឡើងត្រូវបញ្ជូនទៅ​មន្ទីរពេទ្យជាបន្ទាន់ ។

អំណោយសរុប​រួមមាន ​អង្ករ ៥០០ គីឡូក្រាម ​មីយើង ២០ កេះ និងអាវយឺត​រោងចក្រ ចំនួន ២០០ អាវ ។

 

1 2 3 4 5 Next Last